Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 52

Araṇyakāṇḍa Sarga 52

अरण्यकाण्डम् • सर्गः 52

Araṇyakāṇḍa Sarga 52 of the classical Vālmīki Rāmāyaṇa with 29 verses.

Total: 29 Verses • Citations: VR 3.52.1–29 • 175 Lexicon Terms
VR 3.52.1 अनुष्टुप्
ह्रियमाणा तु वैदेही कंचिन्नाथमपश्यती । ददर्श गिरिशृङ्गस्थान्पञ्चवानरपुंगवान् ॥
hriyamāṇā tu vaidehī kaṃcinnāthamapaśyatī | dadarśa giriśṛṅgasthānpañcavānarapuṃgavān ||
English Translation
Carried away (by Ravana), Vaidehi, not finding any defender, five principal monkeys stationed on the top of a hill.
VR 3.52.2 उपजातिः
तेषां मध्ये विशालाक्षी कौशेयं कनकप्रभम् । उत्तरीयं वरारोहा शुभान्याभरणानि च । मुमोच यदि रामाय शंसेयुरिति मैथिली ॥
teṣāṃ madhye viśālākṣī kauśeyaṃ kanakaprabham | uttarīyaṃ varārohā śubhānyābharaṇāni ca | mumoca yadi rāmāya śaṃseyuriti maithilī ||
English Translation
Thereat, that lady of expansive eyes and surpassing charms, in the hope that they might convey the intelligence to Rāma, flung off in their midst her gold-gleaming silken sheet, and elegant ornaments.
VR 3.52.3 अनुष्टुप्
वस्त्रमुत्सृज्य तन्मध्ये विनिक्षिप्तं सभूषणम् । संभ्रमात्तु दशग्रीवस्तत्कर्म न च बुद्धिवान् ॥
vastramutsṛjya tanmadhye vinikṣiptaṃ sabhūṣaṇam | saṃbhramāttu daśagrīvastatkarma na ca buddhivān ||
English Translation
In his excitement Ravana failed to notice when Sita dropped down that garment along with ornaments in their midst.
VR 3.52.4 अनुष्टुप्
पिङ्गाक्षास्तां विशालाक्षीं नेत्रैरनिमिषैरिव । विक्रोशन्तीं तदा सीतां ददृशुर्वानरर्षभाः ॥
piṅgākṣāstāṃ viśālākṣīṃ netrairanimiṣairiva | vikrośantīṃ tadā sītāṃ dadṛśurvānararṣabhāḥ ||
English Translation
But the Ten headed one owing to hurry did not observe the throwing of the cloth along with the ornaments. Those foremost of monkeys having tawny eyes observes with winkless eyes the large-eyed Sītā as she was giving way to grief.
VR 3.52.5 अनुष्टुप्
स च पम्पामतिक्रम्य लङ्कामभिमुखः पुरीम् । जगाम रुदतीं गृह्य मैथिलीं राक्षसेश्वरः ॥
sa ca pampāmatikramya laṅkāmabhimukhaḥ purīm | jagāma rudatīṃ gṛhya maithilīṃ rākṣaseśvaraḥ ||
English Translation
The lord of Rākşasas, passing beyond Pampā, directed his course towards the city of Lankā, taking Mithilā's daughter along with him, indulging lamentations.
VR 3.52.6 अनुष्टुप्
तां जहार सुसंहृष्टो रावणो मृत्युमात्मनः । उत्सङ्गेनैव भुजगीं तीक्ष्णदंष्ट्रां महाविषाम् ॥
tāṃ jahāra susaṃhṛṣṭo rāvaṇo mṛtyumātmanaḥ | utsaṅgenaiva bhujagīṃ tīkṣṇadaṃṣṭrāṃ mahāviṣām ||
English Translation
Experiencing the height of delight, Rāvana ravished her, taking her on his lap like a sharp-toothed serpent of virulent poison.
VR 3.52.7 अनुष्टुप्
वनानि सरितः शैलान्सरांसि च विहायसा । स क्षिप्रं समतीयाय शरश्चापादिव च्युतः ॥
vanāni saritaḥ śailānsarāṃsi ca vihāyasā | sa kṣipraṃ samatīyāya śaraścāpādiva cyutaḥ ||
English Translation
And speedily, like an arrow shot from a bow, he, coursing the welkin, left behind woods and streams and mountains and pieces of water.
VR 3.52.8 अनुष्टुप्
तिमिनक्रनिकेतं तु वरुणालयमक्षयम् । सरितां शरणं गत्वा समतीयाय सागरम् ॥
timinakraniketaṃ tu varuṇālayamakṣayam | saritāṃ śaraṇaṃ gatvā samatīyāya sāgaram ||
English Translation
Coming to the abode of Varuņa, that refuge of rivers, the exhaustless ocean—the home of whales and alligators, he crossed over it.
VR 3.52.9 अनुष्टुप्
संभ्रमात्परिवृत्तोर्मी रुद्धमीनमहोरगः । वैदेह्यां ह्रियमाणायां बभूव वरुणालयः ॥
saṃbhramātparivṛttormī ruddhamīnamahoragaḥ | vaidehyāṃ hriyamāṇāyāṃ babhūva varuṇālayaḥ ||
English Translation
In consequence of the carrying away of Vaidehi, Varuna's abode, from grief, had all its waves stilled and its fishes and mighty snakes inert.
VR 3.52.10 अनुष्टुप्
अन्तरिक्षगता वाचः ससृजुश्चारणास्तदा । एतदन्तो दशग्रीव इति सिद्धास्तदाब्रुवन् ॥
antarikṣagatā vācaḥ sasṛjuścāraṇāstadā | etadanto daśagrīva iti siddhāstadābruvan ||
English Translation
And the Cāranas uttered in the heavens these words, O Ten-headed one, this is your end. Thus did the Siddhas then say.
VR 3.52.11 अनुष्टुप्
स तु सीतां विवेष्टन्तीमङ्केनादाय रावणः । प्रविवेश पुरीं लङ्कां रूपिणीं मृत्युमात्मनः ॥
sa tu sītāṃ viveṣṭantīmaṅkenādāya rāvaṇaḥ | praviveśa purīṃ laṅkāṃ rūpiṇīṃ mṛtyumātmanaḥ ||
English Translation
And taking Sītā on his lap, representing his own Death, who endeavoured (to liberate herself). Rāvana entered the city of Lankā.
VR 3.52.12 अनुष्टुप्
सोऽभिगम्य पुरीं लङ्कां सुविभक्तमहापथाम् । संरूढकक्ष्या बहुलं स्वमन्तःपुरमाविशत् ॥
so'bhigamya purīṃ laṅkāṃ suvibhaktamahāpathām | saṃrūḍhakakṣyā bahulaṃ svamantaḥpuramāviśat ||
English Translation
And entering the city of Lankā, vast, with all its highways well-arranged, and with people thronging its gates, he entered his own inner apartment.
VR 3.52.13 अनुष्टुप्
तत्र तामसितापाङ्गीं शोकमोहपरायणाम् । निदधे रावणः सीतां मयो मायामिवासुरीम् ॥
tatra tāmasitāpāṅgīṃ śokamohaparāyaṇām | nidadhe rāvaṇaḥ sītāṃ mayo māyāmivāsurīm ||
English Translation
Then Rāvana set Sītā there, having eyes with dark outer corners, exercised with grief and dole; as if Máyā had set his own Asura Illusion (in his own palace).
VR 3.52.14 अनुष्टुप्
अब्रवीच्च दशग्रीवः पिशाचीर्घोरदर्शनाः । यथा नैनां पुमान्स्त्री वा सीतां पश्यत्यसंमतः ॥
abravīcca daśagrīvaḥ piśācīrghoradarśanāḥ | yathā naināṃ pumānstrī vā sītāṃ paśyatyasaṃmataḥ ||
English Translation
Then the Ten-headed one spoke to some female friends of terrible visages, Let no man or woman behold Sītā without my permission.
VR 3.52.15 अनुष्टुप्
मुक्तामणिसुवर्णानि वस्त्राण्याभरणानि च । यद्यदिच्छेत्तदेवास्या देयं मच्छन्दतो यथा ॥
muktāmaṇisuvarṇāni vastrāṇyābharaṇāni ca | yadyadicchettadevāsyā deyaṃ macchandato yathā ||
English Translation
And I command that, should she ask for pearls, or rubies, or gold, or apparel, or ornaments, the same should be rendered to her.
VR 3.52.16 अनुष्टुप्
या च वक्ष्यति वैदेहीं वचनं किंचिदप्रियम् । अज्ञानाद्यदि वा ज्ञानान्न तस्या जीवितं प्रियम् ॥
yā ca vakṣyati vaidehīṃ vacanaṃ kiṃcidapriyam | ajñānādyadi vā jñānānna tasyā jīvitaṃ priyam ||
English Translation
She that, whether knowingly or unknowingly should say anything unpleasant to Vaidehī, would hold her life cheap.
VR 3.52.17 उपजातिः
तथोक्त्वा राक्षसीस्तास्तु राक्षसेन्द्रः प्रतापवान् । निष्क्रम्यान्तःपुरात्तस्मात्किं कृत्यमिति चिन्तयन् । ददर्शाष्टौ महावीर्यान्राक्षसान्पिशिताशनान् ॥
tathoktvā rākṣasīstāstu rākṣasendraḥ pratāpavān | niṣkramyāntaḥpurāttasmātkiṃ kṛtyamiti cintayan | dadarśāṣṭau mahāvīryānrākṣasānpiśitāśanān ||
English Translation
Heaving said this to the Rākşasis, the puissant lord of the Rākṣasas, went out of the inner apartment, and thought within himself as to what was to be done (next). And he saw eight flesheating Rākşasas of wondrous prowess.
VR 3.52.18 अनुष्टुप्
स तान्दृष्ट्वा महावीर्यो वरदानेन मोहितः । उवाचैतानिदं वाक्यं प्रशस्य बलवीर्यतः ॥
sa tāndṛṣṭvā mahāvīryo varadānena mohitaḥ | uvācaitānidaṃ vākyaṃ praśasya balavīryataḥ ||
English Translation
And seeing them, the exceedingly powerful. (Ravana), blinded by the bestowal of the boon, after extolling their strength and heroism, addressed them.
VR 3.52.19 अनुष्टुप्
नानाप्रहरणाः क्षिप्रमितो गच्छत सत्वराः । जनस्थानं हतस्थानं भूतपूर्वं खरालयम् ॥
nānāpraharaṇāḥ kṣipramito gacchata satvarāḥ | janasthānaṃ hatasthānaṃ bhūtapūrvaṃ kharālayam ||
English Translation
Equipped with various weapons, do you speedily take yourself to Janasthāna-that field of carnage-which ere this contained the abode of Khara; and casting off fear at a distance, do you sojourn in vacant Janasthāna with all its Raksasas slain (by Rama).
VR 3.52.20 अनुष्टुप्
तत्रोष्यतां जनस्थाने शून्ये निहतराक्षसे । पौरुषं बलमाश्रित्य त्रासमुत्सृज्य दूरतः ॥
tatroṣyatāṃ janasthāne śūnye nihatarākṣase | pauruṣaṃ balamāśritya trāsamutsṛjya dūrataḥ ||
English Translation
Equipped with various weapons, do you speedily take yourself to Janasthāna-that field of carnage-which ere this contained the abode of Khara; and casting off fear at a distance, do you sojourn in vacant Janasthāna with all its Raksasas slain (by Rama).
VR 3.52.21 अनुष्टुप्
बलं हि सुमहद्यन्मे जनस्थाने निवेशितम् । सदूषणखरं युद्धे हतं तद्रामसायकैः ॥
balaṃ hi sumahadyanme janasthāne niveśitam | sadūṣaṇakharaṃ yuddhe hataṃ tadrāmasāyakaiḥ ||
English Translation
A great many troops endued with exceeding prowess, who had been posted in Janasthāna, have, along with Düşana and Khara, been slain by the shafts of Rāma.
VR 3.52.22 अनुष्टुप्
ततः क्रोधो ममापूर्वो धैर्यस्योपरि वर्धते । वैरं च सुमहज्जातं रामं प्रति सुदारुणम् ॥
tataḥ krodho mamāpūrvo dhairyasyopari vardhate | vairaṃ ca sumahajjātaṃ rāmaṃ prati sudāruṇam ||
English Translation
Hence unprecedented is my wrath, towering above my patience; and great and fierce also is the hostility I have conceived against Rāma.
VR 3.52.23 अनुष्टुप्
निर्यातयितुमिच्छामि तच्च वैरमहं रिपोः । न हि लप्स्याम्यहं निद्रामहत्वा संयुगे रिपुम् ॥
niryātayitumicchāmi tacca vairamahaṃ ripoḥ | na hi lapsyāmyahaṃ nidrāmahatvā saṃyuge ripum ||
English Translation
I wish to avenge myself on my mighty enemy. Sleep find I none without slaying my foe in fight. Slaying that slayer of Khara and Dūşaņa, Rāma, I shall attain delight like to that attained by a pauper on gaining riches.
VR 3.52.24 अनुष्टुप्
तं त्विदानीमहं हत्वा खरदूषणघातिनम् । रामं शर्मोपलप्स्यामि धनं लब्ध्वेव निर्धनः ॥
taṃ tvidānīmahaṃ hatvā kharadūṣaṇaghātinam | rāmaṃ śarmopalapsyāmi dhanaṃ labdhveva nirdhanaḥ ||
English Translation
I wish to avenge myself on my mighty enemy. Sleep find I none without slaying my foe in fight. Slaying that slayer of Khara and Dūşaņa, Rāma, I shall attain delight like to that attained by a pauper on gaining riches.
VR 3.52.25 अनुष्टुप्
जनस्थाने वसद्भिस्तु भवद्भी राममाश्रिता । प्रवृत्तिरुपनेतव्या किं करोतीति तत्त्वतः ॥
janasthāne vasadbhistu bhavadbhī rāmamāśritā | pravṛttirupanetavyā kiṃ karotīti tattvataḥ ||
English Translation
Staying in Janasthāna, you shall gather true information touching Rāma as to what he is about. Repair all you rangers of the night carefully, and strive yourselves always for slaying Rāma.
VR 3.52.26 अनुष्टुप्
अप्रमादाच्च गन्तव्यं सर्वैरेव निशाचरैः । कर्तव्यश्च सदा यत्नो राघवस्य वधं प्रति ॥
apramādācca gantavyaṃ sarvaireva niśācaraiḥ | kartavyaśca sadā yatno rāghavasya vadhaṃ prati ||
English Translation
Staying in Janasthāna, you shall gather true information touching Rāma as to what he is about. Repair all you rangers of the night carefully, and strive yourselves always for slaying Rāma.
VR 3.52.27 अनुष्टुप्
युष्माकं हि बलज्ञोऽहं बहुशो रणमूर्धनि । अतश्चास्मिञ्जनस्थाने मया यूयं नियोजिताः ॥
yuṣmākaṃ hi balajño'haṃ bahuśo raṇamūrdhani | ataścāsmiñjanasthāne mayā yūyaṃ niyojitāḥ ||
English Translation
I have been well acquainted with your strength in many a field, and it is for this that I set you in Janasthāna.
VR 3.52.28 वंशस्थम्
ततः प्रियं वाक्यमुपेत्य राक्षसा; महार्थमष्टावभिवाद्य रावणम् । विहाय लङ्कां सहिताः प्रतस्थिरे; यतो जनस्थानमलक्ष्यदर्शनाः ॥
tataḥ priyaṃ vākyamupetya rākṣasā; mahārthamaṣṭāvabhivādya rāvaṇam | vihāya laṅkāṃ sahitāḥ pratasthire; yato janasthānamalakṣyadarśanāḥ ||
English Translation
Hearing these agreeable and weighty words of Ravana, those Raksasas, bowing down to Rāvana, left Lankā, and in a body invisible proceeded in the direction of Janasthāna.
VR 3.52.29 वंशस्थम्
ततस्तु सीतामुपलभ्य रावणः; सुसंप्रहृष्टः परिगृह्य मैथिलीम् । प्रसज्य रामेण च वैरमुत्तमं; बभूव मोहान्मुदितः स राक्षसः ॥
tatastu sītāmupalabhya rāvaṇaḥ; susaṃprahṛṣṭaḥ parigṛhya maithilīm | prasajya rāmeṇa ca vairamuttamaṃ; babhūva mohānmuditaḥ sa rākṣasaḥ ||
English Translation
Having obtained Mithilā's daughter, Rāvaņa experienced great joy in establishing her (in his own house); and having created high hostility with Rāma, Rāvana through blindness rejoiced greatly.
← Previous (Ch. 238) Full Table of Contents Next (Ch. 240) →