Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 82

Ayodhyākāṇḍa Sarga 82

अयोध्याकाण्डम् • सर्गः 82

Ayodhyākāṇḍa Sarga 82 of the classical Vālmīki Rāmāyaṇa with 27 verses.

Total: 27 Verses • Citations: VR 2.82.1–27 • 175 Lexicon Terms
VR 2.82.1 अनुष्टुप्
तच्छ्रुत्वा निपुणं सर्वं भरतः सह मन्त्रिभिः । इङ्गुदीमूलमागम्य रामशय्यामवेक्ष्य ताम् ॥
tacchrutvā nipuṇaṃ sarvaṃ bharataḥ saha mantribhiḥ | iṅgudīmūlamāgamya rāmaśayyāmavekṣya tām ||
English Translation
Having heard everything, Bharata in company with the counsellors went to the foot of the Ingudi tree and saw the bed of Rāma.
VR 2.82.2 अनुष्टुप्
अब्रवीज्जननीः सर्वा इह तेन महात्मना । शर्वरी शयिता भूमाविदमस्य विमर्दितम् ॥
abravījjananīḥ sarvā iha tena mahātmanā | śarvarī śayitā bhūmāvidamasya vimarditam ||
English Translation
And he said to his mothers, That high-souled one lay down here on the ground during the night, and his limbs pressed this spot.
VR 2.82.3 अनुष्टुप्
महाभागकुलीनेन महाभागेन धीमता । जातो दशरथेनोर्व्यां न रामः स्वप्तुमर्हति ॥
mahābhāgakulīnena mahābhāgena dhīmatā | jāto daśarathenorvyāṃ na rāmaḥ svaptumarhati ||
English Translation
Begot of that foremost of monarchs, the exalted and intelligent Daſaratha, Rāma does not deserve to sleep on the earth.
VR 2.82.4 अनुष्टुप्
अजिनोत्तरसंस्तीर्णे वरास्तरणसंचये । शयित्वा पुरुषव्याघ्रः कथं शेते महीतले ॥
ajinottarasaṃstīrṇe varāstaraṇasaṃcaye | śayitvā puruṣavyāghraḥ kathaṃ śete mahītale ||
English Translation
How can that chief of men having reposed in beds furnished with pillows made of deer-skins and having superb cloths, have lain down on the earth?
VR 2.82.5 अनुष्टुप्
प्रासादाग्र विमानेषु वलभीषु च सर्वदा । हैमराजतभौमेषु वरास्तरणशालिषु ॥
prāsādāgra vimāneṣu valabhīṣu ca sarvadā | haimarājatabhaumeṣu varāstaraṇaśāliṣu ||
VR 2.82.6 अनुष्टुप्
पुष्पसंचयचित्रेषु चन्दनागरुगन्धिषु । पाण्डुराभ्रप्रकाशेषु शुकसंघरुतेषु च ॥
puṣpasaṃcayacitreṣu candanāgarugandhiṣu | pāṇḍurābhraprakāśeṣu śukasaṃgharuteṣu ca ||
VR 2.82.7 अनुष्टुप्
गीतवादित्रनिर्घोषैर्वराभरणनिःस्वनैः । मृदङ्गवरशब्दैश्च सततं प्रतिबोधितः ॥
gītavāditranirghoṣairvarābharaṇaniḥsvanaiḥ | mṛdaṅgavaraśabdaiśca satataṃ pratibodhitaḥ ||
VR 2.82.8 अनुष्टुप्
बन्दिभिर्वन्दितः काले बहुभिः सूतमागधैः । गाथाभिरनुरूपाभिः स्तुतिभिश्च परंतपः ॥
bandibhirvanditaḥ kāle bahubhiḥ sūtamāgadhaiḥ | gāthābhiranurūpābhiḥ stutibhiśca paraṃtapaḥ ||
VR 2.82.9 अनुष्टुप्
अश्रद्धेयमिदं लोके न सत्यं प्रतिभाति मा । मुह्यते खलु मे भावः स्वप्नोऽयमिति मे मतिः ॥
aśraddheyamidaṃ loke na satyaṃ pratibhāti mā | muhyate khalu me bhāvaḥ svapno'yamiti me matiḥ ||
English Translation
It does by no means look to me like truth. Forsooth, I am amazed. I take it, this is a vision.
VR 2.82.10 अनुष्टुप्
न नूनं दैवतं किंचित्कालेन बलवत्तरम् । यत्र दाशरथी रामो भूमावेवं शयीत सः ॥
na nūnaṃ daivataṃ kiṃcitkālena balavattaram | yatra dāśarathī rāmo bhūmāvevaṃ śayīta saḥ ||
English Translation
Verily, no destiny is superior to Time, since Dasaratha's son, Rāma himself, had to repose on the earth, and the beauteous beloved daughter of Videha's king, and the daughter-in-law of Dasaratha, had to lie down on the ground.
VR 2.82.11 अनुष्टुप्
विदेहराजस्य सुता सीता च प्रियदर्शना । दयिता शयिता भूमौ स्नुषा दशरथस्य च ॥
videharājasya sutā sītā ca priyadarśanā | dayitā śayitā bhūmau snuṣā daśarathasya ca ||
English Translation
Sita, daughter of Janaka, king of Videha, and beloved daughterinlaw of Dasaratha who caused delight to the beholder, too had to rest on the bare ground.
VR 2.82.12 अनुष्टुप्
इयं शय्या मम भ्रातुरिदं हि परिवर्तितम् । स्थण्डिले कठिने सर्वं गात्रैर्विमृदितं तृणम् ॥
iyaṃ śayyā mama bhrāturidaṃ hi parivartitam | sthaṇḍile kaṭhine sarvaṃ gātrairvimṛditaṃ tṛṇam ||
English Translation
This was the bed of my brother; on this hard spot did he turn his lovely limbs, and this grass was pressed by them.
VR 2.82.13 अनुष्टुप्
मन्ये साभरणा सुप्ता सीतास्मिञ्शयने तदा । तत्र तत्र हि दृश्यन्ते सक्ताः कनकबिन्दवः ॥
manye sābharaṇā suptā sītāsmiñśayane tadā | tatra tatra hi dṛśyante saktāḥ kanakabindavaḥ ||
English Translation
I think that the graceful Sītā adorned with ornaments slept in this bed, for here and there are scattered particles of gold.
VR 2.82.14 अनुष्टुप्
उत्तरीयमिहासक्तं सुव्यक्तं सीतया तदा । तथा ह्येते प्रकाशन्ते सक्ताः कौशेयतन्तवः ॥
uttarīyamihāsaktaṃ suvyaktaṃ sītayā tadā | tathā hyete prakāśante saktāḥ kauśeyatantavaḥ ||
English Translation
It is clear that Sītā had spread her sheet at this spot, hence it is that fibres of silk are discoverable here.
VR 2.82.15 अनुष्टुप्
मन्ये भर्तुः सुखा शय्या येन बाला तपस्विनी । सुकुमारी सती दुःखं न विजानाति मैथिली ॥
manye bhartuḥ sukhā śayyā yena bālā tapasvinī | sukumārī satī duḥkhaṃ na vijānāti maithilī ||
English Translation
I deem that the bed of her lord appears agreeable to a wife, since a girl tender and in affliction, the chaste daughter of Mithilā experienced no inconvenience (in sleeping in one such).
VR 2.82.16 अनुष्टुप्
सार्वभौम कुले जातः सर्वलोकसुखावहः । सर्वलोकप्रियस्त्यक्त्वा राज्यं प्रियमनुत्तमम् ॥
sārvabhauma kule jātaḥ sarvalokasukhāvahaḥ | sarvalokapriyastyaktvā rājyaṃ priyamanuttamam ||
English Translation
Born in the imperial race, and capable of conferring happiness on all, the bringer-about of all good, why did Rāghava of dark blue hue like that of a lotus, graceful, and crowned with red eyes, the inheritor of happiness and undeserving of misery, having left his dear consummate kingdom, lie down on the ground?
VR 2.82.17 अनुष्टुप्
कथमिन्दीवरश्यामो रक्ताक्षः प्रियदर्शनः । सुखभागी च दुःखार्हः शयितो भुवि राघवः ॥
kathamindīvaraśyāmo raktākṣaḥ priyadarśanaḥ | sukhabhāgī ca duḥkhārhaḥ śayito bhuvi rāghavaḥ ||
English Translation
Born in the imperial race, and capable of conferring happiness on all, the bringer-about of all good, why did Rāghava of dark blue hue like that of a lotus, graceful, and crowned with red eyes, the inheritor of happiness and undeserving of misery, having left his dear consummate kingdom, lie down on the ground?
VR 2.82.18 अनुष्टुप्
सिद्धार्था खलु वैदेही पतिं यानुगता वनम् । वयं संशयिताः सर्वे हीनास्तेन महात्मना ॥
siddhārthā khalu vaidehī patiṃ yānugatā vanam | vayaṃ saṃśayitāḥ sarve hīnāstena mahātmanā ||
English Translation
And blessed is Videha's daughter who follows her husband into the woods. Bereft of that magnanimous one, we have all been brought into jeopardy.
VR 2.82.19 अनुष्टुप्
अकर्णधारा पृथिवी शून्येव प्रतिभाति मा । गते दशरथे स्वर्गे रामे चारण्यमाश्रिते ॥
akarṇadhārā pṛthivī śūnyeva pratibhāti mā | gate daśarathe svarge rāme cāraṇyamāśrite ||
English Translation
The Earth without her helmsman seems to me quite empty, on Dasaratha having ascended the celestial regions and Rāma taken refuge in the wilderness.
VR 2.82.20 अनुष्टुप्
न च प्रार्थयते कश्चिन्मनसापि वसुंधराम् । वनेऽपि वसतस्तस्य बाहुवीर्याभिरक्षिताम् ॥
na ca prārthayate kaścinmanasāpi vasuṃdharām | vane'pi vasatastasya bāhuvīryābhirakṣitām ||
English Translation
On Rãma having set up his dwelling in the forest, one (like me) does not even mentally covet this earth which had been protected by the immense prowess (of Rāghava).
VR 2.82.21 अनुष्टुप्
शून्यसंवरणारक्षामयन्त्रितहयद्विपाम् । अपावृतपुरद्वारां राजधानीमरक्षिताम् ॥
śūnyasaṃvaraṇārakṣāmayantritahayadvipām | apāvṛtapuradvārāṃ rājadhānīmarakṣitām ||
English Translation
With her walls undefined, her horses and elephants unrestrained, and her gates left open, the defenceless metropolis deprived of her power, placed in peril and without any protection, is surely not regarded by the enemies, like food mixed with poison.
VR 2.82.22 अनुष्टुप्
अप्रहृष्टबलां न्यूनां विषमस्थामनावृताम् । शत्रवो नाभिमन्यन्ते भक्ष्यान्विषकृतानिव ॥
aprahṛṣṭabalāṃ nyūnāṃ viṣamasthāmanāvṛtām | śatravo nābhimanyante bhakṣyānviṣakṛtāniva ||
English Translation
With her walls undefined, her horses and elephants unrestrained, and her gates left open, the defenceless metropolis deprived of her power, placed in peril and without any protection, is surely not regarded by the enemies, like food mixed with poison.
VR 2.82.23 अनुष्टुप्
अद्य प्रभृति भूमौ तु शयिष्येऽहं तृणेषु वा । फलमूलाशनो नित्यं जटाचीराणि धारयन् ॥
adya prabhṛti bhūmau tu śayiṣye'haṃ tṛṇeṣu vā | phalamūlāśano nityaṃ jaṭācīrāṇi dhārayan ||
English Translation
From this day forth I will lie down on the ground, or on the grass, daily subsisting on fruits and roots, and bearing matted locks and a cloth of bark.
VR 2.82.24 अनुष्टुप्
तस्यार्थमुत्तरं कालं निवत्स्यामि सुखं वने । तं प्रतिश्रवमामुच्य नास्य मिथ्या भविष्यति ॥
tasyārthamuttaraṃ kālaṃ nivatsyāmi sukhaṃ vane | taṃ pratiśravamāmucya nāsya mithyā bhaviṣyati ||
English Translation
And for his sake I will in future live happily in the woods. (By my doing so), the promise of that high-minded one shall not be rendered null.
VR 2.82.25 अनुष्टुप्
वसन्तं भ्रातुरर्थाय शत्रुघ्नो मानुवत्स्यति । लक्ष्मणेन सह त्वार्यो अयोध्यां पालयिष्यति ॥
vasantaṃ bhrāturarthāya śatrughno mānuvatsyati | lakṣmaṇena saha tvāryo ayodhyāṃ pālayiṣyati ||
English Translation
Me residing in the forest in the interests of my brother, Satrughna shall bear company; while my noble one will rule Ayodhyā assisted by Laksmana.
VR 2.82.26 अनुष्टुप्
अभिषेक्ष्यन्ति काकुत्स्थमयोध्यायां द्विजातयः । अपि मे देवताः कुर्युरिमं सत्यं मनोरथम् ॥
abhiṣekṣyanti kākutsthamayodhyāyāṃ dvijātayaḥ | api me devatāḥ kuryurimaṃ satyaṃ manoratham ||
English Translation
The twice-born ones will sprinkle Kākutstha in Ayodhyā. May the deities realize this desire of mine!
VR 2.82.27 वंशस्थम्
प्रसाद्यमानः शिरसा मया स्वयं; बहुप्रकारं यदि न प्रपत्स्यते । ततोऽनुवत्स्यामि चिराय राघवं; वने वसन्नार्हति मामुपेक्षितुम् ॥
prasādyamānaḥ śirasā mayā svayaṃ; bahuprakāraṃ yadi na prapatsyate | tato'nuvatsyāmi cirāya rāghavaṃ; vane vasannārhati māmupekṣitum ||
English Translation
Propitiated by me personally in various ways with bent head, if he do not consent, then shall I ever stay with Rāghava in the woods. Surely he cannot long persist in putting me off.
← Previous (Ch. 157) Full Table of Contents Next (Ch. 159) →