Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 61

Uttarakāṇḍa Sarga 61

उत्तरकाण्डम् • सर्गः 61

Uttarakāṇḍa Sarga 61 of the classical Vālmīki Rāmāyaṇa with 38 verses.

Total: 38 Verses • Citations: VR 7.61.1–38 • 175 Lexicon Terms
VR 7.61.1 अनुष्टुप्
तच्छ्रुत्वा भाषितं तस्य शत्रुघ्नस्य महात्मनः । क्रोधमाहारयत्तीव्रं तिष्ठ तिष्ठेति चाब्रवीत् ॥
tacchrutvā bhāṣitaṃ tasya śatrughnasya mahātmanaḥ | krodhamāhārayattīvraṃ tiṣṭha tiṣṭheti cābravīt ||
English Translation
Hearing the words of the high-souled Śatrughna Lavaņa was greatly enraged and again and again asked him to wait.
VR 7.61.2 अनुष्टुप्
पाणौ पाणिं विनिष्पिष्य दन्तान्कटकटाय्य च । लवणो रघुशार्दूलमाह्वयामास चासकृत् ॥
pāṇau pāṇiṃ viniṣpiṣya dantānkaṭakaṭāyya ca | lavaṇo raghuśārdūlamāhvayāmāsa cāsakṛt ||
English Translation
Clashing his hands and grinding his teeth he invited that foremost of Raghus to fight.
VR 7.61.3 अनुष्टुप्
तं ब्रुवाणं तथा वाक्यं लवणं घोरविक्रमम् । शत्रुघ्नो देव शत्रुघ्न इदं वचनमब्रवीत् ॥
taṃ bruvāṇaṃ tathā vākyaṃ lavaṇaṃ ghoravikramam | śatrughno deva śatrughna idaṃ vacanamabravīt ||
English Translation
And Satrughna, the slayer of celestial's enemies, said to the dreadful Lavaņa, giving vent to those words.
VR 7.61.4 अनुष्टुप्
शत्रुघ्नो न तदा जातो यदान्ये निर्जितास्त्वया । तदद्य बाणाभिहतो व्रज तं यमसादनम् ॥
śatrughno na tadā jāto yadānye nirjitāstvayā | tadadya bāṇābhihato vraja taṃ yamasādanam ||
English Translation
Śatrughna was not born when you did defeat other kings; do you therefore proceed to Death's abode being assailed by shafts.
VR 7.61.5 अनुष्टुप्
ऋषयोऽप्यद्य पापात्मन्मया त्वां निहतं रणे । पश्यन्तु विप्रा विद्वांसस्त्रिदशा इव रावणम् ॥
ṛṣayo'pyadya pāpātmanmayā tvāṃ nihataṃ raṇe | paśyantu viprā vidvāṃsastridaśā iva rāvaṇam ||
English Translation
O you of a vicious soul, as did the celestials behold Rāvana slain so shall the Rșis and learned Brāhmaṇas behold you, destroyed by me.
VR 7.61.6 अनुष्टुप्
त्वयि मद्बाणनिर्दग्धे पतितेऽद्य निशाचर । पुरं जनपदं चापि क्षेममेतद्भविष्यति ॥
tvayi madbāṇanirdagdhe patite'dya niśācara | puraṃ janapadaṃ cāpi kṣemametadbhaviṣyati ||
English Translation
O Rākşasa, forsooth shall good crown cities and villages when you shall fall down brunt by my arrow.
VR 7.61.7 अनुष्टुप्
अद्य मद्बाहुनिष्क्रान्तः शरो वज्रनिभाननः । प्रवेक्ष्यते ते हृदयं पद्ममंशुरिवार्कजः ॥
adya madbāhuniṣkrāntaḥ śaro vajranibhānanaḥ | pravekṣyate te hṛdayaṃ padmamaṃśurivārkajaḥ ||
English Translation
As the rays of the sun enter into lotus so shall arrows, hard as lightning, discharged by my hands, shall enter into your heart.
VR 7.61.8 अनुष्टुप्
एवमुक्तो महावृक्षं लवणः क्रोधमूर्छितः । शत्रुघ्नोरसि चिक्षेप तं शूरः शतधाच्छिनत् ॥
evamukto mahāvṛkṣaṃ lavaṇaḥ krodhamūrchitaḥ | śatrughnorasi cikṣepa taṃ śūraḥ śatadhācchinat ||
English Translation
Being beside himself with ire on hearing those words of Śatrughna, Lavaņa threw a huge tree against his breast. And ſatrughna too sundered it into a hundred pieces.
VR 7.61.9 अनुष्टुप्
तद्दृष्ट्वा विफलं कर्म राक्षसः पुनरेव तु । पादपान्सुबहून्गृह्य शत्रुघ्ने व्यसृजद्बली ॥
taddṛṣṭvā viphalaṃ karma rākṣasaḥ punareva tu | pādapānsubahūngṛhya śatrughne vyasṛjadbalī ||
English Translation
Beholding his own action baffled the Rākşasa again took up many trees and hurled them at Śatrughna, who, with three or four hundred bent arrow, cut them all, one by one, into pieces.
VR 7.61.10 अनुष्टुप्
शत्रुघ्नश्चापि तेजस्वी वृक्षानापततो बहून् । त्रिभिश्चतुर्भिरेकैकं चिच्छेद नतपर्वभिः ॥
śatrughnaścāpi tejasvī vṛkṣānāpatato bahūn | tribhiścaturbhirekaikaṃ ciccheda nataparvabhiḥ ||
English Translation
Beholding his own action baffled the Rākşasa again took up many trees and hurled them at Śatrughna, who, with three or four hundred bent arrow, cut them all, one by one, into pieces.
VR 7.61.11 अनुष्टुप्
ततो बाणमयं वर्षं व्यसृजद्राक्षसोरसि । शत्रुघ्नो वीर्यसंपन्नो विव्यथे न च राक्षसः ॥
tato bāṇamayaṃ varṣaṃ vyasṛjadrākṣasorasi | śatrughno vīryasaṃpanno vivyathe na ca rākṣasaḥ ||
English Translation
Thereupon when the powerful Satrughna assailed him with arrows the Rākşasa was not the least pained.
VR 7.61.12 अनुष्टुप्
ततः प्रहस्य लवणो वृक्षमुत्पाट्य लीलया । शिरस्यभ्यहनच्छूरं स्रस्ताङ्गः स मुमोह वै ॥
tataḥ prahasya lavaṇo vṛkṣamutpāṭya līlayā | śirasyabhyahanacchūraṃ srastāṅgaḥ sa mumoha vai ||
English Translation
Rather laughing aloud the valiant Räksasa uprooted a tree and struck him with that on the head. With that stroke he was wounded and slain.
VR 7.61.13 अनुष्टुप्
तस्मिन्निपतिते वीरे हाहाकारो महानभूत् । ऋषीणां देव संघानां गन्धर्वाप्सरसामपि ॥
tasminnipatite vīre hāhākāro mahānabhūt | ṛṣīṇāṃ deva saṃghānāṃ gandharvāpsarasāmapi ||
English Translation
And that hero falling there arose a terrible uproar among the Rșis, celestials, Gandharvas and Apsarās.
VR 7.61.14 अनुष्टुप्
तमवज्ञाय तु हतं शत्रुघ्नं भुवि पातितम् । रक्षो लब्धान्तरमपि न विवेश स्वमालयम् ॥
tamavajñāya tu hataṃ śatrughnaṃ bhuvi pātitam | rakṣo labdhāntaramapi na viveśa svamālayam ||
English Translation
There upon considering Śatrughna slain the night-ranger did not enter his house albeit he got the opportunity; and moreover beholding him fallen and destroyed he did not take up his dart. He then began to carry his collected food.
VR 7.61.15 अनुष्टुप्
नापि शूलं प्रजग्राह तं दृष्ट्वा भुवि पातितम् । ततो हत इति ज्ञात्वा तान्भक्षान्समुदावहत् ॥
nāpi śūlaṃ prajagrāha taṃ dṛṣṭvā bhuvi pātitam | tato hata iti jñātvā tānbhakṣānsamudāvahat ||
English Translation
There upon considering Śatrughna slain the night-ranger did not enter his house albeit he got the opportunity; and moreover beholding him fallen and destroyed he did not take up his dart. He then began to carry his collected food.
VR 7.61.16 अनुष्टुप्
मुहूर्ताल्लब्धसंज्ञस्तु पुनस्तस्थौ धृतायुधः । शत्रुघ्नो राक्षसद्वारि ऋषिभिः संप्रपूजितः ॥
muhūrtāllabdhasaṃjñastu punastasthau dhṛtāyudhaḥ | śatrughno rākṣasadvāri ṛṣibhiḥ saṃprapūjitaḥ ||
English Translation
Regaining his sense within a moment, Śatrughna, with a weapon in his hand, stood at the city gate and the Rșis began to praise him.
VR 7.61.17 अनुष्टुप्
ततो दिव्यममोघं तं जग्राह शरमुत्तमम् । ज्वलन्तं तेजसा घोरं पूरयन्तं दिशो दश ॥
tato divyamamoghaṃ taṃ jagrāha śaramuttamam | jvalantaṃ tejasā ghoraṃ pūrayantaṃ diśo daśa ||
English Translation
There upon, he having taken up an excellent arrow of unfailing aim the ten quarters were filled with its native brilliance.
VR 7.61.18 अनुष्टुप्
वज्राननं वज्रवेगं मेरुमन्दर गौरवम् । नतं पर्वसु सर्वेषु संयुगेष्वपराजितम् ॥
vajrānanaṃ vajravegaṃ merumandara gauravam | nataṃ parvasu sarveṣu saṃyugeṣvaparājitam ||
English Translation
Its face was like lightning and its velocity the same and it looked like Meru and Mandāra; its joints were all bent. None could defeat it in battle.
VR 7.61.19 अनुष्टुप्
असृक्चन्दनदिग्धाङ्गं चारुपत्रं पतत्रिणम् । दानवेन्द्राचलेन्द्राणामसुराणां च दारुणम् ॥
asṛkcandanadigdhāṅgaṃ cārupatraṃ patatriṇam | dānavendrācalendrāṇāmasurāṇāṃ ca dāruṇam ||
English Translation
It was pasted with red sandal resembling blood and its feathers were beautiful. Beholding that dart like to the fire of dissolution, and dreadful to lords of Dānavas, mountains and Asuras, the creatures were greatly terrified.
VR 7.61.20 अनुष्टुप्
तं दीप्तमिव कालाग्निं युगान्ते समुपस्थिते । दृष्ट्वा सर्वाणि भूतानि परित्रासमुपागमन् ॥
taṃ dīptamiva kālāgniṃ yugānte samupasthite | dṛṣṭvā sarvāṇi bhūtāni paritrāsamupāgaman ||
English Translation
It was pasted with red sandal resembling blood and its feathers were beautiful. Beholding that dart like to the fire of dissolution, and dreadful to lords of Dānavas, mountains and Asuras, the creatures were greatly terrified.
VR 7.61.21 अनुष्टुप्
सदेवासुरगन्धर्वं समुनिं साप्सरोगणम् । जगद्धि सर्वमस्वस्थं पितामहमुपस्थितम् ॥
sadevāsuragandharvaṃ samuniṃ sāpsarogaṇam | jagaddhi sarvamasvasthaṃ pitāmahamupasthitam ||
English Translation
What more, being disturbed, the celestials, Asuras, Gandharvas, saints and Apsarās and all other creatures of the world approached the Great Patriarch, the conferrer of boons and said. The fear of the celestials and the destruction of the creatures has arrived.
VR 7.61.22 अनुष्टुप्
ऊचुश्च देवदेवेशं वरदं प्रपितामहम् । कच्चिल्लोकक्षयो देव प्राप्तो वा युगसंकयः ॥
ūcuśca devadeveśaṃ varadaṃ prapitāmaham | kaccillokakṣayo deva prāpto vā yugasaṃkayaḥ ||
VR 7.61.23 अनुष्टुप्
नेदृशं दृष्टपूर्वं न श्रुतं वा प्रपितामह । देवानां भयसंमोहो लोकानां संक्षयः प्रभो ॥
nedṛśaṃ dṛṣṭapūrvaṃ na śrutaṃ vā prapitāmaha | devānāṃ bhayasaṃmoho lokānāṃ saṃkṣayaḥ prabho ||
VR 7.61.24 अनुष्टुप्
तेषां तद्वचनं श्रुत्वा ब्रह्मा लोकपितामनः । भयकारणमाचष्टे देवानामभयंकरः ॥
teṣāṃ tadvacanaṃ śrutvā brahmā lokapitāmanaḥ | bhayakāraṇamācaṣṭe devānāmabhayaṃkaraḥ ||
English Translation
Hearing those words the Patriarch Brahmă replied Although it is a source of great fear still it is not dreadful to the celestials. There upon with sweet accents he said:-Hear, O you celestials, ſatrughna has taken up this arrow for the destruction of Pavana.
VR 7.61.25 अनुष्टुप्
वधाय लवणस्याजौ शरः शत्रुघ्नधारितः । तेजसा यस्य सर्वे स्म संमूढाः सुरसत्तमाः ॥
vadhāya lavaṇasyājau śaraḥ śatrughnadhāritaḥ | tejasā yasya sarve sma saṃmūḍhāḥ surasattamāḥ ||
VR 7.61.26 अनुष्टुप्
एषो हि पूर्वं देवस्य लोककर्तुः सनातनः । शरस्तेजोमयो वत्सा येन वै भयमागतम् ॥
eṣo hi pūrvaṃ devasya lokakartuḥ sanātanaḥ | śarastejomayo vatsā yena vai bhayamāgatam ||
VR 7.61.27 अनुष्टुप्
एष वै कैटभस्यार्थे मधुनश्च महाशरः । सृष्टो महात्मना तेन वधार्थं दैत्ययोस्तयोः ॥
eṣa vai kaiṭabhasyārthe madhunaśca mahāśaraḥ | sṛṣṭo mahātmanā tena vadhārthaṃ daityayostayoḥ ||
VR 7.61.28 अनुष्टुप्
एवमेतं प्रजानीध्वं विष्णोस्तेजोमयं शरम् । एषा चैव तनुः पूर्वा विष्णोस्तस्य महात्मनः ॥
evametaṃ prajānīdhvaṃ viṣṇostejomayaṃ śaram | eṣā caiva tanuḥ pūrvā viṣṇostasya mahātmanaḥ ||
VR 7.61.29 अनुष्टुप्
इतो गच्छता पश्यध्वं वध्यमानं महात्मना । रामानुजेन वीरेण लवणं राक्षसोत्तमम् ॥
ito gacchatā paśyadhvaṃ vadhyamānaṃ mahātmanā | rāmānujena vīreṇa lavaṇaṃ rākṣasottamam ||
English Translation
Vişņu alone is cognisant of its energy. This Śatrughna is the first portion of Vişnu's person; do you all go hence and behold the destruction of the foremost Raksasa, Lavana, by the highsouled, heroic Satrughna, the younger brother of Rama.
VR 7.61.30 अनुष्टुप्
तस्य ते देवदेवस्य निशम्य मधुरां गिरम् । आजग्मुर्यत्र युध्येते शत्रुघ्नलवणावुभौ ॥
tasya te devadevasya niśamya madhurāṃ giram | ājagmuryatra yudhyete śatrughnalavaṇāvubhau ||
VR 7.61.31 अनुष्टुप्
तं शरं दिव्यसंकाशं शत्रुघ्नकरधारितम् । ददृशुः सर्वभूतानि युगान्ताग्निमिवोत्थितम् ॥
taṃ śaraṃ divyasaṃkāśaṃ śatrughnakaradhāritam | dadṛśuḥ sarvabhūtāni yugāntāgnimivotthitam ||
English Translation
Hearing the words of the Patriarch Brahmă, the celestials arrived at the battle-field of Šatrughna and Lavana and saw that the arrow, held by Satrughna's hands, was burning like the fire of dissolution.
VR 7.61.32 अनुष्टुप्
आकाशमावृतं दृष्ट्वा देवैर्हि रघुनन्दनः । सिंहनादं मुहुः कृत्वा ददर्श लवणं पुनः ॥
ākāśamāvṛtaṃ dṛṣṭvā devairhi raghunandanaḥ | siṃhanādaṃ muhuḥ kṛtvā dadarśa lavaṇaṃ punaḥ ||
English Translation
Beholding the welkin covered by the celestials, Satrughna, the descendant of Raghu, emitting leonine roars, again and again looked towards Lavaņa. And being again excited by the high-souled Śatrughna and enraged Lavaņa arrived for encounter.
VR 7.61.33 अनुष्टुप्
आहूतश्च ततस्तेन शत्रुघ्नेन महात्मना । लवणः क्रोधसंयुक्तो युद्धाय समुपस्थितः ॥
āhūtaśca tatastena śatrughnena mahātmanā | lavaṇaḥ krodhasaṃyukto yuddhāya samupasthitaḥ ||
English Translation
Beholding the welkin covered by the celestials, Satrughna, the descendant of Raghu, emitting leonine roars, again and again looked towards Lavaņa. And being again excited by the high-souled Śatrughna and enraged Lavaņa arrived for encounter.
VR 7.61.34 उपजातिः
आकर्णात्स विकृष्याथ तद्धनुर्धन्विनां वरः । स मुमोच महाबाणं लवणस्य महोरसि । उरस्तस्य विदार्याशु प्रविवेश रसातलम् ॥
ākarṇātsa vikṛṣyātha taddhanurdhanvināṃ varaḥ | sa mumoca mahābāṇaṃ lavaṇasya mahorasi | urastasya vidāryāśu praviveśa rasātalam ||
English Translation
There upon expanding his bow up to ears, Satrughna, the the most accomplished archer, discharged his arrow against the spacious breast of Lavaņa. And piercing his heart that arrow entered speedily into Rasātala and having entered Rasātala that arrow, honoured by the celestials, again came to the descendant of Raghu.
VR 7.61.35 अनुष्टुप्
गत्वा रसातलं दिव्यं शरो विबुधपूजितः । पुनरेवागमत्तूर्णमिक्ष्वाकुकुलनन्दनम् ॥
gatvā rasātalaṃ divyaṃ śaro vibudhapūjitaḥ | punarevāgamattūrṇamikṣvākukulanandanam ||
VR 7.61.36 अनुष्टुप्
शत्रुघ्नशरनिर्भिन्नो लवणः स निशाचरः । पपात सहसा भूमौ वज्राहत इवाचलः ॥
śatrughnaśaranirbhinno lavaṇaḥ sa niśācaraḥ | papāta sahasā bhūmau vajrāhata ivācalaḥ ||
English Translation
And being pierced by that shaft the nightranger Lavaņa fell down on earth like a mountain clapped by a thunder-bolt.
VR 7.61.37 अनुष्टुप्
तच्च दिव्यं महच्छूलं हते लवणराक्षसे । पश्यतां सर्वभूतानां रुद्रस्य वशमन्वगात् ॥
tacca divyaṃ mahacchūlaṃ hate lavaṇarākṣase | paśyatāṃ sarvabhūtānāṃ rudrasya vaśamanvagāt ||
English Translation
The Rākşasa being slain that celestial, huge arrow came into the possession of Rudra before the gods.
VR 7.61.38 उपजातिः
एकेषुपातेन भयं निहत्य; लोकत्रयस्यास्य रघुप्रवीरः । विनिर्बभावुद्यतचापबाण;स्तमः प्रणुद्येव सहस्ररश्मिः ॥
ekeṣupātena bhayaṃ nihatya; lokatrayasyāsya raghupravīraḥ | vinirbabhāvudyatacāpabāṇa;stamaḥ praṇudyeva sahasraraśmiḥ ||
English Translation
Having removed the fear of the three worlds with one shaft, that heroic Raghu, Satrughnayounger brother of Lakşmaņa, holding excellent bow and arrow, appeared like the Sun of thousand rays removing darkness.
← Previous (Ch. 566) Full Table of Contents Next (Ch. 568) →