Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 60

Uttarakāṇḍa Sarga 60

उत्तरकाण्डम् • सर्गः 60

Uttarakāṇḍa Sarga 60 of the classical Vālmīki Rāmāyaṇa with 19 verses.

Total: 19 Verses • Citations: VR 7.60.1–19 • 175 Lexicon Terms
VR 7.60.1 अनुष्टुप्
कथां कथयतां तेषां जयं चाकाङ्क्षतां शुभम् । व्यतीता रजनी शीघ्रं शत्रुघ्नस्य महात्मनः ॥
kathāṃ kathayatāṃ teṣāṃ jayaṃ cākāṅkṣatāṃ śubham | vyatītā rajanī śīghraṃ śatrughnasya mahātmanaḥ ||
English Translation
They being thus engaged in conversation regarding his achieving victory without any danger Satrughna in no time passed the night.
VR 7.60.2 अनुष्टुप्
ततः प्रभाते विमले तस्मिन्काले स राक्षसः । निर्गतस्तु पुराद्वीरो भक्षाहारप्रचोदितः ॥
tataḥ prabhāte vimale tasminkāle sa rākṣasaḥ | nirgatastu purādvīro bhakṣāhārapracoditaḥ ||
English Translation
The clear morning having arrived, that time the heroic Lavana issued out of his city to collect food.
VR 7.60.3 अनुष्टुप्
एतस्मिन्नन्तरे शूरः शत्रुघ्नो यमुनां नदीम् । तीर्त्वा मधुपुरद्वारि धनुष्पाणिरतिष्ठत ॥
etasminnantare śūraḥ śatrughno yamunāṃ nadīm | tīrtvā madhupuradvāri dhanuṣpāṇiratiṣṭhata ||
English Translation
In the meantime having crossed the river Yamunā, the heroic Satrughna, with bow in his hands, stood at the gate of Madhu's city.
VR 7.60.4 अनुष्टुप्
ततोऽर्धदिवसे प्राप्ते क्रूरकर्मा स राक्षसः । आगच्छद्बहुसाहस्रं प्राणिनामुद्वहन्भरम् ॥
tato'rdhadivase prāpte krūrakarmā sa rākṣasaḥ | āgacchadbahusāhasraṃ prāṇināmudvahanbharam ||
VR 7.60.5 अनुष्टुप्
ततो ददर्श शत्रुघ्नं स्थितं द्वारि धृतायुधम् । तमुवाच ततो रक्षः किमनेन करिष्यसि ॥
tato dadarśa śatrughnaṃ sthitaṃ dvāri dhṛtāyudham | tamuvāca tato rakṣaḥ kimanena kariṣyasi ||
VR 7.60.6 अनुष्टुप्
ईदृशानां सहस्राणि सायुधानां नराधम । भक्षितानि मया रोषात्कालमाकाङ्क्षसे नु किम् ॥
īdṛśānāṃ sahasrāṇi sāyudhānāṃ narādhama | bhakṣitāni mayā roṣātkālamākāṅkṣase nu kim ||
VR 7.60.7 अनुष्टुप्
आहारश्चाप्यसंपूर्णो ममायं पुरुषाधम । स्वयं प्रविष्टो नु मुखं कथमासाद्य दुर्मते ॥
āhāraścāpyasaṃpūrṇo mamāyaṃ puruṣādhama | svayaṃ praviṣṭo nu mukhaṃ kathamāsādya durmate ||
English Translation
O vile man, I am fully fed. How shall you, of your own accord, enter into my mouth?
VR 7.60.8 अनुष्टुप्
तस्यैवं भाषमाणस्य हसतश्च मुहुर्मुहुः । शत्रुघ्नो वीर्यसंपन्नो रोषादश्रूण्यवर्तयत् ॥
tasyaivaṃ bhāṣamāṇasya hasataśca muhurmuhuḥ | śatrughno vīryasaṃpanno roṣādaśrūṇyavartayat ||
English Translation
Lavaņa having said this again and again laughing the great hero Satrughna shed tears in anger.
VR 7.60.9 अनुष्टुप्
तस्य रोषाभिभूतस्य शत्रुघ्नस्य महात्मनः । तेजोमया मरीच्यस्तु सर्वगात्रैर्विनिष्पतन् ॥
tasya roṣābhibhūtasya śatrughnasya mahātmanaḥ | tejomayā marīcyastu sarvagātrairviniṣpatan ||
English Translation
The high-minded Śatrughna being beside himself with rage, from all his person issued burning lustre.
VR 7.60.10 अनुष्टुप्
उवाच च सुसंक्रुद्धः शत्रुघ्नस्तं निशाचरम् । योद्धुमिच्छामि दुर्बुद्धे द्वन्द्वयुद्धं त्वया सह ॥
uvāca ca susaṃkruddhaḥ śatrughnastaṃ niśācaram | yoddhumicchāmi durbuddhe dvandvayuddhaṃ tvayā saha ||
English Translation
Greatly enraged he said to the night-ranger O you of a vicious intellect, I wish to enter into a dual encounter with you.
VR 7.60.11 अनुष्टुप्
पुत्रो दशरथस्याहं भ्राता रामस्य धीमतः । शत्रुघ्नो नाम शत्रुघ्नो वधाकाङ्क्षी तवागतः ॥
putro daśarathasyāhaṃ bhrātā rāmasya dhīmataḥ | śatrughno nāma śatrughno vadhākāṅkṣī tavāgataḥ ||
English Translation
I am the son of the great king Dasaratha, brother of the intelligent Rāma and my name is Satrughna. I slay all my enemies and have come here to destroy you.
VR 7.60.12 अनुष्टुप्
तस्य मे युद्धकामस्य द्वन्द्वयुद्धं प्रदीयताम् । शत्रुस्त्वं सर्वजीवानां न मे जीवन्गमिष्यसि ॥
tasya me yuddhakāmasya dvandvayuddhaṃ pradīyatām | śatrustvaṃ sarvajīvānāṃ na me jīvangamiṣyasi ||
English Translation
I wish now to fight with you-do you enter into a dual conflict. You are the enemy of all animals. You shall not be able to survive at my hands.
VR 7.60.13 अनुष्टुप्
तस्मिंस्तथा ब्रुवाणे तु राक्षसः प्रहसन्निव । प्रत्युवाच नरश्रेष्ठं दिष्ट्या प्राप्तोऽसि दुर्मते ॥
tasmiṃstathā bruvāṇe tu rākṣasaḥ prahasanniva | pratyuvāca naraśreṣṭhaṃ diṣṭyā prāpto'si durmate ||
English Translation
He having said this, the Rākṣasa, laughing aloud, replied to that foremost of men:-Your understanding is bewildered. By the influence of destiny you have come under my control.
VR 7.60.14 अनुष्टुप्
मम मातृष्वसुर्भ्राता रावणो नाम राक्षसः । हतो रामेण दुर्बुद्धे स्त्रीहेतोः पुरुषाधम ॥
mama mātṛṣvasurbhrātā rāvaṇo nāma rākṣasaḥ | hato rāmeṇa durbuddhe strīhetoḥ puruṣādhama ||
English Translation
The Räksasa Rāvana was the brother of my aunts. O you of vicious understanding, O vile wight, it is for his wife that Rāma did slay him.
VR 7.60.15 अनुष्टुप्
तच्च सर्वं मया क्षान्तं रावणस्य कुलक्षयम् । अवज्ञां पुरतः कृत्वा मया यूयं विशेषतः ॥
tacca sarvaṃ mayā kṣāntaṃ rāvaṇasya kulakṣayam | avajñāṃ purataḥ kṛtvā mayā yūyaṃ viśeṣataḥ ||
English Translation
It is out of hatred that I have tolerated the destruction of Rāvana's family and have pardoned you all.
VR 7.60.16 अनुष्टुप्
न हताश्च हि मे सर्वे परिभूतास्तृणं यथा । भूताश्चैव भविष्याश्च यूयं च पुरुषाधमाः ॥
na hatāśca hi me sarve paribhūtāstṛṇaṃ yathā | bhūtāścaiva bhaviṣyāśca yūyaṃ ca puruṣādhamāḥ ||
English Translation
You are all vile men; I have slain and defeated all of your family that have passed away and shall destroy all that are living and shall come into existence.
VR 7.60.17 अनुष्टुप्
तस्य ते युद्धकामस्य युद्धं दास्यामि दुर्मते । ईप्सितं यादृशं तुभ्यं सज्जये यावदायुधम् ॥
tasya te yuddhakāmasya yuddhaṃ dāsyāmi durmate | īpsitaṃ yādṛśaṃ tubhyaṃ sajjaye yāvadāyudham ||
English Translation
O you of vicious intellect, if you wish I shall fight with you. Do you wait here so long I do not bring my weapon.
VR 7.60.18 अनुष्टुप्
तमुवाचाथ शत्रुघ्नः क्व मे जीवन्गमिष्यसि । दुर्बलोऽप्यागतः शत्रुर्न मोक्तव्यः कृतात्मना ॥
tamuvācātha śatrughnaḥ kva me jīvangamiṣyasi | durbalo'pyāgataḥ śatrurna moktavyaḥ kṛtātmanā ||
VR 7.60.19 अनुष्टुप्
यो हि विक्लवया बुद्ध्या प्रसरं शत्रवे ददौ । स हतो मन्दबुद्धित्वाद्यथा कापुरुषस्तथा ॥
yo hi viklavayā buddhyā prasaraṃ śatrave dadau | sa hato mandabuddhitvādyathā kāpuruṣastathā ||
English Translation
The practical men should never let off the enemies who come out of their own accord. He, who invite an enemy into battle under the influence of perverted understanding, is slain like a coward.
← Previous (Ch. 565) Full Table of Contents Next (Ch. 567) →