Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 85

Ayodhyākāṇḍa Sarga 85

अयोध्याकाण्डम् • सर्गः 85

Ayodhyākāṇḍa Sarga 85 of the classical Vālmīki Rāmāyaṇa with 77 verses.

Total: 77 Verses • Citations: VR 2.85.1–77 • 175 Lexicon Terms • Page 1 of 3 (Verses 30 shown)
VR 2.85.1 अनुष्टुप्
कृतबुद्धिं निवासाय तथैव स मुनिस्तदा । भरतं कैकयी पुत्रमातिथ्येन न्यमन्त्रयत् ॥
kṛtabuddhiṃ nivāsāya tathaiva sa munistadā | bharataṃ kaikayī putramātithyena nyamantrayat ||
English Translation
Then the ascetic asked Bharata, the son of Kaikeyi, when he had decided for staying there, to receive his hospitality.
VR 2.85.2 अनुष्टुप्
अब्रवीद्भरतस्त्वेनं नन्विदं भवता कृतम् । पाद्यमर्घ्यं तथातिथ्यं वने यदूपपद्यते ॥
abravīdbharatastvenaṃ nanvidaṃ bhavatā kṛtam | pādyamarghyaṃ tathātithyaṃ vane yadūpapadyate ||
English Translation
Thereat Bharata said, “You have for certain done this, (have offered me) water for washing my feet, Arghya, and hospitality with what can be procured in the forest.
VR 2.85.3 अनुष्टुप्
अथोवाच भरद्वाजो भरतं प्रहसन्निव । जाने त्वां प्रीति संयुक्तं तुष्येस्त्वं येन केनचित् ॥
athovāca bharadvājo bharataṃ prahasanniva | jāne tvāṃ prīti saṃyuktaṃ tuṣyestvaṃ yena kenacit ||
English Translation
Then Bharadvāja as if in jest, said to Bharata, "I know you to be of a complacent disposition; and that you are pleased with anything and everything."
VR 2.85.4 अनुष्टुप्
सेनायास्तु तवैतस्याः कर्तुमिच्छामि भोजनम् । मम प्रितिर्यथा रूपा त्वमर्हो मनुजर्षभ ॥
senāyāstu tavaitasyāḥ kartumicchāmi bhojanam | mama pritiryathā rūpā tvamarho manujarṣabha ||
English Translation
But I wish to feast your forces. And, O best of men, it behoves you to act in harmony with my desire.
VR 2.85.5 अनुष्टुप्
किमर्थं चापि निक्षिप्य दूरे बलमिहागतः । कस्मान्नेहोपयातोऽसि सबलः पुरुषर्षभ ॥
kimarthaṃ cāpi nikṣipya dūre balamihāgataḥ | kasmānnehopayāto'si sabalaḥ puruṣarṣabha ||
English Translation
Why did you coming higher, leave your army at a distance:? And, you man of men, why did you not come accompanied with your forces?
VR 2.85.6 अनुष्टुप्
भरतः प्रत्युवाचेदं प्राञ्जलिस्तं तपोधनम् । ससैन्यो नोपयातोऽस्मि भगवन्भगवद्भयात् ॥
bharataḥ pratyuvācedaṃ prāñjalistaṃ tapodhanam | sasainyo nopayāto'smi bhagavanbhagavadbhayāt ||
English Translation
Bharata replied to him, saying, “I had not come accompanied with my forces, from fear of you, O reverend Sir.”
VR 2.85.7 अनुष्टुप्
वाजि मुख्या मनुष्याश्च मत्ताश्च वर वारणाः । प्रच्छाद्य महतीं भूमिं भगवन्ननुयान्ति माम् ॥
vāji mukhyā manuṣyāśca mattāśca vara vāraṇāḥ | pracchādya mahatīṃ bhūmiṃ bhagavannanuyānti mām ||
English Translation
Choice steeds, men, and mad elephants of the best kind, covering a spacious tract of country, come in my train, respected Sir.
VR 2.85.8 अनुष्टुप्
ते वृक्षानुदकं भूमिमाश्रमेषूटजांस्तथा । न हिंस्युरिति तेनाहमेक एवागतस्ततः ॥
te vṛkṣānudakaṃ bhūmimāśrameṣūṭajāṃstathā | na hiṃsyuriti tenāhameka evāgatastataḥ ||
English Translation
That these might not injure trees or water or the grounds of the cottages pertaining to the asylums, have I come hither alone.
VR 2.85.9 अनुष्टुप्
आनीयतामितः सेनेत्याज्ञप्तः परमर्षिणा । तथा तु चक्रे भरतः सेनायाः समुपागमम् ॥
ānīyatāmitaḥ senetyājñaptaḥ paramarṣiṇā | tathā tu cakre bharataḥ senāyāḥ samupāgamam ||
English Translation
"Bring the forces here,", thus desired by the mighty ascetic, Bharata accordingly caused the troops to be brought in.
VR 2.85.10 अनुष्टुप्
अग्निशालां प्रविश्याथ पीत्वापः परिमृज्य च । आतिथ्यस्य क्रियाहेतोर्विश्वकर्माणमाह्वयत् ॥
agniśālāṃ praviśyātha pītvāpaḥ parimṛjya ca | ātithyasya kriyāhetorviśvakarmāṇamāhvayat ||
English Translation
Then entering the chamber of the sacrificial fire, (Bharadvāja) having sipped water and rubbed his lips therewith, invoked Viśvakarmā for the purpose of entertaining his guest.
VR 2.85.11 अनुष्टुप्
आह्वये विश्वकर्माणमहं त्वष्टारमेव च । आतिथ्यं कर्तुमिच्छामि तत्र मे संविधीयताम् ॥
āhvaye viśvakarmāṇamahaṃ tvaṣṭārameva ca | ātithyaṃ kartumicchāmi tatra me saṃvidhīyatām ||
English Translation
I invoke Visvakarmā; even Tvasta himself. I wish to entertain guests. Let him accomplish this for me.
VR 2.85.12 अनुष्टुप्
प्राक्स्रोतसश्च या नद्यः प्रत्यक्स्रोतस एव च । पृथिव्यामन्तरिक्षे च समायान्त्वद्य सर्वशः ॥
prāksrotasaśca yā nadyaḥ pratyaksrotasa eva ca | pṛthivyāmantarikṣe ca samāyāntvadya sarvaśaḥ ||
English Translation
Let those rivers that flow westwards, and those that move tortuously on the earth and in the sky, come hither in a body.
VR 2.85.13 अनुष्टुप्
अन्याः स्रवन्तु मैरेयं सुरामन्याः सुनिष्ठिताम् । अपराश्चोदकं शीतमिक्षुकाण्डरसोपमम् ॥
anyāḥ sravantu maireyaṃ surāmanyāḥ suniṣṭhitām | aparāścodakaṃ śītamikṣukāṇḍarasopamam ||
English Translation
And let others run Maireya, and others refined wine, and others again cool waters resembling the juice of the sugarcane.
VR 2.85.14 अनुष्टुप्
आह्वये देवगन्धर्वान्विश्वावसुहहाहुहून् । तथैवाप्सरसो देवीर्गन्धर्वीश्चापि सर्वशः ॥
āhvaye devagandharvānviśvāvasuhahāhuhūn | tathaivāpsaraso devīrgandharvīścāpi sarvaśaḥ ||
English Translation
I invoke the celestials and the Gandharvas and Viśvāvasu and Hahā and Huhu and also the divine Apsaras and Gandharvis all.
VR 2.85.15 उपजातिः
घृताचीमथ विश्वाचीं मिश्रकेशीमलम्बुसाम् । शक्रं याश्चोपतिष्ठन्ति ब्रह्माणं याश्च भामिनीः । सर्वास्तुम्बुरुणा सार्धमाह्वये सपरिच्छदाः ॥
ghṛtācīmatha viśvācīṃ miśrakeśīmalambusām | śakraṃ yāścopatiṣṭhanti brahmāṇaṃ yāśca bhāminīḥ | sarvāstumburuṇā sārdhamāhvaye saparicchadāḥ ||
English Translation
And those ladies that attend Sakra, and those that attend Brahmā. I invoke all these females well attired, in company with Tumuru.
VR 2.85.16 अनुष्टुप्
वनं कुरुषु यद्दिव्यं वासो भूषणपत्रवत् । दिव्यनारीफलं शश्वत्तत्कौबेरमिहैव तु ॥
vanaṃ kuruṣu yaddivyaṃ vāso bhūṣaṇapatravat | divyanārīphalaṃ śaśvattatkauberamihaiva tu ||
English Translation
And let that beautiful forest of Kubera in the north Kuru, having its foliage resembling attires and ornaments, and its fruits debonair damsels, exist even at this very spot.
VR 2.85.17 अनुष्टुप्
इह मे भगवान्सोमो विधत्तामन्नमुत्तमम् । भक्ष्यं भोज्यं च चोष्यं च लेह्यं च विविधं बहु ॥
iha me bhagavānsomo vidhattāmannamuttamam | bhakṣyaṃ bhojyaṃ ca coṣyaṃ ca lehyaṃ ca vividhaṃ bahu ||
English Translation
And here let the worshipful Soma yield me excellent viands of diverse kinds in plenty; things; that may be eaten or enjoyed, sucked or licked; and variegated blossoms growing in the trees, and wines and (other) drinks, and meats of various kinds.
VR 2.85.18 अनुष्टुप्
विचित्राणि च माल्यानि पादपप्रच्युतानि च । सुरादीनि च पेयानि मांसानि विविधानि च ॥
vicitrāṇi ca mālyāni pādapapracyutāni ca | surādīni ca peyāni māṃsāni vividhāni ca ||
English Translation
And here let the worshipful Soma yield me excellent viands of diverse kinds in plenty; things; that may be eaten or enjoyed, sucked or licked; and variegated blossoms growing in the trees, and wines and (other) drinks, and meats of various kinds.
VR 2.85.19 अनुष्टुप्
एवं समाधिना युक्तस्तेजसाप्रतिमेन च । शिक्षास्वरसमायुक्तं तपसा चाब्रवीन्मुनिः ॥
evaṃ samādhinā yuktastejasāpratimena ca | śikṣāsvarasamāyuktaṃ tapasā cābravīnmuniḥ ||
English Translation
Thus, furnished with unrivalled ascetic energy, did that anchorite observing excellent vows, express himself orthoepically in consonance with Śikṣā.
VR 2.85.20 अनुष्टुप्
मनसा ध्यायतस्तस्य प्राङ्मुखस्य कृताञ्जलेः । आजग्मुस्तानि सर्वाणि दैवतानि पृथक्पृथक् ॥
manasā dhyāyatastasya prāṅmukhasya kṛtāñjaleḥ | ājagmustāni sarvāṇi daivatāni pṛthakpṛthak ||
English Translation
And as he sat with joined hands facing the west with a rapt mind, there came separately all those deities.
VR 2.85.21 अनुष्टुप्
मलयं दुर्दुरं चैव ततः स्वेदनुदोऽनिलः । उपस्पृश्य ववौ युक्त्या सुप्रियात्मा सुखः शिवः ॥
malayaṃ durduraṃ caiva tataḥ svedanudo'nilaḥ | upaspṛśya vavau yuktyā supriyātmā sukhaḥ śivaḥ ||
English Translation
And then touching Malaya and Dardura, and laden (with perfumes), a delicious and welcome wind began to blow delightfully, removing sweat.
VR 2.85.22 अनुष्टुप्
ततोऽभ्यवर्तन्त घना दिव्याः कुसुमवृष्टयः । देवदुन्दुभिघोषश्च दिक्षु सर्वासु शुश्रुवे ॥
tato'bhyavartanta ghanā divyāḥ kusumavṛṣṭayaḥ | devadundubhighoṣaśca dikṣu sarvāsu śuśruve ||
English Translation
And the clouds poured down a pleasant shower of blossoms; and from all sides were heard sounds of celestial kettle-drums.
VR 2.85.23 अनुष्टुप्
प्रववुश्चोत्तमा वाता ननृतुश्चाप्सरोगणाः । प्रजगुर्देवगन्धर्वा वीणा प्रमुमुचुः स्वरान् ॥
pravavuścottamā vātā nanṛtuścāpsarogaṇāḥ | prajagurdevagandharvā vīṇā pramumucuḥ svarān ||
English Translation
And a rare breeze set in, and the multitudes of Apsaras danced; and the celestials and the Gandharvas sang, and the Vinas let out their notes.
VR 2.85.24 अनुष्टुप्
स शब्दो द्यां च भूमिं च प्राणिनां श्रवणानि च । विवेशोच्चारितः श्लक्ष्णः समो लयगुणान्वितः ॥
sa śabdo dyāṃ ca bhūmiṃ ca prāṇināṃ śravaṇāni ca | viveśoccāritaḥ ślakṣṇaḥ samo layaguṇānvitaḥ ||
English Translation
And the dulcet sounds high and low furnished with Sama and measure, entered the Earth and the firmament and the ears of all creatures.
VR 2.85.25 अनुष्टुप्
तस्मिन्नुपरते शब्दे दिव्ये श्रोत्रसुखे नृणाम् । ददर्श भारतं सैन्यं विधानं विश्वकर्मणः ॥
tasminnuparate śabde divye śrotrasukhe nṛṇām | dadarśa bhārataṃ sainyaṃ vidhānaṃ viśvakarmaṇaḥ ||
English Translation
When that celestial symphony delightful to the ears of men, had thus developed itself, Bharata's forces saw the workmanship of Visvakarman.
VR 2.85.26 अनुष्टुप्
बभूव हि समा भूमिः समन्तात्पञ्चयोजनम् । शाद्वलैर्बहुभिश्छन्ना नीलवैदूर्यसंनिभैः ॥
babhūva hi samā bhūmiḥ samantātpañcayojanam | śādvalairbahubhiśchannā nīlavaidūryasaṃnibhaiḥ ||
English Translation
That spot widening into a level plain measuring five Yojanas was covered with thick grass resembling blue lapises.
VR 2.85.27 अनुष्टुप्
तस्मिन्बिल्वाः कपित्थाश्च पनसा बीजपूरकाः । आमलक्यो बभूवुश्च चूताश्च फलभूषणाः ॥
tasminbilvāḥ kapitthāśca panasā bījapūrakāḥ | āmalakyo babhūvuśca cūtāśca phalabhūṣaṇāḥ ||
English Translation
And on it stood Bilvas, and Kapitthas, Panasas, citrons, and Amalakas, and mangoes, embellished with fruits.
VR 2.85.28 अनुष्टुप्
उत्तरेभ्यः कुरुभ्यश्च वनं दिव्योपभोगवत् । आजगाम नदी दिव्या तीरजैर्बहुभिर्वृता ॥
uttarebhyaḥ kurubhyaśca vanaṃ divyopabhogavat | ājagāma nadī divyā tīrajairbahubhirvṛtā ||
English Translation
From the north Kuru had spread a wood capable of conferring every enjoyment; and a beautiful river coursed through bordered by many a tree.
VR 2.85.29 अनुष्टुप्
चतुःशालानि शुभ्राणि शालाश्च गजवाजिनाम् । हर्म्यप्रासादसंघातास्तोरणानि शुभानि च ॥
catuḥśālāni śubhrāṇi śālāśca gajavājinām | harmyaprāsādasaṃghātāstoraṇāni śubhāni ca ||
English Translation
Bright quadrangles, stables for elephants and horses, auspicious arch ways for palaces and mansions sprang up.
VR 2.85.30 अनुष्टुप्
सितमेघनिभं चापि राजवेश्म सुतोरणम् । शुक्लमाल्यकृताकारं दिव्यगन्धसमुक्षितम् ॥
sitameghanibhaṃ cāpi rājaveśma sutoraṇam | śuklamālyakṛtākāraṃ divyagandhasamukṣitam ||
← Previous (Ch. 160) Full Table of Contents Next (Ch. 162) →