Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 83

Ayodhyākāṇḍa Sarga 83

अयोध्याकाण्डम् • सर्गः 83

Ayodhyākāṇḍa Sarga 83 of the classical Vālmīki Rāmāyaṇa with 22 verses.

Total: 22 Verses • Citations: VR 2.83.1–22 • 175 Lexicon Terms
VR 2.83.1 अनुष्टुप्
व्युष्य रात्रिं तु तत्रैव गङ्गाकूले स राघवः । भरतः काल्यमुत्थाय शत्रुघ्नमिदमब्रवीत् ॥
vyuṣya rātriṃ tu tatraiva gaṅgākūle sa rāghavaḥ | bharataḥ kālyamutthāya śatrughnamidamabravīt ||
English Translation
Having spent the night there on the banks of the Gangā, that descendant of Raghu rising early in the morning, said these words to Satrughna.
VR 2.83.2 अनुष्टुप्
शत्रुघोत्तिष्ठ किं शेषे निषादाधिपतिं गुहम् । शीघ्रमानय भद्रं ते तारयिष्यति वाहिनीम् ॥
śatrughottiṣṭha kiṃ śeṣe niṣādādhipatiṃ guham | śīghramānaya bhadraṃ te tārayiṣyati vāhinīm ||
English Translation
O Śatrughna, arise! Why sleepest you? Bring you at once that lord of the Nisādhas, Guha, Good betide you! he will take the army (over the stream.)
VR 2.83.3 अनुष्टुप्
जागर्मि नाहं स्वपिमि तथैवार्यं विचिन्तयन् । इत्येवमब्रवीद्भ्रात्रा शत्रुघ्नोऽपि प्रचोदितः ॥
jāgarmi nāhaṃ svapimi tathaivāryaṃ vicintayan | ityevamabravīdbhrātrā śatrughno'pi pracoditaḥ ||
English Translation
Thus urged by his brother, Śatrughna said, "Thinking of that noble one (Rāma), I have not slept, but have remained awake in a like manner. *i.e., as you have done.
VR 2.83.4 अनुष्टुप्
इति संवदतोरेवमन्योन्यं नरसिंहयोः । आगम्य प्राञ्जलिः काले गुहो भरतमब्रवीत् ॥
iti saṃvadatorevamanyonyaṃ narasiṃhayoḥ | āgamya prāñjaliḥ kāle guho bharatamabravīt ||
English Translation
As those chiefs of men were thus conversing with each other, Guha appearing in time with joined hands, remarked.
VR 2.83.5 अनुष्टुप्
कच्चित्सुखं नदीतीरेऽवात्सीः काकुत्स्थ शर्वरीम् । कच्चिच्च सह सैन्यस्य तव सर्वमनामयम् ॥
kaccitsukhaṃ nadītīre'vātsīḥ kākutstha śarvarīm | kaccicca saha sainyasya tava sarvamanāmayam ||
English Translation
O Kākutstha, have you spent the night happily on the banks of the river? And is it continuous good fortune with you along with your forces?
VR 2.83.6 अनुष्टुप्
गुहस्य तत्तु वचनं श्रुत्वा स्नेहादुदीरितम् । रामस्यानुवशो वाक्यं भरतोऽपीदमब्रवीत् ॥
guhasya tattu vacanaṃ śrutvā snehādudīritam | rāmasyānuvaśo vākyaṃ bharato'pīdamabravīt ||
English Translation
Hearing Guha's speech fraught with affection, Bharata ever obedient to Rāma, spoke on his pare, saying. "Happily have we spent the night; and we have also been well received by you. Now let your servants take us over by means of many boats."
VR 2.83.7 अनुष्टुप्
सुखा नः शर्वरी राजन्पूजिताश्चापि ते वयम् । गङ्गां तु नौभिर्बह्वीभिर्दाशाः संतारयन्तु नः ॥
sukhā naḥ śarvarī rājanpūjitāścāpi te vayam | gaṅgāṃ tu naubhirbahvībhirdāśāḥ saṃtārayantu naḥ ||
English Translation
Hearing Guha's speech fraught with affection, Bharata ever obedient to Rāma, spoke on his pare, saying. "Happily have we spent the night; and we have also been well received by you. Now let your servants take us over by means of many boats."
VR 2.83.8 अनुष्टुप्
ततो गुहः संत्वरितः श्रुत्वा भरतशासनम् । प्रतिप्रविश्य नगरं तं ज्ञातिजनमब्रवीत् ॥
tato guhaḥ saṃtvaritaḥ śrutvā bharataśāsanam | pratipraviśya nagaraṃ taṃ jñātijanamabravīt ||
English Translation
Thereat, hearing Bharata's mandate, Guha, bestirring himself, re-entered the city and addressed his kinsfolk, saying.
VR 2.83.9 अनुष्टुप्
उत्तिष्ठत प्रबुध्यध्वं भद्रमस्तु हि वः सदा । नावः समनुकर्षध्वं तारयिष्याम वाहिनीम् ॥
uttiṣṭhata prabudhyadhvaṃ bhadramastu hi vaḥ sadā | nāvaḥ samanukarṣadhvaṃ tārayiṣyāma vāhinīm ||
English Translation
Arise you! Awake! May good always attend you! Do you draw up the boats; I shall ferry the forces over.
VR 2.83.10 अनुष्टुप्
ते तथोक्ताः समुत्थाय त्वरिता राजशासनात् । पञ्च नावां शतान्येव समानिन्युः समन्ततः ॥
te tathoktāḥ samutthāya tvaritā rājaśāsanāt | pañca nāvāṃ śatānyeva samāninyuḥ samantataḥ ||
English Translation
Thus asked, they arising and bestirring themselves in consequence of the king's command, brought up five hundred boats around.
VR 2.83.11 अनुष्टुप्
अन्याः स्वस्तिकविज्ञेया महाघण्डा धरा वराः । शोभमानाः पताकिन्यो युक्तवाताः सुसंहताः ॥
anyāḥ svastikavijñeyā mahāghaṇḍā dharā varāḥ | śobhamānāḥ patākinyo yuktavātāḥ susaṃhatāḥ ||
English Translation
Others also known by the name of Swastika, bearing large bells on their prows, and banners, well decked out, furnished with oars, and manned by bargemen, with their joints firmly constructed, (were brought up).
VR 2.83.12 अनुष्टुप्
ततः स्वस्तिकविज्ञेयां पाण्डुकम्बलसंवृताम् । सनन्दिघोषां कल्याणीं गुहो नावमुपाहरत् ॥
tataḥ svastikavijñeyāṃ pāṇḍukambalasaṃvṛtām | sanandighoṣāṃ kalyāṇīṃ guho nāvamupāharat ||
English Translation
And Guha himself brought a graceful barge called Swastika, covered with pale woollen cloth, and resounding with music.
VR 2.83.13 अनुष्टुप्
तामारुरोह भरतः शत्रुघ्नश्च महाबलः । कौसल्या च सुमित्रा च याश्चान्या राजयोषितः ॥
tāmāruroha bharataḥ śatrughnaśca mahābalaḥ | kausalyā ca sumitrā ca yāścānyā rājayoṣitaḥ ||
English Translation
On this boat ascended Bharata, the mighty Śatrughna, Kausalyā, Sumitrā, and other wives of the king. The priests, and preceptors belonging to the Brāhmaṇa order, has already ascended. After (Bharata and others had got up), ascended the wives of auxiliary princes, and cars and provisions were got on board.
VR 2.83.14 अनुष्टुप्
पुरोहितश्च तत्पूर्वं गुरवे ब्राह्मणाश्च ये । अनन्तरं राजदारास्तथैव शकटापणाः ॥
purohitaśca tatpūrvaṃ gurave brāhmaṇāśca ye | anantaraṃ rājadārāstathaiva śakaṭāpaṇāḥ ||
English Translation
On this boat ascended Bharata, the mighty Śatrughna, Kausalyā, Sumitrā, and other wives of the king. The priests, and preceptors belonging to the Brāhmaṇa order, has already ascended. After (Bharata and others had got up), ascended the wives of auxiliary princes, and cars and provisions were got on board.
VR 2.83.15 अनुष्टुप्
आवासमादीपयतां तीर्थं चाप्यवगाहताम् । भाण्डानि चाददानानां घोषस्त्रिदिवमस्पृशत् ॥
āvāsamādīpayatāṃ tīrthaṃ cāpyavagāhatām | bhāṇḍāni cādadānānāṃ ghoṣastridivamaspṛśat ||
English Translation
And the uproar consequent of the troops burning down dwellings, pressing down descents to the river, and loading goods, spread on all sides.
VR 2.83.16 अनुष्टुप्
पताकिन्यस्तु ता नावः स्वयं दाशैरधिष्ठिताः । वहन्त्यो जनमारूढं तदा संपेतुराशुगाः ॥
patākinyastu tā nāvaḥ svayaṃ dāśairadhiṣṭhitāḥ | vahantyo janamārūḍhaṃ tadā saṃpeturāśugāḥ ||
English Translation
Then those boats hung with pennons, managed by the kinsfolk (of Guha), set off at speed with the teeming folks that had got on board.
VR 2.83.17 अनुष्टुप्
नारीणामभिपूर्णास्तु काश्चित्काश्चित्तु वाजिनाम् । कश्चित्तत्र वहन्ति स्म यानयुग्यं महाधनम् ॥
nārīṇāmabhipūrṇāstu kāścitkāścittu vājinām | kaścittatra vahanti sma yānayugyaṃ mahādhanam ||
English Translation
And some of these were filled with women, and some with horses, and some conveyed cars and cattle of great value.
VR 2.83.18 अनुष्टुप्
ताः स्म गत्वा परं तीरमवरोप्य च तं जनम् । निवृत्ताः काण्डचित्राणि क्रियन्ते दाशबन्धुभिः ॥
tāḥ sma gatvā paraṃ tīramavaropya ca taṃ janam | nivṛttāḥ kāṇḍacitrāṇi kriyante dāśabandhubhiḥ ||
English Translation
And going to the other bank and landing the crowds on the shore, the friends and slaves (of Guha) while returning, movements (of the boats).
VR 2.83.19 अनुष्टुप्
सवैजयन्तास्तु गजा गजारोहैः प्रचोदिताः । तरन्तः स्म प्रकाशन्ते सध्वजा इव पर्वताः ॥
savaijayantāstu gajā gajārohaiḥ pracoditāḥ | tarantaḥ sma prakāśante sadhvajā iva parvatāḥ ||
English Translation
And elephants graced with flags ing spurred on by their riders, began to cross the stream, appearing like (so many) winged hills.
VR 2.83.20 अनुष्टुप्
नावश्चारुरुहुस्त्वन्ये प्लवैस्तेरुस्तथापरे । अन्ये कुम्भघटैस्तेरुरन्ये तेरुश्च बाहुभिः ॥
nāvaścāruruhustvanye plavaisterustathāpare | anye kumbhaghaṭaisteruranye teruśca bāhubhiḥ ||
English Translation
Others ascended boats, and others crossed on rafts, others crossed by means of reversed pitchers, and others by their arms alone.
VR 2.83.21 अनुष्टुप्
सा पुण्या ध्वजिनी गङ्गां दाशैः संतारिता स्वयम् । मैत्रे मुहूर्ते प्रययौ प्रयागवनमुत्तमम् ॥
sā puṇyā dhvajinī gaṅgāṃ dāśaiḥ saṃtāritā svayam | maitre muhūrte prayayau prayāgavanamuttamam ||
English Translation
Ferried over the Gangā by the servants (of Guha), that beautiful army graced with streamers, at the third Muhurta arrived at the romantic woods of Prayāga.
VR 2.83.22 उपजातिः
आश्वासयित्वा च चमूं महात्मा; निवेशयित्वा च यथोपजोषम् । द्रष्टुं भरद्वाजमृषिप्रवर्य;मृत्विग्वृतः सन्भरतः प्रतस्थे ॥
āśvāsayitvā ca camūṃ mahātmā; niveśayitvā ca yathopajoṣam | draṣṭuṃ bharadvājamṛṣipravarya;mṛtvigvṛtaḥ sanbharataḥ pratasthe ||
English Translation
The noble Bharata, got his army encamped according to their pleasure and set out, accompanied by his priests, to see the distinguished sage Bharadwaja.
← Previous (Ch. 158) Full Table of Contents Next (Ch. 160) →