Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 47

Bālakāṇḍa Sarga 47

बालकाण्डम् • सर्गः 47

Bālakāṇḍa Sarga 47 of the classical Vālmīki Rāmāyaṇa with 32 verses.

Total: 32 Verses • Citations: VR 1.47.1–32 • 175 Lexicon Terms
VR 1.47.1 अनुष्टुप्
पृष्ट्वा तु कुशलं तत्र परस्परसमागमे । कथान्ते सुमतिर्वाक्यं व्याजहार महामुनिम् ॥
pṛṣṭvā tu kuśalaṃ tatra parasparasamāgame | kathānte sumatirvākyaṃ vyājahāra mahāmunim ||
English Translation
Having met together they enquired after each other's welfare. And then Sumati spoke to the mighty ascetic, saying.
VR 1.47.2 अनुष्टुप्
इमौ कुमारौ भद्रं ते देवतुल्यपराक्रमौ । गजसिंहगती वीरौ शार्दूलवृषभोपमौ ॥
imau kumārau bhadraṃ te devatulyaparākramau | gajasiṃhagatī vīrau śārdūlavṛṣabhopamau ||
VR 1.47.3 अनुष्टुप्
पद्मपत्रविशालाक्षौ खड्गतूणीधनुर्धरौ । अश्विनाविव रूपेण समुपस्थितयौवनौ ॥
padmapatraviśālākṣau khaḍgatūṇīdhanurdharau | aśvināviva rūpeṇa samupasthitayauvanau ||
VR 1.47.4 अनुष्टुप्
यदृच्छयैव गां प्राप्तौ देवलोकादिवामरौ । कथं पद्भ्यामिह प्राप्तौ किमर्थं कस्य वा मुने ॥
yadṛcchayaiva gāṃ prāptau devalokādivāmarau | kathaṃ padbhyāmiha prāptau kimarthaṃ kasya vā mune ||
VR 1.47.5 अनुष्टुप्
भूषयन्ताविमं देशं चन्द्रसूर्याविवाम्बरम् । परस्परस्य सदृशौ प्रमाणेङ्गितचेष्टितैः ॥
bhūṣayantāvimaṃ deśaṃ candrasūryāvivāmbaram | parasparasya sadṛśau pramāṇeṅgitaceṣṭitaiḥ ||
English Translation
And adorning all directions, like to the Sun or Moon adorning the firmament, and resembling each other. in personal proportions, and expressions, and gestures, and equipped with excellent weapons, and war-like, how have these paragons of men, into this impracticable way? I Wish to hear all this related truly.
VR 1.47.6 अनुष्टुप्
किमर्थं च नरश्रेष्ठौ संप्राप्तौ दुर्गमे पथि । वरायुधधरौ वीरौ श्रोतुमिच्छामि तत्त्वतः ॥
kimarthaṃ ca naraśreṣṭhau saṃprāptau durgame pathi | varāyudhadharau vīrau śrotumicchāmi tattvataḥ ||
English Translation
And adorning all directions, like to the Sun or Moon adorning the firmament, and resembling each other. in personal proportions, and expressions, and gestures, and equipped with excellent weapons, and war-like, how have these paragons of men, into this impracticable way? I Wish to hear all this related truly.
VR 1.47.7 अनुष्टुप्
तस्य तद्वचनं श्रुत्वा यथावृत्तं न्यवेदयत् । सिद्धाश्रमनिवासं च राक्षसानां वधं तथा ॥
tasya tadvacanaṃ śrutvā yathāvṛttaṃ nyavedayat | siddhāśramanivāsaṃ ca rākṣasānāṃ vadhaṃ tathā ||
English Translation
On hearing his words, he (Viswamitra) related all about their stay at Siddhashrama and the slaying of rakshasas.
VR 1.47.8 उपजातिः
विश्वामित्रवचः श्रुत्वा राजा परमहर्षितः । अतिथी परमौ प्राप्तौ पुत्रौ दशरथस्य तौ । पूजयामास विधिवत्सत्कारार्हौ महाबलौ ॥
viśvāmitravacaḥ śrutvā rājā paramaharṣitaḥ | atithī paramau prāptau putrau daśarathasya tau | pūjayāmāsa vidhivatsatkārārhau mahābalau ||
English Translation
Having heard his words, Viśvāmitra faithfully related all about it. Hearing Viśvāmitra's words, the king was extremely surprised; and having those sons of Daśaratha as his all-worthy guests, received with becoming respect those highly powerful ones deserving of hospitality.
VR 1.47.9 अनुष्टुप्
ततः परमसत्कारं सुमतेः प्राप्य राघवौ । उष्य तत्र निशामेकां जग्मतुर्मिथिलां ततः ॥
tataḥ paramasatkāraṃ sumateḥ prāpya rāghavau | uṣya tatra niśāmekāṃ jagmaturmithilāṃ tataḥ ||
English Translation
Meeting with such splendid reception from Sumati, those descendants of Raghu spent there a night, and the next day set out for Mithila.
VR 1.47.10 अनुष्टुप्
तां दृष्ट्वा मुनयः सर्वे जनकस्य पुरीं शुभाम् । साधु साध्विति शंसन्तो मिथिलां समपूजयन् ॥
tāṃ dṛṣṭvā munayaḥ sarve janakasya purīṃ śubhām | sādhu sādhviti śaṃsanto mithilāṃ samapūjayan ||
English Translation
Beholding Janaka's beauteous city, the ascetics exclaiming, 'Excellent' fell to admiring Mithila.
VR 1.47.11 अनुष्टुप्
मिथिलोपवने तत्र आश्रमं दृश्य राघवः । पुराणं निर्जनं रम्यं पप्रच्छ मुनिपुंगवम् ॥
mithilopavane tatra āśramaṃ dṛśya rāghavaḥ | purāṇaṃ nirjanaṃ ramyaṃ papraccha munipuṃgavam ||
English Translation
And in a grove at Mithilā, Rāghava saw an ancient, lonely, and romantic asylum, and asked that foremost of ascetics, saying.
VR 1.47.12 अनुष्टुप्
श्रीमदाश्रमसंकाशं किं न्विदं मुनिवर्जितम् । श्रोतुमिच्छामि भगवन्कस्यायं पूर्व आश्रमः ॥
śrīmadāśramasaṃkāśaṃ kiṃ nvidaṃ munivarjitam | śrotumicchāmi bhagavankasyāyaṃ pūrva āśramaḥ ||
English Translation
What is this that look like an asylum, though without any ascetics? I wish to hear, O worshipful one, to whom this asylum belonged in time past.
VR 1.47.13 अनुष्टुप्
तच्छ्रुता राघवेणोक्तं वाक्यं वाक्यविशारदः । प्रत्युवाच महातेजा विश्वमित्रो महामुनिः ॥
tacchrutā rāghaveṇoktaṃ vākyaṃ vākyaviśāradaḥ | pratyuvāca mahātejā viśvamitro mahāmuniḥ ||
English Translation
Hearing this speech addressed by Raghu's descendant that one versed in speech, the highly energetic and mighty saint, Viśvāmitra, answered.
VR 1.47.14 अनुष्टुप्
हन्त ते कथयिष्यामि शृणु तत्त्वेन राघव । यस्यैतदाश्रमपदं शप्तं कोपान्महात्मना ॥
hanta te kathayiṣyāmi śṛṇu tattvena rāghava | yasyaitadāśramapadaṃ śaptaṃ kopānmahātmanā ||
English Translation
Ah! Do you listen. I will tell you through the wrath of what high-souled one this hermitage came to he cursed.
VR 1.47.15 अनुष्टुप्
गौतमस्य नरश्रेष्ठ पूर्वमासीन्महात्मनः । आश्रमो दिव्यसंकाशः सुरैरपि सुपूजितः ॥
gautamasya naraśreṣṭha pūrvamāsīnmahātmanaḥ | āśramo divyasaṃkāśaḥ surairapi supūjitaḥ ||
English Translation
O foremost of men, this excellent asylum honoured by the celestials themselves, formerly belonged to the high-souled Gautama.
VR 1.47.16 अनुष्टुप्
स चेह तप आतिष्ठदहल्यासहितः पुरा । वर्षपूगान्यनेकानि राजपुत्र महायशः ॥
sa ceha tapa ātiṣṭhadahalyāsahitaḥ purā | varṣapūgānyanekāni rājaputra mahāyaśaḥ ||
English Translation
Here, O illustrious prince, in days of yore Gautama in company with Ahalyā carried on austerities for a long series of years.
VR 1.47.17 अनुष्टुप्
तस्यान्तरं विदित्वा तु सहस्राक्षः शचीपतिः । मुनिवेषधरोऽहल्यामिदं वचनमब्रवीत् ॥
tasyāntaraṃ viditvā tu sahasrākṣaḥ śacīpatiḥ | muniveṣadharo'halyāmidaṃ vacanamabravīt ||
English Translation
And perceiving occasion Saci's lord, the thousand-eyed deity assuming the form of that ascetic thus addressed Ahalyā.
VR 1.47.18 अनुष्टुप्
ऋतुकालं प्रतीक्षन्ते नार्थिनः सुसमाहिते । संगमं त्वहमिच्छामि त्वया सह सुमध्यमे ॥
ṛtukālaṃ pratīkṣante nārthinaḥ susamāhite | saṃgamaṃ tvahamicchāmi tvayā saha sumadhyame ||
English Translation
O exceedingly beautiful one, those bent upon sport, do not stay for the menstrual season. And, O graceful one, I desire to enjoy your company (on the instant).
VR 1.47.19 अनुष्टुप्
मुनिवेषं सहस्राक्षं विज्ञाय रघुनन्दन । मतिं चकार दुर्मेधा देवराजकुतूहलात् ॥
muniveṣaṃ sahasrākṣaṃ vijñāya raghunandana | matiṃ cakāra durmedhā devarājakutūhalāt ||
English Translation
Thereupon, out of curiosity, that one of perverse understanding consented to the proposals of the chief of the celestials.
VR 1.47.20 उपजातिः
अथाब्रवीत्सुरश्रेष्ठं कृतार्थेनान्तरात्मना । कृतार्थोऽसि सुरश्रेष्ठ गच्छ शीघ्रमितः प्रभो । आत्मानं मां च देवेश सर्वदा रक्ष मानदः ॥
athābravītsuraśreṣṭhaṃ kṛtārthenāntarātmanā | kṛtārtho'si suraśreṣṭha gaccha śīghramitaḥ prabho | ātmānaṃ māṃ ca deveśa sarvadā rakṣa mānadaḥ ||
English Translation
Then, having attained her object, she spoke to that foremost of the celestials, saying, 'O best of the immortals, I have obtained my desire, do you speedily go from this place, O lord. Do you, O lord of the celestials, from a sense of respectability preserve yourself and me also.'
VR 1.47.21 अनुष्टुप्
इन्द्रस्तु प्रहसन्वाक्यमहल्यामिदमब्रवीत् । सुश्रोणि परितुष्टोऽस्मि गमिष्यामि यथागतम् ॥
indrastu prahasanvākyamahalyāmidamabravīt | suśroṇi parituṣṭo'smi gamiṣyāmi yathāgatam ||
English Translation
Indra too said to Ahalyā, 'O you of shapely hips, pleased am I. Now I repair to my own place.'
VR 1.47.22 अनुष्टुप्
एवं संगम्य तु तया निश्चक्रामोटजात्ततः । स संभ्रमात्त्वरन्राम शङ्कितो गौतमं प्रति ॥
evaṃ saṃgamya tu tayā niścakrāmoṭajāttataḥ | sa saṃbhramāttvaranrāma śaṅkito gautamaṃ prati ||
English Translation
Having known her thus, Indra, O Rama, exceedingly apprehensive of Gautama, then hurriedly sallied out of the thatched cottage.
VR 1.47.23 उपजातिः
गौतमं स ददर्शाथ प्रविशन्तं महामुनिम् । देवदानवदुर्धर्षं तपोबलसमन्वितम् । तीर्थोदकपरिक्लिन्नं दीप्यमानमिवानलम् । गृहीतसमिधं तत्र सकुशं मुनिपुङ्गवम् ॥
gautamaṃ sa dadarśātha praviśantaṃ mahāmunim | devadānavadurdharṣaṃ tapobalasamanvitam | tīrthodakapariklinnaṃ dīpyamānamivānalam | gṛhītasamidhaṃ tatra sakuśaṃ munipuṅgavam ||
English Translation
Just at this time, Indra saw that mighty ascetic Gautama entering, that foremost of anchorets, incapable of being repressed by the deities and the Dānavas, and equipped with ascetic energy, having based in the waters of holy spots, and flaming like fire, carrying faggots and Kuća grass.
VR 1.47.24 अनुष्टुप्
दृष्ट्वा सुरपतिस्त्रस्तो विषण्णवदनोऽभवत् ॥
dṛṣṭvā surapatistrasto viṣaṇṇavadano'bhavat ||
VR 1.47.25 अनुष्टुप्
अथ दृष्ट्वा सहस्राक्षं मुनिवेषधरं मुनिः । दुर्वृत्तं वृत्तसंपन्नो रोषाद्वचनमब्रवीत् ॥
atha dṛṣṭvā sahasrākṣaṃ muniveṣadharaṃ muniḥ | durvṛttaṃ vṛttasaṃpanno roṣādvacanamabravīt ||
English Translation
And seeing him, the countenance of the lord of the celestials turned pale. And seeing the wicked thousand-eyed deity in the guise of an ascetic, the well-behaved anchorite fired with rage said.
VR 1.47.26 अनुष्टुप्
मम रूपं समास्थाय कृतवानसि दुर्मते । अकर्तव्यमिदं यस्माद्विफलस्त्वं भविष्यति ॥
mama rūpaṃ samāsthāya kṛtavānasi durmate | akartavyamidaṃ yasmādviphalastvaṃ bhaviṣyati ||
English Translation
'And since, O you of wicked understanding, assuming my form, you have done this foul. deed, you shall lose your scrotum.'
VR 1.47.27 अनुष्टुप्
गौतमेनैवमुक्तस्य सरोषेण महात्मना । पेततुर्वृषणौ भूमौ सहस्राक्षस्य तत्क्षणात् ॥
gautamenaivamuktasya saroṣeṇa mahātmanā | petaturvṛṣaṇau bhūmau sahasrākṣasya tatkṣaṇāt ||
English Translation
And soon as the high-souled Gautama had said this in ire, the scrotum of the thousand-eyed one dropped to the earth.
VR 1.47.28 अनुष्टुप्
तथा शप्त्वा स वै शक्रं भार्यामपि च शप्तवान् । इह वर्षसहस्राणि बहूनि त्वं निवत्स्यसि ॥
tathā śaptvā sa vai śakraṃ bhāryāmapi ca śaptavān | iha varṣasahasrāṇi bahūni tvaṃ nivatsyasi ||
English Translation
Having thus cursed Indra, he also cursed Ahalya: 'You will be staying here for thousands of years without food and subsisting on air, lying down in ashes, doing penance, without being seen by any living beings in this ashrama'.
VR 1.47.29 अनुष्टुप्
वायुभक्षा निराहारा तप्यन्ती भस्मशायिनी । अदृश्या सर्वभूतानामाश्रमेऽस्मिन्निवत्स्यसि ॥
vāyubhakṣā nirāhārā tapyantī bhasmaśāyinī | adṛśyā sarvabhūtānāmāśrame'sminnivatsyasi ||
English Translation
Having thus cursed Indra, he also cursed Ahalya: 'You will be staying here for thousands of years without food and subsisting on air, lying down in ashes, doing penance, without being seen by any living beings in this ashrama'.
VR 1.47.30 अनुष्टुप्
यदा चैतद्वनं घोरं रामो दशरथात्मजः । आगमिष्यति दुर्धर्षस्तदा पूता भविष्यसि ॥
yadā caitadvanaṃ ghoraṃ rāmo daśarathātmajaḥ | āgamiṣyati durdharṣastadā pūtā bhaviṣyasi ||
English Translation
'When the son of Dasaratha, the unassailable Rama enters this dreadful forest, you will be cleansed (of this sin)'.
VR 1.47.31 अनुष्टुप्
तस्यातिथ्येन दुर्वृत्ते लोभमोहविवर्जिता । मत्सकाशे मुदा युक्ता स्वं वपुर्धारयिष्यसि ॥
tasyātithyena durvṛtte lobhamohavivarjitā | matsakāśe mudā yuktā svaṃ vapurdhārayiṣyasi ||
English Translation
'O Wickednatured one by offering hospitality to Rama, without covetousness and passion, you will happily live with me by regaining your present form'.
VR 1.47.32 उपजातिः
एवमुक्त्वा महातेजा गौतमो दुष्टचारिणीम् । इममाश्रममुत्सृज्य सिद्धचारणसेविते । हिमवच्छिखरे रम्ये तपस्तेपे महातपाः ॥
evamuktvā mahātejā gautamo duṣṭacāriṇīm | imamāśramamutsṛjya siddhacāraṇasevite | himavacchikhare ramye tapastepe mahātapāḥ ||
English Translation
Having said this the highly energetic Gautama of rigid austerities, forsaking this hermitage, began to carry on penances on the romantic summit of the Himavat, inhabited by Siddhas and Caranas.
← Previous (Ch. 46) Full Table of Contents Next (Ch. 48) →