Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 36

Kiṣkindhākāṇḍa Sarga 36

किष्किन्धाकाण्डम् • सर्गः 36

Kiṣkindhākāṇḍa Sarga 36 of the classical Vālmīki Rāmāyaṇa with 37 verses.

Total: 37 Verses • Citations: VR 4.36.1–37 • 175 Lexicon Terms
VR 4.36.1 अनुष्टुप्
एवमुक्तस्तु सुग्रीवो लक्ष्मणेन महात्मना । हनुमन्तं स्थितं पार्श्वे सचिवं वाक्यमब्रवीत् ॥
evamuktastu sugrīvo lakṣmaṇena mahātmanā | hanumantaṃ sthitaṃ pārśve sacivaṃ vākyamabravīt ||
English Translation
Thus addressed by the magnanimous Lakşmana Sugrīva said to Hanumān, staying beside him,
VR 4.36.2 अनुष्टुप्
महेन्द्रहिमवद्विन्ध्यकैलासशिखरेषु च । मन्दरे पाण्डुशिखरे पञ्चशैलेषु ये स्थिताः ॥
mahendrahimavadvindhyakailāsaśikhareṣu ca | mandare pāṇḍuśikhare pañcaśaileṣu ye sthitāḥ ||
VR 4.36.3 अनुष्टुप्
तरुणादित्यवर्णेषु भ्राजमानेषु सर्वशः । पर्वतेषु समुद्रान्ते पश्चिमस्यां तु ये दिशि ॥
taruṇādityavarṇeṣu bhrājamāneṣu sarvaśaḥ | parvateṣu samudrānte paścimasyāṃ tu ye diśi ||
VR 4.36.4 अनुष्टुप्
आदित्यभवने चैव गिरौ संध्याभ्रसंनिभे । पद्मतालवनं भीमं संश्रिता हरिपुंगवाः ॥
ādityabhavane caiva girau saṃdhyābhrasaṃnibhe | padmatālavanaṃ bhīmaṃ saṃśritā haripuṃgavāḥ ||
VR 4.36.5 अनुष्टुप्
अञ्जनाम्बुदसंकाशाः कुञ्जरप्रतिमौजसः । अञ्जने परते चैव ये वसन्ति प्लवंगमाः ॥
añjanāmbudasaṃkāśāḥ kuñjarapratimaujasaḥ | añjane parate caiva ye vasanti plavaṃgamāḥ ||
VR 4.36.6 अनुष्टुप्
मनःशिला गुहावासा वानराः कनकप्रभाः । मेरुपार्श्वगताश्चैव ये च धूम्रगिरिं श्रिताः ॥
manaḥśilā guhāvāsā vānarāḥ kanakaprabhāḥ | merupārśvagatāścaiva ye ca dhūmragiriṃ śritāḥ ||
VR 4.36.7 अनुष्टुप्
तरुणादित्यवर्णाश्च पर्वते ये महारुणे । पिबन्तो मधुमैरेयं भीमवेगाः प्लवंगमाः ॥
taruṇādityavarṇāśca parvate ye mahāruṇe | pibanto madhumaireyaṃ bhīmavegāḥ plavaṃgamāḥ ||
VR 4.36.8 अनुष्टुप्
वनेषु च सुरम्येषु सुगन्धिषु महत्सु च । तापसानां च रम्येषु वनान्तेषु समन्ततः ॥
vaneṣu ca suramyeṣu sugandhiṣu mahatsu ca | tāpasānāṃ ca ramyeṣu vanānteṣu samantataḥ ||
VR 4.36.9 अनुष्टुप्
तांस्तांस्त्वमानय क्षिप्रं पृथिव्यां सर्ववानरान् । सामदानादिभिः कल्पैराशु प्रेषय वानरान् ॥
tāṃstāṃstvamānaya kṣipraṃ pṛthivyāṃ sarvavānarān | sāmadānādibhiḥ kalpairāśu preṣaya vānarān ||
VR 4.36.10 अनुष्टुप्
प्रेषिताः प्रथमं ये च मया दूता महाजवाः । त्वरणार्थं तु भूयस्त्वं हरीन्संप्रेषयापरान् ॥
preṣitāḥ prathamaṃ ye ca mayā dūtā mahājavāḥ | tvaraṇārthaṃ tu bhūyastvaṃ harīnsaṃpreṣayāparān ||
English Translation
I know those monkeys that I have first despatched, to be gifted with great velocity*, yet, for urging speed upon them, do you send other foremost of monkeys. *The commentator slips the sense here. According to him, the meaning is, Those monkeys whom I have first sent, are known to me.
VR 4.36.11 अनुष्टुप्
ये प्रसक्ताश्च कामेषु दीर्घसूत्राश्च वानराः । इहानयस्व तान्सर्वाञ्शीघ्रं तु मम शासनात् ॥
ye prasaktāśca kāmeṣu dīrghasūtrāśca vānarāḥ | ihānayasva tānsarvāñśīghraṃ tu mama śāsanāt ||
English Translation
Do you directly bring up here those monkeychiefs that are given up to lust or are dilatory.
VR 4.36.12 अनुष्टुप्
अहोभिर्दशभिर्ये च नागच्छन्ति ममाज्ञया । हन्तव्यास्ते दुरात्मानो राजशासनदूषकाः ॥
ahobhirdaśabhirye ca nāgacchanti mamājñayā | hantavyāste durātmāno rājaśāsanadūṣakāḥ ||
English Translation
Those wicked ones, that finding fault with the royal mandate, do not (come in) at my command within ten days, must be slain.
VR 4.36.13 अनुष्टुप्
शतान्यथ सहस्राणि कोट्यश्च मम शासनात् । प्रयान्तु कपिसिंहानां दिशो मम मते स्थिताः ॥
śatānyatha sahasrāṇi koṭyaśca mama śāsanāt | prayāntu kapisiṃhānāṃ diśo mama mate sthitāḥ ||
English Translation
Let those hundreds and thousands and kotis of leonine monkeys that abide by my mandate, hie (hence) at my behest.
VR 4.36.14 अनुष्टुप्
मेघपर्वतसंकाशाश्छादयन्त इवाम्बरम् । घोररूपाः कपिश्रेष्ठा यान्तु मच्छासनादितः ॥
meghaparvatasaṃkāśāśchādayanta ivāmbaram | ghorarūpāḥ kapiśreṣṭhā yāntu macchāsanāditaḥ ||
English Translation
Let (monkey) resembling clouds or mountains, cover up the sky; and let the foremost monkeys of dreadful forms march hence at my command.
VR 4.36.15 अनुष्टुप्
ते गतिज्ञा गतिं गत्वा पृथिव्यां सर्ववानराः । आनयन्तु हरीन्सर्वांस्त्वरिताः शासनान्मम ॥
te gatijñā gatiṃ gatvā pṛthivyāṃ sarvavānarāḥ | ānayantu harīnsarvāṃstvaritāḥ śāsanānmama ||
English Translation
Let all the monkeys on earth, acquainted with motion lying themselves and summoning speed at my command, bring all the monkeys.
VR 4.36.16 अनुष्टुप्
तस्य वानरराजस्य श्रुत्वा वायुसुतो वचः । दिक्षु सर्वासु विक्रान्तान्प्रेषयामास वानरान् ॥
tasya vānararājasya śrutvā vāyusuto vacaḥ | dikṣu sarvāsu vikrāntānpreṣayāmāsa vānarān ||
English Translation
Hearing the words of the monkey-king, the son of the Wind-god despatched powerful monkeys in all directions.
VR 4.36.17 अनुष्टुप्
ते पदं विष्णुविक्रान्तं पतत्रिज्योतिरध्वगाः । प्रयाताः प्रहिता राज्ञा हरयस्तत्क्षणेन वै ॥
te padaṃ viṣṇuvikrāntaṃ patatrijyotiradhvagāḥ | prayātāḥ prahitā rājñā harayastatkṣaṇena vai ||
English Translation
Despatched by the king, the monkeys, ranging the sphere of birds and stars, immediately went through the welkin.
VR 4.36.18 अनुष्टुप्
ते समुद्रेषु गिरिषु वनेषु च सरित्सु च । वानरा वानरान्सर्वान्रामहेतोरचोदयन् ॥
te samudreṣu giriṣu vaneṣu ca saritsu ca | vānarā vānarānsarvānrāmahetoracodayan ||
English Translation
And on oceans and mountains, in forests and tanks, the monkeys began to send away all the apes on behalf of Rāma.
VR 4.36.19 अनुष्टुप्
मृत्युकालोपमस्याज्ञां राजराजस्य वानराः । सुग्रीवस्याययुः श्रुत्वा सुग्रीवभयदर्शिनः ॥
mṛtyukālopamasyājñāṃ rājarājasya vānarāḥ | sugrīvasyāyayuḥ śrutvā sugrīvabhayadarśinaḥ ||
English Translation
Hearing the mandate of that king of kings, Sugriva, resembling the Hour of death, the monkeys, conceiving fear for Sugrīva, set out.
VR 4.36.20 अनुष्टुप्
ततस्तेऽञ्जनसंकाशा गिरेस्तस्मान्महाजवाः । तिस्रः कोट्यः प्लवंगानां निर्ययुर्यत्र राघवः ॥
tataste'ñjanasaṃkāśā girestasmānmahājavāḥ | tisraḥ koṭyaḥ plavaṃgānāṃ niryayuryatra rāghavaḥ ||
English Translation
And monkeys resembling collyrium (in hue), numbering three kotis, endued with huge might, set out from the Añjana hill for the place where Rāghava was.
VR 4.36.21 अनुष्टुप्
अस्तं गच्छति यत्रार्कस्तस्मिन्गिरिवरे रताः । तप्तहेमसमाभासास्तस्मात्कोट्यो दशच्युताः ॥
astaṃ gacchati yatrārkastasmingirivare ratāḥ | taptahemasamābhāsāstasmātkoṭyo daśacyutāḥ ||
English Translation
And ten koțis having the splendour of molten gold inhabiting the mountain where the sun sets, set out.
VR 4.36.22 अनुष्टुप्
कैलास शिखरेभ्यश्च सिंहकेसरवर्चसाम् । ततः कोटिसहस्राणि वानराणामुपागमन् ॥
kailāsa śikharebhyaśca siṃhakesaravarcasām | tataḥ koṭisahasrāṇi vānarāṇāmupāgaman ||
English Translation
And a thousand kotis, hued like the lion's mane, came from the peaks of Kailāsa.
VR 4.36.23 अनुष्टुप्
फलमूलेन जीवन्तो हिमवन्तमुपाश्रिताः । तेषां कोटिसहस्राणां सहस्रं समवर्तत ॥
phalamūlena jīvanto himavantamupāśritāḥ | teṣāṃ koṭisahasrāṇāṃ sahasraṃ samavartata ||
English Translation
And of those dwelling in Himālaya, subsisting on fruits and roots, numbering a thousand and kotis, a thousand appeared.
VR 4.36.24 अनुष्टुप्
अङ्गारक समानानां भीमानां भीमकर्मणाम् । विन्ध्याद्वानरकोटीनां सहस्राण्यपतन्द्रुतम् ॥
aṅgāraka samānānāṃ bhīmānāṃ bhīmakarmaṇām | vindhyādvānarakoṭīnāṃ sahasrāṇyapatandrutam ||
English Translation
And thousands of dreadful monkeys of terrible deeds, hued like charcoal, numbering kot is, rushed suddenly from Vindhya.
VR 4.36.25 अनुष्टुप्
क्षीरोदवेलानिलयास्तमालवनवासिनः । नारिकेलाशनाश्चैव तेषां संख्या न विद्यते ॥
kṣīrodavelānilayāstamālavanavāsinaḥ | nārikelāśanāścaiva teṣāṃ saṃkhyā na vidyate ||
English Translation
And there exists no record of the number of those inhabiting the shores of the ocean of milk, and the dwellers in the Tamāla forests, as well as those subsisting on coconuts.
VR 4.36.26 अनुष्टुप्
वनेभ्यो गह्वरेभ्यश्च सरिद्भ्यश्च महाजवाः । आगच्छद्वानरी सेना पिबन्तीव दिवाकरम् ॥
vanebhyo gahvarebhyaśca saridbhyaśca mahājavāḥ | āgacchadvānarī senā pibantīva divākaram ||
English Translation
And, as if drinking up the sun, the mighty monkey host came from forests and caves and rivers.
VR 4.36.27 अनुष्टुप्
ये तु त्वरयितुं याता वानराः सर्ववानरान् । ते वीरा हिमवच्छैलं ददृशुस्तं महाद्रुमम् ॥
ye tu tvarayituṃ yātā vānarāḥ sarvavānarān | te vīrā himavacchailaṃ dadṛśustaṃ mahādrumam ||
English Translation
And it came to pass that those heroic monkeys that had gone away to spur others on, found a mighty tree on Himayat.
VR 4.36.28 अनुष्टुप्
तस्मिन्गिरिवरे रम्ये यज्ञो महेश्वरः पुरा । सर्वदेवमनस्तोषो बभौ दिव्यो मनोहरः ॥
tasmingirivare ramye yajño maheśvaraḥ purā | sarvadevamanastoṣo babhau divyo manoharaḥ ||
English Translation
On that sacred mount in days of yore there took place a pleasing Maheswara* sacrifice. *The celestial horse-sacrifice.
VR 4.36.29 अनुष्टुप्
अन्नविष्यन्दजातानि मूलानि च फलानि च । अमृतस्वादुकल्पानि ददृशुस्तत्र वानराः ॥
annaviṣyandajātāni mūlāni ca phalāni ca | amṛtasvādukalpāni dadṛśustatra vānarāḥ ||
English Translation
There the monkeys found grateful fruits and roots sprung from the streams of sacrificial oblations, and resembling ambrosia.
VR 4.36.30 अनुष्टुप्
तदन्न संभवं दिव्यं फलं मूलं मनोहरम् । यः कश्चित्सकृदश्नाति मासं भवति तर्पितः ॥
tadanna saṃbhavaṃ divyaṃ phalaṃ mūlaṃ manoharam | yaḥ kaścitsakṛdaśnāti māsaṃ bhavati tarpitaḥ ||
English Translation
He that partakes of those excellent fruits and roots sprung from the sacrificial ingredients, does not experience hunger for a month.
VR 4.36.31 अनुष्टुप्
तानि मूलानि दिव्यानि फलानि च फलाशनाः । औषधानि च दिव्यानि जगृहुर्हरियूथपाः ॥
tāni mūlāni divyāni phalāni ca phalāśanāḥ | auṣadhāni ca divyāni jagṛhurhariyūthapāḥ ||
English Translation
Those prime monkeys, feeding on fruits, gathered those sapid fruits and roots and medicinal herbs.
VR 4.36.32 अनुष्टुप्
तस्माच्च यज्ञायतनात्पुष्पाणि सुरभीणि च । आनिन्युर्वानरा गत्वा सुग्रीवप्रियकारणात् ॥
tasmācca yajñāyatanātpuṣpāṇi surabhīṇi ca | āninyurvānarā gatvā sugrīvapriyakāraṇāt ||
English Translation
And for compassing the good of Sugrīva, repairing thither, the monkeys brought ordorous blossoms from the sacrificial ground.
VR 4.36.33 अनुष्टुप्
ते तु सर्वे हरिवराः पृथिव्यां सर्ववानरान् । संचोदयित्वा त्वरितं यूथानां जग्मुरग्रतः ॥
te tu sarve harivarāḥ pṛthivyāṃ sarvavānarān | saṃcodayitvā tvaritaṃ yūthānāṃ jagmuragrataḥ ||
English Translation
And all those foremost of monkeys, taking all the monkeys of the earth, hastily set off in the van of the herds.
VR 4.36.34 अनुष्टुप्
ते तु तेन मुहूर्तेन यूथपाः शीघ्रकारिणः । किष्किन्धां त्वरया प्राप्ताः सुग्रीवो यत्र वानरः ॥
te tu tena muhūrtena yūthapāḥ śīghrakāriṇaḥ | kiṣkindhāṃ tvarayā prāptāḥ sugrīvo yatra vānaraḥ ||
English Translation
And in a short while, those fast-fleeting apes speedily reached Kişkindhā, where the monkey Sugriva was.
VR 4.36.35 अनुष्टुप्
ते गृहीत्वौषधीः सर्वाः फलं मूलं च वानराः । तं प्रतिग्राहयामासुर्वचनं चेदमब्रुवन् ॥
te gṛhītvauṣadhīḥ sarvāḥ phalaṃ mūlaṃ ca vānarāḥ | taṃ pratigrāhayāmāsurvacanaṃ cedamabruvan ||
English Translation
And taking the healing herbs and the fruits and roots, the monkeys made them over to Sugrīva, and said,
VR 4.36.36 अनुष्टुप्
सर्वे परिगताः शैलाः समुद्राश्च वनानि च । पृथिव्यां वानराः सर्वे शासनादुपयान्ति ते ॥
sarve parigatāḥ śailāḥ samudrāśca vanāni ca | pṛthivyāṃ vānarāḥ sarve śāsanādupayānti te ||
English Translation
Having traversed mountains, rivers and forests, all the monkeys of the earth bend their steps towards you in obedience to your command.
VR 4.36.37 अनुष्टुप्
एवं श्रुत्वा ततो हृष्टः सुग्रीवः प्लवगाधिपः । प्रतिजग्राह च प्रीतस्तेषां सर्वमुपायनम् ॥
evaṃ śrutvā tato hṛṣṭaḥ sugrīvaḥ plavagādhipaḥ | pratijagrāha ca prītasteṣāṃ sarvamupāyanam ||
English Translation
Hearing this, Sugriva-lord of monkeys-was well pleased, and with a glad heart accepted all those present.
← Previous (Ch. 293) Full Table of Contents Next (Ch. 295) →