Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 44

Araṇyakāṇḍa Sarga 44

अरण्यकाण्डम् • सर्गः 44

Araṇyakāṇḍa Sarga 44 of the classical Vālmīki Rāmāyaṇa with 36 verses.

Total: 36 Verses • Citations: VR 3.44.1–36 • 175 Lexicon Terms
VR 3.44.1 अनुष्टुप्
तया परुषमुक्तस्तु कुपितो राघवानुजः । स विकाङ्क्षन्भृशं रामं प्रतस्थे नचिरादिव ॥
tayā paruṣamuktastu kupito rāghavānujaḥ | sa vikāṅkṣanbhṛśaṃ rāmaṃ pratasthe nacirādiva ||
English Translation
Having been addressed with those harsh words the younger brother of Rāghava, enraged, proceeded at once, being anxious to see Rāma.
VR 3.44.2 अनुष्टुप्
तदासाद्य दशग्रीवः क्षिप्रमन्तरमास्थितः । अभिचक्राम वैदेहीं परिव्राजकरूपधृक् ॥
tadāsādya daśagrīvaḥ kṣipramantaramāsthitaḥ | abhicakrāma vaidehīṃ parivrājakarūpadhṛk ||
English Translation
Thereupon the ten-necked one, availing of this opportunity came before Vaidehī assuming the semblance of a mendicant.
VR 3.44.3 उपजातिः
श्लक्ष्णकाषायसंवीतः शिखी छत्री उपानही । वामे चांसेऽवसज्याथ शुभे यष्टिकमण्डलू । परिव्राजकरूपेण वैदेहीं समुपागमत् ॥
ślakṣṇakāṣāyasaṃvītaḥ śikhī chatrī upānahī | vāme cāṃse'vasajyātha śubhe yaṣṭikamaṇḍalū | parivrājakarūpeṇa vaidehīṃ samupāgamat ||
English Translation
Wearing a soft silken cloth, with a lock of hair on his head with an umbrella and shoes and having on his left shoulder a rod and kamandalu the highly powerful one assuming the appearance of a wandering devotee carrying three long bamboo staves appeared before Vaidehi in the forest when there was none of the brothers by her.
VR 3.44.4 अनुष्टुप्
तामाससादातिबलो भ्रातृभ्यां रहितां वने । रहितां सूर्यचन्द्राभ्यां संध्यामिव महत्तमः ॥
tāmāsasādātibalo bhrātṛbhyāṃ rahitāṃ vane | rahitāṃ sūryacandrābhyāṃ saṃdhyāmiva mahattamaḥ ||
English Translation
Mighty Ravana approached Sita deprived of both the brothers, Like darkness encompasses the evening twilight in the absence of the Sun and the Moon.
VR 3.44.5 अनुष्टुप्
तामपश्यत्ततो बालां राजपुत्रीं यशस्विनीम् । रोहिणीं शशिना हीनां ग्रहवद्भृशदारुणः ॥
tāmapaśyattato bālāṃ rājaputrīṃ yaśasvinīm | rohiṇīṃ śaśinā hīnāṃ grahavadbhṛśadāruṇaḥ ||
English Translation
He saw there the young and pious daughter of the king like to an evening void of both sun and moon and as the highly terrible Rahu eyes Rohini forsaken by Moon.
VR 3.44.6 अनुष्टुप्
तमुग्रं पापकर्माणं जनस्थानरुहा द्रुमाः । समीक्ष्य न प्रकम्पन्ते न प्रवाति च मारुतः ॥
tamugraṃ pāpakarmāṇaṃ janasthānaruhā drumāḥ | samīkṣya na prakampante na pravāti ca mārutaḥ ||
English Translation
Seeing the ferocious Ravana, the huge trees at Janasthana shook vidently. Even the wind ceased to blow.
VR 3.44.7 अनुष्टुप्
शीघ्रस्रोताश्च तं दृष्ट्वा वीक्षन्तं रक्तलोचनम् । स्तिमितं गन्तुमारेभे भयाद्गोदावरी नदी ॥
śīghrasrotāśca taṃ dṛṣṭvā vīkṣantaṃ raktalocanam | stimitaṃ gantumārebhe bhayādgodāvarī nadī ||
English Translation
Seeing that terrible one the doer of evil deeds, the trees of Janasthāna did not move nor the wind did blow. Seeing him eye Sītā with his blood-red eyes, the fast streaming river Godāverī even slackened its course out of fear.
VR 3.44.8 अनुष्टुप्
रामस्य त्वन्तरं प्रेप्सुर्दशग्रीवस्तदन्तरे । उपतस्थे च वैदेहीं भिक्षुरूपेण रावणः ॥
rāmasya tvantaraṃ prepsurdaśagrīvastadantare | upatasthe ca vaidehīṃ bhikṣurūpeṇa rāvaṇaḥ ||
English Translation
In the mean time the Ten-necked Rävana, enquiring about Rāma's weak points appeared before Vaidehī in the guise of a mendicant.
VR 3.44.9 अनुष्टुप्
अभव्यो भव्यरूपेण भर्तारमनुशोचतीम् । अभ्यवर्तत वैदेहीं चित्रामिव शनैश्चरः ॥
abhavyo bhavyarūpeṇa bhartāramanuśocatīm | abhyavartata vaidehīṃ citrāmiva śanaiścaraḥ ||
English Translation
Like to Sani approaching citră, that impious one, assuming the appearance of a pious man like a well covered with grass, approached Vaidehī who was bewailing her husband.
VR 3.44.10 अनुष्टुप्
स पापो भव्यरूपेण तृणैः कूप इवावृतः । अतिष्ठत्प्रेक्ष्य वैदेहीं रामपत्नीं यशस्विनीम् ॥
sa pāpo bhavyarūpeṇa tṛṇaiḥ kūpa ivāvṛtaḥ | atiṣṭhatprekṣya vaidehīṃ rāmapatnīṃ yaśasvinīm ||
English Translation
And seeing that pious spouse of Rāma-Vaidehi, Ravana stood before her.
VR 3.44.11 अनुष्टुप्
शुभां रुचिरदन्तौष्ठीं पूर्णचन्द्रनिभाननाम् । आसीनां पर्णशालायां बाष्पशोकाभिपीडिताम् ॥
śubhāṃ ruciradantauṣṭhīṃ pūrṇacandranibhānanām | āsīnāṃ parṇaśālāyāṃ bāṣpaśokābhipīḍitām ||
English Translation
Her lips and teeth were extremely fine, her face resembled the full moon and her eyes were like lotus-petals. She had a yellow siiken cloth on and sat in the thatched cottage, overwhelmed with grief and bathed in tears.
VR 3.44.12 अनुष्टुप्
स तां पद्मपलाशाक्षीं पीतकौशेयवासिनीम् । अभ्यगच्छत वैदेहीं दुष्टचेता निशाचरः ॥
sa tāṃ padmapalāśākṣīṃ pītakauśeyavāsinīm | abhyagacchata vaidehīṃ duṣṭacetā niśācaraḥ ||
English Translation
And that ranger of the night with a pleased heart approached Vaidehī.
VR 3.44.13 अनुष्टुप्
स मन्मथशराविष्टो ब्रह्मघोषमुदीरयन् । अब्रवीत्प्रश्रितं वाक्यं रहिते राक्षसाधिपः ॥
sa manmathaśarāviṣṭo brahmaghoṣamudīrayan | abravītpraśritaṃ vākyaṃ rahite rākṣasādhipaḥ ||
English Translation
Thus addressed, Sita was enraged and her eyes turned red. She replied in harsh words to the chief of the demons in that solitary place:.
VR 3.44.14 अनुष्टुप्
तामुत्तमां त्रिलोकानां पद्महीनामिव श्रियम् । विभ्राजमानां वपुषा रावणः प्रशशंस ह ॥
tāmuttamāṃ trilokānāṃ padmahīnāmiva śriyam | vibhrājamānāṃ vapuṣā rāvaṇaḥ praśaśaṃsa ha ||
English Translation
Seeing her that lord of Rākṣasas was pierced with the shafts of passion. And speaking highly of her, surpassing in beauty the three worlds and resembling by the excellence of her own person the very goddess of wealth herself Rāvana uttering the name of God spake to her,
VR 3.44.15 अनुष्टुप्
का त्वं काञ्चनवर्णाभे पीतकौशेयवासिनि । कमलानां शुभां मालां पद्मिनीव च बिभ्रती ॥
kā tvaṃ kāñcanavarṇābhe pītakauśeyavāsini | kamalānāṃ śubhāṃ mālāṃ padminīva ca bibhratī ||
English Translation
O you having the colour of gold and silver, O you wearing silken cloth, O you appearing like a lotus wearing a garland of lotus-petals, O you of beautiful countenance!
VR 3.44.16 अनुष्टुप्
ह्रीः श्रीः कीर्तिः शुभा लक्ष्मीरप्सरा वा शुभानने । भूतिर्वा त्वं वरारोहे रतिर्वा स्वैरचारिणी ॥
hrīḥ śrīḥ kīrtiḥ śubhā lakṣmīrapsarā vā śubhānane | bhūtirvā tvaṃ varārohe ratirvā svairacāriṇī ||
English Translation
Are you Bashfulness, Beauty, Fame, Wealth, Apsarā, Dignity or Rati herself who is ranging at will in this forest?
VR 3.44.17 अनुष्टुप्
समाः शिखरिणः स्निग्धाः पाण्डुरा दशनास्तव । विशाले विमले नेत्रे रक्तान्ते कृष्णतारके ॥
samāḥ śikhariṇaḥ snigdhāḥ pāṇḍurā daśanāstava | viśāle vimale netre raktānte kṛṣṇatārake ||
English Translation
All your teeth are equal having their tops like to the buds of Kunda flower, beautiful and yellow. Your eyes are expansive, clear, of bloody hue, and having black pupils. Your hip is fleshy and spacious. Your thighs are like those of elephants, round, fleshy and perfectly strong.
VR 3.44.18 अनुष्टुप्
विशालं जघनं पीनमूरू करिकरोपमौ । एतावुपचितौ वृत्तौ सहितौ संप्रगल्भितौ ॥
viśālaṃ jaghanaṃ pīnamūrū karikaropamau | etāvupacitau vṛttau sahitau saṃpragalbhitau ||
English Translation
Your big hips are stout and strong, Your smooth thighs are like the trunk of an elephant, your breasts adorned with gems, are round and robust like palm fruits and drooping with heaviness with projected stiff nipples, shining and delightful, adding beauty.
VR 3.44.19 अनुष्टुप्
पीनोन्नतमुखौ कान्तौ स्निग्धतालफलोपमौ । मणिप्रवेकाभरणौ रुचिरौ ते पयोधरौ ॥
pīnonnatamukhau kāntau snigdhatālaphalopamau | maṇipravekābharaṇau rucirau te payodharau ||
English Translation
Your nipples are bulky, pointed, highly captivating like cold palm fruits, beautiful and ornamented with diverse jewels.
VR 3.44.20 अनुष्टुप्
चारुस्मिते चारुदति चारुनेत्रे विलासिनि । मनो हरसि मे रामे नदीकूलमिवाम्भसा ॥
cārusmite cārudati cārunetre vilāsini | mano harasi me rāme nadīkūlamivāmbhasā ||
English Translation
O you of beautiful smile! O you of beautiful teeth! O you of beautiful eyes! O fine damsel, you did carry away my heart like to a river carrying away its banks by its stream.
VR 3.44.21 अनुष्टुप्
करान्तमितमध्यासि सुकेशी संहतस्तनी । नैव देवी न गन्धर्वी न यक्षी न च किंनरी ॥
karāntamitamadhyāsi sukeśī saṃhatastanī | naiva devī na gandharvī na yakṣī na ca kiṃnarī ||
English Translation
The lock of your hair is exquisitely fine, your breast very close and your waist is so thin that they may be got round even by fingers. There is none so beautiful like you-a Goddess, a Gandharvi, a Yaksi or a Kinnari.
VR 3.44.22 अनुष्टुप्
नैवंरूपा मया नारी दृष्टपूर्वा महीतले । इह वासश्च कान्तारे चित्तमुन्माथयन्ति मे ॥
naivaṃrūpā mayā nārī dṛṣṭapūrvā mahītale | iha vāsaśca kāntāre cittamunmāthayanti me ||
English Translation
I had never seen before on this earth a damsel so beautiful as you. This your beauty the best on earth, your youth, your grace and your abode in the forest do agitate my mind. So it is well for you to come (with me); it does not behove you to remain here.
VR 3.44.23 अनुष्टुप्
सा प्रतिक्राम भद्रं ते न त्वं वस्तुमिहार्हसि । राक्षसानामयं वासो घोराणां कामरूपिणाम् ॥
sā pratikrāma bhadraṃ te na tvaṃ vastumihārhasi | rākṣasānāmayaṃ vāso ghorāṇāṃ kāmarūpiṇām ||
VR 3.44.24 अनुष्टुप्
प्रासादाग्र्याणि रम्याणि नगरोपवनानि च । संपन्नानि सुगन्धीनि युक्तान्याचरितुं त्वया ॥
prāsādāgryāṇi ramyāṇi nagaropavanāni ca | saṃpannāni sugandhīni yuktānyācarituṃ tvayā ||
English Translation
This is the abode of terrible Rākşasas wearing shapes at will. Picturesque palaces, prosperous cities and sweet-smelling gardens are worthy of your abode.
VR 3.44.25 अनुष्टुप्
वरं माल्यं वरं पानं वरं वस्त्रं च शोभने । भर्तारं च वरं मन्ये त्वद्युक्तमसितेक्षणे ॥
varaṃ mālyaṃ varaṃ pānaṃ varaṃ vastraṃ ca śobhane | bhartāraṃ ca varaṃ manye tvadyuktamasitekṣaṇe ||
English Translation
O you of dark-blue eyes, fine is your garland, fine is the sinell of your person and fine is your apparel-me-thinks fine is your husband too.
VR 3.44.26 अनुष्टुप्
का त्वं भवसि रुद्राणां मरुतां वा शुचिस्मिते । वसूनां वा वरारोहे देवता प्रतिभासि मे ॥
kā tvaṃ bhavasi rudrāṇāṃ marutāṃ vā śucismite | vasūnāṃ vā varārohe devatā pratibhāsi me ||
English Translation
O you of pure smile! whom do you belong to?-Rudras, Marutas, or Vasus-Meseems, O fine damsel you are a very gooddes.
VR 3.44.27 अनुष्टुप्
नेह गच्छन्ती गन्धर्वा न देवा न च किंनराः । राक्षसानामयं वासः कथं नु त्वमिहागता ॥
neha gacchantī gandharvā na devā na ca kiṃnarāḥ | rākṣasānāmayaṃ vāsaḥ kathaṃ nu tvamihāgatā ||
English Translation
No one comes here—the Gandharvas, the celestials or Kinnaras; this is an abode of the Rākşasa how do you come here.
VR 3.44.28 अनुष्टुप्
इह शाखामृगाः सिंहा द्वीपिव्याघ्रमृगास्तथा । ऋक्षास्तरक्षवः कङ्काः कथं तेभ्यो न बिभ्यसे ॥
iha śākhāmṛgāḥ siṃhā dvīpivyāghramṛgāstathā | ṛkṣāstarakṣavaḥ kaṅkāḥ kathaṃ tebhyo na bibhyase ||
English Translation
Are you not afraid of these monkeys, lions, tigers, wolves bears, herons and hyenas?
VR 3.44.29 अनुष्टुप्
मदान्वितानां घोराणां कुञ्जराणां तरस्विनाम् । कथमेका महारण्ये न बिभेषि वनानने ॥
madānvitānāṃ ghorāṇāṃ kuñjarāṇāṃ tarasvinām | kathamekā mahāraṇye na bibheṣi vanānane ||
English Translation
Alone in this forest, are you not afraid of these terrible elephants of fierce motion and maddened with the exuding of their temporal juice?
VR 3.44.30 अनुष्टुप्
कासि कस्य कुतश्च त्वं किंनिमित्तं च दण्डकान् । एका चरसि कल्याणि घोरान्राक्षससेवितान् ॥
kāsi kasya kutaśca tvaṃ kiṃnimittaṃ ca daṇḍakān | ekā carasi kalyāṇi ghorānrākṣasasevitān ||
English Translation
Who are you? Whose wife? What for do you range alone in this forest of Dandaka frequented by terrible Rākşasas?
VR 3.44.31 उपजातिः
इति प्रशस्ता वैदेही रावणेन दुरात्मना । द्विजातिवेषेण हि तं दृष्ट्वा रावणमागतम् । सर्वैरतिथिसत्कारैः पूजयामास मैथिली ॥
iti praśastā vaidehī rāvaṇena durātmanā | dvijātiveṣeṇa hi taṃ dṛṣṭvā rāvaṇamāgatam | sarvairatithisatkāraiḥ pūjayāmāsa maithilī ||
English Translation
Thus addressed was Vaidehĩ by the vicious souled Rāvana. Seeing him come under the guise of a twice-born one, Maithelee worshipped him with diverse articles necessary for serving a guest.
VR 3.44.32 अनुष्टुप्
उपानीयासनं पूर्वं पाद्येनाभिनिमन्त्र्य च । अब्रवीत्सिद्धमित्येव तदा तं सौम्यदर्शनम् ॥
upānīyāsanaṃ pūrvaṃ pādyenābhinimantrya ca | abravītsiddhamityeva tadā taṃ saumyadarśanam ||
English Translation
Offering him a seat first and afterwards inviting him to wash his feet she said to that one of placid look cooked rice is ready.
VR 3.44.33 वंशस्थम्
द्विजातिवेषेण समीक्ष्य मैथिली; तमागतं पात्रकुसुम्भधारिणम् । अशक्यमुद्द्वेष्टुमुपायदर्शना;न्न्यमन्त्रयद्ब्राह्मणवद्यथागतम् ॥
dvijātiveṣeṇa samīkṣya maithilī; tamāgataṃ pātrakusumbhadhāriṇam | aśakyamuddveṣṭumupāyadarśanā;nnyamantrayadbrāhmaṇavadyathāgatam ||
English Translation
Seeing Rāvaņa approach with Kamandalu and wearing a red cloth under the guise of a Brāhmana, Maithelee could not pass by him any way, and considering him a twice-born one by various signs invited him as if a Brāhmana ,
VR 3.44.34 वंशस्थम्
इयं बृसी ब्राह्मण काममास्यता;मिदं च पाद्यं प्रतिगृह्यतामिति । इदं च सिद्धं वनजातमुत्तमं; त्वदर्थमव्यग्रमिहोपभुज्यताम् ॥
iyaṃ bṛsī brāhmaṇa kāmamāsyatā;midaṃ ca pādyaṃ pratigṛhyatāmiti | idaṃ ca siddhaṃ vanajātamuttamaṃ; tvadarthamavyagramihopabhujyatām ||
English Translation
O Brāhmana, do you sit on this seat facing the right; do you take this water to wash your feet); do you enjoy these well-cooked eatables growing in the forest and intended for you.
VR 3.44.35 वंशस्थम्
निमन्त्र्यमाणः प्रतिपूर्णभाषिणीं; नरेन्द्रपत्नीं प्रसमीक्ष्य मैथिलीम् । प्रहस्य तस्या हरणे धृतं मनः; समर्पयामास वधाय रावणः ॥
nimantryamāṇaḥ pratipūrṇabhāṣiṇīṃ; narendrapatnīṃ prasamīkṣya maithilīm | prahasya tasyā haraṇe dhṛtaṃ manaḥ; samarpayāmāsa vadhāya rāvaṇaḥ ||
English Translation
Jānakí the wife of Lord of men inviting him thus, Ravana, casting a look upon her, addressed himself for his own destruction, to carry her away.
VR 3.44.36 वंशस्थम्
ततः सुवेषं मृगया गतं पतिं; प्रतीक्षमाणा सहलक्ष्मणं तदा । निरीक्षमाणा हरितं ददर्श त;न्महद्वनं नैव तु रामलक्ष्मणौ ॥
tataḥ suveṣaṃ mṛgayā gataṃ patiṃ; pratīkṣamāṇā sahalakṣmaṇaṃ tadā | nirīkṣamāṇā haritaṃ dadarśa ta;nmahadvanaṃ naiva tu rāmalakṣmaṇau ||
English Translation
She was anxiously expecting the return of Rāma who had gone a-hunting with Lakşmaņa; she looked around and beheld but on all sides the spacious yellow forest-land-~-there was neither Rāma nor Lakşmaņa.
← Previous (Ch. 230) Full Table of Contents Next (Ch. 232) →