Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 23

Bālakāṇḍa Sarga 23

बालकाण्डम् • सर्गः 23

Bālakāṇḍa Sarga 23 of the classical Vālmīki Rāmāyaṇa with 30 verses.

Total: 30 Verses • Citations: VR 1.23.1–30 • 175 Lexicon Terms
VR 1.23.1 अनुष्टुप्
ततः प्रभाते विमले कृताह्निकमरिंदमौ । विश्वामित्रं पुरस्कृत्य नद्यास्तीरमुपागतौ ॥
tataḥ prabhāte vimale kṛtāhnikamariṃdamau | viśvāmitraṃ puraskṛtya nadyāstīramupāgatau ||
English Translation
Then next morning which happened to be fine, those repressors of their foes, with Viśvāmitra at their head, came to the banks of the river.* Ganga. The legend is that when the saint Agastya had sucked up the ocean, the Ganges replenished it.
VR 1.23.2 अनुष्टुप्
ते च सर्वे महात्मानो मुनयः संशितव्रताः । उपस्थाप्य शुभां नावं विश्वामित्रमथाब्रुवन् ॥
te ca sarve mahātmāno munayaḥ saṃśitavratāḥ | upasthāpya śubhāṃ nāvaṃ viśvāmitramathābruvan ||
English Translation
And those high-souled ascetics observing vows, having brought an elegant bark, addressed Viśvāmitra, saying.
VR 1.23.3 अनुष्टुप्
आरोहतु भवान्नावं राजपुत्रपुरस्कृतः । अरिष्टं गच्छ पन्थानं मा भूत्कालस्य पर्ययः ॥
ārohatu bhavānnāvaṃ rājaputrapuraskṛtaḥ | ariṣṭaṃ gaccha panthānaṃ mā bhūtkālasya paryayaḥ ||
English Translation
Do you ascend the bark, with the princes at your head! May your journey be auspicious: let no delay occur
VR 1.23.4 अनुष्टुप्
विश्वामित्रस्तथेत्युक्त्वा तानृषीनभिपूज्य च । ततार सहितस्ताभ्यां सरितं सागरं गमाम् ॥
viśvāmitrastathetyuktvā tānṛṣīnabhipūjya ca | tatāra sahitastābhyāṃ saritaṃ sāgaraṃ gamām ||
English Translation
Thereupon saying, So be it! and having paid homage to those ascetics, Viśvāmitra set about crossing that river, which had replenished the ocean.
VR 1.23.5 अनुष्टुप्
अथ रामः सरिन्मध्ये पप्रच्छ मुनिपुङ्गवम् । वारिणो भिद्यमानस्य किमयं तुमुलो ध्वनिः ॥
atha rāmaḥ sarinmadhye papraccha munipuṅgavam | vāriṇo bhidyamānasya kimayaṃ tumulo dhvaniḥ ||
English Translation
And reaching the middle of the river, Rāma asked that best of ascetics, What is this loud uproar that seem to come riving the waters?
VR 1.23.6 अनुष्टुप्
राघवस्य वचः श्रुत्वा कौतूहल समन्वितम् । कथयामास धर्मात्मा तस्य शब्दस्य निश्चयम् ॥
rāghavasya vacaḥ śrutvā kautūhala samanvitam | kathayāmāsa dharmātmā tasya śabdasya niścayam ||
English Translation
Hearing Rāghava's words dictated by curiosity, that righteous-souled one spoke, unfolding the true cause of that noise.
VR 1.23.7 अनुष्टुप्
कैलासपर्वते राम मनसा निर्मितं सरः । ब्रह्मणा नरशार्दूल तेनेदं मानसं सरः ॥
kailāsaparvate rāma manasā nirmitaṃ saraḥ | brahmaṇā naraśārdūla tenedaṃ mānasaṃ saraḥ ||
English Translation
O Rāma, there is in the Kailāsa mountain an exceedingly beautiful pool, created mentally by Brahma, O foremost of men, and hence this watery expanse go by the name of Mānasa Pool.
VR 1.23.8 अनुष्टुप्
तस्मात्सुस्राव सरसः सायोध्यामुपगूहते । सरःप्रवृत्ता सरयूः पुण्या ब्रह्मसरश्च्युता ॥
tasmātsusrāva sarasaḥ sāyodhyāmupagūhate | saraḥpravṛttā sarayūḥ puṇyā brahmasaraścyutā ||
English Translation
And the stream that issues from that liquid lapse, flows through Ayodhyā: the sacred Sarayü issues from that pool of Brahma.
VR 1.23.9 अनुष्टुप्
तस्यायमतुलः शब्दो जाह्नवीमभिवर्तते । वारिसंक्षोभजो राम प्रणामं नियतः कुरु ॥
tasyāyamatulaḥ śabdo jāhnavīmabhivartate | vārisaṃkṣobhajo rāma praṇāmaṃ niyataḥ kuru ||
English Translation
And as the Sarayū meets the Jāhnavī, this tremendous uproar is heard, being produced by the clashing of the waters. Do you, O Rāma, bow down to them with a concentrated mind.
VR 1.23.10 अनुष्टुप्
ताभ्यां तु तावुभौ कृत्वा प्रणाममतिधार्मिकौ । तीरं दक्षिणमासाद्य जग्मतुर्लघुविक्रमौ ॥
tābhyāṃ tu tāvubhau kṛtvā praṇāmamatidhārmikau | tīraṃ dakṣiṇamāsādya jagmaturlaghuvikramau ||
English Translation
Thereupon, both of those exceedingly righteous ones, bowed down to those streams; and betaking themselves to the right bank, began to proceed with fleet vigour.
VR 1.23.11 अनुष्टुप्
स वनं घोरसंकाशं दृष्ट्वा नृपवरात्मजः । अविप्रहतमैक्ष्वाकः पप्रच्छ मुनिपुंगवम् ॥
sa vanaṃ ghorasaṃkāśaṃ dṛṣṭvā nṛpavarātmajaḥ | aviprahatamaikṣvākaḥ papraccha munipuṃgavam ||
English Translation
And beholding a dreadful and trackless. forest, that son of the foremost of men, Ikşvāku's descendant, asked that best of ascetics.
VR 1.23.12 अनुष्टुप्
अहो वनमिदं दुर्गं झिल्लिकागणनादितम् । भैरवैः श्वापदैः कीर्णं शकुन्तैर्दारुणारुतैः ॥
aho vanamidaṃ durgaṃ jhillikāgaṇanāditam | bhairavaiḥ śvāpadaiḥ kīrṇaṃ śakuntairdāruṇārutaiḥ ||
English Translation
"What a wonder This inaccessible forest echoes with the (shrill) chirpings of crickets It is filled with ferocious beasts and birds producing fearful sounds.
VR 1.23.13 अनुष्टुप्
नानाप्रकारैः शकुनैर्वाश्यद्भिर्भैरवस्वनैः । सिंहव्याघ्रवराहैश्च वारणैश्चापि शोभितम् ॥
nānāprakāraiḥ śakunairvāśyadbhirbhairavasvanaiḥ | siṃhavyāghravarāhaiśca vāraṇaiścāpi śobhitam ||
English Translation
"It resounds with the frightful shricks of various kinds of birds. Lions, tigers, boars and elephants prowl about.
VR 1.23.14 अनुष्टुप्
धवाश्वकर्णककुभैर्बिल्वतिन्दुकपाटलैः । संकीर्णं बदरीभिश्च किं न्विदं दारुणं वनम् ॥
dhavāśvakarṇakakubhairbilvatindukapāṭalaiḥ | saṃkīrṇaṃ badarībhiśca kiṃ nvidaṃ dāruṇaṃ vanam ||
English Translation
This forest jampacked with dhava, ashvakarna, kakubha, bilva, tinduka, patala and badari trees, how frightening this forest could be"
VR 1.23.15 अनुष्टुप्
तमुवाच महातेजा विश्वामित्रो महामुनिः । श्रूयतां वत्स काकुत्स्थ यस्यैतद्दारुणं वनम् ॥
tamuvāca mahātejā viśvāmitro mahāmuniḥ | śrūyatāṃ vatsa kākutstha yasyaitaddāruṇaṃ vanam ||
English Translation
Him answered thus the mighty ascetic Viśvāmitra endowed with high energy, Do you listen, O Kākutstha, as to whom belong this dreadful forest!
VR 1.23.16 अनुष्टुप्
एतौ जनपदौ स्फीतौ पूर्वमास्तां नरोत्तम । मलदाश्च करूषाश्च देवनिर्माणनिर्मितौ ॥
etau janapadau sphītau pūrvamāstāṃ narottama | maladāśca karūṣāśca devanirmāṇanirmitau ||
English Translation
Here were formerly, O foremost of men, two flourishing provinces, named Malada, and Karāsa, built by celestial architects.
VR 1.23.17 अनुष्टुप्
पुरा वृत्रवधे राम मलेन समभिप्लुतम् । क्षुधा चैव सहस्राक्षं ब्रह्महत्या यदाविशत् ॥
purā vṛtravadhe rāma malena samabhiplutam | kṣudhā caiva sahasrākṣaṃ brahmahatyā yadāviśat ||
English Translation
In days of yore, O Räma, on the occasion of the destruction of Vſtra, the thousand-eyed one came to have hunger, to be besmeared with excreta, and to slay a Brahmana.
VR 1.23.18 अनुष्टुप्
तमिन्द्रं स्नापयन्देवा ऋषयश्च तपोधनाः । कलशैः स्नापयामासुर्मलं चास्य प्रमोचयन् ॥
tamindraṃ snāpayandevā ṛṣayaśca tapodhanāḥ | kalaśaiḥ snāpayāmāsurmalaṃ cāsya pramocayan ||
English Translation
When Indra had been thus besmeared, the deities, and the saints having asceticism for wealth, washed him here, and cleansed his person from the dirt.
VR 1.23.19 अनुष्टुप्
इह भूम्यां मलं दत्त्वा दत्त्वा कारूषमेव च । शरीरजं महेन्द्रस्य ततो हर्षं प्रपेदिरे ॥
iha bhūmyāṃ malaṃ dattvā dattvā kārūṣameva ca | śarīrajaṃ mahendrasya tato harṣaṃ prapedire ||
English Translation
And the deities, having renounced here the filth that had clung to the person of the mighty Indra, as well as his hunger, attained exceeding delight.
VR 1.23.20 अनुष्टुप्
निर्मलो निष्करूषश्च शुचिरिन्द्रो यदाभवत् । ददौ देशस्य सुप्रीतो वरं प्रभुरनुत्तमम् ॥
nirmalo niṣkarūṣaśca śucirindro yadābhavat | dadau deśasya suprīto varaṃ prabhuranuttamam ||
English Translation
Cleansed of his impurities and his hunger gone, Indra once again became pure. Allpowerful Indra highly pleased gave an excellent boon to that region.
VR 1.23.21 अनुष्टुप्
इमौ जनपदौ स्थीतौ ख्यातिं लोके गमिष्यतः । मलदाश्च करूषाश्च ममाङ्गमलधारिणौ ॥
imau janapadau sthītau khyātiṃ loke gamiṣyataḥ | maladāśca karūṣāśca mamāṅgamaladhāriṇau ||
English Translation
O best among men, formerly these two large and prosperous cities called Malada and Karusha built by celestial architects existed.
VR 1.23.22 अनुष्टुप्
साधु साध्विति तं देवाः पाकशासनमब्रुवन् । देशस्य पूजां तां दृष्ट्वा कृतां शक्रेण धीमता ॥
sādhu sādhviti taṃ devāḥ pākaśāsanamabruvan | deśasya pūjāṃ tāṃ dṛṣṭvā kṛtāṃ śakreṇa dhīmatā ||
English Translation
And beholding the land thus honoured by the intelligent Sacra, the deities said to the subduer of Paka,-Well Well!
VR 1.23.23 अनुष्टुप्
एतौ जनपदौ स्थीतौ दीर्घकालमरिंदम । मलदाश्च करूषाश्च मुदितौ धनधान्यतः ॥
etau janapadau sthītau dīrghakālamariṃdama | maladāśca karūṣāśca muditau dhanadhānyataḥ ||
English Translation
O repressor of foes, these two places, Maladā and Karuṣā, enjoyed prosperity for a long time and were blessed with corn and wealth.
VR 1.23.24 अनुष्टुप्
कस्यचित्त्वथ कालस्य यक्षी वै कामरूपिणी । बलं नागसहस्रस्य धारयन्ती तदा ह्यभूत् ॥
kasyacittvatha kālasya yakṣī vai kāmarūpiṇī | balaṃ nāgasahasrasya dhārayantī tadā hyabhūt ||
English Translation
Then after a space of time, was born a Yakşīņi capable of assuming forms at will, and endowed with the strength of a thousand elephants.
VR 1.23.25 अनुष्टुप्
ताटका नाम भद्रं ते भार्या सुन्दस्य धीमतः । मारीचो राक्षसः पुत्रो यस्याः शक्रपराक्रमः ॥
tāṭakā nāma bhadraṃ te bhāryā sundasya dhīmataḥ | mārīco rākṣasaḥ putro yasyāḥ śakraparākramaḥ ||
English Translation
Her name, good betide you! was Tātakā, and she was the spouse of the intelligent Sundashe whose son is the Rākşasa, Mārīca, possessed of the prowess of Sacra; having round arms, with a huge head, a capacious mouth and a cyclopean body.
VR 1.23.26 अनुष्टुप्
इमौ जनपदौ नित्यं विनाशयति राघव । मलदांश्च करूषांश्च ताटका दुष्टचारिणी ॥
imau janapadau nityaṃ vināśayati rāghava | maladāṃśca karūṣāṃśca tāṭakā duṣṭacāriṇī ||
English Translation
And that Rākṣasa of dreadful form daily frightens people. And, O descendant of Raghu, Tātakā of wicked deeds, daily commits havoc upon these countries, Maladã and Karuşă.
VR 1.23.27 अनुष्टुप्
सेयं पन्थानमावार्य वसत्यत्यर्धयोजने । अत एव च गन्तव्यं ताटकाया वनं यतः ॥
seyaṃ panthānamāvārya vasatyatyardhayojane | ata eva ca gantavyaṃ tāṭakāyā vanaṃ yataḥ ||
English Translation
And now at the distance of over half a Yojana, she stays, obstructing the way. And since this forest belong to Tāțakā, you should repair there; and, resorting to the might of your own arms, slay this one of wicked deeds.
VR 1.23.28 अनुष्टुप्
स्वबाहुबलमाश्रित्य जहीमां दुष्टचारिणीम् । मन्नियोगादिमं देशं कुरु निष्कण्टकं पुनः ॥
svabāhubalamāśritya jahīmāṃ duṣṭacāriṇīm | manniyogādimaṃ deśaṃ kuru niṣkaṇṭakaṃ punaḥ ||
English Translation
"By the strength of your arms slay this one of wicked deeds. Comply with my orders and make this country safe (and habitable).
VR 1.23.29 अनुष्टुप्
न हि कश्चिदिमं देशं शक्रोत्यागन्तुमीदृशम् । यक्षिण्या घोरया राम उत्सादितमसह्यया ॥
na hi kaścidimaṃ deśaṃ śakrotyāgantumīdṛśam | yakṣiṇyā ghorayā rāma utsāditamasahyayā ||
English Translation
O Rama none dare approach this country ravaged by such dreadful, intolerable yakshini.
VR 1.23.30 अनुष्टुप्
एतत्ते सर्वमाख्यातं यथैतद्दरुणं वनम् । यक्ष्या चोत्सादितं सर्वमद्यापि न निवर्तते ॥
etatte sarvamākhyātaṃ yathaitaddaruṇaṃ vanam | yakṣyā cotsāditaṃ sarvamadyāpi na nivartate ||
English Translation
O Rāma, by the dreadful and unbearable Yakşiņi. And now I have related to you all about this fearful forest. And to this day none is capable of letting that Yakşiņi from committing ravages right an left.
← Previous (Ch. 22) Full Table of Contents Next (Ch. 24) →