Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 17

Bālakāṇḍa Sarga 17

बालकाण्डम् • सर्गः 17

Bālakāṇḍa Sarga 17 of the classical Vālmīki Rāmāyaṇa with 39 verses.

Total: 39 Verses • Citations: VR 1.17.1–39 • 175 Lexicon Terms
VR 1.17.1 अनुष्टुप्
निर्वृत्ते तु क्रतौ तस्मिन्हयमेधे महात्मनः । प्रतिगृह्य सुरा भागान्प्रतिजग्मुर्यथागतम् ॥
nirvṛtte tu kratau tasminhayamedhe mahātmanaḥ | pratigṛhya surā bhāgānpratijagmuryathāgatam ||
English Translation
When the horse-sacrifice of the high-souled Dasaratha had been completed, the immortals, accepting each his share, returned whence they had come.
VR 1.17.2 अनुष्टुप्
समाप्तदीक्षानियमः पत्नीगणसमन्वितः । प्रविवेश पुरीं राजा सभृत्यबलवाहनः ॥
samāptadīkṣāniyamaḥ patnīgaṇasamanvitaḥ | praviveśa purīṃ rājā sabhṛtyabalavāhanaḥ ||
English Translation
And the monarch, having observed all the rules of initiation, entered the palace with his equipage and retinue.
VR 1.17.3 अनुष्टुप्
यथार्हं पूजितास्तेन राज्ञा वै पृथिवीश्वराः । मुदिताः प्रययुर्देशान्प्रणम्य मुनिपुंगवम् ॥
yathārhaṃ pūjitāstena rājñā vai pṛthivīśvarāḥ | muditāḥ prayayurdeśānpraṇamya munipuṃgavam ||
English Translation
And the lords of the earth, having been received suitably by the king, with glad hearts set out for their own countries, saluting that foremost of ascetics (Rsyaśặnga).
VR 1.17.4 अनुष्टुप्
गतेषु पृथिवीशेषु राजा दशरथः पुनः । प्रविवेश पुरीं श्रीमान्पुरस्कृत्य द्विजोत्तमान् ॥
gateṣu pṛthivīśeṣu rājā daśarathaḥ punaḥ | praviveśa purīṃ śrīmānpuraskṛtya dvijottamān ||
English Translation
When the lords of the earth had gone away, the graceful king Dasaratha re-entered his palace, with the foremost of regenerate ones at his head.
VR 1.17.5 अनुष्टुप्
शान्तया प्रययौ सार्धमृश्यशृङ्गः सुपूजितः । अन्वीयमानो राज्ञाथ सानुयात्रेण धीमता ॥
śāntayā prayayau sārdhamṛśyaśṛṅgaḥ supūjitaḥ | anvīyamāno rājñātha sānuyātreṇa dhīmatā ||
English Translation
Having been duly honoured by king Dasaratha, sage Rsyasringa with his wife Santa accompanied by the wise king Romapada and his followers set out for his country.
VR 1.17.6 अनुष्टुप्
कौसल्याजनयद्रामं दिव्यलक्षणसंयुतम् । विष्णोरर्धं महाभागं पुत्रमिक्ष्वाकुनन्दनम् ॥
kausalyājanayadrāmaṃ divyalakṣaṇasaṃyutam | viṣṇorardhaṃ mahābhāgaṃ putramikṣvākunandanam ||
VR 1.17.7 अनुष्टुप्
कौसल्या शुशुभे तेन पुत्रेणामिततेजसा । यथा वरेण देवानामदितिर्वज्रपाणिना ॥
kausalyā śuśubhe tena putreṇāmitatejasā | yathā vareṇa devānāmaditirvajrapāṇinā ||
English Translation
Kausalya glowed with the undiminished lustre of her son, just as Aditi with her son Indra, the foremost among the gods and the wielder of thunder.
VR 1.17.8 अनुष्टुप्
भरतो नाम कैकेय्यां जज्ञे सत्यपराक्रमः । साक्षाद्विष्णोश्चतुर्भागः सर्वैः समुदितो गुणैः ॥
bharato nāma kaikeyyāṃ jajñe satyaparākramaḥ | sākṣādviṣṇoścaturbhāgaḥ sarvaiḥ samudito guṇaiḥ ||
English Translation
Then was born of Kaikeyī, named Bharata, having truth for prowess, endowed with all the virtues, and representing the very fourth part of Visnu.
VR 1.17.9 अनुष्टुप्
अथ लक्ष्मणशत्रुघ्नौ सुमित्राजनयत्सुतौ । वीरौ सर्वास्त्रकुशलौ विष्णोरर्धसमन्वितौ ॥
atha lakṣmaṇaśatrughnau sumitrājanayatsutau | vīrau sarvāstrakuśalau viṣṇorardhasamanvitau ||
English Translation
Then Sumitrā gave birth to Lakşmaņa and Satrughna, heroic, and skilled in all weapons, and endowed with the half of Vişnu.
VR 1.17.10 अनुष्टुप्
राज्ञः पुत्रा महात्मानश्चत्वारो जज्ञिरे पृथक् । गुणवन्तोऽनुरूपाश्च रुच्या प्रोष्ठपदोपमाः ॥
rājñaḥ putrā mahātmānaścatvāro jajñire pṛthak | guṇavanto'nurūpāśca rucyā proṣṭhapadopamāḥ ||
English Translation
Thus were separately born four high-souled sons to the king, crowned with qualities, and graceful, and in loveliness resembling the constellations Prosthapada.* Thereat the Gandharvas began to chaunt sweetly, and the Apsaras to dance. And the celestial kettledrums sounded; and there showered down blossoms from the sky. *Otherwise called Uttarabhadrapada and Purvabhādrapada.
VR 1.17.11 अनुष्टुप्
अतीत्यैकादशाहं तु नाम कर्म तथाकरोत् । ज्येष्ठं रामं महात्मानं भरतं कैकयीसुतम् ॥
atītyaikādaśāhaṃ tu nāma karma tathākarot | jyeṣṭhaṃ rāmaṃ mahātmānaṃ bharataṃ kaikayīsutam ||
English Translation
When the eleventh day had gone by, the king performed the Naming ceremony of his sons. And experiencing great delight, Vasistha conferred the names. And the high-souled eldest one was called Rāma; and Kaikeyi's son was called Bharata; and Sumitrā's son was called Laksmana, and the last was named Satrughna.
VR 1.17.12 उपजातिः
सौमित्रिं लक्ष्मणमिति शत्रुघ्नमपरं तथा । वसिष्ठः परमप्रीतो नामानि कृतवांस्तदा । तेषां जन्मक्रियादीनि सर्वकर्माण्यकारयत् ॥
saumitriṃ lakṣmaṇamiti śatrughnamaparaṃ tathā | vasiṣṭhaḥ paramaprīto nāmāni kṛtavāṃstadā | teṣāṃ janmakriyādīni sarvakarmāṇyakārayat ||
English Translation
After a lapse of eleven days, the naming ceremony was performed. Highly delighted preceptor Vasishta named Kausalya's son Rama, Kaikeyi's son Bharata, one son of Sumitra, Lakshmana and the other Satrughna.
VR 1.17.13 अनुष्टुप्
तेषां केतुरिव ज्येष्ठो रामो रतिकरः पितुः । बभूव भूयो भूतानां स्वयम्भूरिव संमतः ॥
teṣāṃ keturiva jyeṣṭho rāmo ratikaraḥ pituḥ | babhūva bhūyo bhūtānāṃ svayambhūriva saṃmataḥ ||
English Translation
Thus did he celebrate the natal rites of the princes. And among all those princes, the eldest, Rāma, like that of Ketu, (The ninth of the planets.) and the special delight of his father, became the object of general regard, even as the self-create Himself. And all of them were versed in the Vedas, and heroic, and intent upon the welfare of others.
VR 1.17.14 अनुष्टुप्
सर्वे वेदविदः शूराः सर्वे लोकहिते रताः । सर्वे ज्ञानोपसंपन्नाः सर्वे समुदिता गुणैः ॥
sarve vedavidaḥ śūrāḥ sarve lokahite ratāḥ | sarve jñānopasaṃpannāḥ sarve samuditā guṇaiḥ ||
English Translation
All the sons (of Dasaratha) became wellversed in the Vedas. They were heroic, endowed with knowledge and virtues and were devoted to the welfare of the people.
VR 1.17.15 अनुष्टुप्
तेषामपि महातेजा रामः सत्यपराक्रमः । बाल्यात्प्रभृति सुस्निग्धो लक्ष्मणो लक्ष्मिवर्धनः ॥
teṣāmapi mahātejā rāmaḥ satyaparākramaḥ | bālyātprabhṛti susnigdho lakṣmaṇo lakṣmivardhanaḥ ||
English Translation
Right from his very childhood Lakshmana, an enhancer of fortune, always remained very attached to his eldest brother Rama, the delight of the world.
VR 1.17.16 अनुष्टुप्
रामस्य लोकरामस्य भ्रातुर्ज्येष्ठस्य नित्यशः । सर्वप्रियकरस्तस्य रामस्यापि शरीरतः ॥
rāmasya lokarāmasya bhrāturjyeṣṭhasya nityaśaḥ | sarvapriyakarastasya rāmasyāpi śarīrataḥ ||
VR 1.17.17 उपजातिः
लक्ष्मणो लक्ष्मिसंपन्नो बहिःप्राण इवापरः । न च तेन विना निद्रां लभते पुरुषोत्तमः । मृष्टमन्नमुपानीतमश्नाति न हि तं विना ॥
lakṣmaṇo lakṣmisaṃpanno bahiḥprāṇa ivāparaḥ | na ca tena vinā nidrāṃ labhate puruṣottamaḥ | mṛṣṭamannamupānītamaśnāti na hi taṃ vinā ||
English Translation
And even from early youth, that enhancer of auspiciousness Laksmana was ever attached to his eldest brother Rāma, that delight of all. And like to another life of Rāma, Lakşmaņa furnished with auspiciousness was in everything attentive to Rāma's wishes, even at the neglect of his own person. And that foremost of persons did not even attain sleep without Rāma's company, nor did he partake any sweetmeat that was offered, unless Rāma partook it with him.
VR 1.17.18 अनुष्टुप्
यदा हि हयमारूढो मृगयां याति राघवः । तदैनं पृष्ठतोऽभ्येति सधनुः परिपालयन् ॥
yadā hi hayamārūḍho mṛgayāṃ yāti rāghavaḥ | tadainaṃ pṛṣṭhato'bhyeti sadhanuḥ paripālayan ||
English Translation
Whenever Raghava (Rama) went hunting into the forest, riding the horse, Lakshmana used to follow him holding bow and arrows (in his hand).
VR 1.17.19 अनुष्टुप्
भरतस्यापि शत्रुघ्नो लक्ष्मणावरजो हि सः । प्राणैः प्रियतरो नित्यं तस्य चासीत्तथा प्रियः ॥
bharatasyāpi śatrughno lakṣmaṇāvarajo hi saḥ | prāṇaiḥ priyataro nityaṃ tasya cāsīttathā priyaḥ ||
English Translation
When mounted on horse-back, Rāghava went a-hunting, Lakṣmaṇa went at his back bow in hand, protecting him. And that younger brother of Laksmana, Satrughna, likewise became ever dearer to Bharata than life itself.
VR 1.17.20 अनुष्टुप्
स चतुर्भिर्महाभागैः पुत्रैर्दशरथः प्रियैः । बभूव परमप्रीतो देवैरिव पितामहः ॥
sa caturbhirmahābhāgaiḥ putrairdaśarathaḥ priyaiḥ | babhūva paramaprīto devairiva pitāmahaḥ ||
English Translation
On account of those exalted and well-beloved sons of his, Dasaratha experienced the excess of joy, like to the Grand-sire on account of the gods.
VR 1.17.21 अनुष्टुप्
ते यदा ज्ञानसंपन्नाः सर्वे समुदिता गुणैः । ह्रीमन्तः कीर्तिमन्तश्च सर्वज्ञा दीर्घदर्शिनः ॥
te yadā jñānasaṃpannāḥ sarve samuditā guṇaiḥ | hrīmantaḥ kīrtimantaśca sarvajñā dīrghadarśinaḥ ||
English Translation
And when they came to be furnished with knowledge, and crowned with virtues, and endowed with bashfulness and fame, and to attain wisdom in everything, and to be farsighted, Dasaratha, the father of such powerful and flamingly effulgent sons, became delighted even like that lord of worlds-Brahmā.
VR 1.17.22 अनुष्टुप्
अथ राजा दशरथस्तेषां दारक्रियां प्रति । चिन्तयामास धर्मात्मा सोपाध्यायः सबान्धवः ॥
atha rājā daśarathasteṣāṃ dārakriyāṃ prati | cintayāmāsa dharmātmā sopādhyāyaḥ sabāndhavaḥ ||
English Translation
Once upon a time, when the virtuous king Dasaratha, surrounded by his priests and friends, was reflecting about the nuptials of his sons, to that high-souled one engaged in thought in the midst of his counsellors came the mighty ascetic Visvamitra.
VR 1.17.23 अनुष्टुप्
तस्य चिन्तयमानस्य मन्त्रिमध्ये महात्मनः । अभ्यागच्छन्महातेजो विश्वामित्रो महामुनिः ॥
tasya cintayamānasya mantrimadhye mahātmanaḥ | abhyāgacchanmahātejo viśvāmitro mahāmuniḥ ||
English Translation
Once upon a time, when the virtuous king Dasaratha, surrounded by his priests and friends, was reflecting about the nuptials of his sons, to that high-souled one engaged in thought in the midst of his counsellors came the mighty ascetic Visvamitra.
VR 1.17.24 अनुष्टुप्
स राज्ञो दर्शनाकाङ्क्षी द्वाराध्यक्षानुवाच ह । शीघ्रमाख्यात मां प्राप्तं कौशिकं गाधिनः सुतम् ॥
sa rājño darśanākāṅkṣī dvārādhyakṣānuvāca ha | śīghramākhyāta māṃ prāptaṃ kauśikaṃ gādhinaḥ sutam ||
English Translation
Desirous of seeing the king, he said to the warders,-Do you speedily announce that I, Gadhi's son, sprung in the Kusika line, have come!
VR 1.17.25 अनुष्टुप्
तच्छ्रुत्वा वचनं तस्य राजवेश्म प्रदुद्रुवुः । संभ्रान्तमनसः सर्वे तेन वाक्येन चोदिताः ॥
tacchrutvā vacanaṃ tasya rājaveśma pradudruvuḥ | saṃbhrāntamanasaḥ sarve tena vākyena coditāḥ ||
English Translation
Hearing those words of his, they, urged on by them, all hurriedly began to run towards the royal chambers. And coming to the royal apartments, they communicated to Ikşváku's descendant the arrival of the ascetic Viśvāmitra.
VR 1.17.26 अनुष्टुप्
ते गत्वा राजभवनं विश्वामित्रमृषिं तदा । प्राप्तमावेदयामासुर्नृपायेक्ष्वाकवे तदा ॥
te gatvā rājabhavanaṃ viśvāmitramṛṣiṃ tadā | prāptamāvedayāmāsurnṛpāyekṣvākave tadā ||
English Translation
Having reached the royal hall, they reported to the king (Dasaratha), descendant of the Ikshvakus about the arrival of sage Viswamitra.
VR 1.17.27 अनुष्टुप्
तेषां तद्वचनं श्रुत्वा सपुरोधाः समाहितः । प्रत्युज्जगाम संहृष्टो ब्रह्माणमिव वासवः ॥
teṣāṃ tadvacanaṃ śrutvā sapurodhāḥ samāhitaḥ | pratyujjagāma saṃhṛṣṭo brahmāṇamiva vāsavaḥ ||
English Translation
Hearing those words of theirs, Dasaratha surrounded by his priests, went out delightedly to meet him, like Indra going out to meet Brhaspati. According to Śruti BỊhaspati is the Brahmă of the gods-Brhaspatir devānām Brahmā.
VR 1.17.28 अनुष्टुप्
स दृष्ट्वा ज्वलितं दीप्त्या तापसं संशितव्रतम् । प्रहृष्टवदनो राजा ततोऽर्घ्यमुपहारयत् ॥
sa dṛṣṭvā jvalitaṃ dīptyā tāpasaṃ saṃśitavratam | prahṛṣṭavadano rājā tato'rghyamupahārayat ||
English Translation
And having come to that ascetic observing vows and of flaming energy, the monarch with a cheerful countenance offered him the Arghya.
VR 1.17.29 अनुष्टुप्
स राज्ञः प्रतिगृह्यार्घ्यं शास्त्रदृष्टेन कर्मणा । कुशलं चाव्ययं चैव पर्यपृच्छन्नराधिपम् ॥
sa rājñaḥ pratigṛhyārghyaṃ śāstradṛṣṭena karmaṇā | kuśalaṃ cāvyayaṃ caiva paryapṛcchannarādhipam ||
English Translation
There upon, having accepted the king's Arghya in accordance with the ordinance he enquired of the lord of men as to his continued prosperity and peace.
VR 1.17.30 अनुष्टुप्
वसिष्ठं च समागम्य कुशलं मुनिपुंगवः । ऋषींश्च तान्यथा न्यायं महाभागानुवाच ह ॥
vasiṣṭhaṃ ca samāgamya kuśalaṃ munipuṃgavaḥ | ṛṣīṃśca tānyathā nyāyaṃ mahābhāgānuvāca ha ||
English Translation
And approaching Vasiştha and the other anchorites, that foremost of ascetics of exalted piety duly asked them regarding their welfare.
VR 1.17.31 अनुष्टुप्
ते सर्वे हृष्टमनसस्तस्य राज्ञो निवेशनम् । विविशुः पूजितास्तत्र निषेदुश्च यथार्थतः ॥
te sarve hṛṣṭamanasastasya rājño niveśanam | viviśuḥ pūjitāstatra niṣeduśca yathārthataḥ ||
English Translation
And having been properly received by the monarch, they with glad hearts entered the royal residence, and sat them down according to precedence.
VR 1.17.32 अनुष्टुप्
अथ हृष्टमना राजा विश्वामित्रं महामुनिम् । उवाच परमोदारो हृष्टस्तमभिपूजयन् ॥
atha hṛṣṭamanā rājā viśvāmitraṃ mahāmunim | uvāca paramodāro hṛṣṭastamabhipūjayan ||
English Translation
Then gladly worshipping the mighty ascetic, Visvāmitra, the exceedingly generous king, wellpleased, addressed him saying.
VR 1.17.33 उपजातिः
यथामृतस्य संप्राप्तिर्यथा वर्षमनूदके । यथा सदृशदारेषु पुत्रजन्माप्रजस्य च । प्रनष्टस्य यथा लाभो यथा हर्षो महोदये । तथैवागमनं मन्ये स्वागतं ते महामुने ॥
yathāmṛtasya saṃprāptiryathā varṣamanūdake | yathā sadṛśadāreṣu putrajanmāprajasya ca | pranaṣṭasya yathā lābho yathā harṣo mahodaye | tathaivāgamanaṃ manye svāgataṃ te mahāmune ||
English Translation
Like that of the obtaining of ambrosia, like to a shower in a land suffering from drought, like to the birth of sons of worthy wives to him without issue, like that of the recovery of a lost thing, yea, like to the dawning of a mighty joy, I consider this your arrival. O illustrious ascetic, are you well come? What is even that which is nearest to your heart?
VR 1.17.34 उपजातिः
कं च ते परमं कामं करोमि किमु हर्षितः । पात्रभूतोऽसि मे विप्र दिष्ट्या प्राप्तोऽसि धार्मिक । अद्य मे सफलं जन्म जीवितं च सुजीवितम् ॥
kaṃ ca te paramaṃ kāmaṃ karomi kimu harṣitaḥ | pātrabhūto'si me vipra diṣṭyā prāpto'si dhārmika | adya me saphalaṃ janma jīvitaṃ ca sujīvitam ||
English Translation
You, O Brahmana, are worthy of my best services. By luck it is that, O bestower of honour, I have gained you. To-day my birth has been crowned with fruit to-day has my life attained its object.
VR 1.17.35 अनुष्टुप्
पूर्वं राजर्षिशब्देन तपसा द्योतितप्रभः । ब्रह्मर्षित्वमनुप्राप्तः पूज्योऽसि बहुधा मया ॥
pūrvaṃ rājarṣiśabdena tapasā dyotitaprabhaḥ | brahmarṣitvamanuprāptaḥ pūjyo'si bahudhā mayā ||
English Translation
And truly yesterday night has been succeeded by an auspicious morning, since I have beheld you. Having first attained exceeding effulgence by virtue of austerities performed for obtaining the title of Rājarşi, you have afterwards obtained the status of a Brahmarși. You are worthy of manifold homage from me. This your exceedingly holy arrival appear wonderful.
VR 1.17.36 अनुष्टुप्
तदद्भुतमिदं विप्र पवित्रं परमं मम । शुभक्षेत्रगतश्चाहं तव संदर्शनात्प्रभो ॥
tadadbhutamidaṃ vipra pavitraṃ paramaṃ mama | śubhakṣetragataścāhaṃ tava saṃdarśanātprabho ||
English Translation
O Brahman your arrival has caused surprise to me. It has conferred great purity on me. O Lord by your very presence here, I feel I haved acquired the merits of a pilgrimage.
VR 1.17.37 अनुष्टुप्
ब्रूहि यत्प्रार्थितं तुभ्यं कार्यमागमनं प्रति । इच्छाम्यनुगृहीतोऽहं त्वदर्थपरिवृद्धये ॥
brūhi yatprārthitaṃ tubhyaṃ kāryamāgamanaṃ prati | icchāmyanugṛhīto'haṃ tvadarthaparivṛddhaye ||
English Translation
Be pleased to tell me the purpose of your visit. I desire to be given the privilege of doing service to achieve your object.
VR 1.17.38 अनुष्टुप्
कार्यस्य न विमर्शं च गन्तुमर्हसि कौशिक । कर्ता चाहमशेषेण दैवतं हि भवान्मम ॥
kāryasya na vimarśaṃ ca gantumarhasi kauśika | kartā cāhamaśeṣeṇa daivataṃ hi bhavānmama ||
English Translation
O Viswamitra you need not hesitatate to tell me what ought to be performed. I shall accomplish that act in every possible special way. You are a god to me.
VR 1.17.39 पुष्पिताग्रा = [१२: ननरय] १,३ + [१२: नजजरग] २,४
इति हृदयसुखं निशम्य वाक्यं; श्रुतिसुखमात्मवता विनीतमुक्तम् । प्रथितगुणयशा गुणैर्विशिष्टः; परम ऋषिः परमं जगाम हर्षम् ॥
iti hṛdayasukhaṃ niśamya vākyaṃ; śrutisukhamātmavatā vinītamuktam | prathitaguṇayaśā guṇairviśiṣṭaḥ; parama ṛṣiḥ paramaṃ jagāma harṣam ||
English Translation
Hearing this soul-soothing, ear-charming, and free-humble speech that was uttered, the illustrious prime of ascetics crowned with virtues, and furnished with all perfections, experienced exceeding delight.
← Previous (Ch. 16) Full Table of Contents Next (Ch. 18) →