अथ विश्वात्मने गौरी संदिदेश मिथः सखीम् । दाता मे भूभृतां नाथः प्रमाणीक्रियतामिति ॥
व्याख्या / Traditional Commentary & Notes
सञ्जीविनीटीका (मल्लिनाथः):
अथेति । अथ देवदेवानुग्रहानन्तरं गौरी पार्वती विश्वमात्मा स्वरुपं यस्येति । विश्वस्यात्मेति वा । विश्वात्मने शिवाय मिथो रहसि । `मिथोऽन्योऽन्थं रहस्यपि` इत्यमरः । सखीं संदिदेशातिससर्ज । क्रियामात्रयोगेऽपि संप्रदानत्वाच्चतुर्थीं । किमिति । भूभृतां नाथो हिमवान्मे मम दाता सन् । प्रमाणीक्रियतामिति । दातृत्वेन प्रमाणीक्रियतामित्यर्थः । प्रार्थनायां लोट् । पित्रा दीयमानायाः परिग्रहो मम महाननुग्रह इति भावः
अन्वयः:
अथ गौरी विश्वात्मने `भूभृतां नाथः मे दाता प्रमाणीक्रियताम्` इति मिथः सखीं सन्दिदेश ।
Morphemic Decomposition & Padaccheda
अथ
अथ [ind]
विश्वात्मने
विश्वात्मन् [m]
गौरी
गौरी [f]
संदिदेश
संदिश् [6. Ā.]
मिथः
मिथस् [ind]
सखीम्
सखी [f]
दाता
दातृ [adj]
मे
मद् [pron]
भूभृतां
भूभृत् [m]
नाथः
नाथ [m]
प्रमाणीक्रियताम्
प्रमाणीकृ [8. P.]
इति
इति [ind]