Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 12

Kiṣkindhākāṇḍa Sarga 12

किष्किन्धाकाण्डम् • सर्गः 12

Kiṣkindhākāṇḍa Sarga 12 of the classical Vālmīki Rāmāyaṇa with 38 verses.

Total: 38 Verses • Citations: VR 4.12.1–38 • 175 Lexicon Terms
VR 4.12.1 अनुष्टुप्
एतच्च वचनं श्रुत्वा सुग्रीवेण सुभाषितम् । प्रत्ययार्थं महातेजा रामो जग्राह कार्मुकम् ॥
etacca vacanaṃ śrutvā sugrīveṇa subhāṣitam | pratyayārthaṃ mahātejā rāmo jagrāha kārmukam ||
English Translation
Hearing those pleasant words of Sugrīva, the highly effulgent Rāma, to create his confidence, took up his bow.
VR 4.12.2 अनुष्टुप्
स गृहीत्वा धनुर्घोरं शरमेकं च मानदः । सालानुद्दिश्य चिक्षेप ज्यास्वनैः पूरयन्दिशः ॥
sa gṛhītvā dhanurghoraṃ śaramekaṃ ca mānadaḥ | sālānuddiśya cikṣepa jyāsvanaiḥ pūrayandiśaḥ ||
English Translation
That one, conferring honours upon others, holding his terrible bow and a shaft, darted it towards the Sāla, filling all the quarters with a sound,
VR 4.12.3 अनुष्टुप्
स विसृष्टो बलवता बाणः स्वर्णपरिष्कृतः । भित्त्वा सालान्गिरिप्रस्थे सप्त भूमिं विवेश ह ॥
sa visṛṣṭo balavatā bāṇaḥ svarṇapariṣkṛtaḥ | bhittvā sālāngiriprasthe sapta bhūmiṃ viveśa ha ||
English Translation
The arrow, clear as the gold itself, hurled by that one of mighty strength, perforating the trees, entered into the mountainous expanse and the sevenfold regions of the earth.
VR 4.12.4 अनुष्टुप्
प्रविष्टस्तु मुहूर्तेन रसां भित्त्वा महाजवः । निष्पत्य च पुनस्तूर्णं स्वतूणीं प्रविवेश ह ॥
praviṣṭastu muhūrtena rasāṃ bhittvā mahājavaḥ | niṣpatya ca punastūrṇaṃ svatūṇīṃ praviveśa ha ||
English Translation
And that shaft, gifted with wonderful velocity, piercing all the trees entered again into the quiver.
VR 4.12.5 अनुष्टुप्
तान्दृष्ट्वा सप्त निर्भिन्नान्सालान्वानरपुंगवः । रामस्य शरवेगेन विस्मयं परमं गतः ॥
tāndṛṣṭvā sapta nirbhinnānsālānvānarapuṃgavaḥ | rāmasya śaravegena vismayaṃ paramaṃ gataḥ ||
English Translation
Having beheld those seven trees bored by Rāma's arrow, that monkey chief attained to an excess of surprise.
VR 4.12.6 अनुष्टुप्
स मूर्ध्ना न्यपतद्भूमौ प्रलम्बीकृतभूषणः । सुग्रीवः परमप्रीतो राघवाय कृताञ्जलिः ॥
sa mūrdhnā nyapatadbhūmau pralambīkṛtabhūṣaṇaḥ | sugrīvaḥ paramaprīto rāghavāya kṛtāñjaliḥ ||
English Translation
Thereupon Sugrīva, exceedingly glad, and delighted with his actions, bowing down his head on the earth and stretching his ornamented person on the ground, addressed with clasped hands, that heroic descendant of Raghu.
VR 4.12.7 अनुष्टुप्
इदं चोवाच धर्मज्ञं कर्मणा तेन हर्षितः । रामं सर्वास्त्रविदुषां श्रेष्ठं शूरमवस्थितम् ॥
idaṃ covāca dharmajñaṃ karmaṇā tena harṣitaḥ | rāmaṃ sarvāstraviduṣāṃ śreṣṭhaṃ śūramavasthitam ||
English Translation
Rāma, the foremost of those conversant with religious lore, with the following pious words.
VR 4.12.8 अनुष्टुप्
सेन्द्रानपि सुरान्सर्वांस्त्वं बाणैः पुरुषर्षभ । समर्थः समरे हन्तुं किं पुनर्वालिनं प्रभो ॥
sendrānapi surānsarvāṃstvaṃ bāṇaiḥ puruṣarṣabha | samarthaḥ samare hantuṃ kiṃ punarvālinaṃ prabho ||
English Translation
O best of men, O lord, what of Vali, you are capable of destroying with your arrows, in the conflict, even the celestials headed by Indra.
VR 4.12.9 अनुष्टुप्
येन सप्त महासाला गिरिर्भूमिश्च दारिताः । बाणेनैकेन काकुत्स्थ स्थाता ते को रणाग्रतः ॥
yena sapta mahāsālā girirbhūmiśca dāritāḥ | bāṇenaikena kākutstha sthātā te ko raṇāgrataḥ ||
English Translation
O Kākutstha, who can stand before you in a battle, who has pierced the seven trees, and the mountain, and the earth with one arrow?
VR 4.12.10 अनुष्टुप्
अद्य मे विगतः शोकः प्रीतिरद्य परा मम । सुहृदं त्वां समासाद्य महेन्द्रवरुणोपमम् ॥
adya me vigataḥ śokaḥ prītiradya parā mama | suhṛdaṃ tvāṃ samāsādya mahendravaruṇopamam ||
English Translation
Obtaining you as my friend like to Mahendra and Varuņa, my grief has been removed and I have attained to an excess of delight.
VR 4.12.11 अनुष्टुप्
तमद्यैव प्रियार्थं मे वैरिणं भ्रातृरूपिणम् । वालिनं जहि काकुत्स्थ मया बद्धोऽयमञ्जलिः ॥
tamadyaiva priyārthaṃ me vairiṇaṃ bhrātṛrūpiṇam | vālinaṃ jahi kākutstha mayā baddho'yamañjaliḥ ||
English Translation
Do you, O Kākutstha, even to-day destroy, for my welfare, my brother Vāli. This I do pray to you with folded hands.
VR 4.12.12 अनुष्टुप्
ततो रामः परिष्वज्य सुग्रीवं प्रियदर्शनम् । प्रत्युवाच महाप्राज्ञो लक्ष्मणानुमतं वचः ॥
tato rāmaḥ pariṣvajya sugrīvaṃ priyadarśanam | pratyuvāca mahāprājño lakṣmaṇānumataṃ vacaḥ ||
English Translation
Thereupon embracing Sugrīva, of a pleasant countenance and like to Lakşmaņa, the highly wise Rāma spoke to him, saying,
VR 4.12.13 अनुष्टुप्
अस्माद्गच्छाम किष्किन्धां क्षिप्रं गच्छ त्वमग्रतः । गत्वा चाह्वय सुग्रीव वालिनं भ्रातृगन्धिनम् ॥
asmādgacchāma kiṣkindhāṃ kṣipraṃ gaccha tvamagrataḥ | gatvā cāhvaya sugrīva vālinaṃ bhrātṛgandhinam ||
English Translation
Soon shall we repair to Kiskindha.-Do you go before, O Sugriva, and invite your false brother, Vali, to battle.
VR 4.12.14 अनुष्टुप्
सर्वे ते त्वरितं गत्वा किष्किन्धां वालिनः पुरीम् । वृक्षैरात्मानमावृत्य व्यतिष्ठन्गहने वने ॥
sarve te tvaritaṃ gatvā kiṣkindhāṃ vālinaḥ purīm | vṛkṣairātmānamāvṛtya vyatiṣṭhangahane vane ||
English Translation
Thereupon proceeding quickly to Kişkindhā, Väli's capital—they all stood waiting in that dense forest, hiding themselves under the trees.
VR 4.12.15 अनुष्टुप्
सुग्रीवो व्यनदद्घोरं वालिनो ह्वानकारणात् । गाढं परिहितो वेगान्नादैर्भिन्दन्निवाम्बरम् ॥
sugrīvo vyanadadghoraṃ vālino hvānakāraṇāt | gāḍhaṃ parihito vegānnādairbhindannivāmbaram ||
English Translation
With a view to call Vāli, Sugrīva, tying fast his cloth (around the waist) set up a terrible roar, as if rending the sky (therewith).
VR 4.12.16 अनुष्टुप्
तं श्रुत्वा निनदं भ्रातुः क्रुद्धो वाली महाबलः । निष्पपात सुसंरब्धो भास्करोऽस्ततटादिव ॥
taṃ śrutvā ninadaṃ bhrātuḥ kruddho vālī mahābalaḥ | niṣpapāta susaṃrabdho bhāskaro'stataṭādiva ||
English Translation
Hearing the terrible uproar of his brother, the mighty Vāli, highly angered, issued out of his city, like to the Sun from the western shores (where he sets).
VR 4.12.17 अनुष्टुप्
ततः सुतुमुलं युद्धं वालिसुग्रीवयोरभूत् । गगने ग्रहयोर्घोरं बुधाङ्गारकयोरिव ॥
tataḥ sutumulaṃ yuddhaṃ vālisugrīvayorabhūt | gagane grahayorghoraṃ budhāṅgārakayoriva ||
English Translation
Thereupon there arose a mighty conflict between Vāli and Sugrīva like to the planets Mercury and Mars fighting with each other on the sky.
VR 4.12.18 अनुष्टुप्
तलैरशनिकल्पैश्च वज्रकल्पैश्च मुष्टिभिः । जघ्नतुः समरेऽन्योन्यं भ्रातरौ क्रोधमूर्छितौ ॥
talairaśanikalpaiśca vajrakalpaiśca muṣṭibhiḥ | jaghnatuḥ samare'nyonyaṃ bhrātarau krodhamūrchitau ||
English Translation
The two brothers, exercised with ire, struck each other with palms like to Asani and with fists resembling adamant.
VR 4.12.19 अनुष्टुप्
ततो रामो धनुष्पाणिस्तावुभौ समुदीक्ष्य तु । अन्योन्यसदृशौ वीरावुभौ देवाविवाश्विनौ ॥
tato rāmo dhanuṣpāṇistāvubhau samudīkṣya tu | anyonyasadṛśau vīrāvubhau devāvivāśvinau ||
English Translation
Thereupon Rāma, with bow in hand, beheld those two heroes resembling each other, like to two Aświns.
VR 4.12.20 अनुष्टुप्
यन्नावगच्छत्सुग्रीवं वालिनं वापि राघवः । ततो न कृतवान्बुद्धिं मोक्तुमन्तकरं शरम् ॥
yannāvagacchatsugrīvaṃ vālinaṃ vāpi rāghavaḥ | tato na kṛtavānbuddhiṃ moktumantakaraṃ śaram ||
English Translation
And Rāghava did not discharge that mortal shaft until he could perfectly ascertain who was Vāli and who was Sugriva.
VR 4.12.21 अनुष्टुप्
एतस्मिन्नन्तरे भग्नः सुग्रीवस्तेन वालिना । अपश्यन्राघवं नाथमृश्यमूकं प्रदुद्रुवे ॥
etasminnantare bhagnaḥ sugrīvastena vālinā | apaśyanrāghavaṃ nāthamṛśyamūkaṃ pradudruve ||
English Translation
In the mean time, being defeated by Vāli, Sugrīva fled away and not beholding Rāghava, proceeded towards Rșyamuka.
VR 4.12.22 अनुष्टुप्
क्लान्तो रुधिरसिक्ताङ्गः प्रहारैर्जर्जरीकृतः । वालिनाभिद्रुतः क्रोधात्प्रविवेश महावनम् ॥
klānto rudhirasiktāṅgaḥ prahārairjarjarīkṛtaḥ | vālinābhidrutaḥ krodhātpraviveśa mahāvanam ||
English Translation
And wearied, worn out with blows, and having his person bathed in blood, he, followed by Vāli, angered, entered that mighty forest.
VR 4.12.23 अनुष्टुप्
तं प्रविष्टं वनं दृष्ट्वा वाली शापभयात्ततः । मुक्तो ह्यसि त्वमित्युक्त्वा स निवृत्तो महाबलः ॥
taṃ praviṣṭaṃ vanaṃ dṛṣṭvā vālī śāpabhayāttataḥ | mukto hyasi tvamityuktvā sa nivṛtto mahābalaḥ ||
English Translation
Beholding him enter that forest, the highly powerful Vâli could not pursue him there for fear of the curse but said:-You are released today
VR 4.12.24 अनुष्टुप्
राघवोऽपि सह भ्रात्रा सह चैव हनूमता । तदेव वनमागच्छत्सुग्रीवो यत्र वानरः ॥
rāghavo'pi saha bhrātrā saha caiva hanūmatā | tadeva vanamāgacchatsugrīvo yatra vānaraḥ ||
English Translation
And Rāghava too, with his brother and Hanumān, entered that forest, where the monkey chief Sugrīva was.
VR 4.12.25 अनुष्टुप्
तं समीक्ष्यागतं रामं सुग्रीवः सहलक्ष्मणम् । ह्रीमान्दीनमुवाचेदं वसुधामवलोकयन् ॥
taṃ samīkṣyāgataṃ rāmaṃ sugrīvaḥ sahalakṣmaṇam | hrīmāndīnamuvācedaṃ vasudhāmavalokayan ||
English Translation
Beholding Rāma approach with Lakşmaņa, Sugrīva, stricken with shame and casting his looks on the earth, addressed him poorly, with the following words.
VR 4.12.26 अनुष्टुप्
आह्वयस्वेति मामुक्त्वा दर्शयित्वा च विक्रमम् । वैरिणा घातयित्वा च किमिदानीं त्वया कृतम् ॥
āhvayasveti māmuktvā darśayitvā ca vikramam | vairiṇā ghātayitvā ca kimidānīṃ tvayā kṛtam ||
English Translation
Accosting me with 'do you call (Vāli),' displaying your valour and making me struck by the enemy, what improper, conduct have you shown by me? You should have spoken me then truly, O Rāghava,-I shall not destroy Vali and I would not have gone there.
VR 4.12.27 अनुष्टुप्
तामेव वेलां वक्तव्यं त्वया राघव तत्त्वतः । वालिनं न निहन्मीति ततो नाहमितो व्रजे ॥
tāmeva velāṃ vaktavyaṃ tvayā rāghava tattvataḥ | vālinaṃ na nihanmīti tato nāhamito vraje ||
English Translation
Accosting me with 'do you call (Vāli),' displaying your valour and making me struck by the enemy, what improper, conduct have you shown by me? You should have spoken me then truly, O Rāghava,-I shall not destroy Vali and I would not have gone there.
VR 4.12.28 अनुष्टुप्
तस्य चैवं ब्रुवाणस्य सुग्रीवस्य महात्मनः । करुणं दीनया वाचा राघवः पुनरब्रवीत् ॥
tasya caivaṃ bruvāṇasya sugrīvasya mahātmanaḥ | karuṇaṃ dīnayā vācā rāghavaḥ punarabravīt ||
English Translation
The high-souled Sugrīva speaking thus poorly, Rāghava again spoke to him, saying:
VR 4.12.29 अनुष्टुप्
सुग्रीव श्रूयतां तातः क्रोधश्च व्यपनीयताम् । कारणं येन बाणोऽयं न मया स विसर्जितः ॥
sugrīva śrūyatāṃ tātaḥ krodhaśca vyapanīyatām | kāraṇaṃ yena bāṇo'yaṃ na mayā sa visarjitaḥ ||
English Translation
Do you hear, O Sugriva, O worshipful one, why I did not discharge my arrow then.
VR 4.12.30 अनुष्टुप्
अलंकारेण वेषेण प्रमाणेन गतेन च । त्वं च सुग्रीव वाली च सदृशौ स्थः परस्परम् ॥
alaṃkāreṇa veṣeṇa pramāṇena gatena ca | tvaṃ ca sugrīva vālī ca sadṛśau sthaḥ parasparam ||
English Translation
By ornaments, dress, stature and movements yourself and Vali are just the same, O Sugriva.
VR 4.12.31 अनुष्टुप्
स्वरेण वर्चसा चैव प्रेक्षितेन च वानर । विक्रमेण च वाक्यैश्च व्यक्तिं वां नोपलक्षये ॥
svareṇa varcasā caiva prekṣitena ca vānara | vikrameṇa ca vākyaiśca vyaktiṃ vāṃ nopalakṣaye ||
English Translation
By voice, by words, by looks or by valour, O monkey, I could not make out any distinction.
VR 4.12.32 अनुष्टुप्
ततोऽहं रूपसादृश्यान्मोहितो वानरोत्तम । नोत्सृजामि महावेगं शरं शत्रुनिबर्हणम् ॥
tato'haṃ rūpasādṛśyānmohito vānarottama | notsṛjāmi mahāvegaṃ śaraṃ śatrunibarhaṇam ||
English Translation
O best of monkeys, being thus surprised by the similarity of your countenances I could not discharge that foe-destroying and quick-coursing shaft.
VR 4.12.33 अनुष्टुप्
एतन्मुहूर्ते तु मया पश्य वालिनमाहवे । निरस्तमिषुणैकेन वेष्टमानं महीतले ॥
etanmuhūrte tu mayā paśya vālinamāhave | nirastamiṣuṇaikena veṣṭamānaṃ mahītale ||
English Translation
And do you behold even, in this very moment, Vāli, moving restlessly on the breast of the earth, wounded by my shaft.
VR 4.12.34 अनुष्टुप्
अभिज्ञानं कुरुष्व त्वमात्मनो वानरेश्वर । येन त्वामभिजानीयां द्वन्द्वयुद्धमुपागतम् ॥
abhijñānaṃ kuruṣva tvamātmano vānareśvara | yena tvāmabhijānīyāṃ dvandvayuddhamupāgatam ||
English Translation
Do you make some mark on your person, O lord of monkeys, by which I shall be able to recognize you when engaged in a duel (with your brother).
VR 4.12.35 अनुष्टुप्
गजपुष्पीमिमां फुल्लामुत्पाट्य शुभलक्षणाम् । कुरु लक्ष्मण कण्ठेऽस्य सुग्रीवस्य महात्मनः ॥
gajapuṣpīmimāṃ phullāmutpāṭya śubhalakṣaṇām | kuru lakṣmaṇa kaṇṭhe'sya sugrīvasya mahātmanaḥ ||
English Translation
O Lakşmaņa, plucking this auspicious Gaja flower, do you put it round the neck of the highsouled Sugriva.
VR 4.12.36 अनुष्टुप्
ततो गिरितटे जातामुत्पाट्य कुसुमायुताम् । लक्ष्मणो गजपुष्पीं तां तस्य कण्ठे व्यसर्जयत् ॥
tato giritaṭe jātāmutpāṭya kusumāyutām | lakṣmaṇo gajapuṣpīṃ tāṃ tasya kaṇṭhe vyasarjayat ||
English Translation
Thereat that highly graceful one with the garland around his neck appeared like to a cloud.
VR 4.12.37 अनुष्टुप्
स तथा शुशुभे श्रीमाँल्लतया कण्ठसक्तया । मालयेव बलाकानां ससंध्य इव तोयदः ॥
sa tathā śuśubhe śrīmām̐llatayā kaṇṭhasaktayā | mālayeva balākānāṃ sasaṃdhya iva toyadaḥ ||
English Translation
With the creeper round the neck, Sugriva looked like the raincloud at twilight, adorned by a row of cranes like a garland.
VR 4.12.38 अनुष्टुप्
विभ्राजमानो वपुषा रामवाक्यसमाहितः । जगाम सह रामेण किष्किन्धां वालिपालिताम् ॥
vibhrājamāno vapuṣā rāmavākyasamāhitaḥ | jagāma saha rāmeṇa kiṣkindhāṃ vālipālitām ||
English Translation
And appearing in a graceful person and attentive to Rāma's words he again entered Kiş kindhā with him.
← Previous (Ch. 269) Full Table of Contents Next (Ch. 271) →