Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 10

Kiṣkindhākāṇḍa Sarga 10

किष्किन्धाकाण्डम् • सर्गः 10

Kiṣkindhākāṇḍa Sarga 10 of the classical Vālmīki Rāmāyaṇa with 29 verses.

Total: 29 Verses • Citations: VR 4.10.1–29 • 175 Lexicon Terms
VR 4.10.1 अनुष्टुप्
ततः क्रोधसमाविष्टं संरब्धं तमुपागतम् । अहं प्रसादयां चक्रे भ्रातरं प्रियकाम्यया ॥
tataḥ krodhasamāviṣṭaṃ saṃrabdhaṃ tamupāgatam | ahaṃ prasādayāṃ cakre bhrātaraṃ priyakāmyayā ||
English Translation
Then wishing for my welfare I strove to propitiate my angry brother, wrought up with wrath, who was seated (there).
VR 4.10.2 अनुष्टुप्
दिष्ट्यासि कुशली प्राप्तो निहतश्च त्वया रिपुः । अनाथस्य हि मे नाथस्त्वमेकोऽनाथनन्दनः ॥
diṣṭyāsi kuśalī prāpto nihataśca tvayā ripuḥ | anāthasya hi me nāthastvameko'nāthanandanaḥ ||
English Translation
By good luck it is that you had come off safely; and that you had slain the foe. O you that rejoicest the forlorn, you are the only protector of me who am helpless.
VR 4.10.3 अनुष्टुप्
इदं बहुशलाकं ते पूर्णचन्द्रमिवोदितम् । छत्रं सवालव्यजनं प्रतीच्छस्व मयोद्यतम् ॥
idaṃ bahuśalākaṃ te pūrṇacandramivoditam | chatraṃ savālavyajanaṃ pratīcchasva mayodyatam ||
English Translation
I hold this. umbrella furnished with many ribs, resembling the moon risen; as well as this chowrī containing hair,—do you accept my service.
VR 4.10.4 अनुष्टुप्
त्वमेव राजा मानार्हः सदा चाहं यथापुरा । न्यासभूतमिदं राज्यं तव निर्यातयाम्यहम् ॥
tvameva rājā mānārhaḥ sadā cāhaṃ yathāpurā | nyāsabhūtamidaṃ rājyaṃ tava niryātayāmyaham ||
English Translation
You are the king, O worthy of honour; and I am, as before, ever (your servant). I was entrusted with regal power in consequence of your absence. This kingdom consisting of courtiers and citizens, remains now rid of its thorns. It was established in me as a trust. And I protected it as such.
VR 4.10.5 अनुष्टुप्
मा च रोषं कृथाः सौम्य मयि शत्रुनिबर्हण । याचे त्वां शिरसा राजन्मया बद्धोऽयमञ्जलिः ॥
mā ca roṣaṃ kṛthāḥ saumya mayi śatrunibarhaṇa | yāce tvāṃ śirasā rājanmayā baddho'yamañjaliḥ ||
English Translation
Do not get wroth, O miid one, O destroyer of foes, I beseech you with bent head, and, O king, with joined hands.
VR 4.10.6 अनुष्टुप्
बलादस्मि समागम्य मन्त्रिभिः पुरवासिभिः । राजभावे नियुक्तोऽहं शून्यदेशजिगीषया ॥
balādasmi samāgamya mantribhiḥ puravāsibhiḥ | rājabhāve niyukto'haṃ śūnyadeśajigīṣayā ||
English Translation
With the view of preventing any one to wish to conquer this kingdom vacant (of its ruler the citizens and counsellors unanimously, by force, entrusted me with regal authority.
VR 4.10.7 अनुष्टुप्
स्निग्धमेवं ब्रुवाणं मां स तु निर्भर्त्स्य वानरः । धिक्त्वामिति च मामुक्त्वा बहु तत्तदुवाच ह ॥
snigdhamevaṃ bruvāṇaṃ māṃ sa tu nirbhartsya vānaraḥ | dhiktvāmiti ca māmuktvā bahu tattaduvāca ha ||
English Translation
As I said this softly, the monkey reproaching me, said to me 'Fie on you,' and censured me greatly.
VR 4.10.8 अनुष्टुप्
प्रकृतीश्च समानीय मन्त्रिणश्चैव संमतान् । मामाह सुहृदां मध्ये वाक्यं परमगर्हितम् ॥
prakṛtīśca samānīya mantriṇaścaiva saṃmatān | māmāha suhṛdāṃ madhye vākyaṃ paramagarhitam ||
English Translation
And bringing together the subjects and favourite counsellors, spoke to me, before friends, highly improper words.
VR 4.10.9 अनुष्टुप्
विदितं वो यथा रात्रौ मायावी स महासुरः । मां समाह्वयत क्रूरो युद्धाकाङ्क्षी सुदुर्मतिः ॥
viditaṃ vo yathā rātrau māyāvī sa mahāsuraḥ | māṃ samāhvayata krūro yuddhākāṅkṣī sudurmatiḥ ||
English Translation
“You know that formerly one night the mighty Asura Mayavi, getting' enraged, challenged me (to a fight) desirous of an encounter with me.
VR 4.10.10 अनुष्टुप्
तस्य तद्गर्जितं श्रुत्वा निःसृतोऽहं नृपालयात् । अनुयातश्च मां तूर्णमयं भ्राता सुदारुणः ॥
tasya tadgarjitaṃ śrutvā niḥsṛto'haṃ nṛpālayāt | anuyātaśca māṃ tūrṇamayaṃ bhrātā sudāruṇaḥ ||
English Translation
Hearing his speech I sallied out of the palace, and was followed by this horrible brother of mine.
VR 4.10.11 उपजातिः
स तु दृष्ट्वैव मां रात्रौ सद्वितीयं महाबलः । प्राद्रवद्भयसंत्रस्तो वीक्ष्यावां तमनुद्रुतौ । अनुद्रुतस्तु वेगेन प्रविवेश महाबिलम् ॥
sa tu dṛṣṭvaiva māṃ rātrau sadvitīyaṃ mahābalaḥ | prādravadbhayasaṃtrasto vīkṣyāvāṃ tamanudrutau | anudrutastu vegena praviveśa mahābilam ||
English Translation
Thereat seeing me with one to assist me, and finding that we had come upon him, that mighty Asura, fled, seized with fear. And fleeing on, he (at length) swiftly entered a huge hole.
VR 4.10.12 अनुष्टुप्
तं प्रविष्टं विदित्वा तु सुघोरं सुमहद्बिलम् । अयमुक्तोऽथ मे भ्राता मया तु क्रूरदर्शनः ॥
taṃ praviṣṭaṃ viditvā tu sughoraṃ sumahadbilam | ayamukto'tha me bhrātā mayā tu krūradarśanaḥ ||
English Translation
Knowing that he had entered that dreadful and large cave, I spoke to my brother of a crooked presence.
VR 4.10.13 अनुष्टुप्
अहत्वा नास्ति मे शक्तिः प्रतिगन्तुमितः पुरीम् । बिलद्वारि प्रतीक्ष त्वं यावदेनं निहन्म्यहम् ॥
ahatvā nāsti me śaktiḥ pratigantumitaḥ purīm | biladvāri pratīkṣa tvaṃ yāvadenaṃ nihanmyaham ||
English Translation
Without slaying (this Asura) I cannot return to the palace. Do you wait at the mouth of the cave while I slay him.
VR 4.10.14 अनुष्टुप्
स्थितोऽयमिति मत्वा तु प्रविष्टोऽहं दुरासदम् । तं च मे मार्गमाणस्य गतः संवत्सरस्तदा ॥
sthito'yamiti matvā tu praviṣṭo'haṃ durāsadam | taṃ ca me mārgamāṇasya gataḥ saṃvatsarastadā ||
English Translation
This one is stationed here-thinking thus, I entered that inaccessible cave. And as I searched (for the Asura), one entire year passed away.
VR 4.10.15 अनुष्टुप्
स तु दृष्टो मया शत्रुरनिर्वेदाद्भयावहः । निहतश्च मया तत्र सोऽसुरो बन्धुभिः सह ॥
sa tu dṛṣṭo mayā śatruranirvedādbhayāvahaḥ | nihataśca mayā tatra so'suro bandhubhiḥ saha ||
English Translation
That wicked wight who had roused my alarm in consequence of his disappearance, was (at length) slain by me in one day, along with his friends.
VR 4.10.16 अनुष्टुप्
तस्यास्यात्तु प्रवृत्तेन रुधिरौघेण तद्बिलम् । पूर्णमासीद्दुराक्रामं स्तनतस्तस्य भूतले ॥
tasyāsyāttu pravṛttena rudhiraugheṇa tadbilam | pūrṇamāsīddurākrāmaṃ stanatastasya bhūtale ||
English Translation
Then as he emitted yells in the subterranean region, the cave was filled with his blood and it became difficult to come out of it.
VR 4.10.17 अनुष्टुप्
सूदयित्वा तु तं शत्रुं विक्रान्तं दुन्दुभेः सुतम् । निष्क्रामन्नेव पश्यामि बिलस्य पिहितं मुखम् ॥
sūdayitvā tu taṃ śatruṃ vikrāntaṃ dundubheḥ sutam | niṣkrāmanneva paśyāmi bilasya pihitaṃ mukham ||
English Translation
Having with ease slain my powerful foe, I could not find the outlet of the cavern, its mouth having been closed.
VR 4.10.18 अनुष्टुप्
विक्रोशमानस्य तु मे सुग्रीवेति पुनः पुनः । यदा प्रतिवचो नास्ति ततोऽहं भृशदुःखितः ॥
vikrośamānasya tu me sugrīveti punaḥ punaḥ | yadā prativaco nāsti tato'haṃ bhṛśaduḥkhitaḥ ||
English Translation
Then as I again and again cried Sugrīva, Sugrīva, I became exceedingly sorry for not receiving any reply.
VR 4.10.19 अनुष्टुप्
पादप्रहारैस्तु मया बहुशस्तद्विदारितम् । ततोऽहं तेन निष्क्रम्य यथा पुनरुपागतः ॥
pādaprahāraistu mayā bahuśastadvidāritam | tato'haṃ tena niṣkramya yathā punarupāgataḥ ||
English Translation
Thereat I threw down the stone after striking it many times with my legs. Then coming out by its mouth, I have come to this city.
VR 4.10.20 अनुष्टुप्
तत्रानेनास्मि संरुद्धो राज्यं मार्गयतात्मनः । सुग्रीवेण नृशंसेन विस्मृत्य भ्रातृसौहृदम् ॥
tatrānenāsmi saṃruddho rājyaṃ mārgayatātmanaḥ | sugrīveṇa nṛśaṃsena vismṛtya bhrātṛsauhṛdam ||
English Translation
Seeking my kingdom, the crafty Sugrīva had shut me up there forgetting fraternal love.'
VR 4.10.21 अनुष्टुप्
एवमुक्त्वा तु मां तत्र वस्त्रेणैकेन वानरः । तदा निर्वासयामास वाली विगतसाध्वसः ॥
evamuktvā tu māṃ tatra vastreṇaikena vānaraḥ | tadā nirvāsayāmāsa vālī vigatasādhvasaḥ ||
English Translation
Saying this, that monkey, the shameless Vali, exiled me with a single cloth on.
VR 4.10.22 अनुष्टुप्
तेनाहमपविद्धश्च हृतदारश्च राघव । तद्भयाच्च महीकृत्स्ना क्रान्तेयं सवनार्णवा ॥
tenāhamapaviddhaśca hṛtadāraśca rāghava | tadbhayācca mahīkṛtsnā krānteyaṃ savanārṇavā ||
English Translation
'O Rama my wife has been usurped. There is the fear of his attack. So I am roaming this entire earth, covered with forests and oceans.
VR 4.10.23 अनुष्टुप्
ऋश्यमूकं गिरिवरं भार्याहरणदुःखितः । प्रविष्टोऽस्मि दुराधर्षं वालिनः कारणान्तरे ॥
ṛśyamūkaṃ girivaraṃ bhāryāharaṇaduḥkhitaḥ | praviṣṭo'smi durādharṣaṃ vālinaḥ kāraṇāntare ||
English Translation
O Rāghava, I have been discomfited by him, and been deprived of my wife. And from fear of him, I have wandered over the whole earth having forest and seas. And aggrieved in consequence of my having been deprived of my wife. I have (at length) entered this best of mountains, Rsyamuka, which for a certain reason* is incapable of being approached by Vali. *In consequence of Matanga's curse.
VR 4.10.24 अनुष्टुप्
एतत्ते सर्वमाख्यातं वैरानुकथनं महत् । अनागसा मया प्राप्तं व्यसनं पश्य राघव ॥
etatte sarvamākhyātaṃ vairānukathanaṃ mahat | anāgasā mayā prāptaṃ vyasanaṃ paśya rāghava ||
English Translation
Thus have I mentioned to you the great cause of this hostility, O Rāghava, innocent as I am, I have come by this mighty misfortune.
VR 4.10.25 अनुष्टुप्
वालिनस्तु भयार्तस्य सर्वलोकाभयंकर । कर्तुमर्हसि मे वीर प्रसादं तस्य निग्रहात् ॥
vālinastu bhayārtasya sarvalokābhayaṃkara | kartumarhasi me vīra prasādaṃ tasya nigrahāt ||
English Translation
O you that inspirest the fear of all creatures, by chastising Vāli it behoveth you to grant your grace to me, who am tormented with fear in connection with Vali, O hero.
VR 4.10.26 अनुष्टुप्
एवमुक्तः स तेजस्वी धर्मज्ञो धर्मसंहितम् । वचनं वक्तुमारेभे सुग्रीवं प्रहसन्निव ॥
evamuktaḥ sa tejasvī dharmajño dharmasaṃhitam | vacanaṃ vaktumārebhe sugrīvaṃ prahasanniva ||
English Translation
Thus addressed, the powerful Kākutstha, knowing righteousness, and devoted to virtue, answered Sugriva, smiling,
VR 4.10.27 अनुष्टुप्
अमोघाः सूर्यसंकाशा ममेमे निशिताः शराः । तस्मिन्वालिनि दुर्वृत्ते पतिष्यन्ति रुषान्विताः ॥
amoghāḥ sūryasaṃkāśā mameme niśitāḥ śarāḥ | tasminvālini durvṛtte patiṣyanti ruṣānvitāḥ ||
English Translation
These infallible sharpened shafts of inine, resembling the sun, feathered with the plumes of the Kanka, like to the thunderbolt of the great Indra, having sharp heads and even knots, like in infuriated serpents,-being let go with vehermence, shall alight upon the impious Vali.
VR 4.10.28 अनुष्टुप्
यावत्तं न हि पश्येयं तव भार्यापहारिणम् । तावत्स जीवेत्पापात्मा वाली चारित्रदूषकः ॥
yāvattaṃ na hi paśyeyaṃ tava bhāryāpahāriṇam | tāvatsa jīvetpāpātmā vālī cāritradūṣakaḥ ||
English Translation
So long as you did not see that stealer of your wife, so long only shall the impious Väli of vile character, live.
VR 4.10.29 अनुष्टुप्
आत्मानुमानात्पश्यामि मग्नं त्वां शोकसागरे । त्वामहं तारयिष्यामि कामं प्राप्स्यसि पुष्कलम् ॥
ātmānumānātpaśyāmi magnaṃ tvāṃ śokasāgare | tvāmahaṃ tārayiṣyāmi kāmaṃ prāpsyasi puṣkalam ||
English Translation
By what I myself feel, I see that you had sunk in a sea of sorrow. But I will deliver you; and you shall attain both your wife as well as this kingdom.
← Previous (Ch. 267) Full Table of Contents Next (Ch. 269) →