Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 33

Araṇyakāṇḍa Sarga 33

अरण्यकाण्डम् • सर्गः 33

Araṇyakāṇḍa Sarga 33 of the classical Vālmīki Rāmāyaṇa with 38 verses.

Total: 38 Verses • Citations: VR 3.33.1–38 • 175 Lexicon Terms
VR 3.33.1 अनुष्टुप्
ततः शूर्पणखा वाक्यं तच्छ्रुत्वा रोमहर्षणम् । सचिवानभ्यनुज्ञाय कार्यं बुद्ध्वा जगाम ह ॥
tataḥ śūrpaṇakhā vākyaṃ tacchrutvā romaharṣaṇam | sacivānabhyanujñāya kāryaṃ buddhvā jagāma ha ||
English Translation
Hearing those words of Śūrpanakhā, able to make one's hair stand on end, (Ravana) ascertaining his course after issuing his orders to this counsellors, departed.
VR 3.33.2 अनुष्टुप्
तत्कार्यमनुगम्याथ यथावदुपलभ्य च । दोषाणां च गुणानां च संप्रधार्य बलाबलम् ॥
tatkāryamanugamyātha yathāvadupalabhya ca | doṣāṇāṃ ca guṇānāṃ ca saṃpradhārya balābalam ||
English Translation
Deliberating on the task ahead, duly considering the pros and cons, demerits and merits, strength and weakness, of the issue and having firmly decided within himself, he left for the beautiful coachshed.
VR 3.33.3 अनुष्टुप्
इति कर्तव्यमित्येव कृत्वा निश्चयमात्मनः । स्थिरबुद्धिस्ततो रम्यां यानशालां जगाम ह ॥
iti kartavyamityeva kṛtvā niścayamātmanaḥ | sthirabuddhistato ramyāṃ yānaśālāṃ jagāma ha ||
English Translation
And proposing to himself that act, weighing its good and evil, considering his capacity or Otherwise, and (finally) determining his purpose, Rāvana with a fixed mird went to the handsome stable.
VR 3.33.4 अनुष्टुप्
यानशालां ततो गत्वा प्रच्छन्नं राक्षसाधिपः । सूतं संचोदयामास रथः संयुज्यतामिति ॥
yānaśālāṃ tato gatvā pracchannaṃ rākṣasādhipaḥ | sūtaṃ saṃcodayāmāsa rathaḥ saṃyujyatāmiti ||
English Translation
And going to the stable in disguise, the lord of the Rākṣasasas commanded the charioteer, saying, Yoke the car.:
VR 3.33.5 अनुष्टुप्
एवमुक्तः क्षणेनैव सारथिर्लघुविक्रमः । रथं संयोजयामास तस्याभिमतमुत्तमम् ॥
evamuktaḥ kṣaṇenaiva sārathirlaghuvikramaḥ | rathaṃ saṃyojayāmāsa tasyābhimatamuttamam ||
English Translation
Thus asked, the charioteer possessed of fleet vigour, in a trice, yoked an excellent car after his heart.
VR 3.33.6 अनुष्टुप्
काञ्चनं रथमास्थाय कामगं रत्नभूषितम् । पिशाचवदनैर्युक्तं खरैः कनकभूषणैः ॥
kāñcanaṃ rathamāsthāya kāmagaṃ ratnabhūṣitam | piśācavadanairyuktaṃ kharaiḥ kanakabhūṣaṇaiḥ ||
English Translation
The younger brother of Kubera (Ravana), the prosperous lord of the demons ascended the chariot which could go where he desired. Embellished with gold, studded with gems, harnessed with demonfaced donkeys, the chariot rolled towards the ocean, rumbling like a cloud.
VR 3.33.7 अनुष्टुप्
मेघप्रतिमनादेन स तेन धनदानुजः । राक्षसाधिपतिः श्रीमान्ययौ नदनदीपतिम् ॥
meghapratimanādena sa tena dhanadānujaḥ | rākṣasādhipatiḥ śrīmānyayau nadanadīpatim ||
English Translation
And ascending the car coursing at will, made of gold and garnished with spectral faces as well as arrow decked with gold, resembling a mass of clouds, the graceful ruler of the Rākşasasyounger brother to the Lord of wealth proceeded in that noiseless (vehicle), past the lord of rivers and streams.
VR 3.33.8 अनुष्टुप्
स श्वेतबालव्यसनः श्वेतच्छत्रो दशाननः । स्निग्धवैदूर्यसंकाशस्तप्तकाञ्चनभूषणः ॥
sa śvetabālavyasanaḥ śvetacchatro daśānanaḥ | snigdhavaidūryasaṃkāśastaptakāñcanabhūṣaṇaḥ ||
VR 3.33.9 अनुष्टुप्
दशास्यो विंशतिभुजो दर्शनीय परिच्छदः । त्रिदशारिर्मुनीन्द्रघ्नो दशशीर्ष इवाद्रिराट् ॥
daśāsyo viṃśatibhujo darśanīya paricchadaḥ | tridaśārirmunīndraghno daśaśīrṣa ivādrirāṭ ||
VR 3.33.10 अनुष्टुप्
कामगं रथमास्थाय शुशुभे राक्षसाधिपः । विद्युन्मण्डलवान्मेघः सबलाक इवाम्बरे ॥
kāmagaṃ rathamāsthāya śuśubhe rākṣasādhipaḥ | vidyunmaṇḍalavānmeghaḥ sabalāka ivāmbare ||
VR 3.33.11 अनुष्टुप्
सशैलं सागरानूपं वीर्यवानवलोकयन् । नानापुष्पफलैर्वृक्षैरनुकीर्णं सहस्रशः ॥
saśailaṃ sāgarānūpaṃ vīryavānavalokayan | nānāpuṣpaphalairvṛkṣairanukīrṇaṃ sahasraśaḥ ||
English Translation
Valiant Ravana wentwatching the mountains full of thousands of trees bearing flowers and fruits on the shore of the sea.
VR 3.33.12 अनुष्टुप्
शीतमङ्गलतोयाभिः पद्मिनीभिः समन्ततः । विशालैराश्रमपदैर्वेदिमद्भिः समावृतम् ॥
śītamaṅgalatoyābhiḥ padminībhiḥ samantataḥ | viśālairāśramapadairvedimadbhiḥ samāvṛtam ||
English Translation
(The area) surrounded on all sides with lotusladen ponds filled with cool, sacred water, sprawling hermitages with elevated altars.
VR 3.33.13 अनुष्टुप्
कदल्याढकिसंबाधं नालिकेरोपशोभितम् । सालैस्तालैस्तमालैश्च तरुभिश्च सुपुष्पितैः ॥
kadalyāḍhakisaṃbādhaṃ nālikeropaśobhitam | sālaistālaistamālaiśca tarubhiśca supuṣpitaiḥ ||
English Translation
The place covered with banana plants and coconut trees as well as blossoming sal and tamala trees was looking extremely beautiful.
VR 3.33.14 अनुष्टुप्
अत्यन्तनियताहारैः शोभितं परमर्षिभिः । नागैः सुपर्णैर्गन्धर्वैः किंनरैश्च सहस्रशः ॥
atyantaniyatāhāraiḥ śobhitaṃ paramarṣibhiḥ | nāgaiḥ suparṇairgandharvaiḥ kiṃnaraiśca sahasraśaḥ ||
VR 3.33.15 अनुष्टुप्
जितकामैश्च सिद्धैश्च चामणैश्चोपशोभितम् । आजैर्वैखानसैर्माषैर्वालखिल्यैर्मरीचिपैः ॥
jitakāmaiśca siddhaiśca cāmaṇaiścopaśobhitam | ājairvaikhānasairmāṣairvālakhilyairmarīcipaiḥ ||
VR 3.33.16 अनुष्टुप्
दिव्याभरणमाल्याभिर्दिव्यरूपाभिरावृतम् । क्रीडा रतिविधिज्ञाभिरप्सरोभिः सहस्रशः ॥
divyābharaṇamālyābhirdivyarūpābhirāvṛtam | krīḍā ratividhijñābhirapsarobhiḥ sahasraśaḥ ||
English Translation
(The place was) full of apsaras in their thousands and paragons of beauty adorned with divine ornaments and garlands, and experts in lovesports.
VR 3.33.17 अनुष्टुप्
सेवितं देवपत्नीभिः श्रीमतीभिः श्रिया वृतम् । देवदानवसंघैश्च चरितं त्वमृताशिभिः ॥
sevitaṃ devapatnībhiḥ śrīmatībhiḥ śriyā vṛtam | devadānavasaṃghaiśca caritaṃ tvamṛtāśibhiḥ ||
English Translation
It was chosen by prosperous wives of gods as a reosrt. Hosts of gods and demons were wandering, there in the hope of tasting nectar.
VR 3.33.18 अनुष्टुप्
हंसक्रौञ्चप्लवाकीर्णं सारसैः संप्रणादितम् । वैदूर्यप्रस्तरं रम्यं स्निग्धं सागरतेजसा ॥
haṃsakrauñcaplavākīrṇaṃ sārasaiḥ saṃpraṇāditam | vaidūryaprastaraṃ ramyaṃ snigdhaṃ sāgaratejasā ||
English Translation
(It was ) full of small floats, flocks of swans, kraunchas, sarasas cackling in the ponds, with great joy. It had stretches of vaidurya stones on the shore and shone with the radiance of the sea
VR 3.33.19 अनुष्टुप्
पाण्डुराणि विशालानि दिव्यमाल्ययुतानि च । तूर्यगीताभिजुष्टानि विमानानि समन्ततः ॥
pāṇḍurāṇi viśālāni divyamālyayutāni ca | tūryagītābhijuṣṭāni vimānāni samantataḥ ||
English Translation
And as he proceeded, the younger brother of the Lord of wealth, saw on all sides spacious cars capable of coursing at will, sable, furnished with fair garlands, and resounding with trumpet notes, and Gandharvas and Apsaras.
VR 3.33.20 अनुष्टुप्
तपसा जितलोकानां कामगान्यभिसंपतन् । गन्धर्वाप्सरसश्चैव ददर्श धनदानुजः ॥
tapasā jitalokānāṃ kāmagānyabhisaṃpatan | gandharvāpsarasaścaiva dadarśa dhanadānujaḥ ||
English Translation
And as he proceeded, the younger brother of the Lord of wealth, saw on all sides spacious cars capable of coursing at will, sable, furnished with fair garlands, and resounding with trumpet notes, and Gandharvas and Apsaras.
VR 3.33.21 अनुष्टुप्
निर्यासरसमूलानां चन्दनानां सहस्रशः । वनानि पश्यन्सौम्यानि घ्राणतृप्तिकराणि च ॥
niryāsarasamūlānāṃ candanānāṃ sahasraśaḥ | vanāni paśyansaumyāni ghrāṇatṛptikarāṇi ca ||
English Translation
He saw thousands of tree trunks with finesmelling resins and sandalwood trees.
VR 3.33.22 अनुष्टुप्
अगरूणां च मुख्यानां वनान्युपवनानि च । तक्कोलानां च जात्यानां फलानां च सुगन्धिनाम् ॥
agarūṇāṃ ca mukhyānāṃ vanānyupavanāni ca | takkolānāṃ ca jātyānāṃ phalānāṃ ca sugandhinām ||
English Translation
(He saw) very fine aguru trees in the forest as well as pleasuregroves of takkola fruits, fragrant trees of a fine variety and fragrant nutmegs.
VR 3.33.23 अनुष्टुप्
पुष्पाणि च तमालस्य गुल्मानि मरिचस्य च । मुक्तानां च समूहानि शुष्यमाणानि तीरतः ॥
puṣpāṇi ca tamālasya gulmāni maricasya ca | muktānāṃ ca samūhāni śuṣyamāṇāni tīrataḥ ||
English Translation
(He saw) tamala flowers in bloom, pepper shrubs in clusters and hoards of pearls kept for drying on the shores.
VR 3.33.24 अनुष्टुप्
शङ्खानां प्रस्तरं चैव प्रवालनिचयं तथा । काञ्चनानि च शैलानि राजतानि च सर्वशः ॥
śaṅkhānāṃ prastaraṃ caiva pravālanicayaṃ tathā | kāñcanāni ca śailāni rājatāni ca sarvaśaḥ ||
English Translation
He saw stretches of conches, heaps of corals and mounds of gold and silver too.
VR 3.33.25 अनुष्टुप्
प्रस्रवाणि मनोज्ञानि प्रसन्नानि ह्रदानि च । धनधान्योपपन्नानि स्त्रीरत्नैरावृतानि च ॥
prasravāṇi manojñāni prasannāni hradāni ca | dhanadhānyopapannāni strīratnairāvṛtāni ca ||
English Translation
He went watching fascinating waterfalls, pleasing ponds, cities filled with wealth and grain, looking splendid with beautiful women and full of elephants, horses and chariots.
VR 3.33.26 अनुष्टुप्
हस्त्यश्वरथगाढानि नगराण्यवलोकयन् । तं समं सर्वतः स्निग्धं मृदुसंस्पर्शमारुतम् ॥
hastyaśvarathagāḍhāni nagarāṇyavalokayan | taṃ samaṃ sarvataḥ snigdhaṃ mṛdusaṃsparśamārutam ||
VR 3.33.27 अनुष्टुप्
अनूपं सिन्धुराजस्य ददर्श त्रिदिवोपमम् । तत्रापश्यत्स मेघाभं न्यग्रोधमृषिभिर्वृतम् ॥
anūpaṃ sindhurājasya dadarśa tridivopamam | tatrāpaśyatsa meghābhaṃ nyagrodhamṛṣibhirvṛtam ||
VR 3.33.28 उपजातिः
समन्ताद्यस्य ताः शाखाः शतयोजनमायताः । यस्य हस्तिनमादाय महाकायं च कच्चपम् । भक्षार्थं गरुडः शाखामाजगाम महाबलः ॥
samantādyasya tāḥ śākhāḥ śatayojanamāyatāḥ | yasya hastinamādāya mahākāyaṃ ca kaccapam | bhakṣārthaṃ garuḍaḥ śākhāmājagāma mahābalaḥ ||
English Translation
And there he saw a fig tree, hued like clouds, surrounded by ascetics; its branches stretched around an hundred Yojanas, and the exceedingly powerful Garuda had ascended one of its boughs, taking an elephant and a huge tortoise, for the purpose of devouring them.
VR 3.33.29 अनुष्टुप्
तस्य तां सहसा शाखां भारेण पतगोत्तमः । सुपर्णः पर्णबहुलां बभञ्जाथ महाबलः ॥
tasya tāṃ sahasā śākhāṃ bhāreṇa patagottamaḥ | suparṇaḥ parṇabahulāṃ babhañjātha mahābalaḥ ||
English Translation
And that best of birds, the powerful Suparņa by his weight suddenly broke a branch containing full many leaves.
VR 3.33.30 अनुष्टुप्
तत्र वैखानसा माषा वालखिल्या मरीचिपाः । अजा बभूवुर्धूम्राश्च संगताः परमर्षयः ॥
tatra vaikhānasā māṣā vālakhilyā marīcipāḥ | ajā babhūvurdhūmrāśca saṃgatāḥ paramarṣayaḥ ||
English Translation
And it came to pass that Vaikhānasas, Māşas, Valakhilyas, Maricipas, Ayas, and Dhumras, saints of the highest order-had assembled there.
VR 3.33.31 अनुष्टुप्
तेषां दयार्थं गरुडस्तां शाखां शतयोजनाम् । जगामादाय वेगेन तौ चोभौ गजकच्छपौ ॥
teṣāṃ dayārthaṃ garuḍastāṃ śākhāṃ śatayojanām | jagāmādāya vegena tau cobhau gajakacchapau ||
English Translation
Out of compassion for the (endangered) seers Garuda carried away that hundredyojanalong branch along with the elephant and the tortoise with great speed.
VR 3.33.32 उपजातिः
एकपादेन धर्मात्मा भक्षयित्वा तदामिषम् । निषादविषयं हत्वा शाखया पतगोत्तमः । प्रहर्षमतुलं लेभे मोक्षयित्वा महामुनीन् ॥
ekapādena dharmātmā bhakṣayitvā tadāmiṣam | niṣādaviṣayaṃ hatvā śākhayā patagottamaḥ | praharṣamatulaṃ lebhe mokṣayitvā mahāmunīn ||
English Translation
Thereat, moved by commiseration (for the ascetics), the virtuous Garuda, taking with proinptitude the broken bough measuring an hundred Yojanas as well as the elephant and the tortoise, by one leg, at length eating up the animals, and by means of the bough, exterminating the country of the Nişādas-that best of birds attained unequalled delight in consequence of having rescued the mighty ascetics.
VR 3.33.33 अनुष्टुप्
स तेनैव प्रहर्षेण द्विगुणीकृतविक्रमः । अमृतानयनार्थं वै चकार मतिमान्मतिम् ॥
sa tenaiva praharṣeṇa dviguṇīkṛtavikramaḥ | amṛtānayanārthaṃ vai cakāra matimānmatim ||
English Translation
Thereat, attaining double energy by virtue of that delight, that intelligent one set his heart on bringing ambrosia.
VR 3.33.34 अनुष्टुप्
अयोजालानि निर्मथ्य भित्त्वा रत्नगृहं वरम् । महेन्द्रभवनाद्गुप्तमाजहारामृतं ततः ॥
ayojālāni nirmathya bhittvā ratnagṛhaṃ varam | mahendrabhavanādguptamājahārāmṛtaṃ tataḥ ||
English Translation
And tearing off the iron links of the network, and bursting into the repository of gem, he carried away secreted ambrosia from the residence of the great Indra.
VR 3.33.35 अनुष्टुप्
तं महर्षिगणैर्जुष्टं सुपर्णकृतलक्षणम् । नाम्ना सुभद्रं न्यग्रोधं ददर्श धनदानुजः ॥
taṃ maharṣigaṇairjuṣṭaṃ suparṇakṛtalakṣaṇam | nāmnā subhadraṃ nyagrodhaṃ dadarśa dhanadānujaḥ ||
English Translation
Kubera's younger brother beheld this fig tree, named Suparna had left his mark.
VR 3.33.36 अनुष्टुप्
तं तु गत्वा परं पारं समुद्रस्य नदीपतेः । ददर्शाश्रममेकान्ते पुण्ये रम्ये वनान्तरे ॥
taṃ tu gatvā paraṃ pāraṃ samudrasya nadīpateḥ | dadarśāśramamekānte puṇye ramye vanāntare ||
English Translation
Then repairing to the other shore of that lord of rivers, the ocean, Rāvana saw an asylum lying in the forest in a charming and sacred recess.
VR 3.33.37 अनुष्टुप्
तत्र कृष्णाजिनधरं जटावल्कलधारिणम् । ददर्श नियताहारं मारीचं नाम राक्षसं ॥
tatra kṛṣṇājinadharaṃ jaṭāvalkaladhāriṇam | dadarśa niyatāhāraṃ mārīcaṃ nāma rākṣasaṃ ||
English Translation
And there he saw a Rākṣasa, named Mārīca, clad in a dark deer-skin, bearing a head of matted locks, subsisting on restricted fare.
VR 3.33.38 अनुष्टुप्
स रावणः समागम्य विधिवत्तेन रक्षसा । ततः पश्चादिदं वाक्यमब्रवीद्वाक्यकोविदः ॥
sa rāvaṇaḥ samāgamya vidhivattena rakṣasā | tataḥ paścādidaṃ vākyamabravīdvākyakovidaḥ ||
English Translation
Thus addressed by Mārica, the highly energetic Ravana, versed in speech, said.
← Previous (Ch. 219) Full Table of Contents Next (Ch. 221) →