Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 22

Araṇyakāṇḍa Sarga 22

अरण्यकाण्डम् • सर्गः 22

Araṇyakāṇḍa Sarga 22 of the classical Vālmīki Rāmāyaṇa with 34 verses.

Total: 34 Verses • Citations: VR 3.22.1–34 • 175 Lexicon Terms
VR 3.22.1 अनुष्टुप्
तत्प्रयातं बलं घोरमशिवं शोणितोदकम् । अभ्यवर्षन्महामेघस्तुमुलो गर्दभारुणः ॥
tatprayātaṃ balaṃ ghoramaśivaṃ śoṇitodakam | abhyavarṣanmahāmeghastumulo gardabhāruṇaḥ ||
English Translation
As those terrible and inauspicious forces were marching on, a mighty sable cloud with dreadful sounds began to shower down blood.
VR 3.22.2 अनुष्टुप्
निपेतुस्तुरगास्तस्य रथयुक्ता महाजवाः । समे पुष्पचिते देशे राजमार्गे यदृच्छया ॥
nipetusturagāstasya rathayuktā mahājavāḥ | same puṣpacite deśe rājamārge yadṛcchayā ||
English Translation
The steeds yoked to his (Khara's) car, gifted with great celerity, dropped down all of a sudden on the level high ways strewn with blossoms.
VR 3.22.3 अनुष्टुप्
श्यामं रुधिरपर्यन्तं बभूव परिवेषणम् । अलातचक्रप्रतिमं प्रतिगृह्य दिवाकरम् ॥
śyāmaṃ rudhiraparyantaṃ babhūva pariveṣaṇam | alātacakrapratimaṃ pratigṛhya divākaram ||
English Translation
A dark circle bordered with red, resembling that of charcoal, appeared in the vicinity of the sun.
VR 3.22.4 अनुष्टुप्
ततो ध्वजमुपागम्य हेमदण्डं समुच्छ्रितम् । समाक्रम्य महाकायस्तस्थौ गृध्रः सुदारुणः ॥
tato dhvajamupāgamya hemadaṇḍaṃ samucchritam | samākramya mahākāyastasthau gṛdhraḥ sudāruṇaḥ ||
English Translation
And a frightful vulture, having a huge body, approaching the banner, sat upon the upraised golden flag-staff.
VR 3.22.5 अनुष्टुप्
जनस्थानसमीपे च समाक्रम्य खरस्वनाः । विस्वरान्विविधांश्चक्रुर्मांसादा मृगपक्षिणः ॥
janasthānasamīpe ca samākramya kharasvanāḥ | visvarānvividhāṃścakrurmāṃsādā mṛgapakṣiṇaḥ ||
English Translation
Flesheating beasts and birds flocked at Janasthana producing a cacophony.
VR 3.22.6 अनुष्टुप्
व्याजह्रुश्च पदीप्तायां दिशि वै भैरवस्वनम् । अशिवा यातु दाहानां शिवा घोरा महास्वनाः ॥
vyājahruśca padīptāyāṃ diśi vai bhairavasvanam | aśivā yātu dāhānāṃ śivā ghorā mahāsvanāḥ ||
English Translation
The dreadful jackals making ghastly howls turning towards the illuminated direction and produced frightening sounds indicating inauspicious time for the demons.
VR 3.22.7 अनुष्टुप्
प्रभिन्नगिरिसंकाशास्तोयशोषितधारिणः । आकाशं तदनाकाशं चक्रुर्भीमा बलाहकाः ॥
prabhinnagirisaṃkāśāstoyaśoṣitadhāriṇaḥ | ākāśaṃ tadanākāśaṃ cakrurbhīmā balāhakāḥ ||
English Translation
And terrific clouds surcharged with water and blood, and resembling elephants with rent temples, enveloped the sky.
VR 3.22.8 अनुष्टुप्
बभूव तिमिरं घोरमुद्धतं रोमहर्षणम् । दिशो वा विदिशो वापि सुव्यक्तं न चकाशिरे ॥
babhūva timiraṃ ghoramuddhataṃ romaharṣaṇam | diśo vā vidiśo vāpi suvyaktaṃ na cakāśire ||
English Translation
And a dense darkness appeared, capable of making one's hair stand on end, and no quarter was distinctly visible.
VR 3.22.9 अनुष्टुप्
क्षतजार्द्रसवर्णाभा संध्याकालं विना बभौ । खरस्याभिमुखं नेदुस्तदा घोरा मृगाः खगाः ॥
kṣatajārdrasavarṇābhā saṃdhyākālaṃ vinā babhau | kharasyābhimukhaṃ nedustadā ghorā mṛgāḥ khagāḥ ||
English Translation
And out of season, there appeared evening hued like a cloth soaked in blood. And facing Khara, terrible beasts and birds set up cries.
VR 3.22.10 अनुष्टुप्
नित्याशिवकरा युद्धे शिवा घोरनिदर्शनाः । नेदुर्बलस्याभिमुखं ज्वालोद्गारिभिराननैः ॥
nityāśivakarā yuddhe śivā ghoranidarśanāḥ | nedurbalasyābhimukhaṃ jvālodgāribhirānanaiḥ ||
English Translation
Kankas, Gomayas and vultures, portending fear, began to cry. Ever inauspicious in war, jackals presaging evil, with their mouths belching forth flame, howled in the face of the forces.
VR 3.22.11 अनुष्टुप्
कबन्धः परिघाभासो दृश्यते भास्करान्तिके । जग्राह सूर्यं स्वर्भानुरपर्वणि महाग्रहः ॥
kabandhaḥ parighābhāso dṛśyate bhāskarāntike | jagrāha sūryaṃ svarbhānuraparvaṇi mahāgrahaḥ ||
English Translation
And comets, resembling parighas appeared beside the sun. That mighty planet Svarbhānu seized the sun when there was no parva. And the winds blew violently; and the sun was without lustre.
VR 3.22.12 अनुष्टुप्
प्रवाति मारुतः शीघ्रं निष्प्रभोऽभूद्दिवाकरः । उत्पेतुश्च विना रात्रिं ताराः खद्योतसप्रभाः ॥
pravāti mārutaḥ śīghraṃ niṣprabho'bhūddivākaraḥ | utpetuśca vinā rātriṃ tārāḥ khadyotasaprabhāḥ ||
VR 3.22.13 अनुष्टुप्
संलीनमीनविहगा नलिन्यः पुष्पपङ्कजाः । तस्मिन्क्षणे बभूवुश्च विना पुष्पफलैर्द्रुमाः ॥
saṃlīnamīnavihagā nalinyaḥ puṣpapaṅkajāḥ | tasminkṣaṇe babhūvuśca vinā puṣpaphalairdrumāḥ ||
English Translation
The stars rose in the sky and glittered like fireflies even before night arrived. The fishes and the aquatic birds in the lotusponds hid themselves under water. Lotuses dried up in tanks and the trees stood bereft of flowers and fruits.
VR 3.22.14 अनुष्टुप्
उद्धूतश्च विना वातं रेणुर्जलधरारुणः । वीचीकूचीति वाश्यन्तो बभूवुस्तत्र सारिकाः ॥
uddhūtaśca vinā vātaṃ reṇurjaladharāruṇaḥ | vīcīkūcīti vāśyanto babhūvustatra sārikāḥ ||
English Translation
Although there was no wind, dust rose like a brown cloud and the sarika birds sang (vichi kuchi) thoughtlessly.
VR 3.22.15 अनुष्टुप्
उल्काश्चापि सनिर्घोषा निपेतुर्घोरदर्शनाः । प्रचचाल मही चापि सशैलवनकानना ॥
ulkāścāpi sanirghoṣā nipeturghoradarśanāḥ | pracacāla mahī cāpi saśailavanakānanā ||
English Translation
Dreadful to watch were the thunderstorms and the meteors that dropped down from the sky. The earth trembled all over with mountains, groves and forests.
VR 3.22.16 अनुष्टुप्
खरस्य च रथस्थस्य नर्दमानस्य धीमतः । प्राकम्पत भुजः सव्यः खरश्चास्यावसज्जत ॥
kharasya ca rathasthasya nardamānasya dhīmataḥ | prākampata bhujaḥ savyaḥ kharaścāsyāvasajjata ||
English Translation
While the intelligent and courageous Khara was seated on the chariot and shouting, his left shoulder shook violently and throat throttled.
VR 3.22.17 अनुष्टुप्
सास्रा संपद्यते दृष्टिः पश्यमानस्य सर्वतः । ललाटे च रुजा जाता न च मोहान्न्यवर्तत ॥
sāsrā saṃpadyate dṛṣṭiḥ paśyamānasya sarvataḥ | lalāṭe ca rujā jātā na ca mohānnyavartata ||
English Translation
While watching all this, his eyes brimmed with tears. His forehead ached. Yet he was too deluded to beat a retreat.
VR 3.22.18 अनुष्टुप्
तान्समीक्ष्य महोत्पातानुत्थितान्रोमहर्षणान् । अब्रवीद्राक्षसान्सर्वान्प्रहसन्स खरस्तदा ॥
tānsamīkṣya mahotpātānutthitānromaharṣaṇān | abravīdrākṣasānsarvānprahasansa kharastadā ||
English Translation
Looking at these dreadful, horripilating occurrences Khara laughed and said to the demons:
VR 3.22.19 अनुष्टुप्
महोत्पातानिमान्सर्वानुत्थितान्घोरदर्शनान् । न चिन्तयाम्यहं वीर्याद्बलवान्दुर्बलानिव ॥
mahotpātānimānsarvānutthitānghoradarśanān | na cintayāmyahaṃ vīryādbalavāndurbalāniva ||
English Translation
Valiant and strong, I do not take seriously these terrifying omens boding calamity just as a strong man does not care for the weak.
VR 3.22.20 अनुष्टुप्
तारा अपि शरैस्तीक्ष्णैः पातयेयं नभस्तलात् । मृत्युं मरणधर्मेण संक्रुद्धो योजयाम्यहम् ॥
tārā api śaraistīkṣṇaiḥ pātayeyaṃ nabhastalāt | mṛtyuṃ maraṇadharmeṇa saṃkruddho yojayāmyaham ||
English Translation
With my sharp arrows I can even bring down the stars from the sky. If angered, I can cause mortality to the god of death.
VR 3.22.21 अनुष्टुप्
राघवं तं बलोत्सिक्तं भ्रातरं चापि लक्ष्मणम् । अहत्वा सायकैस्तीक्ष्णैर्नोपावर्तितुमुत्सहे ॥
rāghavaṃ taṃ balotsiktaṃ bhrātaraṃ cāpi lakṣmaṇam | ahatvā sāyakaistīkṣṇairnopāvartitumutsahe ||
English Translation
I do not wish to return, without killing with my sharp arrows that Rama who is proud of his strength and his brother Lakshmana.
VR 3.22.22 अनुष्टुप्
सकामा भगिनी मेऽस्तु पीत्वा तु रुधिरं तयोः । यन्निमित्तं तु रामस्य लक्ष्मणस्य विपर्ययः ॥
sakāmā bhaginī me'stu pītvā tu rudhiraṃ tayoḥ | yannimittaṃ tu rāmasya lakṣmaṇasya viparyayaḥ ||
English Translation
Let my sister be satisfied by drinking the blood of both Rama and Lakshmana on whose account this adversity has come.
VR 3.22.23 अनुष्टुप्
न क्वचित्प्राप्तपूर्वो मे संयुगेषु पराजयः । युष्माकमेतत्प्रत्यक्षं नानृतं कथयाम्यहम् ॥
na kvacitprāptapūrvo me saṃyugeṣu parājayaḥ | yuṣmākametatpratyakṣaṃ nānṛtaṃ kathayāmyaham ||
English Translation
I had never before met with defeat in conflict. You have witnessed it. I do not speak a falsehood.
VR 3.22.24 अनुष्टुप्
देवराजमपि क्रुद्धो मत्तैरावतयायिनम् । वज्रहस्तं रणे हन्यां किं पुनस्तौ च मानुषौ ॥
devarājamapi kruddho mattairāvatayāyinam | vajrahastaṃ raṇe hanyāṃ kiṃ punastau ca mānuṣau ||
English Translation
Wrought up with rage, I shall slay in fight the sovereign of the celestials himself, going on his mad Airāvata, with the thunderbolt in his hand, what shall I say of those two, who are human beings?
VR 3.22.25 अनुष्टुप्
सा तस्य गर्जितं श्रुत्वा राक्षसस्य महाचमूः । प्रहर्षमतुलं लेभे मृत्युपाशावपाशिता ॥
sā tasya garjitaṃ śrutvā rākṣasasya mahācamūḥ | praharṣamatulaṃ lebhe mṛtyupāśāvapāśitā ||
English Translation
Entangled in the noose of death, that mighty army of the Rākşasas hearing his challenge, experienced boundless enthusiasm.
VR 3.22.26 अनुष्टुप्
समेयुश्च महात्मानो युद्धदर्शनकाङ्क्षिणः । ऋषयो देवगन्धर्वाः सिद्धाश्च सह चारणैः ॥
sameyuśca mahātmāno yuddhadarśanakāṅkṣiṇaḥ | ṛṣayo devagandharvāḥ siddhāśca saha cāraṇaiḥ ||
English Translation
And anxious to see the encounter, there came high-souled saints, and celestials, and Gandharvas, and Siddhas, with the Cāranas. And these pious ones assembled, spoke to one another.
VR 3.22.27 अनुष्टुप्
समेत्य चोरुः सहितास्तेऽन्यायं पुण्यकर्मणः । स्वस्ति गोब्राह्मणेभ्योऽस्तु लोकानां ये च संमताः ॥
sametya coruḥ sahitāste'nyāyaṃ puṇyakarmaṇaḥ | svasti gobrāhmaṇebhyo'stu lokānāṃ ye ca saṃmatāḥ ||
English Translation
Holy men assembled and uttered benedictions, saying, 'let there be wellbeing for the cows and brahmins associated with men of pious deeds in all the (three) worlds.
VR 3.22.28 अनुष्टुप्
जयतां राघवो युद्धे पौलस्त्यान्रजनीचरान् । चक्रा हस्तो यथा युद्धे सर्वानसुरपुंगवान् ॥
jayatāṃ rāghavo yuddhe paulastyānrajanīcarān | cakrā hasto yathā yuddhe sarvānasurapuṃgavān ||
English Translation
Welfare to those cows, and Brāhmanas, and those that are prized by the worlds! As the discus-handed Vişņu vanquished the foremost Asuras, may Rāghava rout in battle those rangers of the night, the progeny of Pulastya!
VR 3.22.29 अनुष्टुप्
एतच्चान्यच्च बहुशो ब्रुवाणाः परमर्षयः । ददृशुर्वाहिनीं तेषां राक्षसानां गतायुषाम् ॥
etaccānyacca bahuśo bruvāṇāḥ paramarṣayaḥ | dadṛśurvāhinīṃ teṣāṃ rākṣasānāṃ gatāyuṣām ||
English Translation
And saying this as well as various other things, the supreme saints and the celestials stationed in the sky conceiving curiosity (as to the issue of the conflict), beheld the host of those Rākşasas, whose days had been numbered.
VR 3.22.30 अनुष्टुप्
रथेन तु खरो वेगात्सैन्यस्याग्राद्विनिःसृतः । तं दृष्ट्वा राक्षसं भूयो राक्षसाश्च विनिःसृताः ॥
rathena tu kharo vegātsainyasyāgrādviniḥsṛtaḥ | taṃ dṛṣṭvā rākṣasaṃ bhūyo rākṣasāśca viniḥsṛtāḥ ||
English Translation
Seeing Khara, their chief on the chariot driving fast, the army of demons too marched forward.
VR 3.22.31 अनुष्टुप्
श्येन गामी पृथुग्रीवो यज्ञशत्रुर्विहंगमः । दुर्जयः करवीराक्षः परुषः कालकार्मुकः ॥
śyena gāmī pṛthugrīvo yajñaśatrurvihaṃgamaḥ | durjayaḥ karavīrākṣaḥ paruṣaḥ kālakārmukaḥ ||
English Translation
Surrounded by twelve valiant warriors like Syenagami, Pruthugreeva, Yagnasatru, Vihangama, Durjaya, Karaviraksha, Parusha, Kalakarmuka, Meghmali, Mahamali, Sarpasya and Rudhirasana, Khara proceeded.
VR 3.22.32 अनुष्टुप्
मेघमाली महामाली सर्पास्यो रुधिराशनः । द्वादशैते महावीर्याः प्रतस्थुरभितः खरम् ॥
meghamālī mahāmālī sarpāsyo rudhirāśanaḥ | dvādaśaite mahāvīryāḥ pratasthurabhitaḥ kharam ||
English Translation
Surrounded by twelve valiant warriors like Syenagami, Pruthugreeva, Yagnasatru, Vihangama, Durjaya, Karaviraksha, Parusha, Kalakarmuka, Meghmali, Mahamali, Sarpasya and Rudhirasana, Khara proceeded.
VR 3.22.33 अनुष्टुप्
महाकपालः स्थूलाक्षः प्रमाथी त्रिशिरास्तथा । चत्वार एते सेनाग्र्या दूषणं पृष्ठतोऽन्वयुः ॥
mahākapālaḥ sthūlākṣaḥ pramāthī triśirāstathā | catvāra ete senāgryā dūṣaṇaṃ pṛṣṭhato'nvayuḥ ||
English Translation
And Mahākapāla, Sthūlākṣa, Pramātha and Trisirā—These four going before the forces, went at the back of Dūşaņa.
VR 3.22.34 उपजातिः
सा भीमवेगा समराभिकामा; सुदारुणा राक्षसवीर सेना । तौ राजपुत्रौ सहसाभ्युपेता; मालाग्रहाणामिव चन्द्रसूर्यौ ॥
sā bhīmavegā samarābhikāmā; sudāruṇā rākṣasavīra senā | tau rājaputrau sahasābhyupetā; mālāgrahāṇāmiva candrasūryau ||
English Translation
Then as the planets dart towards the sun and moon, that heroic and dreadful army of Rākşasas, eager for victory suddenly rushed towards the princes with great vehemence.
← Previous (Ch. 208) Full Table of Contents Next (Ch. 210) →