Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 28

Araṇyakāṇḍa Sarga 28

अरण्यकाण्डम् • सर्गः 28

Araṇyakāṇḍa Sarga 28 of the classical Vālmīki Rāmāyaṇa with 28 verses.

Total: 28 Verses • Citations: VR 3.28.1–28 • 175 Lexicon Terms
VR 3.28.1 अनुष्टुप्
खरं तु विरथं रामो गदापाणिमवस्थितम् । मृदुपूर्वं महातेजाः परुषं वाक्यमब्रवीत् ॥
kharaṃ tu virathaṃ rāmo gadāpāṇimavasthitam | mṛdupūrvaṃ mahātejāḥ paruṣaṃ vākyamabravīt ||
English Translation
And to Khara deprived of his car standing with a mace in his hand, that exceedingly energetic one, Rāma, precluding his speech with mildness, spoke.
VR 3.28.2 अनुष्टुप्
गजाश्वरथसंबाधे बले महति तिष्ठता । कृतं सुदारुणं कर्म सर्वलोकजुगुप्सितम् ॥
gajāśvarathasaṃbādhe bale mahati tiṣṭhatā | kṛtaṃ sudāruṇaṃ karma sarvalokajugupsitam ||
English Translation
Although you command a huge army with many elephants, horses, chariots, etc. you have done such cruel deeds that the entire world despises you.
VR 3.28.3 अनुष्टुप्
उद्वेजनीयो भूतानां नृशंसः पापकर्मकृत् । त्रयाणामपि लोकानामीश्वरोऽपि न तिष्ठति ॥
udvejanīyo bhūtānāṃ nṛśaṃsaḥ pāpakarmakṛt | trayāṇāmapi lokānāmīśvaro'pi na tiṣṭhati ||
English Translation
One who is wicked, does sinful deeds and causes distress to all beings, will not survive even if he is the lord of the three worlds.
VR 3.28.4 अनुष्टुप्
कर्म लोकविरुद्धं तु कुर्वाणं क्षणदाचर । तीक्ष्णं सर्वजनो हन्ति सर्पं दुष्टमिवागतम् ॥
karma lokaviruddhaṃ tu kurvāṇaṃ kṣaṇadācara | tīkṣṇaṃ sarvajano hanti sarpaṃ duṣṭamivāgatam ||
English Translation
O nightranger, one who does a horrific deed which is against the world will be killed like an evil serpent come near.
VR 3.28.5 अनुष्टुप्
लोभात्पापानि कुर्वाणः कामाद्वा यो न बुध्यते । भ्रष्टः पश्यति तस्यान्तं ब्राह्मणी करकादिव ॥
lobhātpāpāni kurvāṇaḥ kāmādvā yo na budhyate | bhraṣṭaḥ paśyati tasyāntaṃ brāhmaṇī karakādiva ||
English Translation
People delightedly behold the end of him that doing an action either from covetousness or desire, dose not like a Brāhmaṇi swallowing a Karakā, see the consequence thereof.
VR 3.28.6 अनुष्टुप्
वसतो दण्डकारण्ये तापसान्धर्मचारिणः । किं नु हत्वा महाभागान्फलं प्राप्स्यसि राक्षस ॥
vasato daṇḍakāraṇye tāpasāndharmacāriṇaḥ | kiṃ nu hatvā mahābhāgānphalaṃ prāpsyasi rākṣasa ||
English Translation
What, O Rākṣasa, do you gain by slaughtering exceedingly pious ascetics engaged in righteous acts, living in the forest of Dandaka?
VR 3.28.7 अनुष्टुप्
न चिरं पापकर्माणः क्रूरा लोकजुगुप्सिताः । ऐश्वर्यं प्राप्य तिष्ठन्ति शीर्णमूला इव द्रुमाः ॥
na ciraṃ pāpakarmāṇaḥ krūrā lokajugupsitāḥ | aiśvaryaṃ prāpya tiṣṭhanti śīrṇamūlā iva drumāḥ ||
English Translation
Like to trees whose roots have been reduced, cruel persons, execrated of men, who perpetrate iniquitous acts, do not exist long.
VR 3.28.8 अनुष्टुप्
अवश्यं लभते कर्ता फलं पापस्य कर्मणः । घोरं पर्यागते काले द्रुमः पुष्पमिवार्तवम् ॥
avaśyaṃ labhate kartā phalaṃ pāpasya karmaṇaḥ | ghoraṃ paryāgate kāle drumaḥ puṣpamivārtavam ||
English Translation
As a tree puts forth blossoms in season, the doer of sinful deeds, at the hour (of repentance) inevitably reaps their fruit in the shape of dreadful anguish (of the spirit).
VR 3.28.9 अनुष्टुप्
नचिरात्प्राप्यते लोके पापानां कर्मणां फलम् । सविषाणामिवान्नानां भुक्तानां क्षणदाचर ॥
nacirātprāpyate loke pāpānāṃ karmaṇāṃ phalam | saviṣāṇāmivānnānāṃ bhuktānāṃ kṣaṇadācara ||
English Translation
O ranger of night, as the effect of having taken rice mixed with poison, appears without delay, even so also people readily reap the fruit of their own acts.
VR 3.28.10 अनुष्टुप्
पापमाच्चरतां घोरं लोकस्याप्रियमिच्छताम् । अहमासादितो राजा प्राणान्हन्तुं निशाचर ॥
pāpamāccaratāṃ ghoraṃ lokasyāpriyamicchatām | ahamāsādito rājā prāṇānhantuṃ niśācara ||
English Translation
O ranger of the night, it is to take the lives of the perpetrators of dreadful sins, who wish ill to men, that I the king have come.
VR 3.28.11 अनुष्टुप्
अद्य हि त्वां मया मुक्ताः शराः काञ्चनभूषणाः । विदार्य निपतिष्यन्ति वल्मीकमिव पन्नगाः ॥
adya hi tvāṃ mayā muktāḥ śarāḥ kāñcanabhūṣaṇāḥ | vidārya nipatiṣyanti valmīkamiva pannagāḥ ||
English Translation
Today the gold-decked arrows discharged by ine, piercing (your body), shall enter into the carth, cleaving it, like serpents falling into an ant-hill.
VR 3.28.12 अनुष्टुप्
ये त्वया दण्डकारण्ये भक्षिता धर्मचारिणः । तानद्य निहतः संख्ये ससैन्योऽनुगमिष्यसि ॥
ye tvayā daṇḍakāraṇye bhakṣitā dharmacāriṇaḥ | tānadya nihataḥ saṃkhye sasainyo'nugamiṣyasi ||
English Translation
Slain in battle, you shall in company with your army, follow those people practising piety, whom you have devoured in the Dandaka forest.
VR 3.28.13 अनुष्टुप्
अद्य त्वां निहतं बाणैः पश्यन्तु परमर्षयः । निरयस्थं विमानस्था ये त्वया हिंसिताः पुरा ॥
adya tvāṃ nihataṃ bāṇaiḥ paśyantu paramarṣayaḥ | nirayasthaṃ vimānasthā ye tvayā hiṃsitāḥ purā ||
English Translation
Today let those great saints, who had formerly been slain by you, stationed in the sky, behold you slain (in turn) with my arrows, and inhabiting hell.
VR 3.28.14 अनुष्टुप्
प्रहर त्वं यथाकामं कुरु यत्नं कुलाधम । अद्य ते पातयिष्यामि शिरस्तालफलं यथा ॥
prahara tvaṃ yathākāmaṃ kuru yatnaṃ kulādhama | adya te pātayiṣyāmi śirastālaphalaṃ yathā ||
English Translation
Do you strike as you like. And youl that are of an odious race, do you put forth your energy. Today I will bring down your head, even as a palm falls to the ground.
VR 3.28.15 अनुष्टुप्
एवमुक्तस्तु रामेण क्रुद्धः संरक्तलोचनः । प्रत्युवाच ततो रामं प्रहसन्क्रोधमूर्छितः ॥
evamuktastu rāmeṇa kruddhaḥ saṃraktalocanaḥ | pratyuvāca tato rāmaṃ prahasankrodhamūrchitaḥ ||
English Translation
Thus addressed by Rāma, Khara enraged and beyond himself with passion, with eyes reddened, replied.
VR 3.28.16 अनुष्टुप्
प्राकृतान्राक्षसान्हत्वा युद्धे दशरथात्मज । आत्मना कथमात्मानमप्रशस्यं प्रशंससि ॥
prākṛtānrākṣasānhatvā yuddhe daśarathātmaja | ātmanā kathamātmānamapraśasyaṃ praśaṃsasi ||
English Translation
O son of Dasaratha, why having slain inferior Rākṣasas in battle, do you praise yourself without reason?
VR 3.28.17 अनुष्टुप्
विक्रान्ता बलवन्तो वा ये भवन्ति नरर्षभाः । कथयन्ति न ते किंचित्तेजसा स्वेन गर्विताः ॥
vikrāntā balavanto vā ye bhavanti nararṣabhāḥ | kathayanti na te kiṃcittejasā svena garvitāḥ ||
English Translation
Those foremost of men that are puissant and powerful, do not, inflated with their energy, mouth (their own consequence).
VR 3.28.18 अनुष्टुप्
प्राकृतास्त्वकृतात्मानो लोके क्षत्रियपांसनाः । निरर्थकं विकत्थन्ते यथा राम विकत्थसे ॥
prākṛtāstvakṛtātmāno loke kṣatriyapāṃsanāḥ | nirarthakaṃ vikatthante yathā rāma vikatthase ||
English Translation
It is the mean-minded Kșatriyas of impure hearts that magnify themselves among men, even as you, O Rama,do.
VR 3.28.19 अनुष्टुप्
कुलं व्यपदिशन्वीरः समरे कोऽभिधास्यति । मृत्युकाले हि संप्राप्ते स्वयमप्रस्तवे स्तवम् ॥
kulaṃ vyapadiśanvīraḥ samare ko'bhidhāsyati | mṛtyukāle hi saṃprāpte svayamaprastave stavam ||
English Translation
What hero, when the hour of his death has approached, publishes in the field his own lofty lineage and sings his own hymn.
VR 3.28.20 अनुष्टुप्
सर्वथा तु लघुत्वं ते कत्थनेन विदर्शितम् । सुवर्णप्रतिरूपेण तप्तेनेव कुशाग्निना ॥
sarvathā tu laghutvaṃ te katthanena vidarśitam | suvarṇapratirūpeṇa tapteneva kuśāgninā ||
English Translation
As brass wearing the semblance of gold, displays its own defect on being heated*, with a fire lit with Kusa, so you have betrayed your own lightness by this speech of yours. i.c. becomes dusky, (Ramanuja).
VR 3.28.21 अनुष्टुप्
न तु मामिह तिष्ठन्तं पश्यसि त्वं गदाधरम् । धराधरमिवाकम्प्यं पर्वतं धातुभिश्चितम् ॥
na tu māmiha tiṣṭhantaṃ paśyasi tvaṃ gadādharam | dharādharamivākampyaṃ parvataṃ dhātubhiścitam ||
English Translation
You do not see me staying here mace in hand, like a moveless mountain dyed in metals, bearing mobile and immobile things.
VR 3.28.22 अनुष्टुप्
पर्याप्तोऽहं गदापाणिर्हन्तुं प्राणान्रणे तव । त्रयाणामपि लोकानां पाशहस्त इवान्तकः ॥
paryāpto'haṃ gadāpāṇirhantuṃ prāṇānraṇe tava | trayāṇāmapi lokānāṃ pāśahasta ivāntakaḥ ||
English Translation
I can, mace in hand, deprive you and the three worlds to boot clean of your lives, like the very Destroyer with the noose in his hand.
VR 3.28.23 अनुष्टुप्
कामं बह्वपि वक्तव्यं त्वयि वक्ष्यामि न त्वहम् । अस्तं गच्छेद्धि सविता युद्धविघ्रस्ततो भवेत् ॥
kāmaṃ bahvapi vaktavyaṃ tvayi vakṣyāmi na tvaham | astaṃ gaccheddhi savitā yuddhavighrastato bhavet ||
English Translation
But I will not parley much with you as much as I could wish: the sun is going to set, and our fight shall be interrupted.
VR 3.28.24 अनुष्टुप्
चतुर्दश सहस्राणि राक्षसानां हतानि ते । त्वद्विनाशात्करोम्यद्य तेषामश्रुप्रमार्जनम् ॥
caturdaśa sahasrāṇi rākṣasānāṃ hatāni te | tvadvināśātkaromyadya teṣāmaśrupramārjanam ||
English Translation
Fourteen thousand Räksasas have been slaughtered by you. I will for their deaths wipe their tears to-day.
VR 3.28.25 अनुष्टुप्
इत्युक्त्वा परमक्रुद्धस्तां गदां परमाङ्गदाम् । खरश्चिक्षेप रामाय प्रदीप्तामशनिं यथा ॥
ityuktvā paramakruddhastāṃ gadāṃ paramāṅgadām | kharaścikṣepa rāmāya pradīptāmaśaniṃ yathā ||
English Translation
Saying this Khara, highly enraged, hurled his mace+ provided with golden rings at Rāma, like to the blazing thunderbolt. Another reading is, plaited with gold.
VR 3.28.26 अनुष्टुप्
खरबाहुप्रमुक्ता सा प्रदीप्ता महती गदा । भस्मवृक्षांश्च गुल्मांश्च कृत्वागात्तत्समीपतः ॥
kharabāhupramuktā sā pradīptā mahatī gadā | bhasmavṛkṣāṃśca gulmāṃśca kṛtvāgāttatsamīpataḥ ||
English Translation
Thereat, reducing to ashes trees and shrubs, that mighty flaming mace, discharged by Khara's arm, fell before Rama.
VR 3.28.27 अनुष्टुप्
तामापतन्तीं ज्वलितां मृत्युपाशोपमां गदा । अन्तरिक्षगतां रामश्चिच्छेद बहुधा शरैः ॥
tāmāpatantīṃ jvalitāṃ mṛtyupāśopamāṃ gadā | antarikṣagatāṃ rāmaściccheda bahudhā śaraiḥ ||
English Translation
And Rāma severed in many fragments that mighty mace, resembling the noose of Death, as ascending the welkin, it was coming down.
VR 3.28.28 अनुष्टुप्
सा विशीर्णा शरैर्भिन्ना पपात धरणीतले । गदामन्त्रौषधिबलैर्व्यालीव विनिपातिता ॥
sā viśīrṇā śarairbhinnā papāta dharaṇītale | gadāmantrauṣadhibalairvyālīva vinipātitā ||
English Translation
Thereupon, like a she-serpent brought down by force of incantations, the mace fell to the earth shattered and riven.
← Previous (Ch. 214) Full Table of Contents Next (Ch. 216) →