Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 96

Ayodhyākāṇḍa Sarga 96

अयोध्याकाण्डम् • सर्गः 96

Ayodhyākāṇḍa Sarga 96 of the classical Vālmīki Rāmāyaṇa with 29 verses.

Total: 29 Verses • Citations: VR 2.96.1–29 • 175 Lexicon Terms
VR 2.96.1 अनुष्टुप्
वसिष्ठः पुरतः कृत्वा दारान्दशरथस्य च । अभिचक्राम तं देशं रामदर्शनतर्षितः ॥
vasiṣṭhaḥ purataḥ kṛtvā dārāndaśarathasya ca | abhicakrāma taṃ deśaṃ rāmadarśanatarṣitaḥ ||
English Translation
Desirous of seeing Rama, Vasistha, taking before him the wives of Dasaratha, proceeded towards the hermitage.
VR 2.96.2 अनुष्टुप्
राजपत्न्यश्च गच्छन्त्यो मन्दं मन्दाकिनीं प्रति । ददृशुस्तत्र तत्तीर्थं रामलक्ष्मणसेवितम् ॥
rājapatnyaśca gacchantyo mandaṃ mandākinīṃ prati | dadṛśustatra tattīrthaṃ rāmalakṣmaṇasevitam ||
English Translation
And as the wives of the king were going slowly by the Mandākinī, they discovered the landing-place which was used by Rāma and Laksmana.
VR 2.96.3 अनुष्टुप्
कौसल्या बाष्पपूर्णेन मुखेन परिशुष्यता । सुमित्रामब्रवीद्दीना याश्चान्या राजयोषितः ॥
kausalyā bāṣpapūrṇena mukhena pariśuṣyatā | sumitrāmabravīddīnā yāścānyā rājayoṣitaḥ ||
English Translation
Thereupon Kausalyä, with her eyes filled with tears and her countenance rendered pale, observed to the forlorn Sumitra as well as the other wives of the king, sacred like to a first wife, in this forest this is the landing-place of those unfortunate ones of untiring energy, who had been deprived of the kingdom.
VR 2.96.4 अनुष्टुप्
इदं तेषामनाथानां क्लिष्टमक्लिष्ट कर्मणाम् । वने प्राक्केवलं तीर्थं ये ते निर्विषयी कृताः ॥
idaṃ teṣāmanāthānāṃ kliṣṭamakliṣṭa karmaṇām | vane prākkevalaṃ tīrthaṃ ye te nirviṣayī kṛtāḥ ||
English Translation
Thereupon Kausalyä, with her eyes filled with tears and her countenance rendered pale, observed to the forlorn Sumitra as well as the other wives of the king, sacred like to a first wife, in this forest this is the landing-place of those unfortunate ones of untiring energy, who had been deprived of the kingdom.
VR 2.96.5 अनुष्टुप्
इतः सुमित्रे पुत्रस्ते सदा जलमतन्द्रितः । स्वयं हरति सौमित्रिर्मम पुत्रस्य कारणात् ॥
itaḥ sumitre putraste sadā jalamatandritaḥ | svayaṃ harati saumitrirmama putrasya kāraṇāt ||
English Translation
From here, O Sumitrā, does your son, Saumitri, ever vigilant, personally procure water for my son.
VR 2.96.6 अनुष्टुप्
दक्षिणाग्रेषु दर्भेषु सा ददर्श महीतले । पितुरिङ्गुदिपिण्याकं न्यस्तमायतलोचना ॥
dakṣiṇāgreṣu darbheṣu sā dadarśa mahītale | pituriṅgudipiṇyākaṃ nyastamāyatalocanā ||
English Translation
That lady of expansive eyes happened to see on the earth the Ingudī piņņa, which had been placed by Rāma for his sire on the darbha with their tops pointing south-wards.
VR 2.96.7 अनुष्टुप्
तं भूमौ पितुरार्तेन न्यस्तं रामेण वीक्ष्य सा । उवाच देवी कौसल्या सर्वा दशरथस्त्रियः ॥
taṃ bhūmau piturārtena nyastaṃ rāmeṇa vīkṣya sā | uvāca devī kausalyā sarvā daśarathastriyaḥ ||
English Translation
Seeing this, which had been placed on the ground by Rāma disconsolate for his sire, the noble Kausaly, addressed all the wives of Dasaratha.
VR 2.96.8 अनुष्टुप्
इदमिक्ष्वाकुनाथस्य राघवस्य महात्मनः । राघवेण पितुर्दत्तं पश्यतैतद्यथाविधि ॥
idamikṣvākunāthasya rāghavasya mahātmanaḥ | rāghaveṇa piturdattaṃ paśyataitadyathāvidhi ||
English Translation
Do you behold this that has been duly offered to the high-souled descendant of Raghu, lord of the Ikşvāku race, by Rāghava.
VR 2.96.9 अनुष्टुप्
तस्य देवसमानस्य पार्थिवस्य महात्मनः । नैतदौपयिकं मन्ये भुक्तभोगस्य भोजनम् ॥
tasya devasamānasya pārthivasya mahātmanaḥ | naitadaupayikaṃ manye bhuktabhogasya bhojanam ||
English Translation
Do not deem this as fit fare for that magnanimous monarch resembling a celestial, who had enjoyed every luxury (in life).
VR 2.96.10 अनुष्टुप्
चतुरन्तां महीं भुक्त्वा महेन्द्र सदृशो भुवि । कथमिङ्गुदिपिण्याकं स भुङ्क्ते वसुधाधिपः ॥
caturantāṃ mahīṃ bhuktvā mahendra sadṛśo bhuvi | kathamiṅgudipiṇyākaṃ sa bhuṅkte vasudhādhipaḥ ||
English Translation
Having enjoyed this earth bounded by the four seas, how can that. lord of the world, resembling on earth the mighty Indra, feed on this Ingudī pinda?
VR 2.96.11 अनुष्टुप्
अतो दुःखतरं लोके न किंचित्प्रतिभाति मा । यत्र रामः पितुर्दद्यादिङ्गुदीक्षोदमृद्धिमान् ॥
ato duḥkhataraṃ loke na kiṃcitpratibhāti mā | yatra rāmaḥ piturdadyādiṅgudīkṣodamṛddhimān ||
English Translation
Nothing appears to me more deplorable in this world than this that the auspicious Rāma has offered an Ingudi cake to his father.
VR 2.96.12 अनुष्टुप्
रामेणेङ्गुदिपिण्याकं पितुर्दत्तं समीक्ष्य मे । कथं दुःखेन हृदयं न स्फोटति सहस्रधा ॥
rāmeṇeṅgudipiṇyākaṃ piturdattaṃ samīkṣya me | kathaṃ duḥkhena hṛdayaṃ na sphoṭati sahasradhā ||
English Translation
Seeing the Ingudi pinda offered by Rāma to his father, why does not my heart break into a thousand shivers?
VR 2.96.13 अनुष्टुप्
एवमार्तां सपत्न्यस्ता जग्मुराश्वास्य तां तदा । ददृशुश्चाश्रमे रामं स्वर्गाच्च्युतमिवामरम् ॥
evamārtāṃ sapatnyastā jagmurāśvāsya tāṃ tadā | dadṛśuścāśrame rāmaṃ svargāccyutamivāmaram ||
English Translation
Then those that were co-wives with her, consoled the distressed Kausalyā; and, (entering the asylum), beheld Rāma like an immortal dropped from the celestial regions.
VR 2.96.14 अनुष्टुप्
सर्वभोगैः परित्यक्तं राम संप्रेक्ष्य मातरः । आर्ता मुमुचुरश्रूणि सस्वरं शोककर्शिताः ॥
sarvabhogaiḥ parityaktaṃ rāma saṃprekṣya mātaraḥ | ārtā mumucuraśrūṇi sasvaraṃ śokakarśitāḥ ||
English Translation
Seeing Rāma, who had been deprived of every comfort, his mothers, overwhelmed with grief and distress, began to shed tears, lamenting.
VR 2.96.15 अनुष्टुप्
तासां रामः समुत्थाय जग्राह चरणाञ्शुभान् । मातॄणां मनुजव्याघ्रः सर्वासां सत्यसंगरः ॥
tāsāṃ rāmaḥ samutthāya jagrāha caraṇāñśubhān | mātṝṇāṃ manujavyāghraḥ sarvāsāṃ satyasaṃgaraḥ ||
English Translation
Raising his mothers, that foremost of men, Rāma, true to his promise, took hold of those lotus feet of theirs.
VR 2.96.16 अनुष्टुप्
ताः पाणिभिः सुखस्पर्शैर्मृद्वङ्गुलितलैः शुभैः । प्रममार्जू रजः पृष्ठाद्रामस्यायतलोचनाः ॥
tāḥ pāṇibhiḥ sukhasparśairmṛdvaṅgulitalaiḥ śubhaiḥ | pramamārjū rajaḥ pṛṣṭhādrāmasyāyatalocanāḥ ||
English Translation
And those ones furnished with expansive eyes, (on their turn) by means of their fair hands of delicious feed furnished with soft fingers and palms, fell to rubbing the dust off Rāma's back.
VR 2.96.17 अनुष्टुप्
सौमित्रिरपि ताः सर्वा मातॄः संप्रेक्ष्य दुःखितः । अभ्यवादयतासक्तं शनै रामादनन्तरम् ॥
saumitrirapi tāḥ sarvā mātṝḥ saṃprekṣya duḥkhitaḥ | abhyavādayatāsaktaṃ śanai rāmādanantaram ||
English Translation
After Rāma had done, Sumitrā's son also, seeing all his mothers, with sorrow gently paid his reverence to them with affection.
VR 2.96.18 अनुष्टुप्
यथा रामे तथा तस्मिन्सर्वा ववृतिरे स्त्रियः । वृत्तिं दशरथाज्जाते लक्ष्मणे शुभलक्षणे ॥
yathā rāme tathā tasminsarvā vavṛtire striyaḥ | vṛttiṃ daśarathājjāte lakṣmaṇe śubhalakṣaṇe ||
English Translation
Thereat, as they had treated Rāma, all the ladies treated that one sprung from Daśaratha, Laksmana, graced with auspicious marks.
VR 2.96.19 अनुष्टुप्
सीतापि चरणांस्तासामुपसंगृह्य दुःखिता । श्वश्रूणामश्रुपूर्णाक्षी सा बभूवाग्रतः स्थिता ॥
sītāpi caraṇāṃstāsāmupasaṃgṛhya duḥkhitā | śvaśrūṇāmaśrupūrṇākṣī sā babhūvāgrataḥ sthitā ||
English Translation
Sita, too, overcome with grief, grasped the feet of her mothersinlaw and stood before them, her eyes full of tears.
VR 2.96.20 अनुष्टुप्
तां परिष्वज्य दुःखार्तां माता दुहितरं यथा । वनवासकृशां दीनां कौसल्या वाक्यमब्रवीत् ॥
tāṃ pariṣvajya duḥkhārtāṃ mātā duhitaraṃ yathā | vanavāsakṛśāṃ dīnāṃ kausalyā vākyamabravīt ||
English Translation
Like a mother to her daughter, Kausalya embraced the wretched Sita, who was afflicted with sorrow, and emaciated due to her stay in the forest, and said to her:
VR 2.96.21 अनुष्टुप्
विदेहराजस्य सुता स्नुषा दशरथस्य च । रामपत्नी कथं दुःखं संप्राप्ता निर्जने वने ॥
videharājasya sutā snuṣā daśarathasya ca | rāmapatnī kathaṃ duḥkhaṃ saṃprāptā nirjane vane ||
English Translation
How is it that Sita, daughter of Janaka, king of Videha, daughterinlaw of Dasaratha and wife of Rama, has to undergo such hardships in the lonely forest.
VR 2.96.22 अनुष्टुप्
पद्ममातपसंतप्तं परिक्लिष्टमिवोत्पलम् । काञ्चनं रजसा ध्वस्तं क्लिष्टं चन्द्रमिवाम्बुदैः ॥
padmamātapasaṃtaptaṃ parikliṣṭamivotpalam | kāñcanaṃ rajasā dhvastaṃ kliṣṭaṃ candramivāmbudaiḥ ||
English Translation
O Sita, after looking at your countenance, which is like a lotus, scorched by the sunshine, or like a withered waterlily or gold defiled by dust or the Moon obscured by the clouds, the fire of sorrow is burning my mind. The grief in my mind is like fire kindled from the arani (sacrificial faggots) that consumes its own souree. (On a circular wood piece, a wooden stick is placed and churned to produce fire specially in sacrifices is called arani.)
VR 2.96.23 अनुष्टुप्
मुखं ते प्रेक्ष्य मां शोको दहत्यग्निरिवाश्रयम् । भृशं मनसि वैदेहि व्यसनारणिसंभवः ॥
mukhaṃ te prekṣya māṃ śoko dahatyagnirivāśrayam | bhṛśaṃ manasi vaidehi vyasanāraṇisaṃbhavaḥ ||
English Translation
O Sita, after looking at your countenance, which is like a lotus, scorched by the sunshine, or like a withered waterlily or gold defiled by dust or the Moon obscured by the clouds, the fire of sorrow is burning my mind. The grief in my mind is like fire kindled from the arani (sacrificial faggots) that consumes its own souree. (On a circular wood piece, a wooden stick is placed and churned to produce fire specially in sacrifices is called arani.)
VR 2.96.24 अनुष्टुप्
ब्रुवन्त्यामेवमार्तायां जनन्यां भरताग्रजः । पादावासाद्य जग्राह वसिष्ठस्य स राघवः ॥
bruvantyāmevamārtāyāṃ jananyāṃ bharatāgrajaḥ | pādāvāsādya jagrāha vasiṣṭhasya sa rāghavaḥ ||
English Translation
While Rama's mother was uttering such words in anguish, Rama reached Vasistha and clasped his feet with reverence.
VR 2.96.25 वंशस्थम्
पुरोहितस्याग्निसमस्य तस्य वै; बृहस्पतेरिन्द्र इवामराधिपः । प्रगृह्य पादौ सुसमृद्धतेजसः; सहैव तेनोपविवेश राघवः ॥
purohitasyāgnisamasya tasya vai; bṛhaspaterindra ivāmarādhipaḥ | pragṛhya pādau susamṛddhatejasaḥ; sahaiva tenopaviveśa rāghavaḥ ||
English Translation
Rama touched the feet of the family priest Vasistha, a man equivalent to effulgent fire like Indra, the lord of the gods, does to Brihaspati and sat down along with him.
VR 2.96.26 वंशस्थम्
ततो जघन्यं सहितैः स मन्त्रिभिः; पुरप्रधानैश्च सहैव सैनिकैः । जनेन धर्मज्ञतमेन धर्मवा;नुपोपविष्टो भरतस्तदाग्रजम् ॥
tato jaghanyaṃ sahitaiḥ sa mantribhiḥ; purapradhānaiśca sahaiva sainikaiḥ | janena dharmajñatamena dharmavā;nupopaviṣṭo bharatastadāgrajam ||
English Translation
After Vasistha and Rama sat down, righteous Bharata sat close to his elder brother. Behind him sat his companions, leading citizens, soldiers and righteous men.
VR 2.96.27 वंशस्थम्
उपोपविष्टस्तु तदा स वीर्यवां;स्तपस्विवेषेण समीक्ष्य राघवम् । श्रिया ज्वलन्तं भरतः कृताञ्जलि;र्यथा महेन्द्रः प्रयतः प्रजापतिम् ॥
upopaviṣṭastu tadā sa vīryavāṃ;stapasviveṣeṇa samīkṣya rāghavam | śriyā jvalantaṃ bharataḥ kṛtāñjali;ryathā mahendraḥ prayataḥ prajāpatim ||
English Translation
Beholding Rama attired like an ascetic but radiant with a majestic glow, the extremely valiant Bharata sat near him with folded palms like the great Indra purified by religious austerities sits near Brahma, the creator.
VR 2.96.28 वंशस्थम्
किमेष वाक्यं भरतोऽद्य राघवं; प्रणम्य सत्कृत्य च साधु वक्ष्यति । इतीव तस्यार्यजनस्य तत्त्वतो; बभूव कौतूहलमुत्तमं तदा ॥
kimeṣa vākyaṃ bharato'dya rāghavaṃ; praṇamya satkṛtya ca sādhu vakṣyati | itīva tasyāryajanasya tattvato; babhūva kautūhalamuttamaṃ tadā ||
English Translation
All noble people were truly filled with great curiosity as to what Bharata was going to speak, after paying his homage and honouring Rama.
VR 2.96.29 वंशस्थम्
स राघवः सत्यधृतिश्च लक्ष्मणो; महानुभावो भरतश्च धार्मिकः । वृताः सुहृद्भिश्च विरेजुरध्वरे; यथा सदस्यैः सहितास्त्रयोऽग्नयः ॥
sa rāghavaḥ satyadhṛtiśca lakṣmaṇo; mahānubhāvo bharataśca dhārmikaḥ | vṛtāḥ suhṛdbhiśca virejuradhvare; yathā sadasyaiḥ sahitāstrayo'gnayaḥ ||
English Translation
Rama who was steadfast in truth, Lakshmana of great dignity and righteous Bharata surrounded by their friends were as resplendent as three sacrificial fires encircled by officiating priests.इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे त्य्रुत्तरशततमस्सर्गः॥Thus ends the one hundredthird sarga in Ayodhyakanda of the holy Ramayana, the first epic composed by sage Valmiki.
← Previous (Ch. 171) Full Table of Contents Next (Ch. 173) →