Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 20

Ayodhyākāṇḍa Sarga 20

अयोध्याकाण्डम् • सर्गः 20

Ayodhyākāṇḍa Sarga 20 of the classical Vālmīki Rāmāyaṇa with 36 verses.

Total: 36 Verses • Citations: VR 2.20.1–36 • 175 Lexicon Terms
VR 2.20.1 अनुष्टुप्
इति ब्रुवति रामे तु लक्ष्मणोऽधःशिरा मुहुः । श्रुत्वा मध्यं जगामेव मनसा दुःखहर्षयोः ॥
iti bruvati rāme tu lakṣmaṇo'dhaḥśirā muhuḥ | śrutvā madhyaṃ jagāmeva manasā duḥkhaharṣayoḥ ||
English Translation
While Rama was speaking thus, Lakshmana listened to him with his head down, experiencing both grief and joy.
VR 2.20.2 अनुष्टुप्
तदा तु बद्ध्वा भ्रुकुटीं भ्रुवोर्मध्ये नरर्षभ । निशश्वास महासर्पो बिलस्थ इव रोषितः ॥
tadā tu baddhvā bhrukuṭīṃ bhruvormadhye nararṣabha | niśaśvāsa mahāsarpo bilastha iva roṣitaḥ ||
English Translation
Lakshmana, frowning between his eyebrows, hissed like a great serpent seized with anger in its hole.
VR 2.20.3 अनुष्टुप्
तस्य दुष्प्रतिवीक्ष्यं तद्भ्रुकुटीसहितं तदा । बभौ क्रुद्धस्य सिंहस्य मुखस्य सदृशं मुखम् ॥
tasya duṣprativīkṣyaṃ tadbhrukuṭīsahitaṃ tadā | babhau kruddhasya siṃhasya mukhasya sadṛśaṃ mukham ||
English Translation
With his frown, his face looked frightening like the face of a lion provoked.
VR 2.20.4 अनुष्टुप्
अग्रहस्तं विधुन्वंस्तु हस्ती हस्तमिवात्मनः । तिर्यगूर्ध्वं शरीरे च पातयित्वा शिरोधराम् ॥
agrahastaṃ vidhunvaṃstu hastī hastamivātmanaḥ | tiryagūrdhvaṃ śarīre ca pātayitvā śirodharām ||
English Translation
Moving the extremities of his hands like to the trunk of an elephant, variously altering the altitude of the neck above his frame, glancing a look awry, thus spoke he to his brother.
VR 2.20.5 अनुष्टुप्
अग्राक्ष्णा वीक्षमाणस्तु तिर्यग्भ्रातरमब्रवीत् । अस्थाने संभ्रमो यस्य जातो वै सुमहानयम् ॥
agrākṣṇā vīkṣamāṇastu tiryagbhrātaramabravīt | asthāne saṃbhramo yasya jāto vai sumahānayam ||
VR 2.20.6 अनुष्टुप्
धर्मदोषप्रसङ्गेन लोकस्यानतिशङ्कया । कथं ह्येतदसंभ्रान्तस्त्वद्विधो वक्तुमर्हति ॥
dharmadoṣaprasaṅgena lokasyānatiśaṅkayā | kathaṃ hyetadasaṃbhrāntastvadvidho vaktumarhati ||
English Translation
O Rama, the greatest among the brave kshatriyas you say this because of your fear that (by disobeying father's command) harm will be done to righteousness. This great haste is unwarranted for there is the least apprehension about people's verdict (in favour of exile). How do you, of all persons, speak about destiny as allpowerful in these circumstances when it is powerless?
VR 2.20.7 अनुष्टुप्
यथा दैवमशौण्डीरं शौण्डीरः क्षत्रियर्षभः । किं नाम कृपणं दैवमशक्तमभिशंससि ॥
yathā daivamaśauṇḍīraṃ śauṇḍīraḥ kṣatriyarṣabhaḥ | kiṃ nāma kṛpaṇaṃ daivamaśaktamabhiśaṃsasi ||
VR 2.20.8 अनुष्टुप्
पापयोस्ते कथं नाम तयोः शङ्का न विद्यते । सन्ति धर्मोपधाः श्लक्ष्णा धर्मात्मन्किं न बुध्यसे ॥
pāpayoste kathaṃ nāma tayoḥ śaṅkā na vidyate | santi dharmopadhāḥ ślakṣṇā dharmātmankiṃ na budhyase ||
VR 2.20.9 उपजातिः
लोकविद्विष्टमारब्धं त्वदन्यस्याभिषेचनम् । येनेयमागता द्वैधं तव बुद्धिर्महीपते । स हि धर्मो मम द्वेष्यः प्रसङ्गाद्यस्य मुह्यसि ॥
lokavidviṣṭamārabdhaṃ tvadanyasyābhiṣecanam | yeneyamāgatā dvaidhaṃ tava buddhirmahīpate | sa hi dharmo mama dveṣyaḥ prasaṅgādyasya muhyasi ||
English Translation
Even that so called virtue do I loathe, which has, O high-souled one, fascinated you, and made your mind run from one extreme to another. *Formerly the mind was for accepting the kingdom, and now for going to the forest as an exile. These are the two extremes here meant.
VR 2.20.10 अनुष्टुप्
यद्यपि प्रतिपत्तिस्ते दैवी चापि तयोर्मतम् । तथाप्युपेक्षणीयं ते न मे तदपि रोचते ॥
yadyapi pratipattiste daivī cāpi tayormatam | tathāpyupekṣaṇīyaṃ te na me tadapi rocate ||
English Translation
It might be your opinion that their dictate is the decree of destiny. Even then, it does not satisfy me. It (destiny) should be ignored.
VR 2.20.11 अनुष्टुप्
विक्लवो वीर्यहीनो यः स दैवमनुवर्तते । वीराः संभावितात्मानो न दैवं पर्युपासते ॥
viklavo vīryahīno yaḥ sa daivamanuvartate | vīrāḥ saṃbhāvitātmāno na daivaṃ paryupāsate ||
English Translation
Those who are timid and cowardly alone depend on destiny.The valiant with of selfrespect will not accept it.
VR 2.20.12 अनुष्टुप्
दैवं पुरुषकारेण यः समर्थः प्रबाधितुम् । न दैवेन विपन्नार्थः पुरुषः सोऽवसीदति ॥
daivaṃ puruṣakāreṇa yaḥ samarthaḥ prabādhitum | na daivena vipannārthaḥ puruṣaḥ so'vasīdati ||
English Translation
He, who can avert the consequences of destiny by dint of his manliness, does not lose heart even in the face of his interest being endangered by it.
VR 2.20.13 अनुष्टुप्
द्रक्ष्यन्ति त्वद्य दैवस्य पौरुषं पुरुषस्य च । दैवमानुषयोरद्य व्यक्ता व्यक्तिर्भविष्यति ॥
drakṣyanti tvadya daivasya pauruṣaṃ puruṣasya ca | daivamānuṣayoradya vyaktā vyaktirbhaviṣyati ||
English Translation
People shall witness to-day the power of destiny and manliness; this day shall appear which of them is more powerful. Those who have witness before the prevention of your installation by the evil agency of destiny, shall see it defeated, even this very day, by my manliness.
VR 2.20.14 अनुष्टुप्
अद्य मत्पौरुषहतं दैवं द्रक्ष्यन्ति वै जनाः । यद्दैवादाहतं तेऽद्य दृष्टं राज्याभिषेचनम् ॥
adya matpauruṣahataṃ daivaṃ drakṣyanti vai janāḥ | yaddaivādāhataṃ te'dya dṛṣṭaṃ rājyābhiṣecanam ||
English Translation
Today people will see destiny defeated by my valour just as they saw your consecration defeated (obstructed) by destiny.
VR 2.20.15 अनुष्टुप्
अत्यङ्कुशमिवोद्दामं गजं मदबलोद्धतम् । प्रधावितमहं दैवं पौरुषेण निवर्तये ॥
atyaṅkuśamivoddāmaṃ gajaṃ madabaloddhatam | pradhāvitamahaṃ daivaṃ pauruṣeṇa nivartaye ||
English Translation
Thwart shall I that assailing destiny by my prowess like to a terrible elephant, freed of its shackles, past the restraining power of a goading hook and inflamed with the juice issuing out of its temples.
VR 2.20.16 अनुष्टुप्
लोकपालाः समस्तास्ते नाद्य रामाभिषेचनम् । न च कृत्स्नास्त्रयो लोका विहन्युः किं पुनः पिता ॥
lokapālāḥ samastāste nādya rāmābhiṣecanam | na ca kṛtsnāstrayo lokā vihanyuḥ kiṃ punaḥ pitā ||
English Translation
What of the father, not even all the protectors of the regions nor the entire population of the three worlds shall be able to present any obstacle in the way of Rāma's installation.
VR 2.20.17 अनुष्टुप्
यैर्विवासस्तवारण्ये मिथो राजन्समर्थितः । अरण्ये ते विवत्स्यन्ति चतुर्दश समास्तथा ॥
yairvivāsastavāraṇye mitho rājansamarthitaḥ | araṇye te vivatsyanti caturdaśa samāstathā ||
English Translation
Those who have, with one voice oh king, settled about your exile to the forest, shall be banished to-day for fourteen years.
VR 2.20.18 अनुष्टुप्
अहं तदाशां छेत्स्यामि पितुस्तस्याश्च या तव । अभिषेकविघातेन पुत्रराज्याय वर्तते ॥
ahaṃ tadāśāṃ chetsyāmi pitustasyāśca yā tava | abhiṣekavighātena putrarājyāya vartate ||
English Translation
Burn shall I down that hope of my father and Kaikeyi that they want to place Bharata on the throne by hindering your installation.
VR 2.20.19 अनुष्टुप्
मद्बलेन विरुद्धाय न स्याद्दैवबलं तथा । प्रभविष्यति दुःखाय यथोग्रं पौरुषं मम ॥
madbalena viruddhāya na syāddaivabalaṃ tathā | prabhaviṣyati duḥkhāya yathograṃ pauruṣaṃ mama ||
English Translation
Influence of destiny shall not bring my opponents that amount happiness, as the misery inflicted on them by my terrible prowess.
VR 2.20.20 अनुष्टुप्
ऊर्ध्वं वर्षसहस्रान्ते प्रजापाल्यमनन्तरम् । आर्यपुत्राः करिष्यन्ति वनवासं गते त्वयि ॥
ūrdhvaṃ varṣasahasrānte prajāpālyamanantaram | āryaputrāḥ kariṣyanti vanavāsaṃ gate tvayi ||
English Translation
Yourself retiring to the forest after governing the people for a thousand years, your sons shall resume the administration.
VR 2.20.21 अनुष्टुप्
पूर्वराजर्षिवृत्त्या हि वनवासो विधीयते । प्रजा निक्षिप्य पुत्रेषु पुत्रवत्परिपालने ॥
pūrvarājarṣivṛttyā hi vanavāso vidhīyate | prajā nikṣipya putreṣu putravatparipālane ||
English Translation
Dwelling into the forest is permitted after making over(the charge of) the subjects to (the hands of the) sons, as did the Rājarsis of old.
VR 2.20.22 अनुष्टुप्
स चेद्राजन्यनेकाग्रे राज्यविभ्रमशङ्कया । नैवमिच्छसि धर्मात्मन्राज्यं राम त्वमात्मनि ॥
sa cedrājanyanekāgre rājyavibhramaśaṅkayā | naivamicchasi dharmātmanrājyaṃ rāma tvamātmani ||
English Translation
The monarch changing his mind, the kingdom shall be transferred into another's hands, do you, being afraid of this, want to fly as an exile to the forest? And is it for this, that you Oh virtuous souled Rāma, do not wish to have kingdom for you.
VR 2.20.23 अनुष्टुप्
प्रतिजाने च ते वीर मा भूवं वीरलोकभाक् । राज्यं च तव रक्षेयमहं वेलेव सागरम् ॥
pratijāne ca te vīra mā bhūvaṃ vīralokabhāk | rājyaṃ ca tava rakṣeyamahaṃ veleva sāgaram ||
English Translation
I do promise to you, Oh great hero, that I shall protect your kingdom like to shore protecting the sea, or else I shall not attain to the region of heroes.
VR 2.20.24 अनुष्टुप्
मङ्गलैरभिषिञ्चस्व तत्र त्वं व्यापृतो भव । अहमेको महीपालानलं वारयितुं बलात् ॥
maṅgalairabhiṣiñcasva tatra tvaṃ vyāpṛto bhava | ahameko mahīpālānalaṃ vārayituṃ balāt ||
English Translation
Do you perform the rites of installation with things necessary for benediction, do you engage in these affairs, myself alone shall be able by force to thwart the opposition of the kings.
VR 2.20.25 अनुष्टुप्
न शोभार्थाविमौ बाहू न धनुर्भूषणाय मे । नासिराबन्धनार्थाय न शराः स्तम्भहेतवः ॥
na śobhārthāvimau bāhū na dhanurbhūṣaṇāya me | nāsirābandhanārthāya na śarāḥ stambhahetavaḥ ||
English Translation
These my arms are not intended to enhance the beauty (of my body). This bow is not for decoration. The sword is not for the sake of strapping my waist. The arrows are not meant to be fixed to my quiver. All these four are meant for taming my enemies.
VR 2.20.26 अनुष्टुप्
अमित्रदमनार्थं मे सर्वमेतच्चतुष्टयम् । न चाहं कामयेऽत्यर्थं यः स्याच्छत्रुर्मतो मम ॥
amitradamanārthaṃ me sarvametaccatuṣṭayam | na cāhaṃ kāmaye'tyarthaṃ yaḥ syācchatrurmato mama ||
VR 2.20.27 अनुष्टुप्
असिना तीक्ष्णधारेण विद्युच्चलितवर्चसा । प्रगृहीतेन वै शत्रुं वज्रिणं वा न कल्पये ॥
asinā tīkṣṇadhāreṇa vidyuccalitavarcasā | pragṛhītena vai śatruṃ vajriṇaṃ vā na kalpaye ||
English Translation
Any one who turns my enemy will not be allowed to remain alive. Holding my sharpedged sword, lustrous as a flash of lightning, I shall exterminate my enemy even if it were Indra, the bearer of thunder.
VR 2.20.28 अनुष्टुप्
खड्गनिष्पेषनिष्पिष्टैर्गहना दुश्चरा च मे । हस्त्यश्वनरहस्तोरुशिरोभिर्भविता मही ॥
khaḍganiṣpeṣaniṣpiṣṭairgahanā duścarā ca me | hastyaśvanarahastoruśirobhirbhavitā mahī ||
English Translation
Cover thick shall I the field of battle and make it impassable by cutting asunder the trunks of the elephants, thighs of the horses and heads of the infantry.
VR 2.20.29 अनुष्टुप्
खड्गधाराहता मेऽद्य दीप्यमाना इवाद्रयः । पतिष्यन्ति द्विपा भूमौ मेघा इव सविद्युतः ॥
khaḍgadhārāhatā me'dya dīpyamānā ivādrayaḥ | patiṣyanti dvipā bhūmau meghā iva savidyutaḥ ||
English Translation
Being beheaded by my swords like to the flaming fire and besmeared with blood resembling the clouds with lightning, my enemies shall fall down to the ground.
VR 2.20.30 अनुष्टुप्
बद्धगोधाङ्गुलित्राणे प्रगृहीतशरासने । कथं पुरुषमानी स्यात्पुरुषाणां मयि स्थिते ॥
baddhagodhāṅgulitrāṇe pragṛhītaśarāsane | kathaṃ puruṣamānī syātpuruṣāṇāṃ mayi sthite ||
English Translation
Who is there, proud of his own prowess, that ! shall be able to withstand me when I shall appear at the battle field with bows and leathern fences of fingers.
VR 2.20.31 अनुष्टुप्
बहुभिश्चैकमत्यस्यन्नेकेन च बहूञ्जनान् । विनियोक्ष्याम्यहं बाणान्नृवाजिगजमर्मसु ॥
bahubhiścaikamatyasyannekena ca bahūñjanān | viniyokṣyāmyahaṃ bāṇānnṛvājigajamarmasu ||
English Translation
Killing one with a number of arrows, and sometimes many with a single one, I shall drive shafts into the vital organs of men, horses and elephants.
VR 2.20.32 अनुष्टुप्
अद्य मेऽस्त्रप्रभावस्य प्रभावः प्रभविष्यति । राज्ञश्चाप्रभुतां कर्तुं प्रभुत्वं च तव प्रभो ॥
adya me'straprabhāvasya prabhāvaḥ prabhaviṣyati | rājñaścāprabhutāṃ kartuṃ prabhutvaṃ ca tava prabho ||
English Translation
Today shall I display my skill in arms in destroying the supremacy of the monarch and establishing you.
VR 2.20.33 अनुष्टुप्
अद्य चन्दनसारस्य केयूरामोक्षणस्य च । वसूनां च विमोक्षस्य सुहृदां पालनस्य च ॥
adya candanasārasya keyūrāmokṣaṇasya ca | vasūnāṃ ca vimokṣasya suhṛdāṃ pālanasya ca ||
English Translation
That hand, which is fit for the smearing of the Sandal, for wearing armlets, distributing wealth and maintaining relations, shall be engaged today, Oh Rāma, in performing its worthy action, the discomfiture of them who want to throw obstacles in the way of your installation.
VR 2.20.34 अनुष्टुप्
अनुरूपाविमौ बाहू राम कर्म करिष्यतः । अभिषेचनविघ्नस्य कर्तॄणां ते निवारणे ॥
anurūpāvimau bāhū rāma karma kariṣyataḥ | abhiṣecanavighnasya kartṝṇāṃ te nivāraṇe ||
English Translation
That hand, which is fit for the smearing of the Sandal, for wearing armlets, distributing wealth and maintaining relations, shall be engaged today, Oh Rāma, in performing its worthy action, the discomfiture of them who want to throw obstacles in the way of your installation.
VR 2.20.35 वंशस्थम्
ब्रवीहि कोऽद्यैव मया वियुज्यतां; तवासुहृत्प्राणयशः सुहृज्जनैः । यथा तवेयं वसुधा वशे भवे;त्तथैव मां शाधि तवास्मि किंकरः ॥
bravīhi ko'dyaiva mayā viyujyatāṃ; tavāsuhṛtprāṇayaśaḥ suhṛjjanaiḥ | yathā taveyaṃ vasudhā vaśe bhave;ttathaiva māṃ śādhi tavāsmi kiṃkaraḥ ||
English Translation
Pray tell me now, which of your enemies shall be cut off by me from wealth, life and relatives? I am your servant: do you give me instruction that the whole earth may be brought under your subjection.
VR 2.20.36 वंशस्थम्
विमृज्य बाष्पं परिसान्त्व्य चासकृ;त्स लक्ष्मणं राघववंशवर्धनः । उवाच पित्र्ये वचने व्यवस्थितं; निबोध मामेष हि सौम्य सत्पथः ॥
vimṛjya bāṣpaṃ parisāntvya cāsakṛ;tsa lakṣmaṇaṃ rāghavavaṃśavardhanaḥ | uvāca pitrye vacane vyavasthitaṃ; nibodha māmeṣa hi saumya satpathaḥ ||
English Translation
That descendant of Raghu, wiping tears off the eyes of Lakşmaņa and consoling him repeatedly, spoke to him saying “Oh gentle one, I have thought it to be the best way by all means that I shall abide by my father's orders."
← Previous (Ch. 95) Full Table of Contents Next (Ch. 97) →