Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 17

Uttarakāṇḍa Sarga 17

उत्तरकाण्डम् • सर्गः 17

Uttarakāṇḍa Sarga 17 of the classical Vālmīki Rāmāyaṇa with 31 verses.

Total: 31 Verses • Citations: VR 7.17.1–31 • 175 Lexicon Terms
VR 7.17.1 अनुष्टुप्
अथ राजन्महाबाहुर्विचरन्स महीतलम् । हिमवद्वनमासाद्य परिचक्राम रावणः ॥
atha rājanmahābāhurvicaransa mahītalam | himavadvanamāsādya paricakrāma rāvaṇaḥ ||
English Translation
Then, O King, the mighty-armed Ravana ranging the earth, came to Himavān and began to go round it.
VR 7.17.2 अनुष्टुप्
तत्रापश्यत वै कन्यां कृष्टाजिनजटाधराम् । आर्षेण विधिना युक्तां तपन्तीं देवतामिव ॥
tatrāpaśyata vai kanyāṃ kṛṣṭājinajaṭādharām | ārṣeṇa vidhinā yuktāṃ tapantīṃ devatāmiva ||
English Translation
It came to pass that there he saw a damsel wearing a dark deer-skin and matted locks, leading the life of a saint, and flaming like a celestial.
VR 7.17.3 अनुष्टुप्
स दृष्ट्वा रूपसंपन्नां कन्यां तां सुमहाव्रताम् । काममोहपरीतात्मा पप्रच्छ प्रहसन्निव ॥
sa dṛṣṭvā rūpasaṃpannāṃ kanyāṃ tāṃ sumahāvratām | kāmamohaparītātmā papraccha prahasanniva ||
English Translation
Seeing the girl observing high vows, endowed with beauty, he, with his soul overwhelmed with lust asked her, laughing.
VR 7.17.4 अनुष्टुप्
किमिदं वर्तसे भद्रे विरुद्धं यौवनस्य ते । न हि युक्ता तवैतस्य रूपस्येयं प्रतिक्रिया ॥
kimidaṃ vartase bhadre viruddhaṃ yauvanasya te | na hi yuktā tavaitasya rūpasyeyaṃ pratikriyā ||
English Translation
How is it, o amiable one, that you act thus contrary to your youth? This course of life surely does not befit your beauty.
VR 7.17.5 अनुष्टुप्
कस्यासि दुहिता भद्रे को वा भर्ता तवानघे । पृच्छतः शंस मे शीघ्रं को वा हेतुस्तपोऽर्जने ॥
kasyāsi duhitā bhadre ko vā bhartā tavānaghe | pṛcchataḥ śaṃsa me śīghraṃ ko vā hetustapo'rjane ||
VR 7.17.6 अनुष्टुप्
एवमुक्ता तु सा कन्या तेनानार्येण रक्षसा । अब्रवीद्विधिवत्कृत्वा तस्यातिथ्यं तपोधना ॥
evamuktā tu sā kanyā tenānāryeṇa rakṣasā | abravīdvidhivatkṛtvā tasyātithyaṃ tapodhanā ||
English Translation
Thus accosted by Rāvana, that illustrious girl, having asceticism for wealth, having received him hospitably in due form, said.
VR 7.17.7 अनुष्टुप्
कुशध्वजो नाम पिता ब्रह्मर्षिर्मम धार्मिकः । बृहस्पतिसुतः श्रीमान्बुद्ध्या तुल्यो बृहस्पतेः ॥
kuśadhvajo nāma pitā brahmarṣirmama dhārmikaḥ | bṛhaspatisutaḥ śrīmānbuddhyā tulyo bṛhaspateḥ ||
English Translation
My sire is named Kušadhvaja a Brahmarși of immeasurable energy, son to Bệhaspati, endowed with grace, and like to Bphaspati himself in intelligence.
VR 7.17.8 अनुष्टुप्
तस्याहं कुर्वतो नित्यं वेदाभ्यासं महात्मनः । संभूता वान्मयी कन्या नाम्ना वेदवती स्मृता ॥
tasyāhaṃ kurvato nityaṃ vedābhyāsaṃ mahātmanaḥ | saṃbhūtā vānmayī kanyā nāmnā vedavatī smṛtā ||
English Translation
And while that high sound one was engaged in the daily study of the Vedas, I was born as his word-impregnated daughter, named Vedavati.
VR 7.17.9 अनुष्टुप्
ततो देवाः सगन्धर्वा यक्षराक्षसपन्नगाः । ते चापि गत्वा पितरं वरणं रोचयन्ति मे ॥
tato devāḥ sagandharvā yakṣarākṣasapannagāḥ | te cāpi gatvā pitaraṃ varaṇaṃ rocayanti me ||
English Translation
When the gods and the Gandharvas and the Yaksas, Raksasas, and Pannagas, coming to my sire asked for me, O foremost of Rākşasas, my father did not bestow me on any one of them. And I shall you the reason thereof; listen, O long-armed one.
VR 7.17.10 अनुष्टुप्
न च मां स पिता तेभ्यो दत्तवान्राक्षसेश्वर । कारणं तद्वदिष्यामि निशामय महाभुज ॥
na ca māṃ sa pitā tebhyo dattavānrākṣaseśvara | kāraṇaṃ tadvadiṣyāmi niśāmaya mahābhuja ||
English Translation
When the gods and the Gandharvas and the Yaksas, Raksasas, and Pannagas, coming to my sire asked for me, O foremost of Rākşasas, my father did not bestow me on any one of them. And I shall you the reason thereof; listen, O long-armed one.
VR 7.17.11 अनुष्टुप्
पितुस्तु मम जामाता विष्णुः किल सुरोत्तमः । अभिप्रेतस्त्रिलोकेशस्तस्मान्नान्यस्य मे पिता ॥
pitustu mama jāmātā viṣṇuḥ kila surottamaḥ | abhipretastrilokeśastasmānnānyasya me pitā ||
VR 7.17.12 उपजातिः
दातुमिच्छति धर्मात्मा तच्छ्रुत्वा बलदर्पितः । शम्भुर्नाम ततो राजा दैत्यानां कुपितोऽभवत् । तेन रात्रौ प्रसुप्तो मे पिता पापेन हिंसितः ॥
dātumicchati dharmātmā tacchrutvā baladarpitaḥ | śambhurnāma tato rājā daityānāṃ kupito'bhavat | tena rātrau prasupto me pitā pāpena hiṃsitaḥ ||
VR 7.17.13 अनुष्टुप्
ततो मे जननी दीना तच्छरीरं पितुर्मम । परिष्वज्य महाभागा प्रविष्टा दहनं सह ॥
tato me jananī dīnā taccharīraṃ piturmama | pariṣvajya mahābhāgā praviṣṭā dahanaṃ saha ||
VR 7.17.14 अनुष्टुप्
ततो मनोरथं सत्यं पितुर्नारायणं प्रति । करोमीति ममेच्छा च हृदये साधु विष्ठिता ॥
tato manorathaṃ satyaṃ piturnārāyaṇaṃ prati | karomīti mamecchā ca hṛdaye sādhu viṣṭhitā ||
English Translation
Then wishing to realise my father's wish touching Närāyana, I have fixed my heart even upon him.
VR 7.17.15 अनुष्टुप्
अहं प्रेतगतस्यापि करिष्ये काङ्क्षितं पितुः । इति प्रतिज्ञामारुह्य चरामि विपुलं तपः ॥
ahaṃ pretagatasyāpi kariṣye kāṅkṣitaṃ pituḥ | iti pratijñāmāruhya carāmi vipulaṃ tapaḥ ||
VR 7.17.16 अनुष्टुप्
एतत्ते सर्वमाख्यातं मया राक्षसपुंगव । आश्रितां विद्धि मां धर्मं नारायणपतीच्छया ॥
etatte sarvamākhyātaṃ mayā rākṣasapuṃgava | āśritāṃ viddhi māṃ dharmaṃ nārāyaṇapatīcchayā ||
VR 7.17.17 अनुष्टुप्
विज्ञातस्त्वं हि मे राजन्गच्छ पौलस्त्यनन्दन । जानामि तपसा सर्वं त्रैलोक्ये यद्धि वर्तते ॥
vijñātastvaṃ hi me rājangaccha paulastyanandana | jānāmi tapasā sarvaṃ trailokye yaddhi vartate ||
English Translation
I know you, O king. Go you, O son of Paulastya. By virtue of my asceticism I know all that takes place in these three regions.
VR 7.17.18 अनुष्टुप्
सोऽब्रवीद्रावणस्तत्र तां कन्यां सुमहाव्रताम् । अवरुह्य विमानाग्रात्कन्दर्पशरपीडितः ॥
so'bravīdrāvaṇastatra tāṃ kanyāṃ sumahāvratām | avaruhya vimānāgrātkandarpaśarapīḍitaḥ ||
English Translation
Thereat descending from the front of his car, Ravana, affected with the shafts of Kandarpa, again addressed that girl, observant of a mighty VOW. a
VR 7.17.19 अनुष्टुप्
अवलिप्तासि सुश्रोणि यस्यास्ते मतिरीदृशी । वृद्धानां मृगशावाक्षि भ्राजते धर्मसंचयः ॥
avaliptāsi suśroṇi yasyāste matirīdṛśī | vṛddhānāṃ mṛgaśāvākṣi bhrājate dharmasaṃcayaḥ ||
English Translation
O you of sharply hips, in as much as such is your intent, you must be very proud. O you having the eyes of young antelope, accumulation of religious merit suits old people.
VR 7.17.20 अनुष्टुप्
त्वं सर्वगुणसंपन्ना नार्हसे कर्तुमीदृशम् । त्रैलोक्यसुन्दरी भीरु यौवने वार्धकं विधिम् ॥
tvaṃ sarvaguṇasaṃpannā nārhase kartumīdṛśam | trailokyasundarī bhīru yauvane vārdhakaṃ vidhim ||
English Translation
You, furnished with every perfection, should not talk thus. You are the paragon in these three worlds,. Your youth wax away.
VR 7.17.21 उपजातिः
कश्च तावदसौ यं त्वं विष्णुरित्यभिभाषसे । वीर्येण तपसा चैव भोगेन च बलेन च । न मयासौ समो भद्रे यं त्वं कामयसेऽङ्गने ॥
kaśca tāvadasau yaṃ tvaṃ viṣṇurityabhibhāṣase | vīryeṇa tapasā caiva bhogena ca balena ca | na mayāsau samo bhadre yaṃ tvaṃ kāmayase'ṅgane ||
English Translation
Who is he whom you call Vişņu O mild one, neither in prowess, nor in asceticism, nor in enjoyment, nor in strength, is he my equal, whom, O damsel, you seek.
VR 7.17.22 अनुष्टुप्
मा मैवमिति सा कन्या तमुवाच निशाचरम् । मूर्धजेषु च तां रक्षः कराग्रेण परामृशत् ॥
mā maivamiti sā kanyā tamuvāca niśācaram | mūrdhajeṣu ca tāṃ rakṣaḥ karāgreṇa parāmṛśat ||
English Translation
Thus addressed there by Vedavatī, the nightranger seized the girl by the hair.
VR 7.17.23 अनुष्टुप्
ततो वेदवती क्रुद्धा केशान्हस्तेन साच्छिनत् । उवाचाग्निं समाधाय मरणाय कृतत्वरा ॥
tato vedavatī kruddhā keśānhastena sācchinat | uvācāgniṃ samādhāya maraṇāya kṛtatvarā ||
VR 7.17.24 अनुष्टुप्
धर्षितायास्त्वयानार्य नेदानीं मम जीवितम् । रक्षस्तस्मात्प्रवेक्ष्यामि पश्यतस्ते हुताशनम् ॥
dharṣitāyāstvayānārya nedānīṃ mama jīvitam | rakṣastasmātpravekṣyāmi paśyataste hutāśanam ||
English Translation
You object, having been outraged by you I wish not to live. Therefore, O Raksasa, I will enter into fire in your very presence.
VR 7.17.25 अनुष्टुप्
यस्मात्तु धर्षिता चाहमपापा चाप्यनाथवत् । तस्मात्तव वधार्थं वै समुत्पत्स्याम्यहं पुनः ॥
yasmāttu dharṣitā cāhamapāpā cāpyanāthavat | tasmāttava vadhārthaṃ vai samutpatsyāmyahaṃ punaḥ ||
English Translation
As I have in this world been dishonoured by you you are nefarious. I shall again be born to compass your destruction.
VR 7.17.26 अनुष्टुप्
न हि शक्यः स्त्रिया पाप हन्तुं त्वं तु विशेषतः । शापे त्वयि मयोत्सृष्टे तपसश्च व्ययो भवेत् ॥
na hi śakyaḥ striyā pāpa hantuṃ tvaṃ tu viśeṣataḥ | śāpe tvayi mayotsṛṣṭe tapasaśca vyayo bhavet ||
English Translation
It lie not in a female to slay a male intent on sin; and if I utter a curse, it shall cost my asceticism.
VR 7.17.27 अनुष्टुप्
यदि त्वस्ति मया किंचित्कृतं दत्तं हुतं तथा । तेन ह्ययोनिजा साध्वी भवेयं धर्मिणः सुता ॥
yadi tvasti mayā kiṃcitkṛtaṃ dattaṃ hutaṃ tathā | tena hyayonijā sādhvī bhaveyaṃ dharmiṇaḥ sutā ||
English Translation
But if I have done anything, given away any thing, offered oblations to the fire, then I shall be the chaste daughter of some virtuous person, albeit unborn of any female vessel.
VR 7.17.28 अनुष्टुप्
एवमुक्त्वा प्रविष्टा सा ज्वलन्तं वै हुताशनम् । पपात च दिवो दिव्या पुष्पवृष्टिः समन्ततः ॥
evamuktvā praviṣṭā sā jvalantaṃ vai hutāśanam | papāta ca divo divyā puṣpavṛṣṭiḥ samantataḥ ||
English Translation
Having delivered herself thus, she entered into the flaming fire; and thereat a celestial shower of blossoms rained all around from heaven.
VR 7.17.29 अनुष्टुप्
पूर्वं क्रोधहतः शत्रुर्ययासौ निहतस्त्वया । समुपाश्रित्य शैलाभं तव वीर्यममानुषम् ॥
pūrvaṃ krodhahataḥ śatruryayāsau nihatastvayā | samupāśritya śailābhaṃ tava vīryamamānuṣam ||
English Translation
The enemy, endowed with the splendour of a hill, formerly that been slain by her, by help of your superhuman prowess.
VR 7.17.30 अनुष्टुप्
एवमेषा महाभागा मर्त्येषूत्पद्यते पुनः । क्षेत्रे हलमुखग्रस्ते वेद्यामग्निशिखोपमा ॥
evameṣā mahābhāgā martyeṣūtpadyate punaḥ | kṣetre halamukhagraste vedyāmagniśikhopamā ||
English Translation
This one of eminent righteousness would again spring up on earth like a flame from a field furrowed by the plough.
VR 7.17.31 उपजातिः
एषा वेदवती नाम पूर्वमासीत्कृते युगे । त्रेतायुगमनुप्राप्य वधार्थं तस्य रक्षसः । सीतोत्पन्नेति सीतैषा मानुषैः पुनरुच्यते ॥
eṣā vedavatī nāma pūrvamāsītkṛte yuge | tretāyugamanuprāpya vadhārthaṃ tasya rakṣasaḥ | sītotpanneti sītaiṣā mānuṣaiḥ punarucyate ||
English Translation
This one named Vedavatſ was born in the Kệta age; and in the Tretā age, for compassing the destruction of that Rākşasa, she was born in the Maithila line of the high-souled Janaka.
← Previous (Ch. 522) Full Table of Contents Next (Ch. 524) →