Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 31

Araṇyakāṇḍa Sarga 31

अरण्यकाण्डम् • सर्गः 31

Araṇyakāṇḍa Sarga 31 of the classical Vālmīki Rāmāyaṇa with 23 verses.

Total: 23 Verses • Citations: VR 3.31.1–23 • 175 Lexicon Terms
VR 3.31.1 अनुष्टुप्
ततः शूर्पणखा दीना रावणं लोकरावणम् । अमात्यमध्ये संक्रुद्धा परुषं वाक्यमब्रवीत् ॥
tataḥ śūrpaṇakhā dīnā rāvaṇaṃ lokarāvaṇam | amātyamadhye saṃkruddhā paruṣaṃ vākyamabravīt ||
English Translation
Then the woe began Śūrpanakhā, in high wrath spoke harshly in the midst of the courtiers, to Rāvana, given to railing loudly against all creatures.
VR 3.31.2 अनुष्टुप्
प्रमत्तः कामभोगेषु स्वैरवृत्तो निरङ्कुशः । समुत्पन्नं भयं घोरं बोद्धव्यं नावबुध्यसे ॥
pramattaḥ kāmabhogeṣu svairavṛtto niraṅkuśaḥ | samutpannaṃ bhayaṃ ghoraṃ boddhavyaṃ nāvabudhyase ||
English Translation
Intoxicated with enjoyments, acting as you will, and without any control whatever, you do not see that a dreadful disaster is impending.
VR 3.31.3 अनुष्टुप्
सक्तं ग्राम्येषु भोगेषु कामवृत्तं महीपतिम् । लुब्धं न बहु मन्यन्ते श्मशानाग्निमिव प्रजाः ॥
saktaṃ grāmyeṣu bhogeṣu kāmavṛttaṃ mahīpatim | lubdhaṃ na bahu manyante śmaśānāgnimiva prajāḥ ||
English Translation
The subjects do not esteem a monarch that is given to sensual enjoyments, in intent upon satisfying his lust and is covetous like the fire in a cemetery.
VR 3.31.4 अनुष्टुप्
स्वयं कार्याणि यः काले नानुतिष्ठति पार्थिवः । स तु वै सह राज्येन तैश्च कार्यैर्विनश्यति ॥
svayaṃ kāryāṇi yaḥ kāle nānutiṣṭhati pārthivaḥ | sa tu vai saha rājyena taiśca kāryairvinaśyati ||
English Translation
The king that dose not act at the proper time, finds destruction along with his kingdom and acts.
VR 3.31.5 अनुष्टुप्
अयुक्तचारं दुर्दर्शमस्वाधीनं नराधिपम् । वर्जयन्ति नरा दूरान्नदीपङ्कमिव द्विपाः ॥
ayuktacāraṃ durdarśamasvādhīnaṃ narādhipam | varjayanti narā dūrānnadīpaṅkamiva dvipāḥ ||
English Translation
Even as elephants shun the muddy river, do people shun from a distance, the ruler that dose not send cut spies, who show now himself (to his subjects), and who had lost his independence.
VR 3.31.6 अनुष्टुप्
ये न रक्षन्ति विषयमस्वाधीना नराधिपः । ते न वृद्ध्या प्रकाशन्ते गिरयः सागरे यथा ॥
ye na rakṣanti viṣayamasvādhīnā narādhipaḥ | te na vṛddhyā prakāśante girayaḥ sāgare yathā ||
English Translation
Like to rocks in the sea, those monarchs that do not administer their dominions, that are not dependent, do not prosper.
VR 3.31.7 अनुष्टुप्
आत्मवद्भिर्विगृह्य त्वं देवगन्धर्वदानवैः । अयुक्तचारश्चपलः कथं राजा भविष्यसि ॥
ātmavadbhirvigṛhya tvaṃ devagandharvadānavaiḥ | ayuktacāraścapalaḥ kathaṃ rājā bhaviṣyasi ||
English Translation
Having incurred the hostility of the gods, the Dānavas and the Gandharvas of subdued souls and senses, how can you, who are fickle, and hast not employed spies, become the king?
VR 3.31.8 अनुष्टुप्
येषां चारश्च कोशश्च नयश्च जयतां वर । अस्वाधीना नरेन्द्राणां प्राकृतैस्ते जनैः समाः ॥
yeṣāṃ cāraśca kośaśca nayaśca jayatāṃ vara | asvādhīnā narendrāṇāṃ prākṛtaiste janaiḥ samāḥ ||
English Translation
O you best of conquerors, those kings whose spies, exchequer and morality are not free, are like the common head.
VR 3.31.9 अनुष्टुप्
यस्मात्पश्यन्ति दूरस्थान्सर्वानर्थान्नराधिपाः । चारेण तस्मादुच्यन्ते राजानो दीर्घचक्षुषः ॥
yasmātpaśyanti dūrasthānsarvānarthānnarādhipāḥ | cāreṇa tasmāducyante rājāno dīrghacakṣuṣaḥ ||
English Translation
It is because kings know distant dangers through spies, therefore they are styled farsighted.
VR 3.31.10 अनुष्टुप्
अयुक्तचारं मन्ये त्वां प्राकृतैः सचिवैर्वृतम् । स्वजनं च जनस्थानं हतं यो नावबुध्यसे ॥
ayuktacāraṃ manye tvāṃ prākṛtaiḥ sacivairvṛtam | svajanaṃ ca janasthānaṃ hataṃ yo nāvabudhyase ||
English Translation
I believe you have no spies, and that your counsellors are common folks, since although Janasthāna with your kinsman is destroyed, yet you take it not to heart.
VR 3.31.11 अनुष्टुप्
चतुर्दश सहस्राणि रक्षसां भीमकर्मणाम् । हतान्येकेन रामेण खरश्च सहदूषणः ॥
caturdaśa sahasrāṇi rakṣasāṃ bhīmakarmaṇām | hatānyekena rāmeṇa kharaśca sahadūṣaṇaḥ ||
English Translation
Fourteen thousand Rākṣasas of dreadful deeds were slain by Rāma single, a human being, fighting, (moreover) on foot.
VR 3.31.12 अनुष्टुप्
ऋषीणामभयं दत्तं कृतक्षेमाश्च दण्डकाः । धर्षितं च जनस्थानं रामेणाक्लिष्टकर्मणा ॥
ṛṣīṇāmabhayaṃ dattaṃ kṛtakṣemāśca daṇḍakāḥ | dharṣitaṃ ca janasthānaṃ rāmeṇākliṣṭakarmaṇā ||
English Translation
Fourteen thousands of Raksasas of dreadful deeds, with Khara and Dūşana, have all been slain by Rāma single-handed; Rāma of untiring energy has inspired the saints with courage; the Dandakas have been benefited; and Janasthāna had been harassed.
VR 3.31.13 अनुष्टुप्
त्वं तु लुब्धः प्रमत्तश्च पराधीनश्च रावण । विषये स्वे समुत्पन्नं भयं यो नावबुध्यसे ॥
tvaṃ tu lubdhaḥ pramattaśca parādhīnaśca rāvaṇa | viṣaye sve samutpannaṃ bhayaṃ yo nāvabudhyase ||
English Translation
But you, covetous and intoxicated and in the power of others, do not understand that a great danger is over-hanging (you).
VR 3.31.14 अनुष्टुप्
तीक्ष्णमल्पप्रदातारं प्रमत्तं गर्वितं शठम् । व्यसने सर्वभूतानि नाभिधावन्ति पार्थिवम् ॥
tīkṣṇamalpapradātāraṃ pramattaṃ garvitaṃ śaṭham | vyasane sarvabhūtāni nābhidhāvanti pārthivam ||
English Translation
People do not in times of peril assist a sovereign that is wrathful, stingy, intoxicated, haughty and deceitful.
VR 3.31.15 अनुष्टुप्
अतिमानिनमग्राह्यमात्मसंभावितं नरम् । क्रोधनं व्यसने हन्ति स्वजनोऽपि नराधिपम् ॥
atimāninamagrāhyamātmasaṃbhāvitaṃ naram | krodhanaṃ vyasane hanti svajano'pi narādhipam ||
English Translation
Even his own kindred slay a sovereign that sets immense store by his own self, is of light worth, regards himself highly, and irascible. They do not serve him; nor do they fear when he intimidates them. Such an one is speedily dethroned; and reduced to poverty and becomes like a straw.
VR 3.31.16 अनुष्टुप्
नानुतिष्ठति कार्याणि भयेषु न बिभेति च । क्षिप्रं राज्याच्च्युतो दीनस्तृणैस्तुल्यो भविष्यति ॥
nānutiṣṭhati kāryāṇi bhayeṣu na bibheti ca | kṣipraṃ rājyāccyuto dīnastṛṇaistulyo bhaviṣyati ||
English Translation
Even his own kindred slay a sovereign that sets immense store by his own self, is of light worth, regards himself highly, and irascible. They do not serve him; nor do they fear when he intimidates them. Such an one is speedily dethroned; and reduced to poverty and becomes like a straw.
VR 3.31.17 अनुष्टुप्
शुष्ककाष्ठैर्भवेत्कार्यं लोष्टैरपि च पांसुभिः । न तु स्थानात्परिभ्रष्टैः कार्यं स्याद्वसुधाधिपैः ॥
śuṣkakāṣṭhairbhavetkāryaṃ loṣṭairapi ca pāṃsubhiḥ | na tu sthānātparibhraṣṭaiḥ kāryaṃ syādvasudhādhipaiḥ ||
English Translation
Even dry wood may serve a purpose; or stone, or dust; but no purpose is capable of being served by a sovereign that has been cast off his place.
VR 3.31.18 अनुष्टुप्
उपभुक्तं यथा वासः स्रजो वा मृदिता यथा । एवं राज्यात्परिभ्रष्टः समर्थोऽपि निरर्थकः ॥
upabhuktaṃ yathā vāsaḥ srajo vā mṛditā yathā | evaṃ rājyātparibhraṣṭaḥ samartho'pi nirarthakaḥ ||
English Translation
Like a cloth that has been worn, like a garland that has been trodden, a king that had been dethroned, although able, is of no consequence.
VR 3.31.19 अनुष्टुप्
अप्रमत्तश्च यो राजा सर्वज्ञो विजितेन्द्रियः । कृतज्ञो धर्मशीलश्च स राजा तिष्ठते चिरम् ॥
apramattaśca yo rājā sarvajño vijitendriyaḥ | kṛtajño dharmaśīlaśca sa rājā tiṣṭhate ciram ||
English Translation
But a king that keeps his wits about him, understands everything, is of controlled senses, and grateful, and of virtuous character, endure for ever.
VR 3.31.20 अनुष्टुप्
नयनाभ्यां प्रसुप्तोऽपि जागर्ति नयचक्षुषा । व्यक्तक्रोधप्रसादश्च स राजा पूज्यते जनैः ॥
nayanābhyāṃ prasupto'pi jāgarti nayacakṣuṣā | vyaktakrodhaprasādaśca sa rājā pūjyate janaiḥ ||
English Translation
That king is honoured by men; that sleeping with his eyes, is awake as respects his eye of duty, and (the effects of) whose anger and favour, are seen (by all).
VR 3.31.21 अनुष्टुप्
त्वं तु रावणदुर्बुद्धिर्गुणैरेतैर्विवर्जितः । यस्य तेऽविदितश्चारै रक्षसां सुमहान्वधः ॥
tvaṃ tu rāvaṇadurbuddhirguṇairetairvivarjitaḥ | yasya te'viditaścārai rakṣasāṃ sumahānvadhaḥ ||
English Translation
But, you Rāvana, who hast not by means of spies; acquainted yourself with the slaughter of Rākşasas, are of evil understanding and bereft of all these virtues.
VR 3.31.22 वंशस्थम्
परावमन्ता विषयेषु संगतो; नदेश कालप्रविभाग तत्त्ववित् । अयुक्तबुद्धिर्गुणदोषनिश्चये; विपन्नराज्यो न चिराद्विपत्स्यते ॥
parāvamantā viṣayeṣu saṃgato; nadeśa kālapravibhāga tattvavit | ayuktabuddhirguṇadoṣaniścaye; vipannarājyo na cirādvipatsyate ||
English Translation
Given to disgracing others, ignorant of the proper distribution of time and place*, and never taking care to distinguish merits and defects, : you, your kingdom being in danger, will speedily meet with disaster. The commentator, is silent here. the meaning evidently is, you do not discern the where and when of things.
VR 3.31.23 वंशस्थम्
इति स्वदोषान्परिकीर्तितांस्तया; समीक्ष्य बुद्ध्या क्षणदाचरेश्वरः । धनेन दर्पेण बलेन चान्वितो; विचिन्तयामास चिरं स रावणः ॥
iti svadoṣānparikīrtitāṃstayā; samīkṣya buddhyā kṣaṇadācareśvaraḥ | dhanena darpeṇa balena cānvito; vicintayāmāsa ciraṃ sa rāvaṇaḥ ||
English Translation
On his vices having been thus celebrated by her (Surpanakhā), that lord of the rangers of night, Råvaņa, musing awhile, was long plunged in thought.
← Previous (Ch. 217) Full Table of Contents Next (Ch. 219) →