Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 41

Kiṣkindhākāṇḍa Sarga 41

किष्किन्धाकाण्डम् • सर्गः 41

Kiṣkindhākāṇḍa Sarga 41 of the classical Vālmīki Rāmāyaṇa with 52 verses.

Total: 52 Verses • Citations: VR 4.41.1–52 • 175 Lexicon Terms • Page 2 of 2 (Verses 22 shown)
VR 4.41.31 अनुष्टुप्
तरुणादित्यवर्णानि भ्राजमानानि सर्वतः । जातरूपमयैर्वृक्षैः शोभितानि सुपुष्पितैः ॥
taruṇādityavarṇāni bhrājamānāni sarvataḥ | jātarūpamayairvṛkṣaiḥ śobhitāni supuṣpitaiḥ ||
English Translation
Having passed by that mountain protected by Mahendra, you shall repair to sixty thousand hills of gold; in hue like the infant sun, and blazing on all sides and embellished by blossoming golden trees,
VR 4.41.32 अनुष्टुप्
तेषां मध्ये स्थितो राजा मेरुरुत्तमपर्वतः । आदित्येन प्रसन्नेन शैलो दत्तवरः पुरा ॥
teṣāṃ madhye sthito rājā meruruttamaparvataḥ | ādityena prasannena śailo dattavaraḥ purā ||
English Translation
'In the midst of the sixty thousand hills stands Meru, King of mountains. It is the northern mountain, blessed by the Sungod with a boon in the past.
VR 4.41.33 अनुष्टुप्
तेनैवमुक्तः शैलेन्द्रः सर्व एव त्वदाश्रयाः । मत्प्रसादाद्भविष्यन्ति दिवारात्रौ च काञ्चनाः ॥
tenaivamuktaḥ śailendraḥ sarva eva tvadāśrayāḥ | matprasādādbhaviṣyanti divārātrau ca kāñcanāḥ ||
English Translation
'The Sungod said to mount Meru, 'By my grace all the trees and hillocks of this king of mountains will shine in golden red, the gods, gandharvas and demons who dwell here will have golden radiance '.
VR 4.41.34 अनुष्टुप्
त्वयि ये चापि वत्स्यन्ति देवगन्धर्वदानवाः । ते भविष्यन्ति रक्ताश्च प्रभया काञ्चनप्रभाः ॥
tvayi ye cāpi vatsyanti devagandharvadānavāḥ | te bhaviṣyanti raktāśca prabhayā kāñcanaprabhāḥ ||
English Translation
'The Sungod said to mount Meru, 'By my grace all the trees and hillocks of this king of mountains will shine in golden red, the gods, gandharvas and demons who dwell here will have golden radiance '.
VR 4.41.35 अनुष्टुप्
आदित्या वसवो रुद्रा मरुतश्च दिवौकसः । आगम्य पश्चिमां संध्यां मेरुमुत्तमपर्वतम् ॥
ādityā vasavo rudrā marutaśca divaukasaḥ | āgamya paścimāṃ saṃdhyāṃ merumuttamaparvatam ||
VR 4.41.36 अनुष्टुप्
आदित्यमुपतिष्ठन्ति तैश्च सूर्योऽभिपूजितः । अदृश्यः सर्वभूतानामस्तं गच्छति पर्वतम् ॥
ādityamupatiṣṭhanti taiśca sūryo'bhipūjitaḥ | adṛśyaḥ sarvabhūtānāmastaṃ gacchati parvatam ||
English Translation
Coming to the excellent mountain Meru. Viśvadevas, the Vasus, the Maruts and the celestials, adore the Sun in the western twilight. Adored by them, the Sun, becoming invisible, repaireth to the Setting hill*. The commentator remarks: Although not expressly stated, it is implied that the islands to the west of it are also to be searched.
VR 4.41.37 अनुष्टुप्
योजनानां सहस्राणि दशतानि दिवाकरः । मुहूर्तार्धेन तं शीघ्रमभियाति शिलोच्चयम् ॥
yojanānāṃ sahasrāṇi daśatāni divākaraḥ | muhūrtārdhena taṃ śīghramabhiyāti śiloccayam ||
English Translation
In half a muhurta, the Sun swiftly passes over this (mountain), measuring, as it does, ten thousand Yojanas.
VR 4.41.38 अनुष्टुप्
शृङ्गे तस्य महद्दिव्यं भवनं सूर्यसंनिभम् । प्रासादगुणसंबाधं विहितं विश्वकर्मणा ॥
śṛṅge tasya mahaddivyaṃ bhavanaṃ sūryasaṃnibham | prāsādaguṇasaṃbādhaṃ vihitaṃ viśvakarmaṇā ||
English Translation
On its peak rises an edifice; resembling the sun (in splendour); consisting of palatial mansions built by Viśvakarmā; and graced by goodly trees rife with various birds,-the residence of the high-souled Varuna, bearing the noose in his hand.
VR 4.41.39 अनुष्टुप्
शोभितं तरुभिश्चित्रैर्नानापक्षिसमाकुलैः । निकेतं पाशहस्तस्य वरुणस्य महात्मनः ॥
śobhitaṃ tarubhiścitrairnānāpakṣisamākulaiḥ | niketaṃ pāśahastasya varuṇasya mahātmanaḥ ||
English Translation
On its peak rises an edifice; resembling the sun (in splendour); consisting of palatial mansions built by Viśvakarmā; and graced by goodly trees rife with various birds,-the residence of the high-souled Varuna, bearing the noose in his hand.
VR 4.41.40 अनुष्टुप्
अन्तरा मेरुमस्तं च तालो दशशिरा महान् । जातरूपमयः श्रीमान्भ्राजते चित्रवेदिकः ॥
antarā merumastaṃ ca tālo daśaśirā mahān | jātarūpamayaḥ śrīmānbhrājate citravedikaḥ ||
English Translation
Between Meru and the Setting hill, towers a tall palm having ten heads. Golden and graceful, it shineth on a variegated dais.
VR 4.41.41 अनुष्टुप्
तेषु सर्वेषु दुर्गेषु सरःसु च सरित्सु च । रावणः सह वैदेह्या मार्गितव्यस्ततस्ततः ॥
teṣu sarveṣu durgeṣu saraḥsu ca saritsu ca | rāvaṇaḥ saha vaidehyā mārgitavyastatastataḥ ||
English Translation
You should search for Rāvana with Vaidehi all round the top of that mountain as well as in its forests and woods.
VR 4.41.42 अनुष्टुप्
यत्र तिष्ठति धर्मात्मा तपसा स्वेन भावितः । मेरुसावर्णिरित्येव ख्यातो वै ब्रह्मणा समः ॥
yatra tiṣṭhati dharmātmā tapasā svena bhāvitaḥ | merusāvarṇirityeva khyāto vai brahmaṇā samaḥ ||
English Translation
There dwells there the righteous and famous Merusāvarani, sanctified by virtue of his own ascesticism, and like to Brahmā himself*. *Like to Prajāpati dwelling by Mahameru.
VR 4.41.43 अनुष्टुप्
प्रष्टव्यो मेरुसावर्णिर्महर्षिः सूर्यसंनिभः । प्रणम्य शिरसा भूमौ प्रवृत्तिं मैथिलीं प्रति ॥
praṣṭavyo merusāvarṇirmaharṣiḥ sūryasaṃnibhaḥ | praṇamya śirasā bhūmau pravṛttiṃ maithilīṃ prati ||
English Translation
Bowing down your heads to the earth, you should ask the Maharși Merusăvarņi, resembling the sun, touching Mithila's daughter.
VR 4.41.44 अनुष्टुप्
एतावज्जीवलोकस्य भास्करो रजनीक्षये । कृत्वा वितिमिरं सर्वमस्तं गच्छति पर्वतम् ॥
etāvajjīvalokasya bhāskaro rajanīkṣaye | kṛtvā vitimiraṃ sarvamastaṃ gacchati parvatam ||
English Translation
On the departure of night, the sun dispels the darkness of the world to this extent, and then enters the Setting hill.
VR 4.41.45 अनुष्टुप्
एतावद्वानरैः शक्यं गन्तुं वानरपुंगवाः । अभास्करममर्यादं न जानीमस्ततः परम् ॥
etāvadvānaraiḥ śakyaṃ gantuṃ vānarapuṃgavāḥ | abhāskaramamaryādaṃ na jānīmastataḥ param ||
English Translation
You foremost of monkey, the monkeys are competent to proceed thus far. Beyond that, of regions sunless and limitless I know nothing.
VR 4.41.46 अनुष्टुप्
अधिगम्य तु वैदेहीं निलयं रावणस्य च । अस्तं पर्वतमासाद्य पूर्णे मासे निवर्तत ॥
adhigamya tu vaidehīṃ nilayaṃ rāvaṇasya ca | astaṃ parvatamāsādya pūrṇe māse nivartata ||
English Translation
Having come to Vaidehi and Rāvana's mansions, and arrived at the Setting-hill, do you return of the month being complete.
VR 4.41.47 अनुष्टुप्
ऊर्ध्वं मासान्न वस्तव्यं वसन्वध्यो भवेन्मम । सहैव शूरो युष्माभिः श्वशुरो मे गमिष्यति ॥
ūrdhvaṃ māsānna vastavyaṃ vasanvadhyo bhavenmama | sahaiva śūro yuṣmābhiḥ śvaśuro me gamiṣyati ||
English Translation
Do not stay longer than a month. If you do, you shall be slain by me. Having attained your end, do you turn back, having met with Maithili.
VR 4.41.48 अनुष्टुप्
श्रोतव्यं सर्वमेतस्य भवद्भिर्दिष्ट कारिभिः । गुरुरेष महाबाहुः श्वशुरो मे महाबलः ॥
śrotavyaṃ sarvametasya bhavadbhirdiṣṭa kāribhiḥ | gurureṣa mahābāhuḥ śvaśuro me mahābalaḥ ||
English Translation
You, abiding by his orders, should listen to all that he sayeth. My mighty-armed father-in-law, gifted with great strength, is my spiritual preceptor.
VR 4.41.49 अनुष्टुप्
भवन्तश्चापि विक्रान्ताः प्रमाणं सर्वकर्मसु । प्रमाणमेनं संस्थाप्य पश्यध्वं पश्चिमां दिशम् ॥
bhavantaścāpi vikrāntāḥ pramāṇaṃ sarvakarmasu | pramāṇamenaṃ saṃsthāpya paśyadhvaṃ paścimāṃ diśam ||
English Translation
All of you possessed of prowess, yourselves certainly constitute the measure whereby to ascertain the wisdom or otherwise of a course. Making this one also into a measure, survey the western quarter. Having requited the good that has been done to us, we shall attain our end.
VR 4.41.50 अनुष्टुप्
दृष्टायां तु नरेन्द्रस्या पत्न्याममिततेजसः । कृतकृत्या भविष्यामः कृतस्य प्रतिकर्मणा ॥
dṛṣṭāyāṃ tu narendrasyā patnyāmamitatejasaḥ | kṛtakṛtyā bhaviṣyāmaḥ kṛtasya pratikarmaṇā ||
VR 4.41.51 अनुष्टुप्
अतोऽन्यदपि यत्किंचित्कार्यस्यास्य हितं भवेत् । संप्रधार्य भवद्भिश्च देशकालार्थसंहितम् ॥
ato'nyadapi yatkiṃcitkāryasyāsya hitaṃ bhavet | saṃpradhārya bhavadbhiśca deśakālārthasaṃhitam ||
English Translation
De you also determine what else is agreeable (to Rāma), and in consonance with place, season and profit, should be performed by you in the matter of this business.
VR 4.41.52 इन्द्रवज्रा
ततः सुषेण प्रमुखाः प्लवंगमाः; सुग्रीववाक्यं निपुणं निशम्य । आमन्त्र्य सर्वे प्लवगाधिपं ते; जग्मुर्दिशं तां वरुणाभिगुप्ताम् ॥
tataḥ suṣeṇa pramukhāḥ plavaṃgamāḥ; sugrīvavākyaṃ nipuṇaṃ niśamya | āmantrya sarve plavagādhipaṃ te; jagmurdiśaṃ tāṃ varuṇābhiguptām ||
English Translation
Then those monkeys-the monkey-chiefs headed by Sușeņa, having heard Sugrīva's deft speech, set out for the quarter protected by Varuna.
← Previous (Ch. 298) Full Table of Contents Next (Ch. 300) →