Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 8

Ayodhyākāṇḍa Sarga 8

अयोध्याकाण्डम् • सर्गः 8

Ayodhyākāṇḍa Sarga 8 of the classical Vālmīki Rāmāyaṇa with 27 verses.

Total: 27 Verses • Citations: VR 2.8.1–27 • 175 Lexicon Terms
VR 2.8.1 अनुष्टुप्
मन्थरा त्वभ्यसूय्यैनामुत्सृज्याभरणं च तत् । उवाचेदं ततो वाक्यं कोपदुःखसमन्विता ॥
mantharā tvabhyasūyyaināmutsṛjyābharaṇaṃ ca tat | uvācedaṃ tato vākyaṃ kopaduḥkhasamanvitā ||
English Translation
Annoyed with Kaikeyi and filled with rage and sorrow, Manthara discarded the ornament (gifted to her) and said these words:
VR 2.8.2 अनुष्टुप्
हर्षं किमिदमस्थाने कृतवत्यसि बालिशे । शोकसागरमध्यस्थमात्मानं नावबुध्यसे ॥
harṣaṃ kimidamasthāne kṛtavatyasi bāliśe | śokasāgaramadhyasthamātmānaṃ nāvabudhyase ||
English Translation
O foolish woman why do you display this misplaced happiness, little realising that you are in the midst of an ocean of sorrow?
VR 2.8.3 अनुष्टुप्
सुभगा खलु कौसल्या यस्याः पुत्रोऽभिषेक्ष्यते । यौवराज्येन महता श्वः पुष्येण द्विजोत्तमैः ॥
subhagā khalu kausalyā yasyāḥ putro'bhiṣekṣyate | yauvarājyena mahatā śvaḥ puṣyeṇa dvijottamaiḥ ||
English Translation
Kausalya whose son is going to be coronated as heirapparent by eminent brahmins under Pushya star tomorrow is fortunate, indeed.
VR 2.8.4 अनुष्टुप्
प्राप्तां सुमहतीं प्रीतिं प्रतीतां तां हतद्विषम् । उपस्थास्यसि कौसल्यां दासीव त्वं कृताञ्जलिः ॥
prāptāṃ sumahatīṃ prītiṃ pratītāṃ tāṃ hatadviṣam | upasthāsyasi kausalyāṃ dāsīva tvaṃ kṛtāñjaliḥ ||
English Translation
With folded palms like an attendant, you will have to serve that renowned Kausalya who is greatlly delighted by getting rid of her enemies.
VR 2.8.5 अनुष्टुप्
हृष्टाः खलु भविष्यन्ति रामस्य परमाः स्त्रियः । अप्रहृष्टा भविष्यन्ति स्नुषास्ते भरतक्षये ॥
hṛṣṭāḥ khalu bhaviṣyanti rāmasya paramāḥ striyaḥ | aprahṛṣṭā bhaviṣyanti snuṣāste bharatakṣaye ||
English Translation
All the women of Rama's (palace) will be delighted indeed. With the decline of Bharata, your daughtersinlaw will be deprived of all happiness.
VR 2.8.6 अनुष्टुप्
तां दृष्ट्वा परमप्रीतां ब्रुवन्तीं मन्थरां ततः । रामस्यैव गुणान्देवी कैकेयी प्रशशंस ह ॥
tāṃ dṛṣṭvā paramaprītāṃ bruvantīṃ mantharāṃ tataḥ | rāmasyaiva guṇāndevī kaikeyī praśaśaṃsa ha ||
English Translation
Having seen that morose Manthara speaking thus, Kaikeyi commended the virtues of Rama.
VR 2.8.7 अनुष्टुप्
धर्मज्ञो गुरुभिर्दान्तः कृतज्ञः सत्यवाक्शुचिः । रामो राज्ञः सुतो ज्येष्ठो यौवराज्यमतोऽर्हति ॥
dharmajño gurubhirdāntaḥ kṛtajñaḥ satyavākśuciḥ | rāmo rājñaḥ suto jyeṣṭho yauvarājyamato'rhati ||
English Translation
Rama knows righteouness. He has been taught selfrestraint by elders. He is grateful and truthful. He is undefiled. He is the eldest son of the king. Therefore, he deserves to be the heirapparent (of the kingdom).
VR 2.8.8 अनुष्टुप्
भ्रातॄन्भृत्यांश्च दीर्घायुः पितृवत्पालयिष्यति । संतप्यसे कथं कुब्जे श्रुत्वा रामाभिषेचनम् ॥
bhrātṝnbhṛtyāṃśca dīrghāyuḥ pitṛvatpālayiṣyati | saṃtapyase kathaṃ kubje śrutvā rāmābhiṣecanam ||
English Translation
Blessed with a long life, Rama will protect his brothers and the servants like a father. O hunchback, hearing Rama's coronation why are you aggrieved?
VR 2.8.9 अनुष्टुप्
भरतश्चापि रामस्य ध्रुवं वर्षशतात्परम् । पितृपैतामहं राज्यमवाप्स्यति नरर्षभः ॥
bharataścāpi rāmasya dhruvaṃ varṣaśatātparam | pitṛpaitāmahaṃ rājyamavāpsyati nararṣabhaḥ ||
English Translation
After a hundred years of Rama's rule, Bharata, the best of men, will get the kingdom of his ancestors.
VR 2.8.10 उपजातिः
सा त्वमभ्युदये प्राप्ते वर्तमाने च मन्थरे । भविष्यति च कल्याणे किमर्थं परितप्यसे । कौसल्यातोऽतिरिक्तं च स तु शुश्रूषते हि माम् ॥
sā tvamabhyudaye prāpte vartamāne ca manthare | bhaviṣyati ca kalyāṇe kimarthaṃ paritapyase | kausalyāto'tiriktaṃ ca sa tu śuśrūṣate hi mām ||
English Translation
Manthara, we have enjoyed prosperity in the past, we are enjoying it now and we will enjoy it in future. Then why are you aggrieved?
VR 2.8.11 अनुष्टुप्
कैकेय्या वचनं श्रुत्वा मन्थरा भृशदुःखिता । दीर्घमुष्णं विनिःश्वस्य कैकेयीमिदमब्रवीत् ॥
kaikeyyā vacanaṃ śrutvā mantharā bhṛśaduḥkhitā | dīrghamuṣṇaṃ viniḥśvasya kaikeyīmidamabravīt ||
English Translation
Having heard Kaikeyi's words Manthara was extremely unhappy. Heaving deep, hot sighs she said to Kaikeyi.
VR 2.8.12 अनुष्टुप्
अनर्थदर्शिनी मौर्ख्यान्नात्मानमवबुध्यसे । शोकव्यसनविस्तीर्णे मज्जन्ती दुःखसागरे ॥
anarthadarśinī maurkhyānnātmānamavabudhyase | śokavyasanavistīrṇe majjantī duḥkhasāgare ||
English Translation
You are sinking in the sea of sorrow widened with tears and troubles. But you are stupid enough not to perceive your own wellbeing.
VR 2.8.13 अनुष्टुप्
भविता राघवो राजा राघवस्य च यः सुतः । राजवंशात्तु भरतः कैकेयि परिहास्यते ॥
bhavitā rāghavo rājā rāghavasya ca yaḥ sutaḥ | rājavaṃśāttu bharataḥ kaikeyi parihāsyate ||
English Translation
Rama, the scion of the Raghus, will become king. After Rama, his son will suceed him. O Kaikeyi, as for Bharata, he will be debarred from royal succession (altogether).
VR 2.8.14 अनुष्टुप्
न हि राज्ञः सुताः सर्वे राज्ये तिष्ठन्ति भामिनि । स्थाप्यमानेषु सर्वेषु सुमहाननयो भवेत् ॥
na hi rājñaḥ sutāḥ sarve rājye tiṣṭhanti bhāmini | sthāpyamāneṣu sarveṣu sumahānanayo bhavet ||
English Translation
O lovely lady, not all the sons of the king will inherit the kingdom. If all of them are installed as kings, there will be great disorder.
VR 2.8.15 अनुष्टुप्
तस्माज्ज्येष्ठे हि कैकेयि राज्यतन्त्राणि पार्थिवाः । स्थापयन्त्यनवद्याङ्गि गुणवत्स्वितरेष्वपि ॥
tasmājjyeṣṭhe hi kaikeyi rājyatantrāṇi pārthivāḥ | sthāpayantyanavadyāṅgi guṇavatsvitareṣvapi ||
English Translation
O Kaikeyi of beautiful limbs, for that reason kings bestow the governance of the kingdom either on the eldest or on other virtuous sons.
VR 2.8.16 अनुष्टुप्
असावत्यन्तनिर्भग्नस्तव पुत्रो भविष्यति । अनाथवत्सुखेभ्यश्च राजवंशाच्च वत्सले ॥
asāvatyantanirbhagnastava putro bhaviṣyati | anāthavatsukhebhyaśca rājavaṃśācca vatsale ||
English Translation
O (Kaikeyi) dear cut off from royal succession as well as from its comforts, your son will become totally forlorn and brokenhearted.
VR 2.8.17 अनुष्टुप्
साहं त्वदर्थे संप्राप्ता त्वं तु मां नावबुध्यसे । सपत्निवृद्धौ या मे त्वं प्रदेयं दातुमिच्छसि ॥
sāhaṃ tvadarthe saṃprāptā tvaṃ tu māṃ nāvabudhyase | sapatnivṛddhau yā me tvaṃ pradeyaṃ dātumicchasi ||
English Translation
I am here to serve your interest. Nevertheless you do not understand me and you wish to confer gifts on me on the occasion of the prosperity of your cowife.
VR 2.8.18 अनुष्टुप्
ध्रुवं तु भरतं रामः प्राप्य राज्यमकण्टकम् । देशान्तरं नाययिता लोकान्तरमथापि वा ॥
dhruvaṃ tu bharataṃ rāmaḥ prāpya rājyamakaṇṭakam | deśāntaraṃ nāyayitā lokāntaramathāpi vā ||
English Translation
Rama, having secured the thornless kingdom, will banish Bharata from the country or else send him to the other world. This is certain.
VR 2.8.19 अनुष्टुप्
बाल एव हि मातुल्यं भरतो नायितस्त्वया । संनिकर्षाच्च सौहार्दं जायते स्थावरेष्वपि ॥
bāla eva hi mātulyaṃ bharato nāyitastvayā | saṃnikarṣācca sauhārdaṃ jāyate sthāvareṣvapi ||
English Translation
Bharata has been sent by you right from his childhood to his maternal uncle's house. Proximity creates friendship even amongst the inanimate objects.
VR 2.8.20 अनुष्टुप्
गोप्ता हि रामं सौमित्रिर्लक्ष्मणं चापि राघवः । अश्विनोरिव सौभ्रात्रं तयोर्लोकेषु विश्रुतम् ॥
goptā hi rāmaṃ saumitrirlakṣmaṇaṃ cāpi rāghavaḥ | aśvinoriva saubhrātraṃ tayorlokeṣu viśrutam ||
English Translation
Just as Lakshmana protects Rama, Rama protects Lakshmana. Their brotherhood is renowned in the world like that of the Ashwins.
VR 2.8.21 अनुष्टुप्
तस्मान्न लक्ष्मणे रामः पापं किंचित्करिष्यति । रामस्तु भरते पापं कुर्यादिति न संशयः ॥
tasmānna lakṣmaṇe rāmaḥ pāpaṃ kiṃcitkariṣyati | rāmastu bharate pāpaṃ kuryāditi na saṃśayaḥ ||
English Translation
Rama will do no harm to Lakshmana. As for Bharata, Rama will doubtless do him harm.
VR 2.8.22 अनुष्टुप्
तस्माद्राजगृहादेव वनं गच्छतु ते सुतः । एतद्धि रोचते मह्यं भृशं चापि हितं तव ॥
tasmādrājagṛhādeva vanaṃ gacchatu te sutaḥ | etaddhi rocate mahyaṃ bhṛśaṃ cāpi hitaṃ tava ||
English Translation
Therefore let your son go to the forest straight from his uncle's palace only. That alone will please me. For you also this is highly beneficial.
VR 2.8.23 अनुष्टुप्
एवं ते ज्ञातिपक्षस्य श्रेयश्चैव भविष्यति । यदि चेद्भरतो धर्मात्पित्र्यं राज्यमवाप्स्यति ॥
evaṃ te jñātipakṣasya śreyaścaiva bhaviṣyati | yadi cedbharato dharmātpitryaṃ rājyamavāpsyati ||
English Translation
If Bharata secures the ancestral kingdom righteously, it will bring welfare to you and to your relations also.
VR 2.8.24 अनुष्टुप्
स ते सुखोचितो बालो रामस्य सहजो रिपुः । समृद्धार्थस्य नष्टार्थो जीविष्यति कथं वशे ॥
sa te sukhocito bālo rāmasya sahajo ripuḥ | samṛddhārthasya naṣṭārtho jīviṣyati kathaṃ vaśe ||
English Translation
Your son, that young Bharata, is accustomed to comforts. He is a born enemy of Rama. How will he, deprived of all wealth, live under the control of Rama?
VR 2.8.25 अनुष्टुप्
अभिद्रुतमिवारण्ये सिंहेन गजयूथपम् । प्रच्छाद्यमानं रामेण भरतं त्रातुमर्हसि ॥
abhidrutamivāraṇye siṃhena gajayūthapam | pracchādyamānaṃ rāmeṇa bharataṃ trātumarhasi ||
English Translation
Like the leader of an elephantherd attacked by a lion in the forest, Bharata is going to be oppressed by Rama. You should save him.
VR 2.8.26 अनुष्टुप्
दर्पान्निराकृता पूर्वं त्वया सौभाग्यवत्तया । राममाता सपत्नी ते कथं वैरं न यातयेत् ॥
darpānnirākṛtā pūrvaṃ tvayā saubhāgyavattayā | rāmamātā sapatnī te kathaṃ vairaṃ na yātayet ||
English Translation
Being fortunate (being the favourite wife of your husband) you slighted your cowife earlier with pride. How will she, Rama's mother (Kausalya) remain without retaliating?
VR 2.8.27 वंशस्थम्
यदा हि रामः पृथिवीमवाप्स्यति; ध्रुवं प्रनष्टो भरतो भविष्यति । अतो हि संचिन्तय राज्यमात्मजे; परस्य चाद्यैव विवासकारणम् ॥
yadā hi rāmaḥ pṛthivīmavāpsyati; dhruvaṃ pranaṣṭo bharato bhaviṣyati | ato hi saṃcintaya rājyamātmaje; parasya cādyaiva vivāsakāraṇam ||
English Translation
When Rama obtains this earth, Bharata will be certainly ruined. Therefore, right now think of the kingdom for your son and the means of banishment for your enemy, Rama. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे अष्टमस्सर्गः॥Thus ends the eighth sarga of Ayodhyakanda of the holy Ramayana, the first epic composed by sage Valmiki.
← Previous (Ch. 83) Full Table of Contents Next (Ch. 85) →