Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 56

Uttarakāṇḍa Sarga 56

उत्तरकाण्डम् • सर्गः 56

Uttarakāṇḍa Sarga 56 of the classical Vālmīki Rāmāyaṇa with 17 verses.

Total: 17 Verses • Citations: VR 7.56.1–17 • 175 Lexicon Terms
VR 7.56.1 अनुष्टुप्
एवमुक्त्वा तु काकुत्स्थं प्रशस्य च पुनः पुनः । पुनरेवापरं वाक्यमुवाच रघुनन्दनः ॥
evamuktvā tu kākutsthaṃ praśasya ca punaḥ punaḥ | punarevāparaṃ vākyamuvāca raghunandanaḥ ||
English Translation
Having thus addressed Satrughna, Rāma again and again praised him and said.
VR 7.56.2 अनुष्टुप्
इमान्यश्वसहस्राणि चत्वारि पुरुषर्षभ । रथानां च सहस्रे द्वे गजानां शतमेव च ॥
imānyaśvasahasrāṇi catvāri puruṣarṣabha | rathānāṃ ca sahasre dve gajānāṃ śatameva ca ||
VR 7.56.3 अनुष्टुप्
अन्तरापणवीथ्यश्च नानापण्योपशोभिताः । अनुगच्छन्तु शत्रुघ्न तथैव नटनर्तकाः ॥
antarāpaṇavīthyaśca nānāpaṇyopaśobhitāḥ | anugacchantu śatrughna tathaiva naṭanartakāḥ ||
VR 7.56.4 अनुष्टुप्
हिरण्यस्य सुवर्णस्य अयुतं पुरुषर्षभ । गृहीत्वा गच्छ शत्रुघ्न पर्याप्तधनवाहनः ॥
hiraṇyasya suvarṇasya ayutaṃ puruṣarṣabha | gṛhītvā gaccha śatrughna paryāptadhanavāhanaḥ ||
English Translation
O foremost of men, O Śatrughna, do you proceed with Niyuta gold and silver coins and necessary riches and conveyances.
VR 7.56.5 अनुष्टुप्
बलं च सुभृतं वीर हृष्टपुष्टमनुत्तमम् । संभाष्य संप्रदानेन रञ्जयस्व नरोत्तम ॥
balaṃ ca subhṛtaṃ vīra hṛṣṭapuṣṭamanuttamam | saṃbhāṣya saṃpradānena rañjayasva narottama ||
VR 7.56.6 अनुष्टुप्
न ह्यर्थास्तत्र तिष्ठन्ति न दारा न च बान्धवाः । सुप्रीतो भृत्यवर्गस्तु यत्र तिष्ठति राघव ॥
na hyarthāstatra tiṣṭhanti na dārā na ca bāndhavāḥ | suprīto bhṛtyavargastu yatra tiṣṭhati rāghava ||
English Translation
Do you so act, O hero, that soldiers might be well-fed and delighted and be not annoyed with you. Do you please them with sweet words, for the servants, when they face enemies, have not with them friends or wives—and so they are pleased, O Rāghava when they receive sufficient food and presents.
VR 7.56.7 अनुष्टुप्
अतो हृष्टजनाकीर्णां प्रस्थाप्य महतीं चमूम् । एक एव धनुष्पानिस्तद्गच्छ त्वं मधोर्वनम् ॥
ato hṛṣṭajanākīrṇāṃ prasthāpya mahatīṃ camūm | eka eva dhanuṣpānistadgaccha tvaṃ madhorvanam ||
VR 7.56.8 अनुष्टुप्
यथा त्वां न प्रजानाति गच्छन्तं युद्धकाङ्क्षिणम् । लवणस्तु मधोः पुत्रस्तथा गच्छेरशङ्कितः ॥
yathā tvāṃ na prajānāti gacchantaṃ yuddhakāṅkṣiṇam | lavaṇastu madhoḥ putrastathā gaccheraśaṅkitaḥ ||
English Translation
O Śatrughna, having sent before a huge and well contended army do you proceed afterwards to Madhuvana. You should proceed so fearlessly that Madhu's son Lavaņa might not know that you were going for encounter.
VR 7.56.9 अनुष्टुप्
न तस्य मृत्युरन्योऽस्ति कश्चिद्धि पुरुषर्षभ । दर्शनं योऽभिगच्छेत स वध्यो लवणेन हि ॥
na tasya mṛtyuranyo'sti kaściddhi puruṣarṣabha | darśanaṃ yo'bhigaccheta sa vadhyo lavaṇena hi ||
English Translation
O foremost of men, he shall not be slain by any other expedient than that I have acquainted yourself with. If he can perceive before, whoever that enemy might be, Lavana shall forsooth destroy him.
VR 7.56.10 अनुष्टुप्
स ग्रीष्मे व्यपयाते तु वर्षरात्र उपस्थिते । हन्यास्त्वं लवणं सौम्य स हि कालोऽस्य दुर्मतेः ॥
sa grīṣme vyapayāte tu varṣarātra upasthite | hanyāstvaṃ lavaṇaṃ saumya sa hi kālo'sya durmateḥ ||
English Translation
When rains shall set in after the expiration of the present summer you should slay him for that is the proper time for destroying that viciousminded one.
VR 7.56.11 अनुष्टुप्
महर्षींस्तु पुरस्कृत्य प्रयान्तु तव सैनिकाः । यथा ग्रीष्मावशेषेण तरेयुर्जाह्नवीजलम् ॥
maharṣīṃstu puraskṛtya prayāntu tava sainikāḥ | yathā grīṣmāvaśeṣeṇa tareyurjāhnavījalam ||
English Translation
Let the soldiers only now proceed with ascetics before them; the summer has not as yet fully expired and this is the time, when they shall, without any trouble, be able to cross the Gangā. Afterwards having encamped your army on the other side of the Gangā you should alone proceed speedily with your bow.
VR 7.56.12 अनुष्टुप्
ततः स्थाप्य बलं सर्वं नदीतीरे समाहितः । अग्रतो धनुषा सार्धं गच्छ त्वं लघुविक्रम ॥
tataḥ sthāpya balaṃ sarvaṃ nadītīre samāhitaḥ | agrato dhanuṣā sārdhaṃ gaccha tvaṃ laghuvikrama ||
English Translation
Let the soldiers only now proceed with ascetics before them; the summer has not as yet fully expired and this is the time, when they shall, without any trouble, be able to cross the Gangā. Afterwards having encamped your army on the other side of the Gangā you should alone proceed speedily with your bow.
VR 7.56.13 अनुष्टुप्
एवमुक्तस्तु रामेण शत्रुघ्नस्तान्महाबलान् । सेनामुख्यान्समानीय ततो वाक्यमुवाच ह ॥
evamuktastu rāmeṇa śatrughnastānmahābalān | senāmukhyānsamānīya tato vākyamuvāca ha ||
English Translation
Hearing those words of Rāma and summoning all his highly powerful and leading warriors Satrughna said "Do you all proceed and halt at those places which are well known to you. Do not oppress any body."
VR 7.56.14 अनुष्टुप्
एते वो गणिता वासा यत्र यत्र निवत्स्यथ । स्थातव्यं चाविरोधेन यथा बाधा न कस्यचित् ॥
ete vo gaṇitā vāsā yatra yatra nivatsyatha | sthātavyaṃ cāvirodhena yathā bādhā na kasyacit ||
English Translation
Hearing those words of Rāma and summoning all his highly powerful and leading warriors Satrughna said "Do you all proceed and halt at those places which are well known to you. Do not oppress any body."
VR 7.56.15 अनुष्टुप्
तथा तांस्तु समाज्ञाप्य निर्याप्य च महद्बलम् । कौसल्यां च सुमित्रां च कैकेयीं चाभ्यवादयत् ॥
tathā tāṃstu samājñāpya niryāpya ca mahadbalam | kausalyāṃ ca sumitrāṃ ca kaikeyīṃ cābhyavādayat ||
English Translation
Having thus ordered the powerful warriors the highly powerful Śatrughna bowed to Kausalyā, Sumitrā and Kaikeyi.
VR 7.56.16 अनुष्टुप्
रामं प्रदक्षिणं कृत्वा शिरसाभिप्रणम्य च । रामेण चाभ्यनुज्ञातः शत्रुघ्नः शत्रुतापनः ॥
rāmaṃ pradakṣiṇaṃ kṛtvā śirasābhipraṇamya ca | rāmeṇa cābhyanujñātaḥ śatrughnaḥ śatrutāpanaḥ ||
VR 7.56.17 उपजातिः
लक्ष्मणं भरतं चैव प्रणिपत्य कृताञ्जलिः । पुरोधसं वसिष्ठं च शत्रुघ्नः प्रयतात्मवान् । प्रदक्षिणमथो कृत्वा निर्जगाम महाबलः ॥
lakṣmaṇaṃ bharataṃ caiva praṇipatya kṛtāñjaliḥ | purodhasaṃ vasiṣṭhaṃ ca śatrughnaḥ prayatātmavān | pradakṣiṇamatho kṛtvā nirjagāma mahābalaḥ ||
English Translation
Thereupon having circumambulated with folded hands Rāma, Lakşmaņa and Bharata he reverentially saluted the feet of the priests. And then with Rāma's permission and having gone round him the highly powerful Śatrughna issued out.
← Previous (Ch. 561) Full Table of Contents Next (Ch. 563) →