Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 44

Uttarakāṇḍa Sarga 44

उत्तरकाण्डम् • सर्गः 44

Uttarakāṇḍa Sarga 44 of the classical Vālmīki Rāmāyaṇa with 22 verses.

Total: 22 Verses • Citations: VR 7.44.1–22 • 175 Lexicon Terms
VR 7.44.1 अनुष्टुप्
तेषां समुपविष्टानां सर्वेषां दीनचेतसाम् । उवाच वाक्यं काकुत्स्थो मुखेन परिशुष्यता ॥
teṣāṃ samupaviṣṭānāṃ sarveṣāṃ dīnacetasām | uvāca vākyaṃ kākutstho mukhena pariśuṣyatā ||
English Translation
The princes were all waiting with a poorly heart when Rama, with a dried countenance, addressed them, saying.
VR 7.44.2 अनुष्टुप्
सर्वे शृणुत भद्रं वो मा कुरुध्वं मनोऽन्यथा । पौराणां मम सीतायां यादृशी वर्तते कथा ॥
sarve śṛṇuta bhadraṃ vo mā kurudhvaṃ mano'nyathā | paurāṇāṃ mama sītāyāṃ yādṛśī vartate kathā ||
English Translation
May good betide you-do not act against my desire. Hear, what the citizens have been talking about me and Sītā.
VR 7.44.3 अनुष्टुप्
पौरापवादः सुमहांस्तथा जनपदस्य च । वर्तते मयि बीभत्सः स मे मर्माणि कृन्तति ॥
paurāpavādaḥ sumahāṃstathā janapadasya ca | vartate mayi bībhatsaḥ sa me marmāṇi kṛntati ||
English Translation
The citizens as well as the inhabitants of provinces have been showering censures upon me. I have been pierced to the very vitals by those accusations.
VR 7.44.4 अनुष्टुप्
अहं किल कुले जात इक्ष्वाकूणां महात्मनाम् । सीतां पापसमाचारामानयेयं कथं पुरे ॥
ahaṃ kila kule jāta ikṣvākūṇāṃ mahātmanām | sītāṃ pāpasamācārāmānayeyaṃ kathaṃ pure ||
VR 7.44.5 अनुष्टुप्
जानासि हि यथा सौम्य दण्डके विजने वने । रावणेन हृता सीता स च विध्वंसितो मया ॥
jānāsi hi yathā saumya daṇḍake vijane vane | rāvaṇena hṛtā sītā sa ca vidhvaṃsito mayā ||
English Translation
I have been born in the illustrious family by the high-souled Ikşvākus. Sītā has been born also in the holy family of the great Janaka; gentle Lakṣmaṇa, you know how in the solitary forest of Dandaka, Sītā was stolen away by Rāvana and how have I slain him.
VR 7.44.6 अनुष्टुप्
प्रत्यक्षं तव सौमित्रे देवानां हव्यवाहनः । अपापां मैथिलीमाह वायुश्चाकाशगोचरः ॥
pratyakṣaṃ tava saumitre devānāṃ havyavāhanaḥ | apāpāṃ maithilīmāha vāyuścākāśagocaraḥ ||
English Translation
To secure my confidence, Sītā, in your very presence, entered fire. At that time, O Saumitri, fire, carrying sacrificial oblations and the wind of the sky declared Sītā's innocence before the celestials. in the presence of all the Rşis and gods, the Sun and Moon announced the innocence of the daughter of Janaka.
VR 7.44.7 अनुष्टुप्
चन्द्रादित्यौ च शंसेते सुराणां संनिधौ पुरा । ऋषीणां चैव सर्वेषामपापां जनकात्मजाम् ॥
candrādityau ca śaṃsete surāṇāṃ saṃnidhau purā | ṛṣīṇāṃ caiva sarveṣāmapāpāṃ janakātmajām ||
VR 7.44.8 अनुष्टुप्
एवं शुद्धसमाचारा देवगन्धर्वसंनिधौ । लङ्काद्वीपे महेन्द्रेण मम हस्ते निवेशिता ॥
evaṃ śuddhasamācārā devagandharvasaṃnidhau | laṅkādvīpe mahendreṇa mama haste niveśitā ||
English Translation
Indra, the king of the celestials, himself handed over the chaste Sītā to me in the island of Lanka.
VR 7.44.9 अनुष्टुप्
अन्तरात्मा च मे वेत्ति सीतां शुद्धां यशस्विनीम् । ततो गृहीत्वा वैदेहीमयोध्यामहमागतः ॥
antarātmā ca me vetti sītāṃ śuddhāṃ yaśasvinīm | tato gṛhītvā vaidehīmayodhyāmahamāgataḥ ||
English Translation
My mind know Sītā as chaste for ever. So, at that time, I came back to Ayodhya with Sita.
VR 7.44.10 अनुष्टुप्
अयं तु मे महान्वादः शोकश्च हृदि वर्तते । पौरापवादः सुमहांस्तथा जनपदस्य च ॥
ayaṃ tu me mahānvādaḥ śokaśca hṛdi vartate | paurāpavādaḥ sumahāṃstathā janapadasya ca ||
English Translation
But now a great sorrow consequent upon the censure of the citizens and villagers has pierced my heart.
VR 7.44.11 अनुष्टुप्
अकीर्तिर्यस्य गीयेत लोके भूतस्य कस्यचित् । पतत्येवाधमाँल्लोकान्यावच्छब्दः स कीर्त्यते ॥
akīrtiryasya gīyeta loke bhūtasya kasyacit | patatyevādhamām̐llokānyāvacchabdaḥ sa kīrtyate ||
English Translation
He, who is notorious on this earth and as long as that notoriety remains current, is classed among the vile.
VR 7.44.12 अनुष्टुप्
अकीर्तिर्निन्द्यते दैवैः कीर्तिर्देवेषु पूज्यते । कीर्त्यर्थं च समारम्भः सर्व एव महात्मनाम् ॥
akīrtirnindyate daivaiḥ kīrtirdeveṣu pūjyate | kīrtyarthaṃ ca samārambhaḥ sarva eva mahātmanām ||
English Translation
Even the celestials speak ill of bad name whereas fame is adored in all the regions. Therefore the high-souled exert their best to acquire reputations.
VR 7.44.13 अनुष्टुप्
अप्यहं जीवितं जह्यां युष्मान्वा पुरुषर्षभाः । अपवादभयाद्भीतः किं पुनर्जनकात्मजाम् ॥
apyahaṃ jīvitaṃ jahyāṃ yuṣmānvā puruṣarṣabhāḥ | apavādabhayādbhītaḥ kiṃ punarjanakātmajām ||
English Translation
O foremost of men, what to speak of the daughter of Janaka-I can even renounce my life and yourselves in fear of a bad name.
VR 7.44.14 अनुष्टुप्
तस्माद्भवन्तः पश्यन्तु पतितं शोकसागरे । न हि पश्याम्यहं भूयः किंचिद्दुःखमतोऽधिकम् ॥
tasmādbhavantaḥ paśyantu patitaṃ śokasāgare | na hi paśyāmyahaṃ bhūyaḥ kiṃcidduḥkhamato'dhikam ||
English Translation
Do you therefore perceive into what great abyss of sorrow and ill-fame I have fallen. Up to this time I have never experienced such a mighty grief.
VR 7.44.15 अनुष्टुप्
श्वस्त्वं प्रभाते सौमित्रे सुमन्त्राधिष्ठितं रथम् । आरुह्य सीतामारोप्य विषयान्ते समुत्सृज ॥
śvastvaṃ prabhāte saumitre sumantrādhiṣṭhitaṃ ratham | āruhya sītāmāropya viṣayānte samutsṛja ||
English Translation
Do you, O Laksmana, next morning, ascending the car driven by Sumantra, take away Sītā to another country.
VR 7.44.16 अनुष्टुप्
गङ्गायास्तु परे पारे वाल्मीकेः सुमहात्मनः । आश्रमो दिव्यसंकाशस्तमसातीरमाश्रितः ॥
gaṅgāyāstu pare pāre vālmīkeḥ sumahātmanaḥ | āśramo divyasaṃkāśastamasātīramāśritaḥ ||
English Translation
There is a picturesque hermitage of the highsouled Vālmīki situate on the Tamasā on the other side of the river Gangā.
VR 7.44.17 अनुष्टुप्
तत्रैनां विजने कक्षे विसृज्य रघुनन्दन । शीघ्रमागच्छ सौमित्रे कुरुष्व वचनं मम ॥
tatraināṃ vijane kakṣe visṛjya raghunandana | śīghramāgaccha saumitre kuruṣva vacanaṃ mama ||
English Translation
Do you, O delight of Raghus, soon come back, leaving behind Sitā in that lonely place. Do you carry out my words. Do you not speak anything regarding Sīta's banishment.
VR 7.44.18 अनुष्टुप्
न चास्मि प्रतिवक्तव्यः सीतां प्रति कथंचन । अप्रीतिः परमा मह्यं भवेत्तु प्रतिवारिते ॥
na cāsmi prativaktavyaḥ sītāṃ prati kathaṃcana | aprītiḥ paramā mahyaṃ bhavettu prativārite ||
VR 7.44.19 अनुष्टुप्
शापिताश्च मया यूयं भुजाभ्यां जीवितेन च । ये मां वाक्यान्तरे ब्रूयुरनुनेतुं कथंचन ॥
śāpitāśca mayā yūyaṃ bhujābhyāṃ jīvitena ca | ye māṃ vākyāntare brūyuranunetuṃ kathaṃcana ||
VR 7.44.20 अनुष्टुप्
मानयन्तु भवन्तो मां यदि मच्छासने स्थिताः । इतोऽद्य नीयतां सीता कुरुष्व वचनं मम ॥
mānayantu bhavanto māṃ yadi macchāsane sthitāḥ | ito'dya nīyatāṃ sītā kuruṣva vacanaṃ mama ||
VR 7.44.21 अनुष्टुप्
पूर्वमुक्तोऽहमनया गङ्गातीरे महाश्रमान् । पश्येयमिति तस्याश्च कामः संवर्त्यतामयम् ॥
pūrvamukto'hamanayā gaṅgātīre mahāśramān | paśyeyamiti tasyāśca kāmaḥ saṃvartyatāmayam ||
English Translation
Ere this Sītā had communicated her intention of beholding the hermitages of ascetics on the banks of the Gangā. Let that desire of hers be now satisfied.
VR 7.44.22 अनुष्टुप्
एवमुक्त्वा तु काकुत्स्थो बाष्पेण पिहितेक्षणः । प्रविवेश स धर्मात्मा भ्रातृभिः परिवारितः ॥
evamuktvā tu kākutstho bāṣpeṇa pihitekṣaṇaḥ | praviveśa sa dharmātmā bhrātṛbhiḥ parivāritaḥ ||
English Translation
While saying this, the eyes of the virtuoussouled Rāma were covered with tears. Sighing hard like to an elephant, he, with a heart stricken with grief, departed to his own quarter in the company of his brothers.
← Previous (Ch. 549) Full Table of Contents Next (Ch. 551) →