Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 68

Bālakāṇḍa Sarga 68

बालकाण्डम् • सर्गः 68

Bālakāṇḍa Sarga 68 of the classical Vālmīki Rāmāyaṇa with 18 verses.

Total: 18 Verses • Citations: VR 1.68.1–18 • 175 Lexicon Terms
VR 1.68.1 अनुष्टुप्
ततो रात्र्यां व्यतीतायां सोपाध्यायः सबान्धवः । राजा दशरथो हृष्टः सुमन्त्रमिदमब्रवीत् ॥
tato rātryāṃ vyatītāyāṃ sopādhyāyaḥ sabāndhavaḥ | rājā daśaratho hṛṣṭaḥ sumantramidamabravīt ||
English Translation
With the passing of the night king Dasaratha, accompanied by spiritual preceptors and relatives said to Sumantra:
VR 1.68.2 अनुष्टुप्
अद्य सर्वे धनाध्यक्षा धनमादाय पुष्कलम् । व्रजन्त्वग्रे सुविहिता नानारत्नसमन्विताः ॥
adya sarve dhanādhyakṣā dhanamādāya puṣkalam | vrajantvagre suvihitā nānāratnasamanvitāḥ ||
English Translation
"Let all the officers of the treasury furnished with enough wealth and a variety gems go in advance under escort.
VR 1.68.3 अनुष्टुप्
चतुरङ्गबलं चापि शीघ्रं निर्यातु सर्वशः । ममाज्ञासमकालं च यानयुग्यमनुत्तमम् ॥
caturaṅgabalaṃ cāpi śīghraṃ niryātu sarvaśaḥ | mamājñāsamakālaṃ ca yānayugyamanuttamam ||
English Translation
Let the four divisions of the army from all the four quarters with elegant palanquins proceed at my command.
VR 1.68.4 अनुष्टुप्
वसिष्ठो वामदेवश्च जाबालिरथ काश्यपः । मार्कण्डेयश्च दीर्घायुरृषिः कात्यायनस्तथा ॥
vasiṣṭho vāmadevaśca jābāliratha kāśyapaḥ | mārkaṇḍeyaśca dīrghāyurṛṣiḥ kātyāyanastathā ||
English Translation
Let brahmins like Vasishta, Vamadeva, Jabali, Kasyapa, Markandeya endowed with long life, and rishi Katyayana depart in advance. My chariot be yoked and kept ready. Let there be no delay. The messengers (from Janaka) are hastening me up".
VR 1.68.5 अनुष्टुप्
एते द्विजाः प्रयान्त्वग्रे स्यन्दनं योजयस्व मे । यथा कालात्ययो न स्याद्दूता हि त्वरयन्ति माम् ॥
ete dvijāḥ prayāntvagre syandanaṃ yojayasva me | yathā kālātyayo na syāddūtā hi tvarayanti mām ||
English Translation
Let brahmins like Vasishta, Vamadeva, Jabali, Kasyapa, Markandeya endowed with long life, and rishi Katyayana depart in advance. My chariot be yoked and kept ready. Let there be no delay. The messengers (from Janaka) are hastening me up".
VR 1.68.6 अनुष्टुप्
वचनाच्च नरेन्द्रस्य सा सेना चतुरङ्गिणी । राजानमृषिभिः सार्धं व्रजन्तं पृष्ठतोऽन्वगात् ॥
vacanācca narendrasya sā senā caturaṅgiṇī | rājānamṛṣibhiḥ sārdhaṃ vrajantaṃ pṛṣṭhato'nvagāt ||
English Translation
While the Indra among kings (Dasaratha) proceeded with the sages, the four divisions of the army followed them at the command of the king.
VR 1.68.7 अनुष्टुप्
गत्वा चतुरहं मार्गं विदेहानभ्युपेयिवान् । राजा तु जनकः श्रीमाञ्श्रुत्वा पूजामकल्पयत् ॥
gatvā caturahaṃ mārgaṃ videhānabhyupeyivān | rājā tu janakaḥ śrīmāñśrutvā pūjāmakalpayat ||
English Translation
Covering the distance in four days, they arrived in the country of the Videhas. The fortunate king Janaka, having heard about these tidings, made arangements to extend to them reverential hospitality.
VR 1.68.8 उपजातिः
ततो राजानमासाद्य वृद्धं दशरथं नृपम् । जनको मुदितो राजा हर्षं च परमं ययौ । उवाच च नरश्रेष्ठो नरश्रेष्ठं मुदान्वितम् ॥
tato rājānamāsādya vṛddhaṃ daśarathaṃ nṛpam | janako mudito rājā harṣaṃ ca paramaṃ yayau | uvāca ca naraśreṣṭho naraśreṣṭhaṃ mudānvitam ||
English Translation
King Janaka approached the aged ruler of men, Dasaratha, and experienced great delight.
VR 1.68.9 अनुष्टुप्
स्वागतं ते महाराज दिष्ट्या प्राप्तोऽसि राघव । पुत्रयोरुभयोः प्रीतिं लप्स्यसे वीर्यनिर्जिताम् ॥
svāgataṃ te mahārāja diṣṭyā prāpto'si rāghava | putrayorubhayoḥ prītiṃ lapsyase vīryanirjitām ||
English Translation
"O Best of men O Son of the Raghus you are fortunate to have come here following the invincible maharshi Viswamitra. Welcome to you.
VR 1.68.10 अनुष्टुप्
दिष्ट्या प्राप्तो महातेजा वसिष्ठो भगवानृषिः । सह सर्वैर्द्विजश्रेष्ठैर्देवैरिव शतक्रतुः ॥
diṣṭyā prāpto mahātejā vasiṣṭho bhagavānṛṣiḥ | saha sarvairdvijaśreṣṭhairdevairiva śatakratuḥ ||
English Translation
Most brilliant and adorable ascetic Vasishta surrounded by the foremost of brahmins like Indra by the gods has also arrived by the grace of God.
VR 1.68.11 अनुष्टुप्
दिष्ट्या मे निर्जिता विघ्ना दिष्ट्या मे पूजितं कुलम् । राघवैः सह संबन्धाद्वीर्यश्रेष्ठैर्महात्मभिः ॥
diṣṭyā me nirjitā vighnā diṣṭyā me pūjitaṃ kulam | rāghavaiḥ saha saṃbandhādvīryaśreṣṭhairmahātmabhiḥ ||
English Translation
By the grace of god, I have overcome all impediments. By the grace of God my race has been honoured through alliance with the house of the Raghus distinguished by their valour.
VR 1.68.12 अनुष्टुप्
श्वः प्रभाते नरेन्द्रेन्द्र निर्वर्तयितुमर्हसि । यज्ञस्यान्ते नरश्रेष्ठ विवाहमृषिसंमतम् ॥
śvaḥ prabhāte narendrendra nirvartayitumarhasi | yajñasyānte naraśreṣṭha vivāhamṛṣisaṃmatam ||
English Translation
O Foremost of men, O Best of kings, tomorrow at dawn after the completion of the sacrifice, you should perform the marriage with approval by the sages".
VR 1.68.13 अनुष्टुप्
तस्य तद्वचनं श्रुत्वा ऋषिमध्ये नराधिपः । वाक्यं वाक्यविदां श्रेष्ठः प्रत्युवाच महीपतिम् ॥
tasya tadvacanaṃ śrutvā ṛṣimadhye narādhipaḥ | vākyaṃ vākyavidāṃ śreṣṭhaḥ pratyuvāca mahīpatim ||
English Translation
Then, Maricha's son, exceedingly bright Kasyapa on hearing the words of Diti who was deeply grieved replied:
VR 1.68.14 अनुष्टुप्
प्रतिग्रहो दातृवशः श्रुतमेतन्मया पुरा । यथा वक्ष्यसि धर्मज्ञ तत्करिष्यामहे वयम् ॥
pratigraho dātṛvaśaḥ śrutametanmayā purā | yathā vakṣyasi dharmajña tatkariṣyāmahe vayam ||
English Translation
"I have heard that acceptance of a gift from the righteous is a pleasure. So we will act upon your word".
VR 1.68.15 अनुष्टुप्
तद्धर्मिष्ठं यशस्यं च वचनं सत्यवादिनः । श्रुत्वा विदेहाधिपतिः परं विस्मयमागतः ॥
taddharmiṣṭhaṃ yaśasyaṃ ca vacanaṃ satyavādinaḥ | śrutvā videhādhipatiḥ paraṃ vismayamāgataḥ ||
English Translation
Janaka was filled with extreme admiration to hear one who was truthful, righteous and famous (this Dasaratha).
VR 1.68.16 अनुष्टुप्
ततः सर्वे मुनिगणाः परस्परसमागमे । हर्षेण महता युक्तास्तां निशामवसन्सुखम् ॥
tataḥ sarve munigaṇāḥ parasparasamāgame | harṣeṇa mahatā yuktāstāṃ niśāmavasansukham ||
English Translation
Thereupon hosts of sages in one another's company, filled with great delight spent the night comfortably.
VR 1.68.17 अनुष्टुप्
राजा च राघवौ पुत्रौ निशाम्य परिहर्षितः । उवास परमप्रीतो जनकेन सुपूजितः ॥
rājā ca rāghavau putrau niśāmya pariharṣitaḥ | uvāsa paramaprīto janakena supūjitaḥ ||
English Translation
The king (Dasaratha) was greatly delighted on being reunited with his sons Rama and Lakshmana. Honoured by Janaka, he spent the night with supreme satisfaction.
VR 1.68.18 अनुष्टुप्
जनकोऽपि महातेजाः क्रिया धर्मेण तत्त्ववित् । यज्ञस्य च सुताभ्यां च कृत्वा रात्रिमुवास ह ॥
janako'pi mahātejāḥ kriyā dharmeṇa tattvavit | yajñasya ca sutābhyāṃ ca kṛtvā rātrimuvāsa ha ||
English Translation
Mighty philosopher Janaka also performed the sacrificial rites and spent the night (there where the sacrificial ceremony was performed) with both his daughters. इत्यार्षे श्रीमद्रामायणे वाल्मीकीय आदिकाव्ये बालकाण्डे एकोनसप्ततितमस्सर्ग:॥Thus ends the sixtynineth sarga of Balakanda of the holy Ramayana the first epic composed by sage Valmiki.
← Previous (Ch. 67) Full Table of Contents Next (Ch. 69) →