Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 67

Bālakāṇḍa Sarga 67

बालकाण्डम् • सर्गः 67

Bālakāṇḍa Sarga 67 of the classical Vālmīki Rāmāyaṇa with 19 verses.

Total: 19 Verses • Citations: VR 1.67.1–19 • 175 Lexicon Terms
VR 1.67.1 अनुष्टुप्
जनकेन समादिष्टा दूतास्ते क्लान्तवाहनाः । त्रिरात्रमुषित्वा मार्गे तेऽयोध्यां प्राविशन्पुरीम् ॥
janakena samādiṣṭā dūtāste klāntavāhanāḥ | trirātramuṣitvā mārge te'yodhyāṃ prāviśanpurīm ||
English Translation
Commanded by Janaka the messengers travelled for three days, rested for three nights on the way and entered the city of Ayodhya along with their horses tired.
VR 1.67.2 अनुष्टुप्
ते राजवचनाद्दूता राजवेश्मप्रवेशिताः । ददृशुर्देवसंकाशं वृद्धं दशरथं नृपम् ॥
te rājavacanāddūtā rājaveśmapraveśitāḥ | dadṛśurdevasaṃkāśaṃ vṛddhaṃ daśarathaṃ nṛpam ||
English Translation
Having heard their words, the doorkeepers informed the descendant of Raghu (king Dasaratha). Thereafter, with the the king's permission, the messengers entered the royal palace and beheld the aged king Dasaratha who shone like a god.
VR 1.67.3 अनुष्टुप्
बद्धाञ्जलिपुटाः सर्वे दूता विगतसाध्वसाः । राजानं प्रयता वाक्यमब्रुवन्मधुराक्षरम् ॥
baddhāñjalipuṭāḥ sarve dūtā vigatasādhvasāḥ | rājānaṃ prayatā vākyamabruvanmadhurākṣaram ||
English Translation
All the messengers, hands folded free from apprehensions, reverentially addressed the king in sweet words.
VR 1.67.4 अनुष्टुप्
मैथिलो जनको राजा साग्निहोत्रपुरस्कृतः । कुशलं चाव्ययं चैव सोपाध्यायपुरोहितम् ॥
maithilo janako rājā sāgnihotrapuraskṛtaḥ | kuśalaṃ cāvyayaṃ caiva sopādhyāyapurohitam ||
English Translation
"O Great monarch Mithila's lord, king Janaka, with the sacred fire in front again and again enquires about your health and the spiritual wellbeing of your preceptors, priests and attendants in words filled with sweetness and affection.
VR 1.67.5 अनुष्टुप्
मुहुर्मुहुर्मधुरया स्नेहसंयुक्तया गिरा । जनकस्त्वां महाराज पृच्छते सपुरःसरम् ॥
muhurmuhurmadhurayā snehasaṃyuktayā girā | janakastvāṃ mahārāja pṛcchate sapuraḥsaram ||
English Translation
"O Great monarch Mithila's lord, king Janaka, with the sacred fire in front again and again enquires about your health and the spiritual wellbeing of your preceptors, priests and attendants in words filled with sweetness and affection.
VR 1.67.6 अनुष्टुप्
पृष्ट्वा कुशलमव्यग्रं वैदेहो मिथिलाधिपः । कौशिकानुमते वाक्यं भवन्तमिदमब्रवीत् ॥
pṛṣṭvā kuśalamavyagraṃ vaideho mithilādhipaḥ | kauśikānumate vākyaṃ bhavantamidamabravīt ||
English Translation
Janaka, the king of Mithila with the enquiry about your welfare, with the permission of the son of Kausika (Viswamitra) sends you this message:
VR 1.67.7 अनुष्टुप्
पूर्वं प्रतिज्ञा विदिता वीर्यशुल्का ममात्मजा । राजानश्च कृतामर्षा निर्वीर्या विमुखीकृताः ॥
pūrvaṃ pratijñā viditā vīryaśulkā mamātmajā | rājānaśca kṛtāmarṣā nirvīryā vimukhīkṛtāḥ ||
English Translation
O King It is wellknown that formerly I had vowed to give my daughter to a groom as a reward for prowess. Disappointed when proved powerless, the kings became indignant and opposed me.
VR 1.67.8 अनुष्टुप्
सेयं मम सुता राजन्विश्वामित्रपुरःसरैः । यदृच्छयागतैर्वीरैर्निर्जिता तव पुत्रकैः ॥
seyaṃ mama sutā rājanviśvāmitrapuraḥsaraiḥ | yadṛcchayāgatairvīrairnirjitā tava putrakaiḥ ||
English Translation
O King that this daughter of mine has been won by your heroic son Rama who has come here casually led by Viswamitra.
VR 1.67.9 अनुष्टुप्
तच्च राजन्धनुर्दिव्यं मध्ये भग्नं महात्मना । रामेण हि महाराज महत्यां जनसंसदि ॥
tacca rājandhanurdivyaṃ madhye bhagnaṃ mahātmanā | rāmeṇa hi mahārāja mahatyāṃ janasaṃsadi ||
English Translation
O Great king, Dasaratha the divine bow with its limitless glory was broken in the middle by the great self Rama in the assembly of people.
VR 1.67.10 अनुष्टुप्
अस्मै देया मया सीता वीर्यशुल्का महात्मने । प्रतिज्ञां तर्तुमिच्छामि तदनुज्ञातुमर्हसि ॥
asmai deyā mayā sītā vīryaśulkā mahātmane | pratijñāṃ tartumicchāmi tadanujñātumarhasi ||
English Translation
Sita is fit to be given in marriage to this eminent Rama as a reward for his prowess. I request you to give your consent to fulfil my vow.
VR 1.67.11 अनुष्टुप्
सोपाध्यायो महाराज पुरोहितपुरस्कृतः । शीघ्रमागच्छ भद्रं ते द्रष्टुमर्हसि राघवौ ॥
sopādhyāyo mahārāja purohitapuraskṛtaḥ | śīghramāgaccha bhadraṃ te draṣṭumarhasi rāghavau ||
English Translation
O Mighty king be blessed. Come here soon with your preceptors and priest. You ought to be reumitd with Rama amd Lakshmana.
VR 1.67.12 अनुष्टुप्
प्रीतिं च मम राजेन्द्र निर्वर्तयितुमर्हसि । पुत्रयोरुभयोरेव प्रीतिं त्वमपि लप्स्यसे ॥
prītiṃ ca mama rājendra nirvartayitumarhasi | putrayorubhayoreva prītiṃ tvamapi lapsyase ||
English Translation
O Indra among kings you will not only bring me pleasure, you will also be happy to see your sons.
VR 1.67.13 अनुष्टुप्
एवं विदेहाधिपतिर्मधुरं वाक्यमब्रवीत् । विश्वामित्राभ्यनुज्ञातः शतानन्दमते स्थितः ॥
evaṃ videhādhipatirmadhuraṃ vākyamabravīt | viśvāmitrābhyanujñātaḥ śatānandamate sthitaḥ ||
English Translation
The king of Videha (Janaka) with Viswamitra's approval and in line with Satananda's thinking has conveyed these sweet words". The messengers having said so concluded out of respect for their king (afraid that they might look overtalkative).
VR 1.67.14 अनुष्टुप्
दूतवाक्यं तु तच्छ्रुत्वा राजा परमहर्षितः । वसिष्ठं वामदेवं च मन्त्रिणोऽन्यांश्च सोऽब्रवीत् ॥
dūtavākyaṃ tu tacchrutvā rājā paramaharṣitaḥ | vasiṣṭhaṃ vāmadevaṃ ca mantriṇo'nyāṃśca so'bravīt ||
English Translation
Exceedingly happy to hear the words of the messengers, the king said to Vasishta, Vamadeva and other ministers.
VR 1.67.15 अनुष्टुप्
गुप्तः कुशिकपुत्रेण कौसल्यानन्दवर्धनः । लक्ष्मणेन सह भ्रात्रा विदेहेषु वसत्यसौ ॥
guptaḥ kuśikaputreṇa kausalyānandavardhanaḥ | lakṣmaṇena saha bhrātrā videheṣu vasatyasau ||
English Translation
"The enhancer of the joy of Kausalya (Rama) along with hs brother Lakshmana under the protection of Viswamitra is now staying in the coutry of the Videhas."
VR 1.67.16 अनुष्टुप्
दृष्टवीर्यस्तु काकुत्स्थो जनकेन महात्मना । संप्रदानं सुतायास्तु राघवे कर्तुमिच्छति ॥
dṛṣṭavīryastu kākutstho janakena mahātmanā | saṃpradānaṃ sutāyāstu rāghave kartumicchati ||
English Translation
Illustrious Janaka desires to bestow his daughter on the descendat of Kakustha (Rama) whose prowess he has witnessed.
VR 1.67.17 अनुष्टुप्
यदि वो रोचते वृत्तं जनकस्य महात्मनः । पुरीं गच्छामहे शीघ्रं मा भूत्कालस्य पर्ययः ॥
yadi vo rocate vṛttaṃ janakasya mahātmanaḥ | purīṃ gacchāmahe śīghraṃ mā bhūtkālasya paryayaḥ ||
English Translation
If you approve the action, of the distinguished Janaka, let us hurry to the city of Mithila. Let there be no delay".
VR 1.67.18 अनुष्टुप्
मन्त्रिणो बाढमित्याहुः सह सर्वैर्महर्षिभिः । सुप्रीतश्चाब्रवीद्राजा श्वो यात्रेति स मन्त्रिणः ॥
mantriṇo bāḍhamityāhuḥ saha sarvairmaharṣibhiḥ | suprītaścābravīdrājā śvo yātreti sa mantriṇaḥ ||
VR 1.67.19 अनुष्टुप्
मन्त्रिणस्तु नरेन्द्रस्य रात्रिं परमसत्कृताः । ऊषुः प्रमुदिताः सर्वे गुणैः सर्वैः समन्विताः ॥
mantriṇastu narendrasya rātriṃ paramasatkṛtāḥ | ūṣuḥ pramuditāḥ sarve guṇaiḥ sarvaiḥ samanvitāḥ ||
← Previous (Ch. 66) Full Table of Contents Next (Ch. 68) →