Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 16

Ayodhyākāṇḍa Sarga 16

अयोध्याकाण्डम् • सर्गः 16

Ayodhyākāṇḍa Sarga 16 of the classical Vālmīki Rāmāyaṇa with 61 verses.

Total: 61 Verses • Citations: VR 2.16.1–61 • 175 Lexicon Terms • Page 2 of 3 (Verses 30 shown)
VR 2.16.31 अनुष्टुप्
हितेन गुरुणा पित्रा कृतज्ञेन नृपेण च । नियुज्यमानो विश्रब्धं किं न कुर्यादहं प्रियम् ॥
hitena guruṇā pitrā kṛtajñena nṛpeṇa ca | niyujyamāno viśrabdhaṃ kiṃ na kuryādahaṃ priyam ||
English Translation
What is there that I cannot perform, considering it good without suspicion, if I am ordered so by my well-wisher, spiritual leader, father and king, who acknowledges your service (rendered in time of danger).* *The epithet Krtajñena may as well as be rendered into general terms; such as 'who acknowledges services rendered to him.' Here in translation I have followed the commentator who has restricted it to the special sense suitable to the occasion.
VR 2.16.32 अनुष्टुप्
अलीकं मानसं त्वेकं हृदयं दहतीव मे । स्वयं यन्नाह मां राजा भरतस्याभिषेचनम् ॥
alīkaṃ mānasaṃ tvekaṃ hṛdayaṃ dahatīva me | svayaṃ yannāha māṃ rājā bharatasyābhiṣecanam ||
English Translation
But this one sorrow burns my heart, why king did not tell me personally of the installation of Bharata.
VR 2.16.33 अनुष्टुप्
अहं हि सीतां राज्यं च प्राणानिष्टान्धनानि च । हृष्टो भ्रात्रे स्वयं दद्यां भरतायाप्रचोदितः ॥
ahaṃ hi sītāṃ rājyaṃ ca prāṇāniṣṭāndhanāni ca | hṛṣṭo bhrātre svayaṃ dadyāṃ bharatāyāpracoditaḥ ||
English Translation
What of the command of the king, my father, I shall even at your mandate joyfully make over to Bharata, my kingdom, Sītā, wealth and even my life, thereby satisfying you, and fulfilling my promise.
VR 2.16.34 अनुष्टुप्
किं पुनर्मनुजेन्द्रेण स्वयं पित्रा प्रचोदितः । तव च प्रियकामार्थं प्रतिज्ञामनुपालयन् ॥
kiṃ punarmanujendreṇa svayaṃ pitrā pracoditaḥ | tava ca priyakāmārthaṃ pratijñāmanupālayan ||
English Translation
What of the command of the king, my father, I shall even at your mandate joyfully make over to Bharata, my kingdom, Sītā, wealth and even my life, thereby satisfying you, and fulfilling my promise.
VR 2.16.35 अनुष्टुप्
तदाश्वासय हीमं त्वं किं न्विदं यन्महीपतिः । वसुधासक्तनयनो मन्दमश्रूणि मुञ्चति ॥
tadāśvāsaya hīmaṃ tvaṃ kiṃ nvidaṃ yanmahīpatiḥ | vasudhāsaktanayano mandamaśrūṇi muñcati ||
English Translation
Do you now console the bashful king; why has he, with his eyes steadily fixed on the ground, been shedding tears slowly?
VR 2.16.36 अनुष्टुप्
गच्छन्तु चैवानयितुं दूताः शीघ्रजवैर्हयैः । भरतं मातुलकुलादद्यैव नृपशासनात् ॥
gacchantu caivānayituṃ dūtāḥ śīghrajavairhayaiḥ | bharataṃ mātulakulādadyaiva nṛpaśāsanāt ||
English Translation
Let messengers, with fast going steeds go today at the command of the king to fetch Bharata from his maternal uncle's house.
VR 2.16.37 अनुष्टुप्
दण्डकारण्यमेषोऽहमितो गच्छामि सत्वरः । अविचार्य पितुर्वाक्यं समावस्तुं चतुर्दश ॥
daṇḍakāraṇyameṣo'hamito gacchāmi satvaraḥ | avicārya piturvākyaṃ samāvastuṃ caturdaśa ||
English Translation
I shall, not even judging the propriety of my father's words, speedily repair to the forest of Dandaka for fourteen years.
VR 2.16.38 अनुष्टुप्
सा हृष्टा तस्य तद्वाक्यं श्रुत्वा रामस्य कैकयी । प्रस्थानं श्रद्दधाना हि त्वरयामास राघवम् ॥
sā hṛṣṭā tasya tadvākyaṃ śrutvā rāmasya kaikayī | prasthānaṃ śraddadhānā hi tvarayāmāsa rāghavam ||
English Translation
Hearing those words of Rāma, Kaikeyi was pleased, and being certain about his departure, hurried on Raghava.
VR 2.16.39 अनुष्टुप्
एवं भवतु यास्यन्ति दूताः शीघ्रजवैर्हयैः । भरतं मातुलकुलादुपावर्तयितुं नराः ॥
evaṃ bhavatu yāsyanti dūtāḥ śīghrajavairhayaiḥ | bharataṃ mātulakulādupāvartayituṃ narāḥ ||
English Translation
Let messengers, with fast going steeds go today at the command of the king to fetch Bharata from his maternal uncle's house.
VR 2.16.40 अनुष्टुप्
तव त्वहं क्षमं मन्ये नोत्सुकस्य विलम्बनम् । राम तस्मादितः शीघ्रं वनं त्वं गन्तुमर्हसि ॥
tava tvahaṃ kṣamaṃ manye notsukasya vilambanam | rāma tasmāditaḥ śīghraṃ vanaṃ tvaṃ gantumarhasi ||
English Translation
I do not think it proper for you, O Rāma, to delay, when you are so anxious; it behoves you therefore to depart from this place speedily to the forest.
VR 2.16.41 अनुष्टुप्
व्रीडान्वितः स्वयं यच्च नृपस्त्वां नाभिभाषते । नैतत्किंचिन्नरश्रेष्ठ मन्युरेषोऽपनीयताम् ॥
vrīḍānvitaḥ svayaṃ yacca nṛpastvāṃ nābhibhāṣate | naitatkiṃcinnaraśreṣṭha manyureṣo'panīyatām ||
English Translation
The king being abashed, does not himself address you, there is nothing else than this. Do you, Oh best of men, dispel this wretchedness of his.
VR 2.16.42 अनुष्टुप्
यावत्त्वं न वनं यातः पुरादस्मादभित्वरन् । पिता तावन्न ते राम स्नास्यते भोक्ष्यतेऽपि वा ॥
yāvattvaṃ na vanaṃ yātaḥ purādasmādabhitvaran | pitā tāvanna te rāma snāsyate bhokṣyate'pi vā ||
English Translation
As long as you shall not hurriedly depart from his presence, Oh Rāma, your father shall not bathe, or eat anything.
VR 2.16.43 अनुष्टुप्
धिक्कष्टमिति निःश्वस्य राजा शोकपरिप्लुतः । मूर्छितो न्यपतत्तस्मिन्पर्यङ्के हेमभूषिते ॥
dhikkaṣṭamiti niḥśvasya rājā śokapariplutaḥ | mūrchito nyapatattasminparyaṅke hemabhūṣite ||
English Translation
'Oh fie!' 'what affliction' sobbing hard with these words, the monarch, filled with sorrow, swooned away and fell down upon the sofa, embellished with gold.
VR 2.16.44 अनुष्टुप्
रामोऽप्युत्थाप्य राजानं कैकेय्याभिप्रचोदितः । कशयेवाहतो वाजी वनं गन्तुं कृतत्वरः ॥
rāmo'pyutthāpya rājānaṃ kaikeyyābhipracoditaḥ | kaśayevāhato vājī vanaṃ gantuṃ kṛtatvaraḥ ||
English Translation
Raising the king up, Rāma, being directed by Kaikeyī, began to hurry on his departure to the forest, like to a steed struck sharp with a whip.
VR 2.16.45 अनुष्टुप्
तदप्रियमनार्याया वचनं दारुणोदरम् । श्रुत्वा गतव्यथो रामः कैकेयीं वाक्यमब्रवीत् ॥
tadapriyamanāryāyā vacanaṃ dāruṇodaram | śrutvā gatavyatho rāmaḥ kaikeyīṃ vākyamabravīt ||
English Translation
Hearing these unpleasant words like to death, Rama, the destroyer of foes, was not pained, and spoke thus to Kaikeyī.
VR 2.16.46 अनुष्टुप्
नाहमर्थपरो देवि लोकमावस्तुमुत्सहे । विद्धि मामृषिभिस्तुल्यं केवलं धर्ममास्थितम् ॥
nāhamarthaparo devi lokamāvastumutsahe | viddhi māmṛṣibhistulyaṃ kevalaṃ dharmamāsthitam ||
English Translation
Oh worshipful one, being addicted to wealth do I not long for living in this world; like to Rșis, know me, to be well established in pure religion.
VR 2.16.47 अनुष्टुप्
यदत्रभवतः किंचिच्छक्यं कर्तुं प्रियं मया । प्राणानपि परित्यज्य सर्वथा कृतमेव तत् ॥
yadatrabhavataḥ kiṃcicchakyaṃ kartuṃ priyaṃ mayā | prāṇānapi parityajya sarvathā kṛtameva tat ||
English Translation
If I can, even at the sacrifice of my own life, satisfy my worshipful father, rest assured it is to be done first in all manner.
VR 2.16.48 अनुष्टुप्
न ह्यतो धर्मचरणं किंचिदस्ति महत्तरम् । यथा पितरि शुश्रूषा तस्य वा वचनक्रिया ॥
na hyato dharmacaraṇaṃ kiṃcidasti mahattaram | yathā pitari śuśrūṣā tasya vā vacanakriyā ||
English Translation
There is no virtue greater than the serving of the father and carrying out his words.
VR 2.16.49 अनुष्टुप्
अनुक्तोऽप्यत्रभवता भवत्या वचनादहम् । वने वत्स्यामि विजने वर्षाणीह चतुर्दश ॥
anukto'pyatrabhavatā bhavatyā vacanādaham | vane vatsyāmi vijane varṣāṇīha caturdaśa ||
English Translation
Even though not commanded by him, I shall, for your words, live in a solitary forest for fourteen years.
VR 2.16.50 अनुष्टुप्
न नूनं मयि कैकेयि किंचिदाशंससे गुणम् । यद्राजानमवोचस्त्वं ममेश्वरतरा सती ॥
na nūnaṃ mayi kaikeyi kiṃcidāśaṃsase guṇam | yadrājānamavocastvaṃ mameśvaratarā satī ||
English Translation
Oh Kaikeyī, certain it is that you are not acquainted with my foremost virtues, inasmuch as possessing full authority to rule me, you have requested the monarch for this.
VR 2.16.51 अनुष्टुप्
यावन्मातरमापृच्छे सीतां चानुनयाम्यहम् । ततोऽद्यैव गमिष्यामि दण्डकानां महद्वनम् ॥
yāvanmātaramāpṛcche sītāṃ cānunayāmyaham | tato'dyaiva gamiṣyāmi daṇḍakānāṃ mahadvanam ||
English Translation
Excuse me until I ask my mother, and comfort Sītā; even this very day shall I wend my way to the great forest of Dandaka.
VR 2.16.52 अनुष्टुप्
भरतः पालयेद्राज्यं शुश्रूषेच्च पितुर्यथा । तथा भवत्या कर्तव्यं स हि धर्मः सनातनः ॥
bharataḥ pālayedrājyaṃ śuśrūṣecca pituryathā | tathā bhavatyā kartavyaṃ sa hi dharmaḥ sanātanaḥ ||
English Translation
If behoves you to do that by which Bharata may govern the kingdom and tend our father, for this is the virtue eternal.
VR 2.16.53 अनुष्टुप्
स रामस्य वचः श्रुत्वा भृशं दुःखहतः पिता । शोकादशक्नुवन्बाष्पं प्ररुरोद महास्वनम् ॥
sa rāmasya vacaḥ śrutvā bhṛśaṃ duḥkhahataḥ pitā | śokādaśaknuvanbāṣpaṃ praruroda mahāsvanam ||
English Translation
Hearing these words of Rāma, his father, greatly afflicted and incapable of speaking anything on account of sorrow, began to cry aloud.
VR 2.16.54 अनुष्टुप्
वन्दित्वा चरणौ रामो विसंज्ञस्य पितुस्तदा । कैकेय्याश्चाप्यनार्याया निष्पपात महाद्युतिः ॥
vanditvā caraṇau rāmo visaṃjñasya pitustadā | kaikeyyāścāpyanāryāyā niṣpapāta mahādyutiḥ ||
English Translation
Worshipping the feet of the king lying insensible, and those of vicious Kaikeyi, that greatly effulgent one went out.
VR 2.16.55 अनुष्टुप्
स रामः पितरं कृत्वा कैकेयीं च प्रदक्षिणम् । निष्क्रम्यान्तःपुरात्तस्मात्स्वं ददर्श सुहृज्जनम् ॥
sa rāmaḥ pitaraṃ kṛtvā kaikeyīṃ ca pradakṣiṇam | niṣkramyāntaḥpurāttasmātsvaṃ dadarśa suhṛjjanam ||
English Translation
And reverentially going round his father and Kaikeyi, and issuing out of the female apartment, Rāma saw his own friends and relatives.
VR 2.16.56 अनुष्टुप्
तं बाष्पपरिपूर्णाक्षः पृष्ठतोऽनुजगाम ह । लक्ष्मणः परमक्रुद्धः सुमित्रानन्दवर्धनः ॥
taṃ bāṣpaparipūrṇākṣaḥ pṛṣṭhato'nujagāma ha | lakṣmaṇaḥ paramakruddhaḥ sumitrānandavardhanaḥ ||
English Translation
Then followed him Lakşmaņa, the enhance of Sumitra's joy, greatly angry and with his eyes full of tears.
VR 2.16.57 अनुष्टुप्
आभिषेचनिकं भाण्डं कृत्वा रामः प्रदक्षिणम् । शनैर्जगाम सापेक्षो दृष्टिं तत्राविचालयन् ॥
ābhiṣecanikaṃ bhāṇḍaṃ kṛtvā rāmaḥ pradakṣiṇam | śanairjagāma sāpekṣo dṛṣṭiṃ tatrāvicālayan ||
English Translation
Going round with reverence the house of installation full of necessary articles, not turning away from it his wistful look, Rāma began to proceed slowly.
VR 2.16.58 अनुष्टुप्
न चास्य महतीं लक्ष्मीं राज्यनाशोऽपकर्षति । लोककान्तस्य कान्तत्वं शीतरश्मेरिव क्षपा ॥
na cāsya mahatīṃ lakṣmīṃ rājyanāśo'pakarṣati | lokakāntasya kāntatvaṃ śītaraśmeriva kṣapā ||
English Translation
Loss of kingdom could not diminish the great beauty of that beloved of the people on account of its everlasting pleasantness, like to the wane of the moon.
VR 2.16.59 अनुष्टुप्
न वनं गन्तुकामस्य त्यजतश्च वसुंधराम् । सर्वलोकातिगस्येव लक्ष्यते चित्तविक्रिया ॥
na vanaṃ gantukāmasya tyajataśca vasuṃdharām | sarvalokātigasyeva lakṣyate cittavikriyā ||
English Translation
There was manifest in his no change of mind, who was about to fly as an exile to the forest and leave the world, like to one emancipated while yet living.
VR 2.16.60 अनुष्टुप्
धारयन्मनसा दुःखमिन्द्रियाणि निगृह्य च । प्रविवेशात्मवान्वेश्म मातुरप्रियशंसिवान् ॥
dhārayanmanasā duḥkhamindriyāṇi nigṛhya ca | praviveśātmavānveśma māturapriyaśaṃsivān ||
English Translation
Leaving aside the excellent umbrella and well adorned chowries, forsaking his relatives, chariot, citizens and other people, calmly bearing the affliction in mind and not manifesting the outward signs of sorrow, Rāma, with a view to communicate this unpleasant news to his mother, entered her abode.
← Previous (Ch. 91) Full Table of Contents Next (Ch. 93) →