Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 13

Ayodhyākāṇḍa Sarga 13

अयोध्याकाण्डम् • सर्गः 13

Ayodhyākāṇḍa Sarga 13 of the classical Vālmīki Rāmāyaṇa with 28 verses.

Total: 28 Verses • Citations: VR 2.13.1–28 • 175 Lexicon Terms
VR 2.13.1 अनुष्टुप्
ते तु तां रजनीमुष्य ब्राह्मणा वेदपारगाः । उपतस्थुरुपस्थानं सहराजपुरोहिताः ॥
te tu tāṃ rajanīmuṣya brāhmaṇā vedapāragāḥ | upatasthurupasthānaṃ saharājapurohitāḥ ||
English Translation
The Brahmana, versed in in Veda, the counsellors, the commanders of military forces and the leading merchants, together with the royal priest, all brimming with joy on account of Rāma's installation, were waiting at the royal gate all night long
VR 2.13.2 अनुष्टुप्
अमात्या बलमुख्याश्च मुख्या ये निगमस्य च । राघवस्याभिषेकार्थे प्रीयमाणास्तु संगताः ॥
amātyā balamukhyāśca mukhyā ye nigamasya ca | rāghavasyābhiṣekārthe prīyamāṇāstu saṃgatāḥ ||
English Translation
The Brahmana, versed in in Veda, the counsellors, the commanders of military forces and the leading merchants, together with the royal priest, all brimming with joy on account of Rāma's installation, were waiting at the royal gate all night long
VR 2.13.3 अनुष्टुप्
उदिते विमले सूर्ये पुष्ये चाभ्यागतेऽहनि । अभिषेकाय रामस्य द्विजेन्द्रैरुपकल्पितम् ॥
udite vimale sūrye puṣye cābhyāgate'hani | abhiṣekāya rāmasya dvijendrairupakalpitam ||
English Translation
The best of brahmins had decided to perform the consecration ceremony after the bright Sun appeared in the sky when the Pushya star approached the karkataka lagna, which was the constellation at the time of Rama's birth.
VR 2.13.4 अनुष्टुप्
काञ्चना जलकुम्भाश्च भद्रपीठं स्वलंकृतम् । रामश्च सम्यगास्तीर्णो भास्वरा व्याघ्रचर्मणा ॥
kāñcanā jalakumbhāśca bhadrapīṭhaṃ svalaṃkṛtam | rāmaśca samyagāstīrṇo bhāsvarā vyāghracarmaṇā ||
VR 2.13.5 अनुष्टुप्
गङ्गायमुनयोः पुण्यात्संगमादाहृतं जलम् । याश्चान्याः सरितः पुण्या ह्रदाः कूपाः सरांसि च ॥
gaṅgāyamunayoḥ puṇyātsaṃgamādāhṛtaṃ jalam | yāścānyāḥ saritaḥ puṇyā hradāḥ kūpāḥ sarāṃsi ca ||
English Translation
Water had been fetched from the sacred confluence of Ganga and Yamuna, from other holy streams, wells, ponds and lakes, from rivers flowing eastward, westward, and zigzag, from rivers from all directions joined together. And from all the seas.
VR 2.13.6 अनुष्टुप्
प्राग्वाहाश्चोर्ध्ववाहाश्च तिर्यग्वाहाः समाहिताः । ताभ्यश्चैवाहृतं तोयं समुद्रेभ्यश्च सर्वशः ॥
prāgvāhāścordhvavāhāśca tiryagvāhāḥ samāhitāḥ | tābhyaścaivāhṛtaṃ toyaṃ samudrebhyaśca sarvaśaḥ ||
English Translation
Water had been fetched from the sacred confluence of Ganga and Yamuna, from other holy streams, wells, ponds and lakes, from rivers flowing eastward, westward, and zigzag, from rivers from all directions joined together. And from all the seas.
VR 2.13.7 उपजातिः
क्षौद्रं दधि घृतं लाजा दर्भाः सुमनसः पयः । सलाजाः क्षीरिभिश्छन्ना घटाः काञ्चनराजताः । पद्मोत्पलयुता भान्ति पूर्णाः परमवारिणा ॥
kṣaudraṃ dadhi ghṛtaṃ lājā darbhāḥ sumanasaḥ payaḥ | salājāḥ kṣīribhiśchannā ghaṭāḥ kāñcanarājatāḥ | padmotpalayutā bhānti pūrṇāḥ paramavāriṇā ||
English Translation
Gold and silver vessels filled with holy water and puffed corn, adorned with lotuses, water lilies and leaves from trees rich in sap shone.
VR 2.13.8 अनुष्टुप्
चन्द्रांशुविकचप्रख्यं पाण्डुरं रत्नभूषितम् । सज्जं तिष्ठति रामस्य वालव्यजनमुत्तमम् ॥
candrāṃśuvikacaprakhyaṃ pāṇḍuraṃ ratnabhūṣitam | sajjaṃ tiṣṭhati rāmasya vālavyajanamuttamam ||
English Translation
An excellent fan of yak's tail with a staff of gold studded with gems looking like diffused moonbeams was kept ready.
VR 2.13.9 अनुष्टुप्
चन्द्रमण्डलसंकाशमातपत्रं च पाण्डुरम् । सज्जं द्युतिकरं श्रीमदभिषेकपुरस्कृतम् ॥
candramaṇḍalasaṃkāśamātapatraṃ ca pāṇḍuram | sajjaṃ dyutikaraṃ śrīmadabhiṣekapuraskṛtam ||
English Translation
A lustrous pale white umbrella resembling the Moon's orb or the pole star was kept in front of the coronation pavilion.
VR 2.13.10 अनुष्टुप्
पाण्डुरश्च वृषः सज्जः पाण्डुराश्वश्च सुस्थितः । प्रस्रुतश्च गजः श्रीमानौपवाह्यः प्रतीक्षते ॥
pāṇḍuraśca vṛṣaḥ sajjaḥ pāṇḍurāśvaśca susthitaḥ | prasrutaśca gajaḥ śrīmānaupavāhyaḥ pratīkṣate ||
English Translation
A bull and a horse both pale white and a majestic elephant in rut worthy of royal ride stood waiting.
VR 2.13.11 अनुष्टुप्
अष्टौ कन्याश्च मङ्गल्याः सर्वाभरणभूषिताः । वादित्राणि च सर्वाणि बन्दिनश्च तथापरे ॥
aṣṭau kanyāśca maṅgalyāḥ sarvābharaṇabhūṣitāḥ | vāditrāṇi ca sarvāṇi bandinaśca tathāpare ||
English Translation
Eight auspicious maidens adorned with all types of ornaments, all sorts of musical instruments, panegyrists and others (were in waiting).
VR 2.13.12 अनुष्टुप्
इक्ष्वाकूणां यथा राज्ये संभ्रियेताभिषेचनम् । तथा जातीयामादाय राजपुत्राभिषेचनम् ॥
ikṣvākūṇāṃ yathā rājye saṃbhriyetābhiṣecanam | tathā jātīyāmādāya rājaputrābhiṣecanam ||
English Translation
And all musical instruments, bringing these and all other things necessary for the installation of the descendants of Ikşvāku, in accordance with the king's permission, the panegyrists and other persons were assembled there.
VR 2.13.13 अनुष्टुप्
ते राजवचनात्तत्र समवेता महीपतिम् । अपश्यन्तोऽब्रुवन्को नु राज्ञो नः प्रतिवेदयेत् ॥
te rājavacanāttatra samavetā mahīpatim | apaśyanto'bruvanko nu rājño naḥ prativedayet ||
VR 2.13.14 अनुष्टुप्
न पश्यामश्च राजानमुदितश्च दिवाकरः । यौवराज्याभिषेकश्च सज्जो रामस्य धीमतः ॥
na paśyāmaśca rājānamuditaśca divākaraḥ | yauvarājyābhiṣekaśca sajjo rāmasya dhīmataḥ ||
English Translation
Not finding the king present there, they began to speak amongst themselves;, “Who will intimate the king of our arrival? The Sun is up and we do not see the king amongst us as yet. All articles necessary for the installation of the intelligent Rāma are ready."
VR 2.13.15 अनुष्टुप्
इति तेषु ब्रुवाणेषु सार्वभौमान्महीपतीन् । अब्रवीत्तानिदं सर्वान्सुमन्त्रो राजसत्कृतः ॥
iti teṣu bruvāṇeṣu sārvabhaumānmahīpatīn | abravīttānidaṃ sarvānsumantro rājasatkṛtaḥ ||
English Translation
While they were thus conversing, the charioteer Sumantra, well respected by the king, reached there and spoke to all those persons and the kings the following words.
VR 2.13.16 अनुष्टुप्
अयं पृच्छामि वचनात्सुखमायुष्मतामहम् । राज्ञः संप्रतिबुद्धस्य यच्चागमनकारणम् ॥
ayaṃ pṛcchāmi vacanātsukhamāyuṣmatāmaham | rājñaḥ saṃpratibuddhasya yaccāgamanakāraṇam ||
English Translation
On your behalf I shall enquire from the king who is awake now about his welfare and the reason for calling me here.
VR 2.13.17 अनुष्टुप्
इत्युक्त्वान्तःपुरद्वारमाजगाम पुराणवित् । आशीर्भिर्गुणयुक्ताभिरभितुष्टाव राघवम् ॥
ityuktvāntaḥpuradvāramājagāma purāṇavit | āśīrbhirguṇayuktābhirabhituṣṭāva rāghavam ||
English Translation
Having said so, Sumantra who was versed in history and tradition approached the inner apartment which always remains closed.
VR 2.13.18 अनुष्टुप्
गता भगवती रात्रिरहः शिवमुपस्थितम् । बुध्यस्व नृपशार्दूल कुरु कार्यमनन्तरम् ॥
gatā bhagavatī rātrirahaḥ śivamupasthitam | budhyasva nṛpaśārdūla kuru kāryamanantaram ||
English Translation
The worshipful night is gone and blessed morn has arrived; arise, Oh! you great king, and perform morning ablutions.
VR 2.13.19 अनुष्टुप्
ब्राह्मणा बलमुख्याश्च नैगमाश्चागता नृप । दर्शनं प्रतिकाङ्क्षन्ते प्रतिबुध्यस्व राघव ॥
brāhmaṇā balamukhyāśca naigamāścāgatā nṛpa | darśanaṃ pratikāṅkṣante pratibudhyasva rāghava ||
English Translation
Brāhmaṇas, commanders and merchants are assembled at the palace gate, desirous of seeing you, do you therefore arise, Oh descendant of Raghu.
VR 2.13.20 अनुष्टुप्
स्तुवन्तं तं तदा सूतं सुमन्त्रं मन्त्रकोविदम् । प्रतिबुध्य ततो राजा इदं वचनमब्रवीत् ॥
stuvantaṃ taṃ tadā sūtaṃ sumantraṃ mantrakovidam | pratibudhya tato rājā idaṃ vacanamabravīt ||
English Translation
Perceiving from the voice that it was charioteer Sumantra versed in good counsels, who was thus eulogising, the king rose up from his bed and thus addressed him:
VR 2.13.21 अनुष्टुप्
न चैव संप्रसुतोऽहमानयेदाशु राघवम् । इति राजा दशरथः सूतं तत्रान्वशात्पुनः ॥
na caiva saṃprasuto'hamānayedāśu rāghavam | iti rājā daśarathaḥ sūtaṃ tatrānvaśātpunaḥ ||
English Translation
I did not sleep (last night). Bring Rama here at once, said king Dasaratha to the charioteer again.
VR 2.13.22 अनुष्टुप्
स राजवचनं श्रुत्वा शिरसा प्रतिपूज्य तम् । निर्जगाम नृपावासान्मन्यमानः प्रियं महत् ॥
sa rājavacanaṃ śrutvā śirasā pratipūjya tam | nirjagāma nṛpāvāsānmanyamānaḥ priyaṃ mahat ||
English Translation
At these words of the king, he offered his salutations by bowing his head and left the king's apartment, reflecting on the great happy event.
VR 2.13.23 अनुष्टुप्
प्रपन्नो राजमार्गं च पताका ध्वजशोभितम् । स सूतस्तत्र शुश्राव रामाधिकरणाः कथाः ॥
prapanno rājamārgaṃ ca patākā dhvajaśobhitam | sa sūtastatra śuśrāva rāmādhikaraṇāḥ kathāḥ ||
English Translation
The charioteer left cheerfully, happily looking at the highway bedecked with pennants and banners.
VR 2.13.24 अनुष्टुप्
ततो ददर्श रुचिरं कैलाससदृशप्रभम् । रामवेश्म सुमन्त्रस्तु शक्रवेश्मसमप्रभम् ॥
tato dadarśa ruciraṃ kailāsasadṛśaprabham | rāmaveśma sumantrastu śakraveśmasamaprabham ||
English Translation
Thereafter, Sumantra beheld the beautiful palace of Rama, resembling the abode of Indra or the peak of Kailasa in its splendour.
VR 2.13.25 अनुष्टुप्
महाकपाटपिहितं वितर्दिशतशोभितम् । काञ्चनप्रतिमैकाग्रं मणिविद्रुमतोरणम् ॥
mahākapāṭapihitaṃ vitardiśataśobhitam | kāñcanapratimaikāgraṃ maṇividrumatoraṇam ||
VR 2.13.26 अनुष्टुप्
शारदाभ्रघनप्रख्यं दीप्तं मेरुगुहोपमम् । दामभिर्वरमाल्यानां सुमहद्भिरलंकृतम् ॥
śāradābhraghanaprakhyaṃ dīptaṃ meruguhopamam | dāmabhirvaramālyānāṃ sumahadbhiralaṃkṛtam ||
VR 2.13.27 वंशस्थम्
स वाजियुक्तेन रथेन सारथि;र्नराकुलं राजकुलं विलोकयन् । ततः समासाद्य महाधनं मह;त्प्रहृष्टरोमा स बभूव सारथिः ॥
sa vājiyuktena rathena sārathi;rnarākulaṃ rājakulaṃ vilokayan | tataḥ samāsādya mahādhanaṃ maha;tprahṛṣṭaromā sa babhūva sārathiḥ ||
VR 2.13.28 वंशस्थम्
तदद्रिकूटाचलमेघसंनिभं; महाविमानोत्तमवेश्मसंघवत् । अवार्यमाणः प्रविवेश सारथिः; प्रभूतरत्नं मकरो यथार्णवम् ॥
tadadrikūṭācalameghasaṃnibhaṃ; mahāvimānottamaveśmasaṃghavat | avāryamāṇaḥ praviveśa sārathiḥ; prabhūtaratnaṃ makaro yathārṇavam ||
English Translation
He saw well adorned ministers dear to the king with horses, chariots and elephants; and leaving them all on either side, entered unprevented, like to the marine monster Makara entering the ocean containing many pearls and diamonds, the splendid apartment of the ladies, resembling the clouds that hover over the summit of the Hill Himadri, and having a number of beautiful houses comparing with great celestial cars. as
← Previous (Ch. 88) Full Table of Contents Next (Ch. 90) →