Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 14

Ayodhyākāṇḍa Sarga 14

अयोध्याकाण्डम् • सर्गः 14

Ayodhyākāṇḍa Sarga 14 of the classical Vālmīki Rāmāyaṇa with 27 verses.

Total: 27 Verses • Citations: VR 2.14.1–27 • 175 Lexicon Terms
VR 2.14.1 अनुष्टुप्
स तदन्तःपुरद्वारं समतीत्य जनाकुलम् । प्रविविक्तां ततः कक्ष्यामाससाद पुराणवित् ॥
sa tadantaḥpuradvāraṃ samatītya janākulam | praviviktāṃ tataḥ kakṣyāmāsasāda purāṇavit ||
English Translation
Sumantra, well versed in legends, after passing by the gateways crowded with people, reached the solitary apartment (of Rāma).
VR 2.14.2 अनुष्टुप्
प्रासकार्मुकबिभ्रद्भिर्युवभिर्मृष्टकुण्डलैः । अप्रमादिभिरेकाग्रैः स्वनुरक्तैरधिष्ठिताम् ॥
prāsakārmukabibhradbhiryuvabhirmṛṣṭakuṇḍalaiḥ | apramādibhirekāgraiḥ svanuraktairadhiṣṭhitām ||
English Translation
Having youthful warders, carrying dares and bows, wearing ear-rings, cautious, attentive and devoted and saw (seated at the gate) several old men commanding female warders, mindful of duty, wearing red cloths and excellent ornaments, and having rattans in their hands.
VR 2.14.3 अनुष्टुप्
तत्र काषायिणो वृद्धान्वेत्रपाणीन्स्वलंकृतान् । ददर्श विष्ठितान्द्वारि स्त्र्यध्यक्षान्सुसमाहितान् ॥
tatra kāṣāyiṇo vṛddhānvetrapāṇīnsvalaṃkṛtān | dadarśa viṣṭhitāndvāri stryadhyakṣānsusamāhitān ||
English Translation
Having youthful warders, carrying dares and bows, wearing ear-rings, cautious, attentive and devoted and saw (seated at the gate) several old men commanding female warders, mindful of duty, wearing red cloths and excellent ornaments, and having rattans in their hands.
VR 2.14.4 अनुष्टुप्
ते समीक्ष्य समायान्तं रामप्रियचिकीर्षवः । सहभार्याय रामाय क्षिप्रमेवाचचक्षिरे ॥
te samīkṣya samāyāntaṃ rāmapriyacikīrṣavaḥ | sahabhāryāya rāmāya kṣipramevācacakṣire ||
English Translation
They all seeing Sumantra, ever wishing good to Rāma, approach, rose suddenly up from their seats with due respect.
VR 2.14.5 अनुष्टुप्
प्रतिवेदितमाज्ञाय सूतमभ्यन्तरं पितुः । तत्रैवानाययामास राघवः प्रियकाम्यया ॥
prativeditamājñāya sūtamabhyantaraṃ pituḥ | tatraivānāyayāmāsa rāghavaḥ priyakāmyayā ||
English Translation
Rāma hearing of the arrival of his father's charioteer, ordered him to enter into the apartment, having his father's pleasure in view.
VR 2.14.6 अनुष्टुप्
तं वैश्रवणसंकाशमुपविष्टं स्वलंकृतम् । दादर्श सूतः पर्यङ्के सौवणो सोत्तरच्छदे ॥
taṃ vaiśravaṇasaṃkāśamupaviṣṭaṃ svalaṃkṛtam | dādarśa sūtaḥ paryaṅke sauvaṇo sottaracchade ||
English Translation
He (on entering) saw Rāma resembling Vaiśravaņa, will adorned and seated on a rolled sofa, with a beautiful coverlet on.
VR 2.14.7 अनुष्टुप्
वराहरुधिराभेण शुचिना च सुगन्धिना । अनुलिप्तं परार्ध्येन चन्दनेन परंतपम् ॥
varāharudhirābheṇa śucinā ca sugandhinā | anuliptaṃ parārdhyena candanena paraṃtapam ||
English Translation
Having his body sprinkled with holy and fragrant sandal of the best kind, red as the blood of a hog; and having by him Sītā with a chowry in her hand, like moon himself in the company of citra.
VR 2.14.8 अनुष्टुप्
स्थितया पार्श्वतश्चापि वालव्यजनहस्तया । उपेतं सीतया भूयश्चित्रया शशिनं यथा ॥
sthitayā pārśvataścāpi vālavyajanahastayā | upetaṃ sītayā bhūyaścitrayā śaśinaṃ yathā ||
English Translation
Having his body sprinkled with holy and fragrant sandal of the best kind, red as the blood of a hog; and having by him Sītā with a chowry in her hand, like moon himself in the company of citra.
VR 2.14.9 अनुष्टुप्
तं तपन्तमिवादित्यमुपपन्नं स्वतेजसा । ववन्दे वरदं बन्दी नियमज्ञो विनीतवत् ॥
taṃ tapantamivādityamupapannaṃ svatejasā | vavande varadaṃ bandī niyamajño vinītavat ||
English Translation
Whereupon Sumantra, acquainted with decorum, humbly saluted him (Rāma), the conferrer of great boons, and resplendent like the mid-day sun.
VR 2.14.10 अनुष्टुप्
प्राञ्जलिस्तु सुखं पृष्ट्वा विहारशयनासने । राजपुत्रमुवाचेदं सुमन्त्रो राजसत्कृतः ॥
prāñjalistu sukhaṃ pṛṣṭvā vihāraśayanāsane | rājaputramuvācedaṃ sumantro rājasatkṛtaḥ ||
English Translation
And he well honoured by the king, seeing the king's son seated on the sleeping sofa with a delighted countenance, spoke these words to him with clasped hands.
VR 2.14.11 अनुष्टुप्
कौसल्या सुप्रभा देव पिता त्वं द्रष्टुमिच्छति । महिष्या सह कैकेय्या गम्यतां तत्र माचिरम् ॥
kausalyā suprabhā deva pitā tvaṃ draṣṭumicchati | mahiṣyā saha kaikeyyā gamyatāṃ tatra māciram ||
English Translation
Oh, Rāma, great son of Kausalyā, your father and the queen Kaikeyi want to see you; so it behove you to go there without delay.
VR 2.14.12 अनुष्टुप्
एवमुक्तस्तु संहृष्टो नरसिंहो महाद्युतिः । ततः संमानयामास सीतामिदमुवाच ह ॥
evamuktastu saṃhṛṣṭo narasiṃho mahādyutiḥ | tataḥ saṃmānayāmāsa sītāmidamuvāca ha ||
English Translation
Being pleased with these words the mighty hero of great effulgence, honoured his father's behest and spoke to Sītā thus.
VR 2.14.13 अनुष्टुप्
देवि देवश्च देवी च समागम्य मदन्तरे । मन्त्रेयेते ध्रुवं किंचिदभिषेचनसंहितम् ॥
devi devaśca devī ca samāgamya madantare | mantreyete dhruvaṃ kiṃcidabhiṣecanasaṃhitam ||
English Translation
Oh, darling, doubt there is none that my father, going to Kaikeyi. is parleying with her regarding my installation.
VR 2.14.14 अनुष्टुप्
लक्षयित्वा ह्यभिप्रायं प्रियकामा सुदक्षिणा । संचोदयति राजानं मदर्थं मदिरेक्षणा ॥
lakṣayitvā hyabhiprāyaṃ priyakāmā sudakṣiṇā | saṃcodayati rājānaṃ madarthaṃ madirekṣaṇā ||
English Translation
Conceiving the king's intention that clever lady, of dark eyes and desirous of doing good to the king, that mother, the daughter of the king of Kekaya, pleased and intent upon king's welfare as will as upon that of mine, is hastening the monarch for my installation.
VR 2.14.15 अनुष्टुप्
यादृशी परिषत्तत्र तादृशो दूत आगतः । ध्रुवमद्यैव मां राजा यौवराज्येऽभिषेक्ष्यति ॥
yādṛśī pariṣattatra tādṛśo dūta āgataḥ | dhruvamadyaiva māṃ rājā yauvarājye'bhiṣekṣyati ||
English Translation
Worthy of the meeting at the inner apartment, the messenger has come, and I doubt not that the monarch shall install me to-day as the heirapparent of his throne.
VR 2.14.16 अनुष्टुप्
हन्त शीघ्रमितो गत्वा द्रक्ष्यामि च महीपतिः । सह त्वं परिवारेण सुखमास्स्व रमस्य च ॥
hanta śīghramito gatvā drakṣyāmi ca mahīpatiḥ | saha tvaṃ parivāreṇa sukhamāssva ramasya ca ||
English Translation
Therefore I shall speedily go hence and see my father. Do you remain and enjoy here the company of your friends.
VR 2.14.17 अनुष्टुप्
पतिसंमानिता सीता भर्तारमसितेक्षणा । आद्वारमनुवव्राज मङ्गलान्यभिदध्युषी ॥
patisaṃmānitā sītā bhartāramasitekṣaṇā | ādvāramanuvavrāja maṅgalānyabhidadhyuṣī ||
English Translation
Regarded by her husband, Sītā of dark eyes and intent upon her husband's welfare, followed him to the entrance and said.
VR 2.14.18 अनुष्टुप्
स सर्वानर्थिनो दृष्ट्वा समेत्य प्रतिनन्द्य च । ततः पावकसंकाशमारुरोह रथोत्तमम् ॥
sa sarvānarthino dṛṣṭvā sametya pratinandya ca | tataḥ pāvakasaṃkāśamāruroha rathottamam ||
English Translation
And met all his friends assembled at the middle apartment. Then that great son of the king, casting a glance upon them all who were present there to see him and pleasing them with sweet words ascended, like to the thousand-eyed Indra.
VR 2.14.19 अनुष्टुप्
मुष्णन्तमिव चक्षूंषि प्रभया हेमवर्चसम् । करेणुशिशुकल्पैश्च युक्तं परमवाजिभिः ॥
muṣṇantamiva cakṣūṃṣi prabhayā hemavarcasam | kareṇuśiśukalpaiśca yuktaṃ paramavājibhiḥ ||
VR 2.14.20 अनुष्टुप्
हरियुक्तं सहस्राक्षो रथमिन्द्र इवाशुगम् । प्रययौ तूर्णमास्थाय राघवो ज्वलितः श्रिया ॥
hariyuktaṃ sahasrākṣo rathamindra ivāśugam | prayayau tūrṇamāsthāya rāghavo jvalitaḥ śriyā ||
English Translation
The sound emanating from the chariot resembled the thunder. The spacious chariot was decorated with gold and gems which dazzled the eyes as though they shed the lustre of the Sun. The swiftmoving chariot was harnessed by excellent horses as if they were young elephants. Like the thousandeyed Indra, Rama, ablaze with royal splendour, mounted this chariot and sped away.
VR 2.14.21 अनुष्टुप्
स पर्जन्य इवाकाशे स्वनवानभिनादयन् । निकेतान्निर्ययौ श्रीमान्महाभ्रादिव चन्द्रमाः ॥
sa parjanya ivākāśe svanavānabhinādayan | niketānniryayau śrīmānmahābhrādiva candramāḥ ||
English Translation
The magnificent chariot, rumbling like a stormcloud in the sky, emerged from (Rama's) residence like the Moon peeping through a huge cloud.
VR 2.14.22 अनुष्टुप्
छत्रचामरपाणिस्तु लक्ष्मणो राघवानुजः । जुगोप भ्रातरं भ्राता रथमास्थाय पृष्ठतः ॥
chatracāmarapāṇistu lakṣmaṇo rāghavānujaḥ | jugopa bhrātaraṃ bhrātā rathamāsthāya pṛṣṭhataḥ ||
English Translation
Lakşmaņa, the younger brother of Rāghava, standing behind him on the car with a splendid Chowry in his hand, began to guard his body.
VR 2.14.23 अनुष्टुप्
ततो हलहलाशब्दस्तुमुलः समजायत । तस्य निष्क्रममाणस्य जनौघस्य समन्ततः ॥
tato halahalāśabdastumulaḥ samajāyata | tasya niṣkramamāṇasya janaughasya samantataḥ ||
English Translation
And there was caused a great tumult by the crowd gathering around on the issuing out of Rāma.
VR 2.14.24 उपजातिः
स राघवस्तत्र कथाप्रलापं; शुश्राव लोकस्य समागतस्य । आत्माधिकारा विविधाश्च वाचः; प्रहृष्टरूपस्य पुरे जनस्य ॥
sa rāghavastatra kathāpralāpaṃ; śuśrāva lokasya samāgatasya | ātmādhikārā vividhāśca vācaḥ; prahṛṣṭarūpasya pure janasya ||
English Translation
Rāghava then heard the people coming from different quarters and the well-pleased citizens, talking amongst themselves regarding him in the following strain.
VR 2.14.25 अनुष्टुप्
एष श्रियं गच्छति राघवोऽद्य; राजप्रसादाद्विपुलां गमिष्यन् । एते वयं सर्वसमृद्धकामा; येषामयं नो भविता प्रशास्ता । लाभो जनस्यास्य यदेष सर्वं; प्रपत्स्यते राष्ट्रमिदं चिराय ॥
eṣa śriyaṃ gacchati rāghavo'dya; rājaprasādādvipulāṃ gamiṣyan | ete vayaṃ sarvasamṛddhakāmā; yeṣāmayaṃ no bhavitā praśāstā | lābho janasyāsya yadeṣa sarvaṃ; prapatsyate rāṣṭramidaṃ cirāya ||
English Translation
This Rāghava going shall obtain through the grace of the king great wealth, and all our desires will be gratified when he will become our governor.
VR 2.14.26 वंशस्थम्
स घोषवद्भिश्च हयैः सनागैः; पुरःसरैः स्वस्तिकसूतमागधैः । महीयमानः प्रवरैश्च वादकै;रभिष्टुतो वैश्रवणो यथा ययौ ॥
sa ghoṣavadbhiśca hayaiḥ sanāgaiḥ; puraḥsaraiḥ svastikasūtamāgadhaiḥ | mahīyamānaḥ pravaraiśca vādakai;rabhiṣṭuto vaiśravaṇo yathā yayau ||
English Translation
Like to Vaisravana he began to proceed, being dignified by the horses and elephants going before sending forth great sound, and eulogised in various metres by persons singing his glory, by the panegyrists and by men tracing his noble ancestry.
VR 2.14.27 वंशस्थम्
करेणुमातङ्गरथाश्वसंकुलं; महाजनौघैः परिपूर्णचत्वरम् । प्रभूतरत्नं बहुपण्यसंचयं; ददर्श रामो रुचिरं महापथम् ॥
kareṇumātaṅgarathāśvasaṃkulaṃ; mahājanaughaiḥ paripūrṇacatvaram | prabhūtaratnaṃ bahupaṇyasaṃcayaṃ; dadarśa rāmo ruciraṃ mahāpatham ||
English Translation
He saw the courtyard thronged with young and old elephants, horses, chariots, and the high ways crowded all over with people, many pearls and various merchandises.
← Previous (Ch. 89) Full Table of Contents Next (Ch. 91) →