Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 9

Kiṣkindhākāṇḍa Sarga 9

किष्किन्धाकाण्डम् • सर्गः 9

Kiṣkindhākāṇḍa Sarga 9 of the classical Vālmīki Rāmāyaṇa with 24 verses.

Total: 24 Verses • Citations: VR 4.9.1–24 • 175 Lexicon Terms
VR 4.9.1 अनुष्टुप्
वाली नाम मम भ्राता ज्येष्ठः शत्रुनिषूदनः । पितुर्बहुमतो नित्यं मम चापि तथा पुरा ॥
vālī nāma mama bhrātā jyeṣṭhaḥ śatruniṣūdanaḥ | piturbahumato nityaṃ mama cāpi tathā purā ||
English Translation
My elder brother named Väli-destroyer of foes, was formerly highly, honoured both by my father and myself.
VR 4.9.2 अनुष्टुप्
पितर्युपरतेऽस्माकं ज्येष्ठोऽयमिति मन्त्रिभिः । कपीनामीश्वरो राज्ये कृतः परमसंमतः ॥
pitaryuparate'smākaṃ jyeṣṭho'yamiti mantribhiḥ | kapīnāmīśvaro rājye kṛtaḥ paramasaṃmataḥ ||
English Translation
At the death of our father, the counsellors, saying,-This is the eldest son', made him, who was well loved (of all), lord of the monkeys in the kingdom.
VR 4.9.3 अनुष्टुप्
राज्यं प्रशासतस्तस्य पितृपैतामहं महत् । अहं सर्वेषु कालेषु प्रणतः प्रेष्यवत्स्थितः ॥
rājyaṃ praśāsatastasya pitṛpaitāmahaṃ mahat | ahaṃ sarveṣu kāleṣu praṇataḥ preṣyavatsthitaḥ ||
English Translation
While he was governing the kingdom which had belonged to his father and grand-father, I, at all times, in humiliation, remained like a servant.
VR 4.9.4 अनुष्टुप्
मायावी नाम तेजस्वी पूर्वजो दुन्दुभेः सुतः । तेन तस्य महद्वैरं स्त्रीकृतं विश्रुतं पुरा ॥
māyāvī nāma tejasvī pūrvajo dundubheḥ sutaḥ | tena tasya mahadvairaṃ strīkṛtaṃ viśrutaṃ purā ||
English Translation
There was one endued with energy, named Māyāvi. He was the eldest son of Dunduvī. Formerly there arose a mighty hostility between himself and Vali.
VR 4.9.5 अनुष्टुप्
स तु सुप्ते जने रात्रौ किष्किन्धाद्वारमागतः । नर्दति स्म सुसंरब्धो वालिनं चाह्वयद्रणे ॥
sa tu supte jane rātrau kiṣkindhādvāramāgataḥ | nardati sma susaṃrabdho vālinaṃ cāhvayadraṇe ||
English Translation
It came to pass that one night when all had fallen asleep, (Māyāvi) coming to Kişkindhā, began to emit roars in great wrath, and challenged Väli to an encounter.
VR 4.9.6 अनुष्टुप्
प्रसुप्तस्तु मम भ्राता नर्दितं भैरवस्वनम् । श्रुत्वा न ममृषे वाली निष्पपात जवात्तदा ॥
prasuptastu mama bhrātā narditaṃ bhairavasvanam | śrutvā na mamṛṣe vālī niṣpapāta javāttadā ||
English Translation
My brother, who was fast asleep, hearing those dreadful yells, could not bear them; but at once rushed out vehemently.
VR 4.9.7 अनुष्टुप्
स तु वै निःसृतः क्रोधात्तं हन्तुमसुरोत्तमम् । वार्यमाणस्ततः स्त्रीभिर्मया च प्रणतात्मना ॥
sa tu vai niḥsṛtaḥ krodhāttaṃ hantumasurottamam | vāryamāṇastataḥ strībhirmayā ca praṇatātmanā ||
English Translation
And as he rushed out in wrath, for the purpose of slaying that foremost of Asuras, he was opposed by his wives as well as myself, who humbled himself before him.
VR 4.9.8 अनुष्टुप्
स तु निर्धूय सर्वान्नो निर्जगाम महाबलः । ततोऽहमपि सौहार्दान्निःसृतो वालिना सह ॥
sa tu nirdhūya sarvānno nirjagāma mahābalaḥ | tato'hamapi sauhārdānniḥsṛto vālinā saha ||
English Translation
But moving them aside, that exceedingly powerful one sallied out. Thereupon out of affection I also went out with Vāli.
VR 4.9.9 अनुष्टुप्
स तु मे भ्रातरं दृष्ट्वा मां च दूरादवस्थितम् । असुरो जातसंत्रासः प्रदुद्राव तदा भृशम् ॥
sa tu me bhrātaraṃ dṛṣṭvā māṃ ca dūrādavasthitam | asuro jātasaṃtrāsaḥ pradudrāva tadā bhṛśam ||
English Translation
And seeing my brother and me present from a distance, the Asura, seized with a panic, fled with speed.
VR 4.9.10 अनुष्टुप्
तस्मिन्द्रवति संत्रस्ते ह्यावां द्रुततरं गतौ । प्रकाशोऽपि कृतो मार्गश्चन्द्रेणोद्गच्छता तदा ॥
tasmindravati saṃtraste hyāvāṃ drutataraṃ gatau | prakāśo'pi kṛto mārgaścandreṇodgacchatā tadā ||
English Translation
And as he was rushing on in fear and when we had proceeded further, the moon arising, discovered the way.
VR 4.9.11 अनुष्टुप्
स तृणैरावृतं दुर्गं धरण्या विवरं महत् । प्रविवेशासुरो वेगादावामासाद्य विष्ठितौ ॥
sa tṛṇairāvṛtaṃ durgaṃ dharaṇyā vivaraṃ mahat | praviveśāsuro vegādāvāmāsādya viṣṭhitau ||
English Translation
And the Asura, coming by a capacious and impregnable hole covered with grass (on the surface), entered it amain; and we remained there.
VR 4.9.12 अनुष्टुप्
तं प्रविष्टं रिपुं दृष्ट्वा बिलं रोषवशं गतः । मामुवाच तदा वाली वचनं क्षुभितेन्द्रियः ॥
taṃ praviṣṭaṃ ripuṃ dṛṣṭvā bilaṃ roṣavaśaṃ gataḥ | māmuvāca tadā vālī vacanaṃ kṣubhitendriyaḥ ||
English Translation
Seeing his enemy enter the hole, Vāli, overcome by anger, and with his senses agitated, spoke to me, saying,
VR 4.9.13 अनुष्टुप्
इह त्वं तिष्ठ सुग्रीव बिलद्वारि समाहितः । यावदत्र प्रविश्याहं निहन्मि समरे रिपुम् ॥
iha tvaṃ tiṣṭha sugrīva biladvāri samāhitaḥ | yāvadatra praviśyāhaṃ nihanmi samare ripum ||
English Translation
Do you, O Sugriva, carefully stay at the mouth of the hole, while I entering in, slay my foe in battle.
VR 4.9.14 अनुष्टुप्
मया त्वेतद्वचः श्रुत्वा याचितः स परंतप । शापयित्वा च मां पद्भ्यां प्रविवेश बिलं तदा ॥
mayā tvetadvacaḥ śrutvā yācitaḥ sa paraṃtapa | śāpayitvā ca māṃ padbhyāṃ praviveśa bilaṃ tadā ||
English Translation
Hearing his speech, that subduer of foes was besought by me (for permission to enter the cave along with him). But making me swear by touching his feet he entered the cave.
VR 4.9.15 अनुष्टुप्
तस्य प्रविष्टस्य बिलं साग्रः संवत्सरो गतः । स्थितस्य च मम द्वारि स कालो व्यत्यवर्तत ॥
tasya praviṣṭasya bilaṃ sāgraḥ saṃvatsaro gataḥ | sthitasya ca mama dvāri sa kālo vyatyavartata ||
English Translation
After he had entered the cave, and as I remained at its mouth, a space of over a complete year rolled away.
VR 4.9.16 अनुष्टुप्
अहं तु नष्टं तं ज्ञात्वा स्नेहादागतसंभ्रमः । भ्रातरं न हि पश्यामि पापशङ्कि च मे मनः ॥
ahaṃ tu naṣṭaṃ taṃ jñātvā snehādāgatasaṃbhramaḥ | bhrātaraṃ na hi paśyāmi pāpaśaṅki ca me manaḥ ||
English Translation
And seized with sorrow (I reflected), 'As I do not see my brother, he must be lost—and my mind was alarmed, apprehending his death.
VR 4.9.17 अनुष्टुप्
अथ दीर्घस्य कालस्य बिलात्तस्माद्विनिःसृतम् । सफेनं रुधिरं रक्तमहं दृष्ट्वा सुदुःखितः ॥
atha dīrghasya kālasya bilāttasmādviniḥsṛtam | saphenaṃ rudhiraṃ raktamahaṃ dṛṣṭvā suduḥkhitaḥ ||
English Translation
After a long time, I saw frothy blood issuing from the cave. There at I was greatly aggrieved.
VR 4.9.18 अनुष्टुप्
नर्दतामसुराणां च ध्वनिर्मे श्रोत्रमागतः । निरस्तस्य च संग्रामे क्रोशतो निःस्वनो गुरोः ॥
nardatāmasurāṇāṃ ca dhvanirme śrotramāgataḥ | nirastasya ca saṃgrāme krośato niḥsvano guroḥ ||
English Translation
And roars of Asuras also reached my ears; but I could not hear the cries of my superior, engaged in conflict.
VR 4.9.19 उपजातिः
अहं त्ववगतो बुद्ध्या चिह्नैस्तैर्भ्रातरं हतम् । पिधाय च बिलद्वारं शिलया गिरिमात्रया । शोकार्तश्चोदकं कृत्वा किष्किन्धामागतः सखे ॥
ahaṃ tvavagato buddhyā cihnaistairbhrātaraṃ hatam | pidhāya ca biladvāraṃ śilayā girimātrayā | śokārtaścodakaṃ kṛtvā kiṣkindhāmāgataḥ sakhe ||
English Translation
And from these signs concluding my brother to be slain, I, closing the mouth of the cavern with a crag, huge as a hill, and afflicted with grief, after performing his watery rites, came (back) to Kiskindha, O my friend. And although I carefully concealed (the matter), the counsellors heard it all.
VR 4.9.20 अनुष्टुप्
गूहमानस्य मे तत्त्वं यत्नतो मन्त्रिभिः श्रुतम् । ततोऽहं तैः समागम्य समेतैरभिषेचितः ॥
gūhamānasya me tattvaṃ yatnato mantribhiḥ śrutam | tato'haṃ taiḥ samāgamya sametairabhiṣecitaḥ ||
VR 4.9.21 अनुष्टुप्
राज्यं प्रशासतस्तस्य न्यायतो मम राघव । आजगाम रिपुं हत्वा वाली तमसुरोत्तमम् ॥
rājyaṃ praśāsatastasya nyāyato mama rāghava | ājagāma ripuṃ hatvā vālī tamasurottamam ||
English Translation
'Then all the ministers assembled together and consecrated me. While I was ruling the kingdom lawfully, Vali, the monkey came back after killing the enemy demon.
VR 4.9.22 अनुष्टुप्
अभिषिक्तं तु मां दृष्ट्वा क्रोधात्संरक्तलोचनः । मदीयान्मन्त्रिणो बद्ध्वा परुषं वाक्यमब्रवीत् ॥
abhiṣiktaṃ tu māṃ dṛṣṭvā krodhātsaṃraktalocanaḥ | madīyānmantriṇo baddhvā paruṣaṃ vākyamabravīt ||
English Translation
'Seeing me on the throne, Vali became angry and his eyes turned red. He imprisoned my ministers and spoke to me harshly.
VR 4.9.23 अनुष्टुप्
निग्रहेऽपि समर्थस्य तं पापं प्रति राघव । न प्रावर्तत मे बुद्धिर्भ्रातृगौरवयन्त्रिता ॥
nigrahe'pi samarthasya taṃ pāpaṃ prati rāghava | na prāvartata me buddhirbhrātṛgauravayantritā ||
English Translation
'O Rama even though I was capable of restraining the sinner, my intellect did not let me do so out of respect for my brother.
VR 4.9.24 अनुष्टुप्
मानयंस्तं महात्मानं यथावच्चाभ्यवादयम् । उक्ताश्च नाशिषस्तेन संतुष्टेनान्तरात्मना ॥
mānayaṃstaṃ mahātmānaṃ yathāvaccābhyavādayam | uktāśca nāśiṣastena saṃtuṣṭenāntarātmanā ||
English Translation
Having slain his foe, he then entered his city; and I, honouring that high-souled one, duly saluted him. He withal did not with a glad heart utter his benediction.
← Previous (Ch. 266) Full Table of Contents Next (Ch. 268) →