Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 11

Kiṣkindhākāṇḍa Sarga 11

किष्किन्धाकाण्डम् • सर्गः 11

Kiṣkindhākāṇḍa Sarga 11 of the classical Vālmīki Rāmāyaṇa with 52 verses.

Total: 52 Verses • Citations: VR 4.11.1–52 • 175 Lexicon Terms • Page 2 of 2 (Verses 22 shown)
VR 4.11.31 अनुष्टुप्
तस्य तद्वचनं श्रुत्वा वानरेन्द्रस्य धीमतः । उवाच दुन्दुभिर्वाक्यं क्रोधात्संरक्तलोचनः ॥
tasya tadvacanaṃ śrutvā vānarendrasya dhīmataḥ | uvāca dundubhirvākyaṃ krodhātsaṃraktalocanaḥ ||
English Translation
Hearing those words of that intelligent lord of mountains Dundhubhi, with reddened eyes, said.
VR 4.11.32 अनुष्टुप्
न त्वं स्त्रीसंनिधौ वीर वचनं वक्तुमर्हसि । मम युद्धं प्रयच्छ त्वं ततो ज्ञास्यामि ते बलम् ॥
na tvaṃ strīsaṃnidhau vīra vacanaṃ vaktumarhasi | mama yuddhaṃ prayaccha tvaṃ tato jñāsyāmi te balam ||
English Translation
O hero, it becomes you not to speak thus before your wives. Do you enter into conflict with me and your prowess shall be ascertained thereafter.
VR 4.11.33 अनुष्टुप्
अथ वा धारयिष्यामि क्रोधमद्य निशामिमाम् । गृह्यतामुदयः स्वैरं कामभोगेषु वानर ॥
atha vā dhārayiṣyāmi krodhamadya niśāmimām | gṛhyatāmudayaḥ svairaṃ kāmabhogeṣu vānara ||
English Translation
Or I shall suppress my wrath for this night and do you, O monkey, enjoy till the rise of the Sun.
VR 4.11.34 अनुष्टुप्
यो हि मत्तं प्रमत्तं वा सुप्तं वा रहितं भृशम् । हन्यात्स भ्रूणहा लोके त्वद्विधं मदमोहितम् ॥
yo hi mattaṃ pramattaṃ vā suptaṃ vā rahitaṃ bhṛśam | hanyātsa bhrūṇahā loke tvadvidhaṃ madamohitam ||
English Translation
He, who destroyeth a person who is given up to drinking, reckless, emaciated and deprived of weapons, and one like you, sunk in the abyss of voluptuousness, committeth the sin consequent upon the destruction of an embryo,
VR 4.11.35 अनुष्टुप्
स प्रहस्याब्रवीन्मन्दं क्रोधात्तमसुरोत्तमम् । विसृज्य ताः स्त्रियः सर्वास्ताराप्रभृतिकास्तदा ॥
sa prahasyābravīnmandaṃ krodhāttamasurottamam | visṛjya tāḥ striyaḥ sarvāstārāprabhṛtikāstadā ||
English Translation
Where to replied Vāli, laughing, to that wicked lord of Asuras, leaving aside all his wives, headed by Tārā.
VR 4.11.36 अनुष्टुप्
मत्तोऽयमिति मा मंस्था यद्यभीतोऽसि संयुगे । मदोऽयं संप्रहारेऽस्मिन्वीरपानं समर्थ्यताम् ॥
matto'yamiti mā maṃsthā yadyabhīto'si saṃyuge | mado'yaṃ saṃprahāre'sminvīrapānaṃ samarthyatām ||
English Translation
If you are not afraid of fighting, do not consider me as one given up to drinking only. Do you regard this my attachment as a draught in this conflict, to be drunk by the heroes.
VR 4.11.37 अनुष्टुप्
तमेवमुक्त्वा संक्रुद्धो मालामुत्क्षिप्य काञ्चनीम् । पित्रा दत्तां महेन्द्रेण युद्धाय व्यवतिष्ठत ॥
tamevamuktvā saṃkruddho mālāmutkṣipya kāñcanīm | pitrā dattāṃ mahendreṇa yuddhāya vyavatiṣṭhata ||
English Translation
Saying this, Vāli, taking his golden garland, conferred on him by his father Mahendra, addressed himself for the conflict.
VR 4.11.38 अनुष्टुप्
विषाणयोर्गृहीत्वा तं दुन्दुभिं गिरिसंनिभम् । वाली व्यापातयां चक्रे ननर्द च महास्वनम् ॥
viṣāṇayorgṛhītvā taṃ dundubhiṃ girisaṃnibham | vālī vyāpātayāṃ cakre nanarda ca mahāsvanam ||
English Translation
Holding him by the horns, Vāli, that lord of monkeys, setting up a terrible roar, hurled Dundhubhi resembling a mountain.
VR 4.11.39 उपजातिः
युद्धे प्राणहरे तस्मिन्निष्पिष्टो दुन्दुभिस्तदा । श्रोत्राभ्यामथ रक्तं तु तस्य सुस्राव पात्यतः । पपात च महाकायः क्षितौ पञ्चत्वमागतः ॥
yuddhe prāṇahare tasminniṣpiṣṭo dundubhistadā | śrotrābhyāmatha raktaṃ tu tasya susrāva pātyataḥ | papāta ca mahākāyaḥ kṣitau pañcatvamāgataḥ ||
English Translation
There was a profusion of blood falling from the ears of that one crushed down. Thereupon that one of mighty arms fell down to the earth and breathed his last.
VR 4.11.40 अनुष्टुप्
तं तोलयित्वा बाहुभ्यां गतसत्त्वमचेतनम् । चिक्षेप वेगवान्वाली वेगेनैकेन योजनम् ॥
taṃ tolayitvā bāhubhyāṃ gatasattvamacetanam | cikṣepa vegavānvālī vegenaikena yojanam ||
English Translation
And taking up with his arms that lifeless one, the mighty Vāli hurled him with great force at distance of a Yojana.
VR 4.11.41 अनुष्टुप्
तस्य वेगप्रविद्धस्य वक्त्रात्क्षतजबिन्दवः । प्रपेतुर्मारुतोत्क्षिप्ता मतङ्गस्याश्रमं प्रति ॥
tasya vegapraviddhasya vaktrātkṣatajabindavaḥ | prapeturmārutotkṣiptā mataṅgasyāśramaṃ prati ||
English Translation
While thus thrown down by force, drops of blood, falling from his mouth, driven by the wind, fell upon the asylum of the great Saint Matanga.
VR 4.11.42 उपजातिः
तान्दृष्ट्वा पतितांस्तत्र मुनिः शोणितविप्रुषः । उत्ससर्ज महाशापं क्षेप्तारं वालिनं प्रति । इह तेनाप्रवेष्टव्यं प्रविष्टस्य बधो भवेत् ॥
tāndṛṣṭvā patitāṃstatra muniḥ śoṇitavipruṣaḥ | utsasarja mahāśāpaṃ kṣeptāraṃ vālinaṃ prati | iha tenāpraveṣṭavyaṃ praviṣṭasya badho bhavet ||
VR 4.11.43 अनुष्टुप्
स महर्षिं समासाद्य याचते स्म कृताञ्जलिः ॥
sa maharṣiṃ samāsādya yācate sma kṛtāñjaliḥ ||
English Translation
Hearing those words, Vāli approached that great ascetic and solicited him with folded hands.
VR 4.11.44 अनुष्टुप्
ततः शापभयाद्भीत ऋश्यमूकं महागिरिम् । प्रवेष्टुं नेच्छति हरिर्द्रष्टुं वापि नरेश्वर ॥
tataḥ śāpabhayādbhīta ṛśyamūkaṃ mahāgirim | praveṣṭuṃ necchati harirdraṣṭuṃ vāpi nareśvara ||
English Translation
O Lord of men, afraid of the curse that monkey chief purposed to repair to the mount Rş yamuka. Knowing for certain, O Rāma, that he shall not enter this forest, I have been living here with my ministers, devoid of fear and grief.
VR 4.11.45 अनुष्टुप्
तस्याप्रवेशं ज्ञात्वाहमिदं राम महावनम् । विचरामि सहामात्यो विषादेन विवर्जितः ॥
tasyāpraveśaṃ jñātvāhamidaṃ rāma mahāvanam | vicarāmi sahāmātyo viṣādena vivarjitaḥ ||
English Translation
O Lord of men, afraid of the curse that monkey chief purposed to repair to the mount Rş yamuka. Knowing for certain, O Rāma, that he shall not enter this forest, I have been living here with my ministers, devoid of fear and grief.
VR 4.11.46 अनुष्टुप्
एषोऽस्थिनिचयस्तस्य दुन्दुभेः संप्रकाशते । वीर्योत्सेकान्निरस्तस्य गिरिकूटनिभो महान् ॥
eṣo'sthinicayastasya dundubheḥ saṃprakāśate | vīryotsekānnirastasya girikūṭanibho mahān ||
English Translation
Here is the collection of Dundhuvi's bones, killed on account of his own haughtiness, resembling a huge mountain.
VR 4.11.47 अनुष्टुप्
इमे च विपुलाः सालाः सप्त शाखावलम्बिनः । यत्रैकं घटते वाली निष्पत्रयितुमोजसा ॥
ime ca vipulāḥ sālāḥ sapta śākhāvalambinaḥ | yatraikaṃ ghaṭate vālī niṣpatrayitumojasā ||
English Translation
These are the seven huge Sāla trees, clothed in branches, which Vāli could simultaneously divest of leaves by virtue of his prowess.
VR 4.11.48 अनुष्टुप्
एतदस्यासमं वीर्यं मया राम प्रकाशितम् । कथं तं वालिनं हन्तुं समरे शक्ष्यसे नृप ॥
etadasyāsamaṃ vīryaṃ mayā rāma prakāśitam | kathaṃ taṃ vālinaṃ hantuṃ samare śakṣyase nṛpa ||
English Translation
I have related to you, O Rāma, the incomparable prowess of his. Do you tell me now, O hero, how canst you destroy him in the conflict?
VR 4.11.49 अनुष्टुप्
यदि भिन्द्याद्भवान्सालानिमांस्त्वेकेषुणा ततः । जानीयां त्वां महाबाहो समर्थं वालिनो वधे ॥
yadi bhindyādbhavānsālānimāṃstvekeṣuṇā tataḥ | jānīyāṃ tvāṃ mahābāho samarthaṃ vālino vadhe ||
VR 4.11.50 उपजातिः
तस्य तद्वचनं श्रुत्वा सुग्रीवस्य महात्मनः । राघवो दुन्दुभेः कायं पादाङ्गुष्ठेन लीलया । तोलयित्वा महाबाहुश्चिक्षेप दशयोजनम् ॥
tasya tadvacanaṃ śrutvā sugrīvasya mahātmanaḥ | rāghavo dundubheḥ kāyaṃ pādāṅguṣṭhena līlayā | tolayitvā mahābāhuścikṣepa daśayojanam ||
English Translation
Having thus addressed Sugrīva and consoling him, the highly powerful Raghava, of mighty arms-Laksmana's elder brother, lifting up easily with his thumb the dried frame of that Asura-Dundhubhi-hurled it at a distance of ten Yojanas.
VR 4.11.51 अनुष्टुप्
क्षिप्तं दृष्ट्वा ततः कायं सुग्रीवः पुनरब्रवीत् । लक्ष्मणस्याग्रतो राममिदं वचनमर्थवत् ॥
kṣiptaṃ dṛṣṭvā tataḥ kāyaṃ sugrīvaḥ punarabravīt | lakṣmaṇasyāgrato rāmamidaṃ vacanamarthavat ||
English Translation
Beholding that Asura's body thrown thus, Sugrīva, again addressed to the heroic Rāma, before Lakşmaņa and the monkey herd, the following pregnant words.
VR 4.11.52 उपजातिः
आर्द्रः समांसप्रत्यग्रः क्षिप्तः कायः पुरा सखे । लघुः संप्रति निर्मांसस्तृणभूतश्च राघव । नात्र शक्यं बलं ज्ञातुं तव वा तस्य वाधिकम् ॥
ārdraḥ samāṃsapratyagraḥ kṣiptaḥ kāyaḥ purā sakhe | laghuḥ saṃprati nirmāṃsastṛṇabhūtaśca rāghava | nātra śakyaṃ balaṃ jñātuṃ tava vā tasya vādhikam ||
English Translation
'O friend, when Vali my brother flung the body, he was tired and intoxicated and the body was fresh with flesh (meaning heavy), but now, O Delight of the Raghu race, it is fleshless and light like a bunch of (dry) grass (for) which you could throw it playfully.
← Previous (Ch. 268) Full Table of Contents Next (Ch. 270) →