Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 31

Kiṣkindhākāṇḍa Sarga 31

किष्किन्धाकाण्डम् • सर्गः 31

Kiṣkindhākāṇḍa Sarga 31 of the classical Vālmīki Rāmāyaṇa with 22 verses.

Total: 22 Verses • Citations: VR 4.31.1–22 • 175 Lexicon Terms
VR 4.31.1 अनुष्टुप्
अङ्गदस्य वचः श्रुत्वा सुग्रीवः सचिवैः सह । लक्ष्मणं कुपितं श्रुत्वा मुमोचासनमात्मवान् ॥
aṅgadasya vacaḥ śrutvā sugrīvaḥ sacivaiḥ saha | lakṣmaṇaṃ kupitaṃ śrutvā mumocāsanamātmavān ||
English Translation
Hearing the words of Angada as well as of Laksmana's wrath, the self-controlled Sugriva along with his counsellors, left his seat.
VR 4.31.2 अनुष्टुप्
सचिवानब्रवीद्वाक्यं निश्चित्य गुरुलाघवम् । मन्त्रज्ञान्मन्त्रकुशलो मन्त्रेषु परिनिष्ठितः ॥
sacivānabravīdvākyaṃ niścitya gurulāghavam | mantrajñānmantrakuśalo mantreṣu pariniṣṭhitaḥ ||
English Translation
Ascertaining the weight and lightness of the present occasion, that one, expert in counsels and abiding by their advice spoke to the expert counsellors, saying.
VR 4.31.3 अनुष्टुप्
न मे दुर्व्याहृतं किंचिन्नापि मे दुरनुष्ठितम् । लक्ष्मणो राघवभ्राता क्रुद्धः किमिति चिन्तये ॥
na me durvyāhṛtaṃ kiṃcinnāpi me duranuṣṭhitam | lakṣmaṇo rāghavabhrātā kruddhaḥ kimiti cintaye ||
English Translation
I have not done him any wrong, nor have I spoken to him any improper word. I do not know why Rāghava's brother Laksmana has become offended with me.
VR 4.31.4 अनुष्टुप्
असुहृद्भिर्ममामित्रैर्नित्यमन्तरदर्शिभिः । मम दोषानसंभूताञ्श्रावितो राघवानुजः ॥
asuhṛdbhirmamāmitrairnityamantaradarśibhiḥ | mama doṣānasaṃbhūtāñśrāvito rāghavānujaḥ ||
English Translation
Lakşmaņa has been falsely apprised of my imaginary weakness by my enemies, always looking to my dark sides.
VR 4.31.5 अनुष्टुप्
अत्र तावद्यथाबुद्धि सर्वैरेव यथाविधि । भवद्भिर्निश्चयस्तस्य विज्ञेयो निपुणं शनैः ॥
atra tāvadyathābuddhi sarvaireva yathāvidhi | bhavadbhirniścayastasya vijñeyo nipuṇaṃ śanaiḥ ||
English Translation
It behoveth you all, to ascertain now speedily according to your knowledge and right understanding (the cause of Laksmana's wrath).
VR 4.31.6 अनुष्टुप्
न खल्वस्ति मम त्रासो लक्ष्मणान्नापि राघवात् । मित्रं त्वस्थान कुपितं जनयत्येव संभ्रमम् ॥
na khalvasti mama trāso lakṣmaṇānnāpi rāghavāt | mitraṃ tvasthāna kupitaṃ janayatyeva saṃbhramam ||
English Translation
I do not fear Lakşmaņa or Rāghava; but friends enraged without any cause do invariable produce fear.
VR 4.31.7 अनुष्टुप्
सर्वथा सुकरं मित्रं दुष्करं परिपालनम् । अनित्यत्वात्तु चित्तानां प्रीतिरल्पेऽपि भिद्यते ॥
sarvathā sukaraṃ mitraṃ duṣkaraṃ paripālanam | anityatvāttu cittānāṃ prītiralpe'pi bhidyate ||
English Translation
It is easy to contract friendship but very difficult to sustain it; for owing to the fickleness of our minds, a very slight cause bring about separation.
VR 4.31.8 अनुष्टुप्
अतोनिमित्तं त्रस्तोऽहं रामेण तु महात्मना । यन्ममोपकृतं शक्यं प्रतिकर्तुं न तन्मया ॥
atonimittaṃ trasto'haṃ rāmeṇa tu mahātmanā | yanmamopakṛtaṃ śakyaṃ pratikartuṃ na tanmayā ||
English Translation
I have not done him any good proportionate to what the high-souled Rāma had done for me; and it is for this reason that I am afraid of him.
VR 4.31.9 अनुष्टुप्
सुग्रीवेणैवमुक्तस्तु हनुमान्हरिपुंगवः । उवाच स्वेन तर्केण मध्ये वानरमन्त्रिणाम् ॥
sugrīveṇaivamuktastu hanumānharipuṃgavaḥ | uvāca svena tarkeṇa madhye vānaramantriṇām ||
English Translation
Being thus addressed by Sugrīva-Hanumān, the foremost of monkey-counsellors spoke, according to his own understanding, saying.
VR 4.31.10 अनुष्टुप्
सर्वथा नैतदाश्चर्यं यत्त्वं हरिगणेश्वर । न विस्मरसि सुस्निग्धमुपकारकृतं शुभम् ॥
sarvathā naitadāścaryaṃ yattvaṃ harigaṇeśvara | na vismarasi susnigdhamupakārakṛtaṃ śubham ||
English Translation
It is no wonder, O lord of monkeys, that you had not forgot the unexpected benefit, (you hadst received at the hands of Rāma).
VR 4.31.11 अनुष्टुप्
राघवेण तु शूरेण भयमुत्सृज्य दूरतः । त्वत्प्रियार्थं हतो वाली शक्रतुल्यपराक्रमः ॥
rāghaveṇa tu śūreṇa bhayamutsṛjya dūrataḥ | tvatpriyārthaṃ hato vālī śakratulyaparākramaḥ ||
English Translation
'To remove your fear and to please you, the great hero Rama has killed Vali, an equal to Indra in valour.
VR 4.31.12 अनुष्टुप्
सर्वथा प्रणयात्क्रुद्धो राघवो नात्र संशयः । भ्रातरं स प्रहितवाँल्लक्ष्मणं लक्ष्मिवर्धनम् ॥
sarvathā praṇayātkruddho rāghavo nātra saṃśayaḥ | bhrātaraṃ sa prahitavām̐llakṣmaṇaṃ lakṣmivardhanam ||
English Translation
To encompass your well-being, Vali, powerful as the Lord of celestials, was fearlessly destroyed by the heroic Rāghava. There is not the least doubt, that Rāghava, out of love, is enraged with you, and has despatched his younger brother Lakşmaņa, the enhancer of prosperity.
VR 4.31.13 अनुष्टुप्
त्वं प्रमत्तो न जानीषे कालं कलविदां वर । फुल्लसप्तच्छदश्यामा प्रवृत्ता तु शरच्छिवा ॥
tvaṃ pramatto na jānīṣe kālaṃ kalavidāṃ vara | phullasaptacchadaśyāmā pravṛttā tu śaracchivā ||
English Translation
O you foremost of those conversant with time, the auspicious autumn, green with Saptchada flowers, has set in and you, given up to enjoyments, does not perceive it.
VR 4.31.14 अनुष्टुप्
निर्मल ग्रहनक्षत्रा द्यौः प्रनष्टबलाहका । प्रसन्नाश्च दिशः सर्वाः सरितश्च सरांसि च ॥
nirmala grahanakṣatrā dyauḥ pranaṣṭabalāhakā | prasannāśca diśaḥ sarvāḥ saritaśca sarāṃsi ca ||
English Translation
The sky, having the clouds removed, is full of clear stars and planets. The quarters, the ponds and rivers are all clear.
VR 4.31.15 अनुष्टुप्
प्राप्तमुद्योगकालं तु नावैषि हरिपुंगव । त्वं प्रमत्त इति व्यक्तं लक्ष्मणोऽयमिहागतः ॥
prāptamudyogakālaṃ tu nāvaiṣi haripuṃgava | tvaṃ pramatta iti vyaktaṃ lakṣmaṇo'yamihāgataḥ ||
English Translation
O best of monkeys, finding you forgetful, Lakṣmaṇa has come here to inform you that the proper time has arrived.
VR 4.31.16 अनुष्टुप्
आर्तस्य हृतदारस्य परुषं पुरुषान्तरात् । वचनं मर्षणीयं ते राघवस्य महात्मनः ॥
ārtasya hṛtadārasya paruṣaṃ puruṣāntarāt | vacanaṃ marṣaṇīyaṃ te rāghavasya mahātmanaḥ ||
English Translation
Do you patiently hear all these harsh words of the high-souled Rāma, racked with sorrow and separated from his spouse, which Laksmana, shall relate to you.
VR 4.31.17 अनुष्टुप्
कृतापराधस्य हि ते नान्यत्पश्याम्यहं क्षमम् । अन्तरेणाञ्जलिं बद्ध्वा लक्ष्मणस्य प्रसादनात् ॥
kṛtāparādhasya hi te nānyatpaśyāmyahaṃ kṣamam | antareṇāñjaliṃ baddhvā lakṣmaṇasya prasādanāt ||
English Translation
You have acted improperly towards him, and I do not find any thing tending to your welfare but your satisfying Lakşmana with folded hands.
VR 4.31.18 अनुष्टुप्
नियुक्तैर्मन्त्रिभिर्वाच्यो अवश्यं पार्थिवो हितम् । अत एव भयं त्यक्त्वा ब्रवीम्यवधृतं वचः ॥
niyuktairmantribhirvācyo avaśyaṃ pārthivo hitam | ata eva bhayaṃ tyaktvā bravīmyavadhṛtaṃ vacaḥ ||
English Translation
The kings should be addressed with auspicious words by their counsellors always ministering to them proper counsels. And it is for this reason, I am addressing you with these sound words.
VR 4.31.19 अनुष्टुप्
अभिक्रुद्धः समर्थो हि चापमुद्यम्य राघवः । सदेवासुरगन्धर्वं वशे स्थापयितुं जगत् ॥
abhikruddhaḥ samartho hi cāpamudyamya rāghavaḥ | sadevāsuragandharvaṃ vaśe sthāpayituṃ jagat ||
English Translation
Rāghava, taking up his bow, while enraged, can bring under subjection the entire world, inhabited by by the celestials, Asuras and Gandharvas.
VR 4.31.20 अनुष्टुप्
न स क्षमः कोपयितुं यः प्रसाद्य पुनर्भवेत् । पूर्वोपकारं स्मरता कृतज्ञेन विशेषतः ॥
na sa kṣamaḥ kopayituṃ yaḥ prasādya punarbhavet | pūrvopakāraṃ smaratā kṛtajñena viśeṣataḥ ||
English Translation
Remembering his former service, it does not behove you, grateful as you are, to excite his wrath, who should be pleased again.
VR 4.31.21 अनुष्टुप्
तस्य मूर्ध्ना प्रणम्य त्वं सपुत्रः ससुहृज्जनः । राजंस्तिष्ठ स्वसमये भर्तुर्भार्येव तद्वशे ॥
tasya mūrdhnā praṇamya tvaṃ saputraḥ sasuhṛjjanaḥ | rājaṃstiṣṭha svasamaye bharturbhāryeva tadvaśe ||
English Translation
Bowing to him, with your children and friends, do you, O king, satisfying your promise, seek his shelter like to a wife placing herself under the control of her husband.
VR 4.31.22 वंशस्थम्
न रामरामानुजशासनं त्वया; कपीन्द्रयुक्तं मनसाप्यपोहितुम् । मनो हि ते ज्ञास्यति मानुषं बलं; सराघवस्यास्य सुरेन्द्रवर्चसः ॥
na rāmarāmānujaśāsanaṃ tvayā; kapīndrayuktaṃ manasāpyapohitum | mano hi te jñāsyati mānuṣaṃ balaṃ; sarāghavasyāsya surendravarcasaḥ ||
English Translation
O lord of monkeys, it does not behove you, to neglect even in thought, the behests of Rāma and his younger brother; for you are fully aware of the prowess of Rāghava like to the lord of celestials, and passing human power.
← Previous (Ch. 288) Full Table of Contents Next (Ch. 290) →