Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 32

Kiṣkindhākāṇḍa Sarga 32

किष्किन्धाकाण्डम् • सर्गः 32

Kiṣkindhākāṇḍa Sarga 32 of the classical Vālmīki Rāmāyaṇa with 27 verses.

Total: 27 Verses • Citations: VR 4.32.1–27 • 175 Lexicon Terms
VR 4.32.1 अनुष्टुप्
अथ प्रतिसमादिष्टो लक्ष्मणः परवीरहा । प्रविवेश गुहां घोरां किष्किन्धां रामशासनात् ॥
atha pratisamādiṣṭo lakṣmaṇaḥ paravīrahā | praviveśa guhāṃ ghorāṃ kiṣkindhāṃ rāmaśāsanāt ||
English Translation
Thereupon, Laksmana, the slayer of foes, commanded, entered, at the behest of Rāma, the pleasant city of Kişkindhā situated in the centre of caves.
VR 4.32.2 अनुष्टुप्
द्वारस्था हरयस्तत्र महाकाया महाबलाः । बभूवुर्लक्ष्मणं दृष्ट्वा सर्वे प्राञ्जलयः स्थिताः ॥
dvārasthā harayastatra mahākāyā mahābalāḥ | babhūvurlakṣmaṇaṃ dṛṣṭvā sarve prāñjalayaḥ sthitāḥ ||
English Translation
Beholding Lakşınaņa, the highly powerful monkeys, having huge persons and waiting at the gate, stood all with folded hands.
VR 4.32.3 अनुष्टुप्
निःश्वसन्तं तु तं दृष्ट्वा क्रुद्धं दशरथात्मजम् । बभूवुर्हरयस्त्रस्ता न चैनं पर्यवारयन् ॥
niḥśvasantaṃ tu taṃ dṛṣṭvā kruddhaṃ daśarathātmajam | babhūvurharayastrastā na cainaṃ paryavārayan ||
English Translation
And seeing Dasaratha's son highly enraged and sighing again and again, the monkeys stood silent and did not interrupt him.
VR 4.32.4 अनुष्टुप्
स तं रत्नमयीं श्रीमान्दिव्यां पुष्पितकाननाम् । रम्यां रत्नसमाकीर्णां ददर्श महतीं गुहाम् ॥
sa taṃ ratnamayīṃ śrīmāndivyāṃ puṣpitakānanām | ramyāṃ ratnasamākīrṇāṃ dadarśa mahatīṃ guhām ||
English Translation
Lakshmana, the bestower of fortune, saw the mammoth cave inlaid with gems and precious stones and forests full of delightful flowers.
VR 4.32.5 अनुष्टुप्
हर्म्यप्रासादसंबाधां नानापण्योपशोभिताम् । सर्वकामफलैर्वृक्षैः पुष्पितैरुपशोभिताम् ॥
harmyaprāsādasaṃbādhāṃ nānāpaṇyopaśobhitām | sarvakāmaphalairvṛkṣaiḥ puṣpitairupaśobhitām ||
English Translation
The palace was thronged with elevated mansions and illumined with jewels of all kinds. The trees were in bloom and the fruits satisfied every one's wish.It was splendid.
VR 4.32.6 अनुष्टुप्
देवगन्धर्वपुत्रैश्च वानरैः कामरूपिभिः । दिव्य माल्याम्बरधारैः शोभितां प्रियदर्शनैः ॥
devagandharvaputraiśca vānaraiḥ kāmarūpibhiḥ | divya mālyāmbaradhāraiḥ śobhitāṃ priyadarśanaiḥ ||
English Translation
The inhabitants of Kishkinda being sons of gods and gandharvas, were of beautiful appearance wearing wonderful garlands. They could change their form at their free will. They were delightful.
VR 4.32.7 अनुष्टुप्
चन्दनागरुपद्मानां गन्धैः सुरभिगन्धिनाम् । मैरेयाणां मधूनां च संमोदितमहापथाम् ॥
candanāgarupadmānāṃ gandhaiḥ surabhigandhinām | maireyāṇāṃ madhūnāṃ ca saṃmoditamahāpathām ||
English Translation
It was fragrant with the sweet smell of sandal wood, Aguru and lotuses and its highway were equally fragrant with the smell of honey.
VR 4.32.8 अनुष्टुप्
विन्ध्यमेरुगिरिप्रस्थैः प्रासादैर्नैकभूमिभिः । ददर्श गिरिनद्यश्च विमलास्तत्र राघवः ॥
vindhyamerugiriprasthaiḥ prāsādairnaikabhūmibhiḥ | dadarśa girinadyaśca vimalāstatra rāghavaḥ ||
English Translation
And Lakşmaņa beheld there many spacious buildings like to the hills Vindhya and Meru and rivers of clear water.
VR 4.32.9 अनुष्टुप्
अङ्गदस्य गृहं रम्यं मैन्दस्य द्विविदस्य च । गवयस्य गवाक्षस्य गजस्य शरभस्य च ॥
aṅgadasya gṛhaṃ ramyaṃ maindasya dvividasya ca | gavayasya gavākṣasya gajasya śarabhasya ca ||
VR 4.32.10 अनुष्टुप्
विद्युन्मालेश्च संपातेः सूर्याक्षस्य हनूमतः । वीरबाहोः सुबाहोश्च नलस्य च महात्मनः ॥
vidyunmāleśca saṃpāteḥ sūryākṣasya hanūmataḥ | vīrabāhoḥ subāhośca nalasya ca mahātmanaḥ ||
VR 4.32.11 अनुष्टुप्
कुमुदस्य सुषेणस्य तारजाम्बवतोस्तथा । दधिवक्त्रस्य नीलस्य सुपाटलसुनेत्रयोः ॥
kumudasya suṣeṇasya tārajāmbavatostathā | dadhivaktrasya nīlasya supāṭalasunetrayoḥ ||
VR 4.32.12 अनुष्टुप्
एतेषां कपिमुख्यानां राजमार्गे महात्मनाम् । ददर्श गृहमुख्यानि महासाराणि लक्ष्मणः ॥
eteṣāṃ kapimukhyānāṃ rājamārge mahātmanām | dadarśa gṛhamukhyāni mahāsārāṇi lakṣmaṇaḥ ||
VR 4.32.13 अनुष्टुप्
पाण्डुराभ्रप्रकाशानि दिव्यमाल्ययुतानि च । प्रभूतधनधान्यानि स्त्रीरत्नैः शोभितानि च ॥
pāṇḍurābhraprakāśāni divyamālyayutāni ca | prabhūtadhanadhānyāni strīratnaiḥ śobhitāni ca ||
English Translation
These homes were shining like white clouds, with wonderful garlands hung on, filled with abundance of wealth, grains and best of females.
VR 4.32.14 अनुष्टुप्
पाण्डुरेण तु शैलेन परिक्षिप्तं दुरासदम् । वानरेन्द्रगृहं रम्यं महेन्द्रसदनोपमम् ॥
pāṇḍureṇa tu śailena parikṣiptaṃ durāsadam | vānarendragṛhaṃ ramyaṃ mahendrasadanopamam ||
VR 4.32.15 अनुष्टुप्
शुल्कैः प्रासादशिखरैः कैलासशिखरोपमैः । सर्वकामफलैर्वृक्षैः पुष्टितैरुपशोभितम् ॥
śulkaiḥ prāsādaśikharaiḥ kailāsaśikharopamaiḥ | sarvakāmaphalairvṛkṣaiḥ puṣṭitairupaśobhitam ||
English Translation
The palace was thronged with elevated mansions and illumined with jewels of all kinds. The trees were in bloom and the fruits satisfied every one's wish.It was splendid.
VR 4.32.16 अनुष्टुप्
महेन्द्रदत्तैः श्रीमद्भिर्नीलजीमूतसंनिभैः । दिव्यपुष्पफलैर्वृक्षैः शीतच्छायैर्मनोरमैः ॥
mahendradattaiḥ śrīmadbhirnīlajīmūtasaṃnibhaiḥ | divyapuṣpaphalairvṛkṣaiḥ śītacchāyairmanoramaiḥ ||
VR 4.32.17 अनुष्टुप्
हरिभिः संवृतद्वारं बलिभिः शस्त्रपाणिभिः । दिव्यमाल्यावृतं शुभ्रं तप्तकाञ्चनतोरणम् ॥
haribhiḥ saṃvṛtadvāraṃ balibhiḥ śastrapāṇibhiḥ | divyamālyāvṛtaṃ śubhraṃ taptakāñcanatoraṇam ||
VR 4.32.18 अनुष्टुप्
सुग्रीवस्य गृहं रम्यं प्रविवेश महाबलः । अवार्यमाणः सौमित्रिर्महाभ्रमिव भास्करः ॥
sugrīvasya gṛhaṃ ramyaṃ praviveśa mahābalaḥ | avāryamāṇaḥ saumitrirmahābhramiva bhāskaraḥ ||
VR 4.32.19 अनुष्टुप्
स सप्त कक्ष्या धर्मात्मा यानासनसमावृताः । प्रविश्य सुमहद्गुप्तं ददर्शान्तःपुरं महत् ॥
sa sapta kakṣyā dharmātmā yānāsanasamāvṛtāḥ | praviśya sumahadguptaṃ dadarśāntaḥpuraṃ mahat ||
English Translation
And that virtuous-souled one, crossing the seven rooms filled with conveyances and seats beheld the secret apartment (of that monkeychief), having many a gold and silver bed-steads with excellent coverlets and fine seats.
VR 4.32.20 अनुष्टुप्
हैमराजतपर्यङ्कैर्बहुभिश्च वरासनैः । महार्हास्तरणोपेतैस्तत्र तत्रोपशोभितम् ॥
haimarājataparyaṅkairbahubhiśca varāsanaiḥ | mahārhāstaraṇopetaistatra tatropaśobhitam ||
English Translation
Righteous Lakshmana crossed the seven enclosures filled with different kinds of people and saw a great harem full of several bright gold and silver cots, excellent seats here and there with best of cushions spread.
VR 4.32.21 अनुष्टुप्
प्रविशन्नेव सततं शुश्राव मधुरस्वरम् । तन्त्रीगीतसमाकीर्णं समगीतपदाक्षरम् ॥
praviśanneva satataṃ śuśrāva madhurasvaram | tantrīgītasamākīrṇaṃ samagītapadākṣaram ||
English Translation
No sooner had he entered the inner apartment than he heard a musical sound, well-measured and accompanied by the music of the stringed instrument.
VR 4.32.22 अनुष्टुप्
बह्वीश्च विविधाकारा रूपयौवनगर्विताः । स्त्रियः सुग्रीवभवने ददर्श स महाबलः ॥
bahvīśca vividhākārā rūpayauvanagarvitāḥ | striyaḥ sugrīvabhavane dadarśa sa mahābalaḥ ||
English Translation
And that highly powerful one beheld in the abode of Sugrīva many a beautiful damsel proud of their youth and beauty sprung from respectable families, adorned with splendid ornaments, engaged in stringing excellent garlands.
VR 4.32.23 अनुष्टुप्
दृष्ट्वाभिजनसंपन्नाश्चित्रमाल्यकृतस्रजः । वरमाल्यकृतव्यग्रा भूषणोत्तमभूषिताः ॥
dṛṣṭvābhijanasaṃpannāścitramālyakṛtasrajaḥ | varamālyakṛtavyagrā bhūṣaṇottamabhūṣitāḥ ||
English Translation
Lakshmana saw women with a good lineage adorned with colourful flower garlands and choicest ornaments engaged in making garlands and arranging fruits. He also saw at Sugriva's palace attendants, gentle, welldressed, contented and not too busy.
VR 4.32.24 अनुष्टुप्
नातृप्तान्नाति च व्यग्रान्नानुदात्तपरिच्छदान् । सुग्रीवानुचरांश्चापि लक्षयामास लक्ष्मणः ॥
nātṛptānnāti ca vyagrānnānudāttaparicchadān | sugrīvānucarāṃścāpi lakṣayāmāsa lakṣmaṇaḥ ||
English Translation
And he observed Sugrīva's servants, well fed, contented, not hurry in offering their services and without splendid ornaments.
VR 4.32.25 अनुष्टुप्
ततः सुग्रीवमासीनं काञ्चने परमासने । महार्हास्तरणोपेते ददर्शादित्यसंनिभम् ॥
tataḥ sugrīvamāsīnaṃ kāñcane paramāsane | mahārhāstaraṇopete dadarśādityasaṃnibham ||
English Translation
There seated on a superb seat spread with a costly carpet, he found Sugrīva resembling the sun himself, his person decked with noble ornaments, of a dignified presence, famous, wearing gay garlands and attire, invincible like to the great Indra.
VR 4.32.26 उपजातिः
दिव्याभरणचित्राङ्गं दिव्यरूपं यशस्विनम् । दिव्यमाल्याम्बरधरं महेन्द्रमिव दुर्जयम् । दिव्याभरणमाल्याभिः प्रमदाभिः समावृतम् ॥
divyābharaṇacitrāṅgaṃ divyarūpaṃ yaśasvinam | divyamālyāmbaradharaṃ mahendramiva durjayam | divyābharaṇamālyābhiḥ pramadābhiḥ samāvṛtam ||
English Translation
Lakshmana saw famous Sugriva, difficult to be conquered, seated on a golden throne strewn around with cushions, decorated with ornaments of different colours, endearing in appearance, decked with beautiful garlands and clothes. He was surrounded by women adorned with most fascinating ornaments and garlands. Bewildered at the sight, Lakshmana's eyes turned red in anger. He appeared like Yama, lord of death.
VR 4.32.27 उपेन्द्रवज्रा
रुमां तु वीरः परिरभ्य गाढं; वरासनस्थो वरहेमवर्णः । ददर्श सौमित्रिमदीनसत्त्वं; विशालनेत्रः सुविशालनेत्रम् ॥
rumāṃ tu vīraḥ parirabhya gāḍhaṃ; varāsanastho varahemavarṇaḥ | dadarśa saumitrimadīnasattvaṃ; viśālanetraḥ suviśālanetram ||
English Translation
Then deeply embracing Umā, the large-eyed hero of the hue of fine gold, seated on an excellent seat, saw the powerful Saumitri having expansive eyes.
← Previous (Ch. 289) Full Table of Contents Next (Ch. 291) →