Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 19

Bālakāṇḍa Sarga 19

बालकाण्डम् • सर्गः 19

Bālakāṇḍa Sarga 19 of the classical Vālmīki Rāmāyaṇa with 25 verses.

Total: 25 Verses • Citations: VR 1.19.1–25 • 175 Lexicon Terms
VR 1.19.1 अनुष्टुप्
तच्छ्रुत्वा राजशार्दूल विश्वामित्रस्य भाषितम् । मुहूर्तमिव निःसंज्ञः संज्ञावानिदमब्रवीत् ॥
tacchrutvā rājaśārdūla viśvāmitrasya bhāṣitam | muhūrtamiva niḥsaṃjñaḥ saṃjñāvānidamabravīt ||
English Translation
Hearing the words of Viśvāmitra, that tiger of a monarch remained insensible for a time, and then regaining his senses, spoke thus.
VR 1.19.2 अनुष्टुप्
ऊनषोडशवर्षो मे रामो राजीवलोचनः । न युद्धयोग्यतामस्य पश्यामि सह राक्षसैः ॥
ūnaṣoḍaśavarṣo me rāmo rājīvalocanaḥ | na yuddhayogyatāmasya paśyāmi saha rākṣasaiḥ ||
English Translation
My lotus-eyed Ráma is not yet turned of sixteen; and I do not perceive his fitness to cope with Raksasas in battle.
VR 1.19.3 अनुष्टुप्
इयमक्षौहिणी पूर्णा यस्याहं पतिरीश्वरः । अनया संवृतो गत्वा योधाहं तैर्निशाचरैः ॥
iyamakṣauhiṇī pūrṇā yasyāhaṃ patirīśvaraḥ | anayā saṃvṛto gatvā yodhāhaṃ tairniśācaraiḥ ||
English Translation
I am the lord of this Akşauhiņi (A complete army consisting of 1,09,350 foot, 65,610 horse, 21,870 chariots, and 21,870 elephants.) of forces. Marching with this, will I engage with the night-rangers.
VR 1.19.4 अनुष्टुप्
इमे शूराश्च विक्रान्ता भृत्या मेऽस्त्रविशारदाः । योग्या रक्षोगणैर्योद्धुं न रामं नेतुमर्हसि ॥
ime śūrāśca vikrāntā bhṛtyā me'straviśāradāḥ | yogyā rakṣogaṇairyoddhuṃ na rāmaṃ netumarhasi ||
English Translation
And these servants of mine are Valiant, and warlike, and accomplished in weapons, and capable of fighting the Rākşasas,-therefore, it behove you not to take Rāma.
VR 1.19.5 अनुष्टुप्
अहमेव धनुष्पाणिर्गोप्ता समरमूर्धनि । यावत्प्राणान्धरिष्यामि तावद्योत्स्ये निशाचरैः ॥
ahameva dhanuṣpāṇirgoptā samaramūrdhani | yāvatprāṇāndhariṣyāmi tāvadyotsye niśācaraiḥ ||
English Translation
And myself bow in hand, stationed at the van of the array, will battle with the rangers of the night as long as life is spared to me.
VR 1.19.6 अनुष्टुप्
निर्विघ्ना व्रतचर्या सा भविष्यति सुरक्षिता । अहं तत्र गमिष्यामि न राम नेतुमर्हसि ॥
nirvighnā vratacaryā sā bhaviṣyati surakṣitā | ahaṃ tatra gamiṣyāmi na rāma netumarhasi ||
English Translation
Then well protected, your sacrifice will hold an unimpeded course. Therefore, I will repair thither, and it behoves you not to take Rāma.
VR 1.19.7 उपजातिः
बालो ह्यकृतविद्यश्च न च वेत्ति बलाबलम् । न चास्त्रबलसंयुक्तो न च युद्धविशारदः । न चासौ रक्षसां योग्यः कूटयुद्धा हि ते ध्रुवम् ॥
bālo hyakṛtavidyaśca na ca vetti balābalam | na cāstrabalasaṃyukto na ca yuddhaviśāradaḥ | na cāsau rakṣasāṃ yogyaḥ kūṭayuddhā hi te dhruvam ||
English Translation
Youthful, and unaccomplished, and not knowing what constitutes strength and what not, and not equipped with the science of missiles, and unskilful in fight.
VR 1.19.8 अनुष्टुप्
विप्रयुक्तो हि रामेण मुहूर्तमपि नोत्सहे । जीवितुं मुनिशार्दूल न रामं नेतुमर्हसि ॥
viprayukto hi rāmeṇa muhūrtamapi notsahe | jīvituṃ muniśārdūla na rāmaṃ netumarhasi ||
English Translation
Separated from Rama, I do not like to live even for a moment. O tiger among ascetics, it is not proper to take Rama with you.
VR 1.19.9 अनुष्टुप्
यदि वा राघवं ब्रह्मन्नेतुमिच्छसि सुव्रत । चतुरङ्गसमायुक्तं मया सह च तं नय ॥
yadi vā rāghavaṃ brahmannetumicchasi suvrata | caturaṅgasamāyuktaṃ mayā saha ca taṃ naya ||
English Translation
O sage of great vows, O brahman if at all you intend to take Rama with you, take me also along with my army.
VR 1.19.10 अनुष्टुप्
षष्टिर्वर्षसहस्राणि जातस्य मम कौशिक । दुःखेनोत्पादितश्चायं न रामं नेतुमर्हसि ॥
ṣaṣṭirvarṣasahasrāṇi jātasya mama kauśika | duḥkhenotpāditaścāyaṃ na rāmaṃ netumarhasi ||
English Translation
O Kusika's son, I am sixty thousand years old; and (at this age) I have obtained Rāma after undergoing extreme troubles, it therefore, become you not to take Rāma.
VR 1.19.11 अनुष्टुप्
चतुर्णामात्मजानां हि प्रीतिः परमिका मम । ज्येष्ठं धर्मप्रधानं च न रामं नेतुमर्हसि ॥
caturṇāmātmajānāṃ hi prītiḥ paramikā mama | jyeṣṭhaṃ dharmapradhānaṃ ca na rāmaṃ netumarhasi ||
English Translation
And among the four sons of mine, I find my highest delight in Rāma, my first-born, and the most virtuous of them all, therefore, it behoves you not to take Rāma.
VR 1.19.12 अनुष्टुप्
किं वीर्या राक्षसास्ते च कस्य पुत्राश्च के च ते । कथं प्रमाणाः के चैतान्रक्षन्ति मुनिपुंगव ॥
kiṃ vīryā rākṣasāste ca kasya putrāśca ke ca te | kathaṃ pramāṇāḥ ke caitānrakṣanti munipuṃgava ||
English Translation
O best of sages, how powerful are those rakshsas? Whose sons are they? Who are they and how huge is their body? Who are protecting them?
VR 1.19.13 अनुष्टुप्
कथं च प्रतिकर्तव्यं तेषां रामेण रक्षसाम् । मामकैर्वा बलैर्ब्रह्मन्मया वा कूटयोधिनाम् ॥
kathaṃ ca pratikartavyaṃ teṣāṃ rāmeṇa rakṣasām | māmakairvā balairbrahmanmayā vā kūṭayodhinām ||
English Translation
O brahman, how to rebuff those deceitful warriors either through Rama or through my army or through me?
VR 1.19.14 अनुष्टुप्
सर्वं मे शंस भगवन्कथं तेषां मया रणे । स्थातव्यं दुष्टभावानां वीर्योत्सिक्ता हि राक्षसाः ॥
sarvaṃ me śaṃsa bhagavankathaṃ teṣāṃ mayā raṇe | sthātavyaṃ duṣṭabhāvānāṃ vīryotsiktā hi rākṣasāḥ ||
English Translation
O venerable one, how to fight those wickednatured ones in the battle and stay aginst them? For rakshasas are proud of their prowess". Having heard the words of Dasaratha, Viswamitra said:
VR 1.19.15 अनुष्टुप्
तस्य तद्वचनं श्रुत्वा विश्वामित्रोऽभ्यभाषत । पौलस्त्यवंशप्रभवो रावणो नाम राक्षसः ॥
tasya tadvacanaṃ śrutvā viśvāmitro'bhyabhāṣata | paulastyavaṃśaprabhavo rāvaṇo nāma rākṣasaḥ ||
English Translation
Having heard Sunassepha, mighty ascetic Viswamitra consoled him in many ways and said to his sons:
VR 1.19.16 अनुष्टुप्
स ब्रह्मणा दत्तवरस्त्रैलोक्यं बाधते भृशम् । महाबलो महावीर्यो राक्षसैर्बहुभिर्वृतः ॥
sa brahmaṇā dattavarastrailokyaṃ bādhate bhṛśam | mahābalo mahāvīryo rākṣasairbahubhirvṛtaḥ ||
VR 1.19.17 अनुष्टुप्
श्रूयते हि महावीर्यो रावणो राक्षसाधिपः । साक्षाद्वैश्रवणभ्राता पुत्रो विश्रवसो मुनेः ॥
śrūyate hi mahāvīryo rāvaṇo rākṣasādhipaḥ | sākṣādvaiśravaṇabhrātā putro viśravaso muneḥ ||
English Translation
Ravana, king of rakshasas, is the brother of Kubera and son of ascetic Visravana. He is said to possess great prowess.
VR 1.19.18 उपजातिः
यदा स्वयं न यज्ञस्य विघ्नकर्ता महाबलः । तेन संचोदितौ तौ तु राक्षसौ सुमहाबलौ । मारीचश्च सुबाहुश्च यज्ञविघ्नं करिष्यतः ॥
yadā svayaṃ na yajñasya vighnakartā mahābalaḥ | tena saṃcoditau tau tu rākṣasau sumahābalau | mārīcaśca subāhuśca yajñavighnaṃ kariṣyataḥ ||
English Translation
When that one possessed of mighty strength does not stoop to disturb the sacrifice himself, those powerful Raksasas, Marica and Subāhu, being incited by him, disturb the rites.
VR 1.19.19 अनुष्टुप्
इत्युक्तो मुनिना तेन राजोवाच मुनिं तदा । न हि शक्तोऽस्मि संग्रामे स्थातुं तस्य दुरात्मनः ॥
ityukto muninā tena rājovāca muniṃ tadā | na hi śakto'smi saṃgrāme sthātuṃ tasya durātmanaḥ ||
English Translation
The ascetic having spoken thus, the king then answered him, I am incapable of standing that wicked-souled one in fight.
VR 1.19.20 अनुष्टुप्
स त्वं प्रसादं धर्मज्ञ कुरुष्व मम पुत्रके । देवदानवगन्धर्वा यक्षाः पतगपन्नगाः ॥
sa tvaṃ prasādaṃ dharmajña kuruṣva mama putrake | devadānavagandharvā yakṣāḥ patagapannagāḥ ||
English Translation
Therefore, do you, O you versed in morality, extend your favour to my son! Of slender fortune as I am, you are my guide and my god.
VR 1.19.21 अनुष्टुप्
न शक्ता रावणं सोढुं किं पुनर्मानवा युधि । स हि वीर्यवतां वीर्यमादत्ते युधि राक्षसः ॥
na śaktā rāvaṇaṃ soḍhuṃ kiṃ punarmānavā yudhi | sa hi vīryavatāṃ vīryamādatte yudhi rākṣasaḥ ||
VR 1.19.22 अनुष्टुप्
तेन चाहं न शक्तोऽस्मि संयोद्धुं तस्य वा बलैः । सबलो वा मुनिश्रेष्ठ सहितो वा ममात्मजैः ॥
tena cāhaṃ na śakto'smi saṃyoddhuṃ tasya vā balaiḥ | sabalo vā muniśreṣṭha sahito vā mamātmajaiḥ ||
English Translation
That rakshasa pulls out warriors' prowess in the battle. O foremost of ascetics Either with forces or with my sons it is not possible for me to engage him or his forces in battle.
VR 1.19.23 अनुष्टुप्
कथमप्यमरप्रख्यं संग्रामाणामकोविदम् । बालं मे तनयं ब्रह्मन्नैव दास्यामि पुत्रकम् ॥
kathamapyamaraprakhyaṃ saṃgrāmāṇāmakovidam | bālaṃ me tanayaṃ brahmannaiva dāsyāmi putrakam ||
English Translation
O brahman although my son resembles the celestials he is not experienced in warfare. On no account shall I spare him.
VR 1.19.24 अनुष्टुप्
अथ कालोपमौ युद्धे सुतौ सुन्दोपसुन्दयोः । यज्ञविघ्नकरौ तौ ते नैव दास्यामि पुत्रकम् ॥
atha kālopamau yuddhe sutau sundopasundayoḥ | yajñavighnakarau tau te naiva dāsyāmi putrakam ||
English Translation
The sons of Sunda and Upasunda resemble Kāla himself in battle, and it is they who are disturbing your sacrifice. Therefore I will not part with my son. And Mārīca and Subāhu are possessed of prowess, and accomplished in weapons.
VR 1.19.25 अनुष्टुप्
मारीचश्च सुबाहुश्च वीर्यवन्तौ सुशिक्षितौ । तयोरन्यतरेणाहं योद्धा स्यां ससुहृद्गणः ॥
mārīcaśca subāhuśca vīryavantau suśikṣitau | tayoranyatareṇāhaṃ yoddhā syāṃ sasuhṛdgaṇaḥ ||
English Translation
Maricha and Subahu not only possess prowess but also are experienced in warfare. Together with my group of friends I can combat with one of the two".
← Previous (Ch. 18) Full Table of Contents Next (Ch. 20) →