Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 8

Araṇyakāṇḍa Sarga 8

अरण्यकाण्डम् • सर्गः 8

Araṇyakāṇḍa Sarga 8 of the classical Vālmīki Rāmāyaṇa with 29 verses.

Total: 29 Verses • Citations: VR 3.8.1–29 • 175 Lexicon Terms
VR 3.8.1 अनुष्टुप्
सुतीक्ष्णेनाभ्यनुज्ञातं प्रस्थितं रघुनन्दनम् । वैदेही स्निग्धया वाचा भर्तारमिदमब्रवीत् ॥
sutīkṣṇenābhyanujñātaṃ prasthitaṃ raghunandanam | vaidehī snigdhayā vācā bhartāramidamabravīt ||
English Translation
When the son of Raghu had set out with Sutiksna's permission, SItā addressed him in affectionate words and convincing speech.
VR 3.8.2 अनुष्टुप्
अयं धर्मः सुसूक्ष्मेण विधिना प्राप्यते महान् । निवृत्तेन च शक्योऽयं व्यसनात्कामजादिह ॥
ayaṃ dharmaḥ susūkṣmeṇa vidhinā prāpyate mahān | nivṛttena ca śakyo'yaṃ vyasanātkāmajādiha ||
English Translation
Although you are great and follow the narrow way (of righteousness), yet you are on the eve of entering into unrighteousness. But you could by refraining from action, eschew this unrighteousness that springs from an evil begot of desire.
VR 3.8.3 उपजातिः
त्रीण्येव व्यसनान्यत्र कामजानि भवन्त्युत । मिथ्या वाक्यं परमकं तस्माद्गुरुतरावुभौ । परदाराभिगमनं विना वैरं च रौद्रता ॥
trīṇyeva vyasanānyatra kāmajāni bhavantyuta | mithyā vākyaṃ paramakaṃ tasmādgurutarāvubhau | paradārābhigamanaṃ vinā vairaṃ ca raudratā ||
English Translation
This evil begot of desire is threefold. One prominent evil is falsehood, and both the others' are of weightier significance, association with others; wives, and vindictiveness without any (basis of) hostility. Falsehood, O Rāghava, has never been yours nor can it ever be yours (in the future).
VR 3.8.4 अनुष्टुप्
मिथ्यावाक्यं न ते भूतं न भविष्यति राघव । कुतोऽभिलषणं स्त्रीणां परेषां धर्मनाशनम् ॥
mithyāvākyaṃ na te bhūtaṃ na bhaviṣyati rāghava | kuto'bhilaṣaṇaṃ strīṇāṃ pareṣāṃ dharmanāśanam ||
English Translation
O Rama you never spoke untruth in the past nor will you speak in future. How can there be any desire in you to destroy the virtue of others' wives ?
VR 3.8.5 अनुष्टुप्
तच्च सर्वं महाबाहो शक्यं वोढुं जितेन्द्रियैः । तव वश्येन्द्रियत्वं च जानामि शुभदर्शन ॥
tacca sarvaṃ mahābāho śakyaṃ voḍhuṃ jitendriyaiḥ | tava vaśyendriyatvaṃ ca jānāmi śubhadarśana ||
English Translation
O you of a gracious presence, yours is control over sense. The third evil that leads men through ignorance to bear hostility towards others without any (cause of) hostility, is now present (to you).
VR 3.8.6 अनुष्टुप्
तृतीयं यदिदं रौद्रं परप्राणाभिहिंसनम् । निर्वैरं क्रियते मोहात्तच्च ते समुपस्थितम् ॥
tṛtīyaṃ yadidaṃ raudraṃ paraprāṇābhihiṃsanam | nirvairaṃ kriyate mohāttacca te samupasthitam ||
English Translation
O you of a gracious presence, yours is control over sense. The third evil that leads men through ignorance to bear hostility towards others without any (cause of) hostility, is now present (to you).
VR 3.8.7 अनुष्टुप्
प्रतिज्ञातस्त्वया वीर दण्डकारण्यवासिनाम् । ऋषीणां रक्षणार्थाय वधः संयति रक्षसाम् ॥
pratijñātastvayā vīra daṇḍakāraṇyavāsinām | ṛṣīṇāṃ rakṣaṇārthāya vadhaḥ saṃyati rakṣasām ||
English Translation
You have, O hero, for the protection of the saints dwelling in the forest of Dandaka, Promised the slaughter of Rākṣasas in battle.
VR 3.8.8 अनुष्टुप्
एतन्निमित्तं च वनं दण्डका इति विश्रुतम् । प्रस्थितस्त्वं सह भ्रात्रा धृतबाणशरासनः ॥
etannimittaṃ ca vanaṃ daṇḍakā iti viśrutam | prasthitastvaṃ saha bhrātrā dhṛtabāṇaśarāsanaḥ ||
English Translation
And it is for this reason that equipped with bows and arrows, you have along with your brother set out for the forest known as Dandaka.
VR 3.8.9 अनुष्टुप्
ततस्त्वां प्रस्थितं दृष्ट्वा मम चिन्ताकुलं मनः । त्वद्वृत्तं चिन्तयन्त्या वै भवेन्निःश्रेयसं हितम् ॥
tatastvāṃ prasthitaṃ dṛṣṭvā mama cintākulaṃ manaḥ | tvadvṛttaṃ cintayantyā vai bhavenniḥśreyasaṃ hitam ||
English Translation
Seeing you set out, my mind reflecting on your truthfulness as well as your happiness in this world and welfare in the next, is wrought up with anxiety.
VR 3.8.10 अनुष्टुप्
न हि मे रोचते वीर गमनं दण्डकान्प्रति । कारणं तत्र वक्ष्यामि वदन्त्याः श्रूयतां मम ॥
na hi me rocate vīra gamanaṃ daṇḍakānprati | kāraṇaṃ tatra vakṣyāmi vadantyāḥ śrūyatāṃ mama ||
English Translation
O hero, I do not relish this journey to Dandaka. Thereof I will tell you the reason. Do you listen to me as I tell you.
VR 3.8.11 अनुष्टुप्
त्वं हि बाणधनुष्पाणिर्भ्रात्रा सह वनं गतः । दृष्ट्वा वनचरान्सर्वान्कच्चित्कुर्याः शरव्ययम् ॥
tvaṃ hi bāṇadhanuṣpāṇirbhrātrā saha vanaṃ gataḥ | dṛṣṭvā vanacarānsarvānkaccitkuryāḥ śaravyayam ||
English Translation
Bearing bows and arrows in your hands, you have come to the wood along with your brother; and it may well happen) that seeing grim rangers of the forest, you may discharge your shafts.
VR 3.8.12 अनुष्टुप्
क्षत्रियाणामिह धनुर्हुताशस्येन्धनानि च । समीपतः स्थितं तेजोबलमुच्छ्रयते भृशम् ॥
kṣatriyāṇāmiha dhanurhutāśasyendhanāni ca | samīpataḥ sthitaṃ tejobalamucchrayate bhṛśam ||
English Translation
Even as the vicinity of faggots increases the energy of fire, the proximity of (the bow) enhances the strength and energy of the Ksatriya.
VR 3.8.13 अनुष्टुप्
पुरा किल महाबाहो तपस्वी सत्यवाक्शुचिः । कस्मिंश्चिदभवत्पुण्ये वने रतमृगद्विजे ॥
purā kila mahābāho tapasvī satyavākśuciḥ | kasmiṃścidabhavatpuṇye vane ratamṛgadvije ||
English Translation
Formerly, O long-armed one, in a sacred wood haunted by beasts and birds, there lived a truthful ascetic of a pure person.
VR 3.8.14 अनुष्टुप्
तस्यैव तपसो विघ्नं कर्तुमिन्द्रः शचीपतिः । खड्गपाणिरथागच्छदाश्रमं भट रूपधृक् ॥
tasyaiva tapaso vighnaṃ kartumindraḥ śacīpatiḥ | khaḍgapāṇirathāgacchadāśramaṃ bhaṭa rūpadhṛk ||
English Translation
Intending to disturb his austerities, Saci's lord, Indra, bearing a sword in his hand, came to the asylum in the guise of a warrior.
VR 3.8.15 अनुष्टुप्
तस्मिंस्तदाश्रमपदे निहितः खड्ग उत्तमः । स न्यासविधिना दत्तः पुण्ये तपसि तिष्ठतः ॥
tasmiṃstadāśramapade nihitaḥ khaḍga uttamaḥ | sa nyāsavidhinā dattaḥ puṇye tapasi tiṣṭhataḥ ||
English Translation
And in that asylum, that excellent scimitar was deposited as a trust with that righteous person practising asceticisin.
VR 3.8.16 अनुष्टुप्
स तच्छस्त्रमनुप्राप्य न्यासरक्षणतत्परः । वने तु विचरत्येव रक्षन्प्रत्ययमात्मनः ॥
sa tacchastramanuprāpya nyāsarakṣaṇatatparaḥ | vane tu vicaratyeva rakṣanpratyayamātmanaḥ ||
English Translation
Receiving that weapon, that ascetic intent upon preserving his trust, range the forest, maintaining his faith.
VR 3.8.17 अनुष्टुप्
यत्र गच्छत्युपादातुं मूलानि च फलानि च । न विना याति तं खड्गं न्यासरक्षणतत्परः ॥
yatra gacchatyupādātuṃ mūlāni ca phalāni ca | na vinā yāti taṃ khaḍgaṃ nyāsarakṣaṇatatparaḥ ||
English Translation
And intent upon preserving his trust, he goes nowhere for procuring fruits and roots without that sword deposited with him as a trust.
VR 3.8.18 अनुष्टुप्
नित्यं शस्त्रं परिवहन्क्रमेण स तपोधनः । चकार रौद्रीं स्वां बुद्धिं त्यक्त्वा तपसि निश्चयम् ॥
nityaṃ śastraṃ parivahankrameṇa sa tapodhanaḥ | cakāra raudrīṃ svāṃ buddhiṃ tyaktvā tapasi niścayam ||
English Translation
Constantly carrying the sword, by degrees, the ascetic, foregoing all thoughts about asceticism, had his mind involved in fierce sentiments.
VR 3.8.19 अनुष्टुप्
ततः स रौद्राभिरतः प्रमत्तोऽधर्मकर्षितः । तस्य शस्त्रस्य संवासाज्जगाम नरकं मुनिः ॥
tataḥ sa raudrābhirataḥ pramatto'dharmakarṣitaḥ | tasya śastrasya saṃvāsājjagāma narakaṃ muniḥ ||
English Translation
Thus in consequence of bearing that weapon, that ascetic taken up with fierce thoughts, losing his sobriety and led astray from righteousness, went to hell.
VR 3.8.20 अनुष्टुप्
स्नेहाच्च बहुमानाच्च स्मारये त्वां न शिक्षये । न कथंचन सा कार्या हृहीतधनुषा त्वया ॥
snehācca bahumānācca smāraye tvāṃ na śikṣaye | na kathaṃcana sā kāryā hṛhītadhanuṣā tvayā ||
English Translation
From affection and the high honour in which I hold you, I merely remind you of this matter. I do not teach you. Equipped with bows as you are, you should renounce all thoughts of slaying without hostility the Rākṣasas residing in Dandaka. Without offence none should be slain.
VR 3.8.21 अनुष्टुप्
बुद्धिर्वैरं विना हन्तुं राक्षसान्दण्डकाश्रितान् । अपराधं विना हन्तुं लोकान्वीर न कामये ॥
buddhirvairaṃ vinā hantuṃ rākṣasāndaṇḍakāśritān | aparādhaṃ vinā hantuṃ lokānvīra na kāmaye ||
English Translation
From affection and the high honour in which I hold you, I merely remind you of this matter. I do not teach you. Equipped with bows as you are, you should renounce all thoughts of slaying without hostility the Rākṣasas residing in Dandaka. Without offence none should be slain.
VR 3.8.22 अनुष्टुप्
क्षत्रियाणां तु वीराणां वनेषु नियतात्मनाम् । धनुषा कार्यमेतावदार्तानामभिरक्षणम् ॥
kṣatriyāṇāṃ tu vīrāṇāṃ vaneṣu niyatātmanām | dhanuṣā kāryametāvadārtānāmabhirakṣaṇam ||
English Translation
It is the duty of Kșatriya heroes by means of their bows to protect persons of subdued souls, come by any calamity.
VR 3.8.23 अनुष्टुप्
क्व च शस्त्रं क्व च वनं क्व च क्षात्रं तपः क्व च । व्याविद्धमिदमस्माभिर्देशधर्मस्तु पूज्यताम् ॥
kva ca śastraṃ kva ca vanaṃ kva ca kṣātraṃ tapaḥ kva ca | vyāviddhamidamasmābhirdeśadharmastu pūjyatām ||
English Translation
Where are arms? And where is the forest? Where is Kaştriya virtue? And where is asceticism? These are opposed to each other, let us, therefore, honour the morality that pertains to this place.
VR 3.8.24 अनुष्टुप्
तदार्यकलुषा बुद्धिर्जायते शस्त्रसेवनात् । पुनर्गत्वा त्वयोध्यायां क्षत्रधर्मं चरिष्यसि ॥
tadāryakaluṣā buddhirjāyate śastrasevanāt | punargatvā tvayodhyāyāṃ kṣatradharmaṃ cariṣyasi ||
English Translation
From following arms, one's sense gets befouled and deformed. Again going to Ayodhyā, You will observe the duties of Kastriyas.
VR 3.8.25 अनुष्टुप्
अक्षया तु भवेत्प्रीतिः श्वश्रू श्वशुरयोर्मम । यदि राज्यं हि संन्यस्य भवेस्त्वं निरतो मुनिः ॥
akṣayā tu bhavetprītiḥ śvaśrū śvaśurayormama | yadi rājyaṃ hi saṃnyasya bhavestvaṃ nirato muniḥ ||
English Translation
Then my mother-in-law and father-in-law shall experience enduring delight, if having renounced the kingdom, you lead the life of an ascetic.
VR 3.8.26 अनुष्टुप्
धर्मादर्थः प्रभवति धर्मात्प्रभवते सुखम् । धर्मेण लभते सर्वं धर्मसारमिदं जगत् ॥
dharmādarthaḥ prabhavati dharmātprabhavate sukham | dharmeṇa labhate sarvaṃ dharmasāramidaṃ jagat ||
English Translation
Interest springs from righteousness; and happiness also results therefrom. One attains everything through righteousness, in this world the only substantial thing.
VR 3.8.27 अनुष्टुप्
आत्मानं नियमैस्तैस्तैः कर्षयित्वा प्रयत्नतः । प्राप्यते निपुणैर्धर्मो न सुखाल्लभ्यते सुखम् ॥
ātmānaṃ niyamaistaistaiḥ karṣayitvā prayatnataḥ | prāpyate nipuṇairdharmo na sukhāllabhyate sukham ||
English Translation
Repressing self by diverse restrictions, intelligent people attain righteousness; but virtue crowned with felicity, is incapable of being attained by following pleasure.
VR 3.8.28 अनुष्टुप्
नित्यं शुचिमतिः सौम्य चर धर्मं तपोवने । सर्वं हि विदितं तुभ्यं त्रैलोक्यमपि तत्त्वतः ॥
nityaṃ śucimatiḥ saumya cara dharmaṃ tapovane | sarvaṃ hi viditaṃ tubhyaṃ trailokyamapi tattvataḥ ||
English Translation
O mild one! ever cherishing your heart in purity, do you practise piety in the wood of asceticism Everything the three worlds are truly known to you.
VR 3.8.29 उपजातिः
स्त्रीचापलादेतदुदाहृतं मे; धर्मं च वक्तुं तव कः समर्थः । विचार्य बुद्ध्या तु सहानुजेन; यद्रोचते तत्कुरु माचिरेण ॥
strīcāpalādetadudāhṛtaṃ me; dharmaṃ ca vaktuṃ tava kaḥ samarthaḥ | vicārya buddhyā tu sahānujena; yadrocate tatkuru mācireṇa ||
English Translation
I have spoken this through feminine fickleness. Who can speak of righteousness to you? Reflecting on and understanding things, do you along with your younger brother speedily do what you like.
← Previous (Ch. 194) Full Table of Contents Next (Ch. 196) →