Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 6

Uttarakāṇḍa Sarga 6

उत्तरकाण्डम् • सर्गः 6

Uttarakāṇḍa Sarga 6 of the classical Vālmīki Rāmāyaṇa with 55 verses.

Total: 55 Verses • Citations: VR 7.6.1–55 • 175 Lexicon Terms • Page 2 of 2 (Verses 25 shown)
VR 7.6.31 अनुष्टुप्
देवानां भयभीतानां हरिणा राक्षसर्षभौ । प्रतिज्ञातो वधोऽस्माकं तच्चिन्तयथ यत्क्षमम् ॥
devānāṃ bhayabhītānāṃ hariṇā rākṣasarṣabhau | pratijñāto vadho'smākaṃ taccintayatha yatkṣamam ||
English Translation
to O foremost of Rākşasas, Hari promised to the frightened celestials that he would slay us. Therefore do you think as to what is fit.
VR 7.6.32 अनुष्टुप्
हिरण्यकशिपोर्मृत्युरन्येषां च सुरद्विषाम् । दुःखं नारायणं जेतुं यो नो हन्तुमभीप्सति ॥
hiraṇyakaśipormṛtyuranyeṣāṃ ca suradviṣām | duḥkhaṃ nārāyaṇaṃ jetuṃ yo no hantumabhīpsati ||
VR 7.6.33 अनुष्टुप्
ततः सुमाली माली च श्रुत्वा माल्यवतो वचः । ऊचतुर्भ्रातरं ज्येष्ठं भगांशाविव वासवम् ॥
tataḥ sumālī mālī ca śrutvā mālyavato vacaḥ | ūcaturbhrātaraṃ jyeṣṭhaṃ bhagāṃśāviva vāsavam ||
English Translation
Thereat Sumāli and Māli, hearing the words of Malyavān, said to their eldest brother, like the Asvins addressing Vāsava.
VR 7.6.34 अनुष्टुप्
स्वधीतं दत्तमिष्टं च ऐश्वर्यं परिपालितम् । आयुर्निरामयं प्राप्तं स्वधर्मः स्थापितश्च नः ॥
svadhītaṃ dattamiṣṭaṃ ca aiśvaryaṃ paripālitam | āyurnirāmayaṃ prāptaṃ svadharmaḥ sthāpitaśca naḥ ||
English Translation
We have studied, performed sacrifices, practised charity, and obtained riches; and attaining long health and long life, we have established sterling righteousness in our path.
VR 7.6.35 अनुष्टुप्
देवसागरमक्षोभ्यं शस्त्रौघैः प्रविगाह्य च । जिता देवा रणे नित्यं न नो मृत्युकृतं भयम् ॥
devasāgaramakṣobhyaṃ śastraughaiḥ pravigāhya ca | jitā devā raṇe nityaṃ na no mṛtyukṛtaṃ bhayam ||
English Translation
With arms plunging into the sea of celestials, we have conquered our unrivalled enemies. Therefore, we have no fear touching death.
VR 7.6.36 अनुष्टुप्
नारायणश्च रुद्रश्च शक्रश्चापि यमस्तथा । अस्माकं प्रमुखे स्थातुं सर्व एव हि बिभ्यति ॥
nārāyaṇaśca rudraśca śakraścāpi yamastathā | asmākaṃ pramukhe sthātuṃ sarva eva hi bibhyati ||
English Translation
Even Narayana and Rudra, Sakra and Yama, ever fear to stay before us (in the field).
VR 7.6.37 अनुष्टुप्
विष्णोर्दोषश्च नास्त्यत्र कारणं राक्षसेश्वर । देवानामेव दोषेण विष्णोः प्रचलितं मनः ॥
viṣṇordoṣaśca nāstyatra kāraṇaṃ rākṣaseśvara | devānāmeva doṣeṇa viṣṇoḥ pracalitaṃ manaḥ ||
English Translation
O lord of Raksasas. There is no occasion for Visnu's displeasure of us. The mind of Visnu has wavered in consequence of the evil caused by the celestials.
VR 7.6.38 अनुष्टुप्
तस्मादद्य समुद्युक्ताः सर्वसैन्यसमावृताः । देवानेव जिघांसामो येभ्यो दोषः समुत्थितः ॥
tasmādadya samudyuktāḥ sarvasainyasamāvṛtāḥ | devāneva jighāṃsāmo yebhyo doṣaḥ samutthitaḥ ||
English Translation
Therefore, will we even avenge ourselves on the gods, from whom has sprung this wrong.
VR 7.6.39 उपजातिः
इति माली सुमाली च माल्यवानग्रजः प्रभुः । उद्योगं घोषयित्वाथ राक्षसाः सर्व एव ते । युद्धाय निर्ययुः क्रुद्धा जम्भवृत्रबला इव ॥
iti mālī sumālī ca mālyavānagrajaḥ prabhuḥ | udyogaṃ ghoṣayitvātha rākṣasāḥ sarva eva te | yuddhāya niryayuḥ kruddhā jambhavṛtrabalā iva ||
VR 7.6.40 अनुष्टुप्
स्यन्दनैर्वारणेन्द्रैश्च हयैश्च गिरिसंनिभैः । खरैर्गोभिरथोष्ट्रैश्च शिंशुमारैर्भुजंगमैः ॥
syandanairvāraṇendraiśca hayaiśca girisaṃnibhaiḥ | kharairgobhirathoṣṭraiśca śiṃśumārairbhujaṃgamaiḥ ||
VR 7.6.41 अनुष्टुप्
मकरैः कच्छपैर्मीनैर्विहंगैर्गरुडोपमैः । सिंहैर्व्याघ्रैर्वराहैश्च सृमरैश्चमरैरपि ॥
makaraiḥ kacchapairmīnairvihaṃgairgaruḍopamaiḥ | siṃhairvyāghrairvarāhaiśca sṛmaraiścamarairapi ||
VR 7.6.42 अनुष्टुप्
त्यक्त्वा लङ्कां ततः सर्वे राक्षसा बलगर्विताः । प्रयाता देवलोकाय योद्धुं दैवतशत्रवः ॥
tyaktvā laṅkāṃ tataḥ sarve rākṣasā balagarvitāḥ | prayātā devalokāya yoddhuṃ daivataśatravaḥ ||
VR 7.6.43 अनुष्टुप्
लङ्काविपर्ययं दृष्ट्वा यानि लङ्कालयान्यथ । भूतानि भयदर्शीनि विमनस्कानि सर्वशः ॥
laṅkāviparyayaṃ dṛṣṭvā yāni laṅkālayānyatha | bhūtāni bhayadarśīni vimanaskāni sarvaśaḥ ||
English Translation
Perceiving the destruction of Lanka hand, those deities that had taken up their quarters there, everywhere were struck with fear and felt their spirits depressed.
VR 7.6.44 अनुष्टुप्
भौमास्तथान्तरिक्षाश्च कालाज्ञप्ता भयावहाः । उत्पाता राक्षसेन्द्राणामभावायोत्थिता द्रुतम् ॥
bhaumāstathāntarikṣāśca kālājñaptā bhayāvahāḥ | utpātā rākṣasendrāṇāmabhāvāyotthitā drutam ||
English Translation
At the command of Kala, terrible evil omens foreshadowing the destruction of the Raksasachief began to arise on the earth well as in the sky.
VR 7.6.45 अनुष्टुप्
अस्थीनि मेघा वर्षन्ति उष्णं शोणितमेव च । वेलां समुद्रोऽप्युत्क्रान्तश्चलन्ते चाचलोत्तमाः ॥
asthīni meghā varṣanti uṣṇaṃ śoṇitameva ca | velāṃ samudro'pyutkrāntaścalante cācalottamāḥ ||
English Translation
The clouds showered down bones and hot blood. The oceans overleapt their continents and the mountains shook.
VR 7.6.46 अनुष्टुप्
अट्टहासान्विमुञ्चन्तो घननादसमस्वनान् । भूताः परिपतन्ति स्म नृत्यमानाः सहस्रशः ॥
aṭṭahāsānvimuñcanto ghananādasamasvanān | bhūtāḥ paripatanti sma nṛtyamānāḥ sahasraśaḥ ||
VR 7.6.47 अनुष्टुप्
गृध्रचक्रं महच्चापि ज्वलनोद्गारिभिर्मुखैः । राक्षसानामुपरि वै भ्रमते कालचक्रवत् ॥
gṛdhracakraṃ mahaccāpi jvalanodgāribhirmukhaiḥ | rākṣasānāmupari vai bhramate kālacakravat ||
VR 7.6.48 अनुष्टुप्
तानचिन्त्य महोत्पातान्राक्षसा बलगर्विताः । यन्त्येव न निवर्तन्ते मृत्युपाशावपाशिताः ॥
tānacintya mahotpātānrākṣasā balagarvitāḥ | yantyeva na nivartante mṛtyupāśāvapāśitāḥ ||
VR 7.6.49 अनुष्टुप्
माल्यवांश्च सुमाली च माली च रजनीचराः । आसन्पुरःसरास्तेषां क्रतूनामिव पावकाः ॥
mālyavāṃśca sumālī ca mālī ca rajanīcarāḥ | āsanpuraḥsarāsteṣāṃ kratūnāmiva pāvakāḥ ||
VR 7.6.50 अनुष्टुप्
माल्यवन्तं तु ते सर्वे माल्यवन्तमिवाचलम् । निशाचरा आश्रयन्ते धातारमिव देहिनः ॥
mālyavantaṃ tu te sarve mālyavantamivācalam | niśācarā āśrayante dhātāramiva dehinaḥ ||
English Translation
Even as the gods take refuge under Dhātā, the night-rangers take refuge under Mālyavân resembling the mountain, Mälyavān.
VR 7.6.51 अनुष्टुप्
तद्बलं राक्षसेन्द्राणां महाभ्रघननादितम् । जयेप्सया देवलोकं ययौ माली वशे स्थितम् ॥
tadbalaṃ rākṣasendrāṇāṃ mahābhraghananāditam | jayepsayā devalokaṃ yayau mālī vaśe sthitam ||
English Translation
Under the command of Māli that host of Raksasas, roaring like mighty clouds, inspired with the desire of victory, went to the celestial regions.
VR 7.6.52 अनुष्टुप्
राक्षसानां समुद्योगं तं तु नारायणः प्रभुः । देवदूतादुपश्रुत्य दध्रे युद्धे ततो मनः ॥
rākṣasānāṃ samudyogaṃ taṃ tu nārāyaṇaḥ prabhuḥ | devadūtādupaśrutya dadhre yuddhe tato manaḥ ||
English Translation
The lord Nārāyana, hearing of the preparations of the Rākşasas from a celestial messenger, set his heart on fight. And equipped with weapons and quivers, he mounted on Vinata's offspring.* *Garuda, Narayana's vehicle.
VR 7.6.53 उपजातिः
स देवसिद्धर्षिमहोरगैश्च; गन्धर्वमुख्याप्सरसोपगीतः । समाससादामरशत्रुसैन्यं; चक्रासिसीरप्रवरादिधारी ॥
sa devasiddharṣimahoragaiśca; gandharvamukhyāpsarasopagītaḥ | samāsasādāmaraśatrusainyaṃ; cakrāsisīrapravarādidhārī ||
English Translation
And hymned by Siddhas and celestials and sages and mighty (semi-divine) serpents and Gandharvas and Yakşas, the enemy of the Asura hosts presented himself, bearing in his hands the discus, sword, that weapon Śärnga and the conch.
VR 7.6.54 उपेन्द्रवज्रा
सुपर्णपक्षानिलनुन्नपक्षं; भ्रमत्पताकं प्रविकीर्णशस्त्रम् । चचाल तद्राक्षसराजसैन्यं; चलोपलो नील इवाचलेन्द्रः ॥
suparṇapakṣānilanunnapakṣaṃ; bhramatpatākaṃ pravikīrṇaśastram | cacāla tadrākṣasarājasainyaṃ; calopalo nīla ivācalendraḥ ||
English Translation
The Raksasa-hosts, struck by the wind produced by the wings of Suparņa, with their pennons swinging to and fro and their weapons scattered about, quaked like the blue summit of a mountain with its crags tossed about.
VR 7.6.55 वंशस्थम्
ततः शितैः शोणितमांसरूषितै;र्युगान्तवैश्वानरतुल्यविग्रहैः । निशाचराः संपरिवार्य माधवं; वरायुधैर्निर्बिभिदुः सहस्रशः ॥
tataḥ śitaiḥ śoṇitamāṃsarūṣitai;ryugāntavaiśvānaratulyavigrahaiḥ | niśācarāḥ saṃparivārya mādhavaṃ; varāyudhairnirbibhiduḥ sahasraśaḥ ||
English Translation
Then the night-rangers, hemming in Madhava,* began to pierce him with thousands of excellent sharpened weapons dyed in flesh and blood, and resembling the fire of Doomsday. *One of the many designations of Visnu.
← Previous (Ch. 511) Full Table of Contents Next (Ch. 513) →