Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 6

Uttarakāṇḍa Sarga 6

उत्तरकाण्डम् • सर्गः 6

Uttarakāṇḍa Sarga 6 of the classical Vālmīki Rāmāyaṇa with 55 verses.

Total: 55 Verses • Citations: VR 7.6.1–55 • 175 Lexicon Terms • Page 1 of 2 (Verses 30 shown)
VR 7.6.1 अनुष्टुप्
तैर्वध्यमाना देवाश्च ऋषयश्च तपोधनाः । भयार्ताः शरणं जग्मुर्देवदेवं महेश्वरम् ॥
tairvadhyamānā devāśca ṛṣayaśca tapodhanāḥ | bhayārtāḥ śaraṇaṃ jagmurdevadevaṃ maheśvaram ||
VR 7.6.2 अनुष्टुप्
ते समेत्य तु कामारिं त्रिपुरारिं त्रिलोचनम् । ऊचुः प्राञ्जलयो देवा भयगद्गदभाषिणः ॥
te sametya tu kāmāriṃ tripurāriṃ trilocanam | ūcuḥ prāñjalayo devā bhayagadgadabhāṣiṇaḥ ||
VR 7.6.3 अनुष्टुप्
सुकेशपुत्रैर्भगवन्पितामहवरोद्धतैः । प्रजाध्यक्ष प्रजाः सर्वा बाध्यन्ते रिपुबाधन ॥
sukeśaputrairbhagavanpitāmahavaroddhataiḥ | prajādhyakṣa prajāḥ sarvā bādhyante ripubādhana ||
English Translation
O reverend one, the creatures of the lord of creatures are being (sorely) troubled by the sons of Sukesa, given to harassing their foes,-swolen with insolence on account of the benn conferred on them by the great-father, asylums, constituting our refuges,-have been divested of their power of granting shelter, and driving off the deities from the etherial regions, they are sporting there like the immortals.
VR 7.6.4 अनुष्टुप्
शरण्यान्यशरण्यानि आश्रमाणि कृतानि नः । स्वर्गाच्च च्यावितः शक्रः स्वर्गे क्रीडन्ति शक्रवत् ॥
śaraṇyānyaśaraṇyāni āśramāṇi kṛtāni naḥ | svargācca cyāvitaḥ śakraḥ svarge krīḍanti śakravat ||
VR 7.6.5 अनुष्टुप्
अहं विष्णुरहं रुद्रो ब्रह्माहं देवराडहम् । अहं यमोऽहं वरुणश्चन्द्रोऽहं रविरप्यहम् ॥
ahaṃ viṣṇurahaṃ rudro brahmāhaṃ devarāḍaham | ahaṃ yamo'haṃ varuṇaścandro'haṃ ravirapyaham ||
English Translation
'I am Vişnu,' 'I am Rudra,' 'I am the king of the celestials,' 'I am Yama,' 'I an Varuna,' 'I am the moon,' 'I am the Sun,' flattering themselves in this fashion, Māli and Sumāli and the Rākşasa Malyavān as well as those going before them, are annoying (the gods), breathing exhilaration of martial spirits.
VR 7.6.6 अनुष्टुप्
इति ते राक्षसा देव वरदानेन दर्पिताः । बाधन्ते समरोद्धर्षा ये च तेषां पुरःसराः ॥
iti te rākṣasā deva varadānena darpitāḥ | bādhante samaroddharṣā ye ca teṣāṃ puraḥsarāḥ ||
VR 7.6.7 अनुष्टुप्
तन्नो देवभयार्तानामभयं दातुमर्हसि । अशिवं वपुरास्थाय जहि दैवतकण्टकान् ॥
tanno devabhayārtānāmabhayaṃ dātumarhasi | aśivaṃ vapurāsthāya jahi daivatakaṇṭakān ||
English Translation
Therefore, O god, it behove you to liberate us from fear, who have been greatly tormented by it. Do you, assuming your terrific form, slay the thorns of the celestials.
VR 7.6.8 अनुष्टुप्
इत्युक्तस्तु सुरैः सर्वैः कपर्दी नीललोहितः । सुकेशं प्रति सापेक्ष आह देवगणान्प्रभुः ॥
ityuktastu suraiḥ sarvaiḥ kapardī nīlalohitaḥ | sukeśaṃ prati sāpekṣa āha devagaṇānprabhuḥ ||
English Translation
Thus addressed by the immortals in a body, that lord, Kaparddi of red-blue hue, reflecting that it would be wrong for him to destroy Sukesa (with his own hands), spoke to the gods.
VR 7.6.9 अनुष्टुप्
नाहं तान्निहनिष्यामि अवध्या मम तेऽसुराः । किं तु मन्त्रं प्रदास्यामि यो वै तान्निहनिष्यति ॥
nāhaṃ tānnihaniṣyāmi avadhyā mama te'surāḥ | kiṃ tu mantraṃ pradāsyāmi yo vai tānnihaniṣyati ||
English Translation
I shall not slay them, you gods; they are incapable of being slain by me. But I shall unfold to you the way in which they will be destroyed.
VR 7.6.10 अनुष्टुप्
एवमेव समुद्योगं पुरस्कृत्य सुरर्षभाः । गच्छन्तु शरणं विष्णुं हनिष्यति स तान्प्रभुः ॥
evameva samudyogaṃ puraskṛtya surarṣabhāḥ | gacchantu śaraṇaṃ viṣṇuṃ haniṣyati sa tānprabhuḥ ||
English Translation
Do you, you Maharsis, in the heat of this affairs, seck the shelter of Visnu. That lord will slay them.
VR 7.6.11 अनुष्टुप्
ततस्ते जयशब्देन प्रतिनन्द्य महेश्वरम् । विष्णोः समीपमाजग्मुर्निशाचरभयार्दिताः ॥
tataste jayaśabdena pratinandya maheśvaram | viṣṇoḥ samīpamājagmurniśācarabhayārditāḥ ||
English Translation
Thereat, saluting Maheśvara with the sounds of Jaya, (the celestial) afflicted with the fear of the night-rangers, presented themselves before Visnu.
VR 7.6.12 अनुष्टुप्
शङ्खचक्रधरं देवं प्रणम्य बहुमान्य च । ऊचुः संभ्रान्तवद्वाक्यं सुकेशतनयार्दिताः ॥
śaṅkhacakradharaṃ devaṃ praṇamya bahumānya ca | ūcuḥ saṃbhrāntavadvākyaṃ sukeśatanayārditāḥ ||
English Translation
And bowing down to the god holding the conch, discus and mace, and paying him high homage, they, greatly flurried, addressed him about the sons of Sukeśa, saying.
VR 7.6.13 अनुष्टुप्
सुकेशतनयैर्देव त्रिभिस्त्रेताग्निसंनिभैः । आक्रम्य वरदानेन स्थानान्यपहृतानि नः ॥
sukeśatanayairdeva tribhistretāgnisaṃnibhaiḥ | ākramya varadānena sthānānyapahṛtāni naḥ ||
English Translation
O god, by virtue of the boon (that has been bestowed on them), resembling the three fires, Sukesa's three sons, assailing us, have deprived us of our abode.
VR 7.6.14 अनुष्टुप्
लङ्का नाम पुरी दुर्गा त्रिकूटशिखरे स्थिता । तत्र स्थिताः प्रबाधन्ते सर्वान्नः क्षणदाचराः ॥
laṅkā nāma purī durgā trikūṭaśikhare sthitā | tatra sthitāḥ prabādhante sarvānnaḥ kṣaṇadācarāḥ ||
English Translation
There is a city named Lankā, stationed on the top of Trikuta, (extremely) difficult of entrance. Taking up their station at that place, the nightrangers in a body pursue us.
VR 7.6.15 अनुष्टुप्
स त्वमस्मत्प्रियार्थं तु जहि तान्मधुसूदन । चक्रकृत्तास्यकमलान्निवेदय यमाय वै ॥
sa tvamasmatpriyārthaṃ tu jahi tānmadhusūdana | cakrakṛttāsyakamalānnivedaya yamāya vai ||
VR 7.6.16 अनुष्टुप्
भयेष्वभयदोऽस्माकं नान्योऽस्ति भवता समः । नुद त्वं नो भयं देव नीहारमिव भास्करः ॥
bhayeṣvabhayado'smākaṃ nānyo'sti bhavatā samaḥ | nuda tvaṃ no bhayaṃ deva nīhāramiva bhāskaraḥ ||
VR 7.6.17 अनुष्टुप्
इत्येवं दैवतैरुक्तो देवदेवो जनार्दनः । अभयं भयदोऽरीणां दत्त्वा देवानुवाच ह ॥
ityevaṃ daivatairukto devadevo janārdanaḥ | abhayaṃ bhayado'rīṇāṃ dattvā devānuvāca ha ||
English Translation
Thus accosted by the deities, that god of gods Janārdana who brings fear to foes cheering up the celestial up the celestials, said to them.
VR 7.6.18 अनुष्टुप्
सुकेशं राक्षसं जाने ईशानवरदर्पितम् । तांश्चास्य तनयाञ्जाने येषां ज्येष्ठः स माल्यवान् ॥
sukeśaṃ rākṣasaṃ jāne īśānavaradarpitam | tāṃścāsya tanayāñjāne yeṣāṃ jyeṣṭhaḥ sa mālyavān ||
English Translation
'I know the Raksasa, Sukesa, as flushed with the boon bestowed by Iśāna. And I also know his sons, of whom Mālyavān is the eldest. Those worst if Rākṣasas that have over-riden your dignity will I, wrought up with wrath, slay (in battle); therefore, you gods, be of good cheer.
VR 7.6.19 अनुष्टुप्
तानहं समतिक्रान्तमर्यादान्राक्षसाधमान् । सूदयिष्यामि संग्रामे सुरा भवत विज्वराः ॥
tānahaṃ samatikrāntamaryādānrākṣasādhamān | sūdayiṣyāmi saṃgrāme surā bhavata vijvarāḥ ||
VR 7.6.20 अनुष्टुप्
इत्युक्तास्ते सुराः सर्वे विष्णुना प्रभविष्णुना । यथा वासं ययुर्हृष्टाः प्रशमन्तो जनार्दनम् ॥
ityuktāste surāḥ sarve viṣṇunā prabhaviṣṇunā | yathā vāsaṃ yayurhṛṣṭāḥ praśamanto janārdanam ||
English Translation
Thus addressed by the mighty Vişņu, the gods, highly rejoiced, went to their respective quarters, extolling Janārdana.
VR 7.6.21 अनुष्टुप्
विबुधानां समुद्योगं माल्यवान्स निशाचरः । श्रुत्वा तौ भ्रातरौ वीराविदं वचनमब्रवीत् ॥
vibudhānāṃ samudyogaṃ mālyavānsa niśācaraḥ | śrutvā tau bhrātarau vīrāvidaṃ vacanamabravīt ||
English Translation
And hearing of the activity of the celestials; the night-rangers Mālyavân addressed his heroic brothers, saying.
VR 7.6.22 अनुष्टुप्
अमरा ऋषयश्चैव संहत्य किल शंकरम् । अस्मद्वधं परीप्सन्त इदमूचुस्त्रिलोचनम् ॥
amarā ṛṣayaścaiva saṃhatya kila śaṃkaram | asmadvadhaṃ parīpsanta idamūcustrilocanam ||
VR 7.6.23 अनुष्टुप्
सुकेशतनया देव वरदानबलोद्धताः । बाधन्तेऽस्मान्समुद्युक्ता घोररूपाः पदे पदे ॥
sukeśatanayā deva varadānabaloddhatāḥ | bādhante'smānsamudyuktā ghorarūpāḥ pade pade ||
English Translation
The immortals and sages, going to Sankara, spoke these words, desirous of our destruction, The terrific sons of Sukeśa, puffed up, and swollen on account of their strength flowing from the boon, are crossing us at every step.
VR 7.6.24 अनुष्टुप्
राक्षसैरभिभूताः स्म न शक्ताः स्म उमापते । स्वेषु वेश्मसु संस्थातुं भयात्तेषां दुरात्मनाम् ॥
rākṣasairabhibhūtāḥ sma na śaktāḥ sma umāpate | sveṣu veśmasu saṃsthātuṃ bhayātteṣāṃ durātmanām ||
English Translation
We have been overpowered by the Rākṣasas. And, o lord of creatures, from fear of those wicked-minded ones, we cannot remain in our own homes.
VR 7.6.25 अनुष्टुप्
तदस्माकं हितार्थे त्वं जहि तांस्तांस्त्रिलोचन । राक्षसान्हुंकृतेनैव दह प्रदहतां वर ॥
tadasmākaṃ hitārthe tvaṃ jahi tāṃstāṃstrilocana | rākṣasānhuṃkṛtenaiva daha pradahatāṃ vara ||
English Translation
Therefore, to do us good, do you, O threeeyed one, destroy them; and, O best of consuming ones, do you with your roars, burn them up.
VR 7.6.26 अनुष्टुप्
इत्येवं त्रिदशैरुक्तो निशम्यान्धकसूदनः । शिरः करं च धुन्वान इदं वचनमब्रवीत् ॥
ityevaṃ tridaśairukto niśamyāndhakasūdanaḥ | śiraḥ karaṃ ca dhunvāna idaṃ vacanamabravīt ||
English Translation
Thus addressed by the deities, the slayer of Andhaka, hearing their speech, said, shaking his head and hands.
VR 7.6.27 अनुष्टुप्
अवध्या मम ते देवाः सुकेशतनया रणे । मन्त्रं तु वः प्रदास्यामि यो वै तान्निहनिष्यति ॥
avadhyā mama te devāḥ sukeśatanayā raṇe | mantraṃ tu vaḥ pradāsyāmi yo vai tānnihaniṣyati ||
English Translation
I shall not slay them, you gods; they are incapable of being slain by me. But I shall unfold to you the way in which they will be destroyed.
VR 7.6.28 अनुष्टुप्
यः स चक्रगदापाणिः पीतवासा जनार्दनः । हनिष्यति स तान्युद्धे शरणं तं प्रपद्यथ ॥
yaḥ sa cakragadāpāṇiḥ pītavāsā janārdanaḥ | haniṣyati sa tānyuddhe śaraṇaṃ taṃ prapadyatha ||
English Translation
Do you seek the shelter of him who hold the discus and mace in his hands, and who is clad in a yellow attire, of Janardana, Hari, even of the auspicious Nārāyaṇa.
VR 7.6.29 अनुष्टुप्
हरान्नावाप्य ते कामं कामारिमभिवाद्य च । नारायणालयं प्राप्तास्तस्मै सर्वं न्यवेदयन् ॥
harānnāvāpya te kāmaṃ kāmārimabhivādya ca | nārāyaṇālayaṃ prāptāstasmai sarvaṃ nyavedayan ||
English Translation
Having received this counsel of Hara, they, rendering reverence to that enemy of Kāma, came the abode of Nārāyana and communicated everything to him.
VR 7.6.30 अनुष्टुप्
ततो नारायणेनोक्ता देवा इन्द्रपुरोगमाः । सुरारीन्सूदयिष्यामि सुरा भवत विज्वराः ॥
tato nārāyaṇenoktā devā indrapurogamāḥ | surārīnsūdayiṣyāmi surā bhavata vijvarāḥ ||
English Translation
Then Nārāyana spoke to the celestials with Indra at their head, I will slay those foes of the celestials. You gods, cast off all fear!
← Previous (Ch. 511) Full Table of Contents Next (Ch. 513) →