Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 50

Uttarakāṇḍa Sarga 50

उत्तरकाण्डम् • सर्गः 50

Uttarakāṇḍa Sarga 50 of the classical Vālmīki Rāmāyaṇa with 20 verses.

Total: 20 Verses • Citations: VR 7.50.1–20 • 175 Lexicon Terms
VR 7.50.1 अनुष्टुप्
तथा संचोदितः सूतो लक्ष्मणेन महात्मना । तद्वाक्यमृषिणा प्रोक्तं व्याहर्तुमुपचक्रमे ॥
tathā saṃcoditaḥ sūto lakṣmaṇena mahātmanā | tadvākyamṛṣiṇā proktaṃ vyāhartumupacakrame ||
English Translation
Being thus requested by the high-souled Laks maņa, Sumantra began to reveal the mystery of Durbasa's account.
VR 7.50.2 अनुष्टुप्
पुरा नाम्ना हि दुर्वासा अत्रेः पुत्रो महामुनिः । वसिष्ठस्याश्रमे पुण्ये स वार्षिक्यमुवास ह ॥
purā nāmnā hi durvāsā atreḥ putro mahāmuniḥ | vasiṣṭhasyāśrame puṇye sa vārṣikyamuvāsa ha ||
English Translation
In the days of yore the great ascetic Durbāsā, the son of Atri, resided for a year in the holy hermitage of Vasiştha.
VR 7.50.3 अनुष्टुप्
तमाश्रमं महातेजाः पिता ते सुमहायशाः । पुरोधसं महात्मानं दिदृक्षुरगमत्स्वयम् ॥
tamāśramaṃ mahātejāḥ pitā te sumahāyaśāḥ | purodhasaṃ mahātmānaṃ didṛkṣuragamatsvayam ||
English Translation
At that time your sire, the highly effulgent and illustrious Dasaratha, with a view to see his high-souled priest Vasistha, repaired there.
VR 7.50.4 उपजातिः
स दृष्ट्वा सूर्यसंकाशं ज्वलन्तमिव तेजसा । उपविष्टं वसिष्ठस्य सव्ये पार्श्वे महामुनिम् । तौ मुनी तापसश्रेष्ठौ विनीतस्त्वभ्यवादयत् ॥
sa dṛṣṭvā sūryasaṃkāśaṃ jvalantamiva tejasā | upaviṣṭaṃ vasiṣṭhasya savye pārśve mahāmunim | tau munī tāpasaśreṣṭhau vinītastvabhyavādayat ||
English Translation
He saw the great ascetic Durbásā, burning like the sun in his effulgence, seated on the right hand side of Vasiștha. Thereupon he humbly saluted those two leading ascetics.
VR 7.50.5 अनुष्टुप्
स ताभ्यां पूजितो राजा स्वागतेनासनेन च । पाद्येन फलमूलैश्च सोऽप्यास्ते मुनिभिः सह ॥
sa tābhyāṃ pūjito rājā svāgatenāsanena ca | pādyena phalamūlaiśca so'pyāste munibhiḥ saha ||
English Translation
And they too, welcoming him, received him duly with seat, water to wash feet, Arghya, fruits and roots, Then he lived there in the company of the ascetics.
VR 7.50.6 अनुष्टुप्
तेषां तत्रोपविष्टानां तास्ताः सुमधुराः कथाः । बभूवुः परमर्षीणां मध्यादित्यगतेऽहनि ॥
teṣāṃ tatropaviṣṭānāṃ tāstāḥ sumadhurāḥ kathāḥ | babhūvuḥ paramarṣīṇāṃ madhyādityagate'hani ||
English Translation
Thereupon during the noon, all those ascetics, seated there, began to dwell upon various pleasant topics.
VR 7.50.7 अनुष्टुप्
ततः कथायां कस्यांचित्प्राञ्जलिः प्रग्रहो नृपः । उवाच तं महात्मानमत्रेः पुत्रं तपोधनम् ॥
tataḥ kathāyāṃ kasyāṃcitprāñjaliḥ pragraho nṛpaḥ | uvāca taṃ mahātmānamatreḥ putraṃ tapodhanam ||
English Translation
During an interval Dasaratha, with folded hands and uplifted arms, said to the high-souled son of Atri-Durbāsā, having asceticism for his wealth.
VR 7.50.8 अनुष्टुप्
भगवन्किंप्रमाणेन मम वंशो भविष्यति । किमायुश्च हि मे रामः पुत्राश्चान्ये किमायुषः ॥
bhagavankiṃpramāṇena mama vaṃśo bhaviṣyati | kimāyuśca hi me rāmaḥ putrāścānye kimāyuṣaḥ ||
English Translation
O illustrious Sir, how long shall my family remain in existence? What is the extent of the lease of life granted to Rāma and my other sons?
VR 7.50.9 अनुष्टुप्
रामस्य च सुता ये स्युस्तेषामायुः कियद्भवेत् । काम्यया भगवन्ब्रूहि वंशस्यास्य गतिं मम ॥
rāmasya ca sutā ye syusteṣāmāyuḥ kiyadbhavet | kāmyayā bhagavanbrūhi vaṃśasyāsya gatiṃ mama ||
English Translation
How long shall the descendants of Rāma live? And what shall be the end of my race? Do you relate all this to me.
VR 7.50.10 अनुष्टुप्
तच्छ्रुत्वा व्याहृतं वाक्यं राज्ञो दशरथस्य तु । दुर्वासाः सुमहातेजा व्याहर्तुमुपचक्रमे ॥
tacchrutvā vyāhṛtaṃ vākyaṃ rājño daśarathasya tu | durvāsāḥ sumahātejā vyāhartumupacakrame ||
English Translation
Hearing the words of the king Dasaratha the highly effulgent Durbāsā replied.
VR 7.50.11 अनुष्टुप्
अयोध्यायाः पती रामो दीर्घकालं भविष्यति । सुखिनश्च समृद्धाश्च भविष्यन्त्यस्य चानुजाः ॥
ayodhyāyāḥ patī rāmo dīrghakālaṃ bhaviṣyati | sukhinaśca samṛddhāśca bhaviṣyantyasya cānujāḥ ||
VR 7.50.12 अनुष्टुप्
कस्मिंश्चित्करणे त्वां च मैथिलीं च यशस्विनीम् । संत्यजिष्यति धर्मात्मा कालेन महता किल ॥
kasmiṃścitkaraṇe tvāṃ ca maithilīṃ ca yaśasvinīm | saṃtyajiṣyati dharmātmā kālena mahatā kila ||
VR 7.50.13 अनुष्टुप्
दशवर्षसहस्रणि दशवर्षशतानि च । रामो राज्यमुपासित्वा ब्रह्मलोकं गमिष्यति ॥
daśavarṣasahasraṇi daśavarṣaśatāni ca | rāmo rājyamupāsitvā brahmalokaṃ gamiṣyati ||
English Translation
All his followers shall be happy and prosperous. Having reigned for eleven thousand years Rāma shall repair to the region of Brahmă.
VR 7.50.14 अनुष्टुप्
समृद्धैर्हयमेधैश्च इष्ट्वा परपुरंजयः । राजवंशांश्च काकुत्स्थो बहून्संस्थापयिष्यति ॥
samṛddhairhayamedhaiśca iṣṭvā parapuraṃjayaḥ | rājavaṃśāṃśca kākutstho bahūnsaṃsthāpayiṣyati ||
English Translation
None shall be able to vanquish him. He shall celebrate many a horse-sacrifice with profuse gifts and shall establish many royal families.
VR 7.50.15 अनुष्टुप्
स सर्वमखिलं राज्ञो वंशस्यास्य गतागतम् । आख्याय सुमहातेजास्तूष्णीमासीन्महाद्युतिः ॥
sa sarvamakhilaṃ rājño vaṃśasyāsya gatāgatam | ākhyāya sumahātejāstūṣṇīmāsīnmahādyutiḥ ||
English Translation
He shall beget on Sită two sorts. Having thus related to Dasaratha the past and future of his family the highly effulgent great ascetic Durbāsā became silent.
VR 7.50.16 अनुष्टुप्
तूष्णींभूते मुनौ तस्मिन्राजा दशरथस्तदा । अभिवाद्य महात्मानौ पुनरायात्पुरोत्तमम् ॥
tūṣṇīṃbhūte munau tasminrājā daśarathastadā | abhivādya mahātmānau punarāyātpurottamam ||
English Translation
He being silent-the great king Dasaratha, having bowed to the two high-souled ascetics, again returned to his city Ayodhyā.
VR 7.50.17 अनुष्टुप्
एतद्वचो मया तत्र मुनिना व्याहृतं पुरा । श्रुतं हृदि च निक्षिप्तं नान्यथा तद्भविष्यति ॥
etadvaco mayā tatra muninā vyāhṛtaṃ purā | śrutaṃ hṛdi ca nikṣiptaṃ nānyathā tadbhaviṣyati ||
English Translation
I had heard there all there words of the great ascetic Durbāså. Up to this time they are lying in my heart. Rsis' words shall never prove fruitless.
VR 7.50.18 अनुष्टुप्
एवं गते न संतापं गन्तुमर्हसि राघव । सीतार्थे राघवार्थे वा दृढो भव नरोत्तम ॥
evaṃ gate na saṃtāpaṃ gantumarhasi rāghava | sītārthe rāghavārthe vā dṛḍho bhava narottama ||
English Translation
Under these circumstances, O Laksmana, you should not grieve for Sītā or Rāma; in their interest do you become patient.
VR 7.50.19 अनुष्टुप्
तच्छ्रुत्वा व्याहृतं वाक्यं सूतस्य परमाद्भुतम् । प्रहर्षमतुलं लेभे साधु साध्विति चाब्रवीत् ॥
tacchrutvā vyāhṛtaṃ vākyaṃ sūtasya paramādbhutam | praharṣamatulaṃ lebhe sādhu sādhviti cābravīt ||
English Translation
And beholding the auspicious signs of pregnancy in his souse Rāma attained to excessive delight.
VR 7.50.20 अनुष्टुप्
तयोः संवदतोरेवं सूतलक्ष्मणयोः पथि । अस्तमर्को गतो वासं गोमत्यां तावथोषतुः ॥
tayoḥ saṃvadatorevaṃ sūtalakṣmaṇayoḥ pathi | astamarko gato vāsaṃ gomatyāṃ tāvathoṣatuḥ ||
English Translation
They thus conversing with one another on their way back, the sun set. They accordingly spent that night on the banks of Kesini.
← Previous (Ch. 555) Full Table of Contents Next (Ch. 557) →