Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 51

Uttarakāṇḍa Sarga 51

उत्तरकाण्डम् • सर्गः 51

Uttarakāṇḍa Sarga 51 of the classical Vālmīki Rāmāyaṇa with 16 verses.

Total: 16 Verses • Citations: VR 7.51.1–16 • 175 Lexicon Terms
VR 7.51.1 अनुष्टुप्
तत्र तां रजनीमुष्य गोमत्यां रघुनन्दनः । प्रभाते पुनरुत्थाय लक्ष्मणः प्रययौ तदा ॥
tatra tāṃ rajanīmuṣya gomatyāṃ raghunandanaḥ | prabhāte punarutthāya lakṣmaṇaḥ prayayau tadā ||
English Translation
Having spent the night on the banks of Kesini, the mighty car-warrior Lakşmaņa, got up early in the morning and again proceeded on his journey (home) and reached in the noon the city of Ayodhyā filled with various jewels and delighted and plump citizens.
VR 7.51.2 अनुष्टुप्
ततोऽर्धदिवसे प्राप्ते प्रविवेश महारथः । अयोध्यां रत्नसंपूर्णां हृष्टपुष्टजनावृताम् ॥
tato'rdhadivase prāpte praviveśa mahārathaḥ | ayodhyāṃ ratnasaṃpūrṇāṃ hṛṣṭapuṣṭajanāvṛtām ||
English Translation
Having spent the night on the banks of Kesini, the mighty car-warrior Lakşmaņa, got up early in the morning and again proceeded on his journey (home) and reached in the noon the city of Ayodhyā filled with various jewels and delighted and plump citizens.
VR 7.51.3 अनुष्टुप्
सौमित्रिस्तु परं दैन्यं जगाम सुमहामतिः । रामपादौ समासाद्य वक्ष्यामि किमहं गतः ॥
saumitristu paraṃ dainyaṃ jagāma sumahāmatiḥ | rāmapādau samāsādya vakṣyāmi kimahaṃ gataḥ ||
English Translation
But the high-souled Lakşmaņa became greatly sorry stricken with the thought as to what he should relate on approaching the feet of Rāma.
VR 7.51.4 अनुष्टुप्
तस्यैवं चिन्तयानस्य भवनं शशिसंनिभम् । रामस्य परमोदारं पुरस्तात्समदृश्यत ॥
tasyaivaṃ cintayānasya bhavanaṃ śaśisaṃnibham | rāmasya paramodāraṃ purastātsamadṛśyata ||
English Translation
While proceeding with this thought he saw the highly picturesque palace of Rāma resembling the rays of the moon.
VR 7.51.5 अनुष्टुप्
राज्ञस्तु भवनद्वारि सोऽवतीर्य नरोत्तमः । अवाङ्मुखो दीनमनाः प्रविवेशानिवारितः ॥
rājñastu bhavanadvāri so'vatīrya narottamaḥ | avāṅmukho dīnamanāḥ praviveśānivāritaḥ ||
English Translation
Having descended from his car at the palacegate, Laksmana, the foremost of men, with his face down wards and a distressed heart, unobstructed, entered the palace.
VR 7.51.6 अनुष्टुप्
स दृष्ट्वा राघवं दीनमासीनं परमासने । नेत्राभ्यामश्रुपूर्णाभ्यां ददर्शाग्रजमग्रतः ॥
sa dṛṣṭvā rāghavaṃ dīnamāsīnaṃ paramāsane | netrābhyāmaśrupūrṇābhyāṃ dadarśāgrajamagrataḥ ||
English Translation
Having entered there he saw his elder brother Rāma seated poorly on an excellent seat with his eyes full of tears. Being greatly pained at the sight, Saumitri touched his feet and with folded palms said.
VR 7.51.7 अनुष्टुप्
जग्राह चरणौ तस्य लक्ष्मणो दीनचेतनः । उवाच दीनया वाचा प्राञ्जलिः सुसमाहितः ॥
jagrāha caraṇau tasya lakṣmaṇo dīnacetanaḥ | uvāca dīnayā vācā prāñjaliḥ susamāhitaḥ ||
English Translation
Having entered there he saw his elder brother Rāma seated poorly on an excellent seat with his eyes full of tears. Being greatly pained at the sight, Saumitri touched his feet and with folded palms said.
VR 7.51.8 उपजातिः
आर्यस्याज्ञां पुरस्कृत्य विसृज्य जनकात्मजाम् । गङ्गातीरे यथोद्दिष्टे वाल्मीकेराश्रमे शुभे । पुनरस्म्यागतो वीर पादमूलमुपासितुम् ॥
āryasyājñāṃ puraskṛtya visṛjya janakātmajām | gaṅgātīre yathoddiṣṭe vālmīkerāśrame śubhe | punarasmyāgato vīra pādamūlamupāsitum ||
English Translation
O worshipful sir, having obeyed your behest's I have left the daughter of Janaka at the holy hermitage of Vālmiki near the banks of the Gangā. Having left that illustrious pure lady at the skirt of the hermitage. I have again come to serve your feet
VR 7.51.9 अनुष्टुप्
मा शुचः पुरुषव्याघ्र कालस्य गतिरीदृशी । त्वद्विधा न हि शोचन्ति सत्त्ववन्तो मनस्विनः ॥
mā śucaḥ puruṣavyāghra kālasya gatirīdṛśī | tvadvidhā na hi śocanti sattvavanto manasvinaḥ ||
English Translation
Do you not grieve, O foremost of men, for such is the cause of time. The intelligent people like you do not grieve.
VR 7.51.10 अनुष्टुप्
सर्वे क्षयान्ता निचयाः पतनान्ताः समुच्छ्रयाः । संयोगा विप्रयोगान्ता मरणान्तं च जीवितम् ॥
sarve kṣayāntā nicayāḥ patanāntāḥ samucchrayāḥ | saṃyogā viprayogāntā maraṇāntaṃ ca jīvitam ||
English Translation
When there is grow there is decay, where there is prosperity there is ruin, and where there is birth there is death.
VR 7.51.11 अनुष्टुप्
शक्तस्त्वमात्मनात्मानं विजेतुं मनसैव हि । लोकान्सर्वांश्च काकुत्स्थ किं पुनर्दुःखमीदृशम् ॥
śaktastvamātmanātmānaṃ vijetuṃ manasaiva hi | lokānsarvāṃśca kākutstha kiṃ punarduḥkhamīdṛśam ||
English Translation
O Kakutstha, While you can control yourself and your mind, should you not be able to bear this trifling pain of separation? Leading men like yourself are never overwhelmed by all these things.
VR 7.51.12 अनुष्टुप्
नेदृशेषु विमुह्यन्ति त्वद्विधाः पुरुषर्षभाः । यदर्थं मैथिली त्यक्ता अपवादभयान्नृप ॥
nedṛśeṣu vimuhyanti tvadvidhāḥ puruṣarṣabhāḥ | yadarthaṃ maithilī tyaktā apavādabhayānnṛpa ||
VR 7.51.13 अनुष्टुप्
स त्वं पुरुषशार्दूल धैर्येण सुसमाहितः । त्यजेमां दुर्बलां बुद्धिं संतापं मा कुरुष्व ह ॥
sa tvaṃ puruṣaśārdūla dhairyeṇa susamāhitaḥ | tyajemāṃ durbalāṃ buddhiṃ saṃtāpaṃ mā kuruṣva ha ||
English Translation
Therefore do you restore yourself patiently, O foremost of men. Do you give up this weakness and or not sorry.
VR 7.51.14 अनुष्टुप्
एवमुक्तस्तु काकुत्स्थो लक्ष्मणेन महात्मना । उवाच परया प्रीत्या सौमित्रिं मित्रवत्सलम् ॥
evamuktastu kākutstho lakṣmaṇena mahātmanā | uvāca parayā prītyā saumitriṃ mitravatsalam ||
English Translation
The intelligent Lakşmaņa, the son of Sumitrā, having said this, Rāma, the descendant of Käkutstha and fond of friends, with great delight said.
VR 7.51.15 अनुष्टुप्
एवमेतन्नरश्रेष्ठ यथा वदसि लक्ष्मण । परितोषश्च मे वीर मम कार्यानुशासने ॥
evametannaraśreṣṭha yathā vadasi lakṣmaṇa | paritoṣaśca me vīra mama kāryānuśāsane ||
English Translation
You have spoken the truth, O Laksmana, O foremost of men. I have been greatly delighted, O hero for your carrying out my orders.
VR 7.51.16 अनुष्टुप्
निर्वृतिश्च कृता सौम्य संतापश्च निराकृतः । भवद्वाक्यैः सुमधुरैरनुनीतोऽस्मि लक्ष्मण ॥
nirvṛtiśca kṛtā saumya saṃtāpaśca nirākṛtaḥ | bhavadvākyaiḥ sumadhurairanunīto'smi lakṣmaṇa ||
English Translation
O gentle Saumitrī, my grief and sorrow have been removed for those pleasant words of yours.
← Previous (Ch. 556) Full Table of Contents Next (Ch. 558) →