Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 28

Uttarakāṇḍa Sarga 28

उत्तरकाण्डम् • सर्गः 28

Uttarakāṇḍa Sarga 28 of the classical Vālmīki Rāmāyaṇa with 46 verses.

Total: 46 Verses • Citations: VR 7.28.1–46 • 175 Lexicon Terms • Page 1 of 2 (Verses 30 shown)
VR 7.28.1 अनुष्टुप्
सुमालिनं हतं दृष्ट्वा वसुना भस्मसात्कृतम् । विद्रुतं चापि स्वं सैन्यं लक्षयित्वार्दितं शरैः ॥
sumālinaṃ hataṃ dṛṣṭvā vasunā bhasmasātkṛtam | vidrutaṃ cāpi svaṃ sainyaṃ lakṣayitvārditaṃ śaraiḥ ||
VR 7.28.2 अनुष्टुप्
ततः स बलवान्क्रुद्धो रावणस्य सुतो युधि । निवर्त्य राक्षसान्सर्वान्मेघनादो व्यतिष्ठत ॥
tataḥ sa balavānkruddho rāvaṇasya suto yudhi | nivartya rākṣasānsarvānmeghanādo vyatiṣṭhata ||
VR 7.28.3 अनुष्टुप्
स रथेनाग्निवर्णेन कामगेन महारथः । अभिदुद्राव सेनां तां वनान्यग्निरिव ज्वलन् ॥
sa rathenāgnivarṇena kāmagena mahārathaḥ | abhidudrāva senāṃ tāṃ vanānyagniriva jvalan ||
English Translation
Like to flaming fire approaching towards forest that great car-warrior encountered the enemies in a precious car coursing at will.
VR 7.28.4 अनुष्टुप्
ततः प्रविशतस्तस्य विविधायुधधारिणः । विदुद्रुवुर्दिशः सर्वा देवास्तस्य च दर्शनात् ॥
tataḥ praviśatastasya vividhāyudhadhāriṇaḥ | vidudruvurdiśaḥ sarvā devāstasya ca darśanāt ||
English Translation
As soon as he, armed with various weapons, entered the field the celestials, at his very sight. And away to all directions.
VR 7.28.5 अनुष्टुप्
न तत्रावस्थितः कश्चिद्रणे तस्य युयुत्सतः । सर्वानाविध्य वित्रस्तान्दृष्ट्वा शक्रोऽभ्यभाषत ॥
na tatrāvasthitaḥ kaścidraṇe tasya yuyutsataḥ | sarvānāvidhya vitrastāndṛṣṭvā śakro'bhyabhāṣata ||
VR 7.28.6 अनुष्टुप्
न भेतव्यं न गन्तव्यं निवर्तध्वं रणं प्रति । एष गच्छति मे पुत्रो युद्धार्थमपराजितः ॥
na bhetavyaṃ na gantavyaṃ nivartadhvaṃ raṇaṃ prati | eṣa gacchati me putro yuddhārthamaparājitaḥ ||
English Translation
Be not afraid, O you celestials; do not fly away; come back to the battle; this my son, who has never been vanquished, goes to battle.
VR 7.28.7 अनुष्टुप्
ततः शक्रसुतो देवो जयन्त इति विश्रुतः । रथेनाद्भुतकल्पेन संग्राममभिवर्तत ॥
tataḥ śakrasuto devo jayanta iti viśrutaḥ | rathenādbhutakalpena saṃgrāmamabhivartata ||
English Translation
Thereupon Sakra's son, known as divine Jayanta, proceeded towards the field of action by a wondrous car.
VR 7.28.8 अनुष्टुप्
ततस्ते त्रिदशाः सर्वे परिवार्य शचीसुतम् । रावणस्य सुतं युद्धे समासाद्य व्यवस्थिताः ॥
tataste tridaśāḥ sarve parivārya śacīsutam | rāvaṇasya sutaṃ yuddhe samāsādya vyavasthitāḥ ||
English Translation
Having encircled Saci's son and encountered Rāvana's son, the deities began to assail him.
VR 7.28.9 अनुष्टुप्
तेषां युद्धं महदभूत्सदृशं देवरक्षसाम् । कृते महेन्द्रपुत्रस्य राक्षसेन्द्रसुतस्य च ॥
teṣāṃ yuddhaṃ mahadabhūtsadṛśaṃ devarakṣasām | kṛte mahendraputrasya rākṣasendrasutasya ca ||
English Translation
The encounter between Mahendra's son Jayanta and Rāvana's son Meghanāda was like one between gods and demons.
VR 7.28.10 अनुष्टुप्
ततो मातलिपुत्रे तु गोमुखे राक्षसात्मजः । सारथौ पातयामास शरान्काञ्चनभूषणान् ॥
tato mātaliputre tu gomukhe rākṣasātmajaḥ | sārathau pātayāmāsa śarānkāñcanabhūṣaṇān ||
English Translation
Thereupon Rāvana's son began to assail, with shafts feathered in gold, his (Jayanta's) charioteer Gomukha, Mātali's son.
VR 7.28.11 अनुष्टुप्
शचीसुतस्त्वपि तथा जयन्तस्तस्य सारथिम् । तं चैव रावणिं क्रुद्धः प्रत्यविध्यद्रणाजिरे ॥
śacīsutastvapi tathā jayantastasya sārathim | taṃ caiva rāvaṇiṃ kruddhaḥ pratyavidhyadraṇājire ||
VR 7.28.12 अनुष्टुप्
ततः क्रुद्धो महातेजा रक्षो विस्फारितेक्षणः । रावणिः शक्रपुत्रं तं शरवर्षैरवाकिरत् ॥
tataḥ kruddho mahātejā rakṣo visphāritekṣaṇaḥ | rāvaṇiḥ śakraputraṃ taṃ śaravarṣairavākirat ||
VR 7.28.13 उपजातिः
ततः प्रगृह्य शस्त्राणि सारवन्ति महान्ति च । शतघ्नीस्तोमरान्प्रासान्गदाखड्गपरश्वधान् । सुमहान्त्यद्रिशृङ्गाणि पातयामास रावणिः ॥
tataḥ pragṛhya śastrāṇi sāravanti mahānti ca | śataghnīstomarānprāsāngadākhaḍgaparaśvadhān | sumahāntyadriśṛṅgāṇi pātayāmāsa rāvaṇiḥ ||
VR 7.28.14 अनुष्टुप्
ततः प्रव्यथिता लोकाः संजज्ञे च तमो महत् । तस्य रावणपुत्रस्य तदा शत्रूनभिघ्नतः ॥
tataḥ pravyathitā lokāḥ saṃjajñe ca tamo mahat | tasya rāvaṇaputrasya tadā śatrūnabhighnataḥ ||
English Translation
Rāvana's son thus striking Indra's army the quarters were enshrouded with darkness by his illusory power.
VR 7.28.15 अनुष्टुप्
ततस्तद्दैवतबलं समन्तात्तं शचीसुतम् । बहुप्रकारमस्वस्थं तत्र तत्र स्म धावति ॥
tatastaddaivatabalaṃ samantāttaṃ śacīsutam | bahuprakāramasvasthaṃ tatra tatra sma dhāvati ||
English Translation
Being overpowered with arrows on all sides the celestial army, leaving aside Jayanta, became restless.
VR 7.28.16 अनुष्टुप्
नाभ्यजानंस्तदान्योन्यं शत्रून्वा दैवतानि वा । तत्र तत्र विपर्यस्तं समन्तात्परिधावितम् ॥
nābhyajānaṃstadānyonyaṃ śatrūnvā daivatāni vā | tatra tatra viparyastaṃ samantātparidhāvitam ||
English Translation
The deities or the Rākşasas, they could not recognise one another. And being distressed they ran about on all sides.
VR 7.28.17 अनुष्टुप्
एतस्मिन्नन्तरे शूरः पुलोमा नाम वीर्यवान् । दैतेयस्तेन संगृह्य शचीपुत्रोऽपवाहितः ॥
etasminnantare śūraḥ pulomā nāma vīryavān | daiteyastena saṃgṛhya śacīputro'pavāhitaḥ ||
English Translation
In the interim a heroic and powerful Daityachief, Pulomā, be name, taking ſacī's son disappeared.
VR 7.28.18 अनुष्टुप्
गृहीत्वा तं तु नप्तारं प्रविष्टः स महोदधिम् । मातामहोऽर्यकस्तस्य पौलोमी येन सा शची ॥
gṛhītvā taṃ tu naptāraṃ praviṣṭaḥ sa mahodadhim | mātāmaho'ryakastasya paulomī yena sā śacī ||
VR 7.28.19 अनुष्टुप्
प्रणाशं दृश्य तु सुरा जयन्तस्यातिदारुणम् । व्यथिताश्चाप्रहृष्टाश्च समन्ताद्विप्रदुद्रुवुः ॥
praṇāśaṃ dṛśya tu surā jayantasyātidāruṇam | vyathitāścāprahṛṣṭāśca samantādvipradudruvuḥ ||
VR 7.28.20 अनुष्टुप्
रावणिस्त्वथ संहृष्टो बलैः परिवृतः स्वकैः । अभ्यधावत देवांस्तान्मुमोच च महास्वनम् ॥
rāvaṇistvatha saṃhṛṣṭo balaiḥ parivṛtaḥ svakaiḥ | abhyadhāvata devāṃstānmumoca ca mahāsvanam ||
English Translation
Thereupon Rāvana's son, enraged and encircled by his own powerful followers, pursued the celestials emitting loud cries.
VR 7.28.21 अनुष्टुप्
दृष्ट्वा प्रणाशं पुत्रस्य रावणेश्चापि विक्रमम् । मातलिं प्राह देवेन्द्रो रथः समुपनीयताम् ॥
dṛṣṭvā praṇāśaṃ putrasya rāvaṇeścāpi vikramam | mātaliṃ prāha devendro rathaḥ samupanīyatām ||
English Translation
Not beholding his son and observing the flight of the deities the king of the celestials said to Mātali, “Bring the car."
VR 7.28.22 अनुष्टुप्
स तु दिव्यो महाभीमः सज्ज एव महारथः । उपस्थितो मातलिना वाह्यमानो मनोजवः ॥
sa tu divyo mahābhīmaḥ sajja eva mahārathaḥ | upasthito mātalinā vāhyamāno manojavaḥ ||
English Translation
By Mātali was brought, the celestial, highly dreadful, huge and quick-coursing chariot, that was ready.
VR 7.28.23 अनुष्टुप्
ततो मेघा रथे तस्मिंस्तडिद्वन्तो महास्वनाः । अग्रतो वायुचपला गच्छन्तो व्यनदंस्तदा ॥
tato meghā rathe tasmiṃstaḍidvanto mahāsvanāḥ | agrato vāyucapalā gacchanto vyanadaṃstadā ||
English Translation
(And he having) ascended the car, the huge clouds, with lightening, being driven by winds, began to emit forth loud mutterings before the chariot.
VR 7.28.24 अनुष्टुप्
नानावाद्यानि वाद्यन्त स्तुतयश्च समाहिताः । ननृतुश्चाप्सरःसंघाः प्रयाते वासवे रणम् ॥
nānāvādyāni vādyanta stutayaśca samāhitāḥ | nanṛtuścāpsaraḥsaṃghāḥ prayāte vāsave raṇam ||
English Translation
The Gandharvas began to play on various instruments and the Apsarās began to dance.
VR 7.28.25 अनुष्टुप्
रुद्रैर्वसुभिरादित्यैः साध्यैश्च समरुद्गणैः । वृतो नानाप्रहरणैर्निर्ययौ त्रिदशाधिपः ॥
rudrairvasubhirādityaiḥ sādhyaiśca samarudgaṇaiḥ | vṛto nānāpraharaṇairniryayau tridaśādhipaḥ ||
English Translation
Taking up various weapons, Indra, the king of divinities, set out for the field of action, in the company of Rudras, Vasus, Adityas, the two Asvins and Maruts.
VR 7.28.26 अनुष्टुप्
निर्गच्छतस्तु शक्रस्य परुषं पवनो ववौ । भास्करो निष्प्रभश्चासीन्महोल्काश्च प्रपेदिरे ॥
nirgacchatastu śakrasya paruṣaṃ pavano vavau | bhāskaro niṣprabhaścāsīnmaholkāśca prapedire ||
English Translation
He, having set out for battle, the winds began to blow high, the sun was divested of its brilliance and the huge fire-brands began to send out flames.
VR 7.28.27 अनुष्टुप्
एतस्मिन्नन्तरे शूरो दशग्रीवः प्रतापवान् । आरुरोह रथं दिव्यं निर्मितं विश्वकर्मणा ॥
etasminnantare śūro daśagrīvaḥ pratāpavān | āruroha rathaṃ divyaṃ nirmitaṃ viśvakarmaṇā ||
English Translation
In the interval the heroic and the highly powerful Daśagrīva ascended the celestial car, constructed by the Architect of the deities, encircled by the huge-bodied serpents capable of making down erect and by whose breath the battle-field was ablaze.
VR 7.28.28 अनुष्टुप्
पन्नगैः सुमहाकायैर्वेष्टितं लोमहर्षणैः । येषां निश्वासवातेन प्रदीप्तमिव संयुगम् ॥
pannagaiḥ sumahākāyairveṣṭitaṃ lomaharṣaṇaiḥ | yeṣāṃ niśvāsavātena pradīptamiva saṃyugam ||
English Translation
In the interval the heroic and the highly powerful Daśagrīva ascended the celestial car, constructed by the Architect of the deities, encircled by the huge-bodied serpents capable of making down erect and by whose breath the battle-field was ablaze.
VR 7.28.29 अनुष्टुप्
दैत्यैर्निशाचरैः शूरै रथः संपरिवारितः । समराभिमुखो दिव्यो महेन्द्रमभिवर्तत ॥
daityairniśācaraiḥ śūrai rathaḥ saṃparivāritaḥ | samarābhimukho divyo mahendramabhivartata ||
English Translation
Surrounded by demons and night-rangers and with the celestial car he encountered Mahendra in the battle-field.
VR 7.28.30 अनुष्टुप्
पुत्रं तं वारयित्वासौ स्वयमेव व्यवस्थितः । सोऽपि युद्धाद्विनिष्क्रम्य रावणिः समुपाविशत् ॥
putraṃ taṃ vārayitvāsau svayameva vyavasthitaḥ | so'pi yuddhādviniṣkramya rāvaṇiḥ samupāviśat ||
English Translation
Having desisted his son he himself stood there. And having coming out from the field of action Ravana's son too stood silent.
← Previous (Ch. 533) Full Table of Contents Next (Ch. 535) →