Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 8

Uttarakāṇḍa Sarga 8

उत्तरकाण्डम् • सर्गः 8

Uttarakāṇḍa Sarga 8 of the classical Vālmīki Rāmāyaṇa with 25 verses.

Total: 25 Verses • Citations: VR 7.8.1–25 • 175 Lexicon Terms
VR 7.8.1 अनुष्टुप्
हन्यमाने बले तस्मिन्पद्मनाभेन पृष्ठतः । माल्यवान्संनिवृत्तोऽथ वेलातिग इवार्णवः ॥
hanyamāne bale tasminpadmanābhena pṛṣṭhataḥ | mālyavānsaṃnivṛtto'tha velātiga ivārṇavaḥ ||
English Translation
On that host being sore pressed at its back by Padmanabha,* Mālyavăn turned back even as the ocean does on meeting with its shore. *Lit. the lotus-naveled-a name of Visnu.
VR 7.8.2 अनुष्टुप्
संरक्तनयनः कोपाच्चलन्मौलिर्निशाचरः । पद्मनाभमिदं प्राह वचनं परुषं तदा ॥
saṃraktanayanaḥ kopāccalanmaulirniśācaraḥ | padmanābhamidaṃ prāha vacanaṃ paruṣaṃ tadā ||
English Translation
And with his eyes reddened, that night-ranger waxing wroth, shaking his head, addressed that prime of male persons Padmanabha, saying.
VR 7.8.3 अनुष्टुप्
नारायण न जानीषे क्षत्रधर्मं सनातनम् । अयुद्धमनसो भग्नान्योऽस्मान्हंसि यथेतरः ॥
nārāyaṇa na jānīṣe kṣatradharmaṃ sanātanam | ayuddhamanaso bhagnānyo'smānhaṃsi yathetaraḥ ||
English Translation
O Nārāyaṇa, you are ignorant of the timehonoured morality of Kşatriyas; and therefore like a base wight you slay us, desisting from fight and exercised with fear.
VR 7.8.4 अनुष्टुप्
पराङ्मुखवधं पापं यः करोति सुरेश्वर । स हन्ता न गतः स्वर्गं लभते पुण्यकर्मणाम् ॥
parāṅmukhavadhaṃ pāpaṃ yaḥ karoti sureśvara | sa hantā na gataḥ svargaṃ labhate puṇyakarmaṇām ||
English Translation
O lord of the celestials, he that commits the crime of slaying one that desists from fight cannot go to the celestial regions as the fruit of meritorious acts.
VR 7.8.5 अनुष्टुप्
युद्धश्रद्धाथ वा तेऽस्ति शङ्खचक्रगदाधर । अहं स्थितोऽस्मि पश्यामि बलं दर्शय यत्तव ॥
yuddhaśraddhātha vā te'sti śaṅkhacakragadādhara | ahaṃ sthito'smi paśyāmi balaṃ darśaya yattava ||
English Translation
If you are bent upon battle, a holder of the conch, the discus and the mace, taking up my post (here), I shall see (your strength). Do you show (me) the same.
VR 7.8.6 उपजातिः
उवाच राक्षसेन्द्रं तं देवराजानुजो बली । युष्मत्तो भयभीतानां देवानां वै मयाभयम् । राक्षसोत्सादनं दत्तं तदेतदनुपाल्यते ॥
uvāca rākṣasendraṃ taṃ devarājānujo balī | yuṣmatto bhayabhītānāṃ devānāṃ vai mayābhayam | rākṣasotsādanaṃ dattaṃ tadetadanupālyate ||
English Translation
I have removed the fear of the deities, affrighted at you, by promising that I will make root and branch work with the Räkşasas; and that same promise I am now fulfilling.
VR 7.8.7 अनुष्टुप्
प्राणैरपि प्रियं कार्यं देवानां हि सदा मया । सोऽहं वो निहनिष्यामि रसातलगतानपि ॥
prāṇairapi priyaṃ kāryaṃ devānāṃ hi sadā mayā | so'haṃ vo nihaniṣyāmi rasātalagatānapi ||
English Translation
I should always lay down my life for serving the celestials and you I will slay even if you should go to the nethermost regions.
VR 7.8.8 अनुष्टुप्
देवमेवं ब्रुवाणं तु रक्ताम्बुरुहलोचनम् । शक्त्या बिभेद संक्रुद्धो राक्षसेन्द्रो ररास च ॥
devamevaṃ bruvāṇaṃ tu raktāmburuhalocanam | śaktyā bibheda saṃkruddho rākṣasendro rarāsa ca ||
English Translation
As that god of gods having eyes resembling the red lotuses was speaking thus, the lord of Rākşasas in high wrath pierced his breast with a dart.
VR 7.8.9 अनुष्टुप्
माल्यवद्भुजनिर्मुक्ता शक्तिर्घण्टाकृतस्वना । हरेरुरसि बभ्राज मेघस्थेव शतह्रदा ॥
mālyavadbhujanirmuktā śaktirghaṇṭākṛtasvanā | harerurasi babhrāja meghastheva śatahradā ||
English Translation
And hurled by the hand of Mālyavān, the dart resonant with bells, appeared graceful on Hari's breast like lightening embosomed in clouds.
VR 7.8.10 अनुष्टुप्
ततस्तामेव चोत्कृष्य शक्तिं शक्तिधरप्रियः । माल्यवन्तं समुद्दिश्य चिक्षेपाम्बुरुहेक्षणः ॥
tatastāmeva cotkṛṣya śaktiṃ śaktidharapriyaḥ | mālyavantaṃ samuddiśya cikṣepāmburuhekṣaṇaḥ ||
English Translation
Thereat drawing out the same dart, that one dear to the Wielder of the Dart,* having eyes resembling red lotuses, aiming at Mālyāvan, hurled it at him. *A name of Kārtikeya, the celestial generallissimo.
VR 7.8.11 अनुष्टुप्
स्कन्दोत्सृष्टेव सा शक्तिर्गोविन्दकरनिःसृता । काङ्क्षन्ती राक्षसं प्रायान्महोल्केवाञ्जनाचलम् ॥
skandotsṛṣṭeva sā śaktirgovindakaraniḥsṛtā | kāṅkṣantī rākṣasaṃ prāyānmaholkevāñjanācalam ||
English Translation
Thereat the dart discharged by the hand of Govinda like to the Dart discharged by the hand of Skanda, rushing towards the Rākṣasa like a meteor coursing towards the Anjana mountain, descended on the spacious chest of the lord of the Rākşasas decked with the weight of a chain, even as the thunder clap bursts at the summit of the mountain.
VR 7.8.12 अनुष्टुप्
सा तस्योरसि विस्तीर्णे हारभासावभासिते । अपतद्राक्षसेन्द्रस्य गिरिकूट इवाशनिः ॥
sā tasyorasi vistīrṇe hārabhāsāvabhāsite | apatadrākṣasendrasya girikūṭa ivāśaniḥ ||
VR 7.8.13 अनुष्टुप्
तया भिन्नतनुत्राणाः प्राविशद्विपुलं तमः । माल्यवान्पुनराश्वस्तस्तस्थौ गिरिरिवाचलः ॥
tayā bhinnatanutrāṇāḥ prāviśadvipulaṃ tamaḥ | mālyavānpunarāśvastastasthau giririvācalaḥ ||
English Translation
On having his mail rent, Mālyāvan was utterly deprived of his senses; but (anon) reposing for a while, he again stood like a moveless hill.
VR 7.8.14 अनुष्टुप्
ततः कार्ष्णायसं शूलं कण्टकैर्बहुभिश्चितम् । प्रगृह्याभ्यहनद्देवं स्तनयोरन्तरे दृढम् ॥
tataḥ kārṣṇāyasaṃ śūlaṃ kaṇṭakairbahubhiścitam | pragṛhyābhyahanaddevaṃ stanayorantare dṛḍham ||
English Translation
Then taking up a javelin made of black iror girt with many a thorn, he furiously smote that deity on the chest.
VR 7.8.15 अनुष्टुप्
तथैव रणरक्तस्तु मुष्टिना वासवानुजम् । ताडयित्वा धनुर्मात्रमपक्रान्तो निशाचरः ॥
tathaiva raṇaraktastu muṣṭinā vāsavānujam | tāḍayitvā dhanurmātramapakrānto niśācaraḥ ||
English Translation
And that night-ranger delighting in battle, dealing a box at Vāsavā's younger brother, moved away a distance measuring a bow's length.
VR 7.8.16 अनुष्टुप्
ततोऽम्बरे महाञ्शब्दः साधु साध्विति चोत्थितः । आहत्य राक्षसो विष्णुं गरुडं चाप्यताडयत् ॥
tato'mbare mahāñśabdaḥ sādhu sādhviti cotthitaḥ | āhatya rākṣaso viṣṇuṃ garuḍaṃ cāpyatāḍayat ||
English Translation
And now there arose a mighty tumult in the sky of 'Excellent!' 'Excellent!' and having struck Visnu, the Raksasa also hit Garuda.
VR 7.8.17 अनुष्टुप्
वैनतेयस्ततः क्रुद्धः पक्षवातेन राक्षसं । व्यपोहद्बलवान्वायुः शुष्कपर्णचयं यथा ॥
vainateyastataḥ kruddhaḥ pakṣavātena rākṣasaṃ | vyapohadbalavānvāyuḥ śuṣkaparṇacayaṃ yathā ||
English Translation
Thereat Vinata's son, growing engaged, drove the Rākşasas away with the wind of his wings, even as the lusty wind bloweth about sere leaves.
VR 7.8.18 अनुष्टुप्
द्विजेन्द्रपक्षवातेन द्रावितं दृश्य पूर्वजम् । सुमाली स्वबलैः सार्धं लङ्कामभिमुखो ययौ ॥
dvijendrapakṣavātena drāvitaṃ dṛśya pūrvajam | sumālī svabalaiḥ sārdhaṃ laṅkāmabhimukho yayau ||
English Translation
Seeing his elder brother driven by the wind produced by the wings of that bird, Sumali along with his forces, made for Lankā.
VR 7.8.19 अनुष्टुप्
पक्षवातबलोद्धूतो माल्यवानपि राक्षसः । स्वबलेन समागम्य ययौ लङ्कां ह्रिया वृतः ॥
pakṣavātabaloddhūto mālyavānapi rākṣasaḥ | svabalena samāgamya yayau laṅkāṃ hriyā vṛtaḥ ||
English Translation
And pushed off by the violence of the wind of (Garuda's) wings, the Rākṣasa Mālyavān also, joined by his own forces, departed for Lankā, covered with shame.
VR 7.8.20 अनुष्टुप्
एवं ते राक्षसा राम हरिणा कमलेक्षण । बहुशः संयुगे भग्ना हतप्रवरनायकाः ॥
evaṃ te rākṣasā rāma hariṇā kamalekṣaṇa | bahuśaḥ saṃyuge bhagnā hatapravaranāyakāḥ ||
English Translation
Thus, O Rama, O lotus-eyed one, (the Rākşasas) had innumerable warriors beaten down and their foremost leaders slain.
VR 7.8.21 अनुष्टुप्
अशक्नुवन्तस्ते विष्णुं प्रतियोद्धुं भयार्दिताः । त्यक्त्वा लङ्कां गता वस्तुं पातालं सहपत्नयः ॥
aśaknuvantaste viṣṇuṃ pratiyoddhuṃ bhayārditāḥ | tyaktvā laṅkāṃ gatā vastuṃ pātālaṃ sahapatnayaḥ ||
English Translation
And albeit inflated with pride, they, incapable of coping with Vişnu, leaving Lankā, went to the nether regions with their wives dwelling there.
VR 7.8.22 अनुष्टुप्
सुमालिनं समासाद्य राक्षसं रघुनन्दन । स्थिताः प्रख्यातवीर्यास्ते वंशे सालकटङ्कटे ॥
sumālinaṃ samāsādya rākṣasaṃ raghunandana | sthitāḥ prakhyātavīryāste vaṃśe sālakaṭaṅkaṭe ||
English Translation
O best of the Raghus, these Rākşasa of celebrated prowess, related to the race of Sälakatankața, remained under the leadership of the Rākṣasa Sumāli.
VR 7.8.23 उपजातिः
ये त्वया निहतास्ते वै पौलस्त्या नाम राक्षसाः । सुमाली माल्यवान्माली ये च तेषां पुरःसराः । सर्व एते महाभाग रावणाद्बलवत्तराः ॥
ye tvayā nihatāste vai paulastyā nāma rākṣasāḥ | sumālī mālyavānmālī ye ca teṣāṃ puraḥsarāḥ | sarva ete mahābhāga rāvaṇādbalavattarāḥ ||
English Translation
All those exalted Rākşasas going under the name of Pulastya that had been headed by Sumāli, Mālyavān and Māli, were stronger than Ravana.
VR 7.8.24 अनुष्टुप्
न चान्यो रक्षसां हन्ता सुरेष्वपि पुरंजय । ऋते नारायणं देवं शङ्खचक्रगदाधरम् ॥
na cānyo rakṣasāṃ hantā sureṣvapi puraṃjaya | ṛte nārāyaṇaṃ devaṃ śaṅkhacakragadādharam ||
English Translation
No other than the god Nārāyaṇa, holding the conch, the discus and the mace, could slay those Råkşasa-foes to the celestials and thorns in the side of the deties.
VR 7.8.25 अनुष्टुप्
भवान्नारायणो देवश्चतुर्बाहुः सनातनः । राक्षसान्हन्तुमुत्पन्नो अजेयः प्रभुरव्ययः ॥
bhavānnārāyaṇo devaścaturbāhuḥ sanātanaḥ | rākṣasānhantumutpanno ajeyaḥ prabhuravyayaḥ ||
English Translation
And you are that eternal god the four armed Narayana, the lord, undeteriorating and unconquerable, sprung to exterminate Rāksasas.
← Previous (Ch. 513) Full Table of Contents Next (Ch. 515) →