Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 33

Kiṣkindhākāṇḍa Sarga 33

किष्किन्धाकाण्डम् • सर्गः 33

Kiṣkindhākāṇḍa Sarga 33 of the classical Vālmīki Rāmāyaṇa with 19 verses.

Total: 19 Verses • Citations: VR 4.33.1–19 • 175 Lexicon Terms
VR 4.33.1 अनुष्टुप्
तमप्रतिहतं क्रुद्धं प्रविष्टं पुरुषर्षभम् । सुग्रीवो लक्ष्मणं दृष्ट्वा बभूव व्यथितेन्द्रियः ॥
tamapratihataṃ kruddhaṃ praviṣṭaṃ puruṣarṣabham | sugrīvo lakṣmaṇaṃ dṛṣṭvā babhūva vyathitendriyaḥ ||
English Translation
Seeing that foremost of men, Laksmana, exercised with wrath, as he entered in without let, Sugrīva was seized with sadness.
VR 4.33.2 अनुष्टुप्
क्रुद्धं निःश्वसमानं तं प्रदीप्तमिव तेजसा । भ्रातुर्व्यसनसंतप्तं दृष्ट्वा दशरथात्मजम् ॥
kruddhaṃ niḥśvasamānaṃ taṃ pradīptamiva tejasā | bhrāturvyasanasaṃtaptaṃ dṛṣṭvā daśarathātmajam ||
English Translation
And seeing Dasaratha's son, wroth, and breathing hard, and flaming up in energy, and burning in consequence of the calamity that had overtaken his brother, that chief of monkeys started up, leaving his golden seat, like to the mighty ornamented standard of the great Indra.
VR 4.33.3 अनुष्टुप्
उत्पपात हरिश्रेष्ठो हित्वा सौवर्णमासनम् । महान्महेन्द्रस्य यथा स्वलंकृत इव ध्वजः ॥
utpapāta hariśreṣṭho hitvā sauvarṇamāsanam | mahānmahendrasya yathā svalaṃkṛta iva dhvajaḥ ||
English Translation
And seeing Dasaratha's son, wroth, and breathing hard, and flaming up in energy, and burning in consequence of the calamity that had overtaken his brother, that chief of monkeys started up, leaving his golden seat, like to the mighty ornamented standard of the great Indra.
VR 4.33.4 अनुष्टुप्
उत्पतन्तमनूत्पेतू रुमाप्रभृतयः स्त्रियः । सुग्रीवं गगने पूर्णं चन्द्रं तारागणा इव ॥
utpatantamanūtpetū rumāprabhṛtayaḥ striyaḥ | sugrīvaṃ gagane pūrṇaṃ candraṃ tārāgaṇā iva ||
English Translation
And as Sugrīva rose up, Umā and the other females rose up, like to stars appearing in the sky when the full moon has risen.
VR 4.33.5 अनुष्टुप्
संरक्तनयनः श्रीमान्विचचाल कृताञ्जलिः । बभूवावस्थितस्तत्र कल्पवृक्षो महानिव ॥
saṃraktanayanaḥ śrīmānvicacāla kṛtāñjaliḥ | babhūvāvasthitastatra kalpavṛkṣo mahāniva ||
English Translation
And with eyes reddened, and his hands folded, the graceful Sugrīva came (before Laks maņa) and stood there like a mighty Kalpa tree.
VR 4.33.6 अनुष्टुप्
रुमा द्वितीयं सुग्रीवं नारीमध्यगतं स्थितम् । अब्रवील्लक्ष्मणः क्रुद्धः सतारं शशिनं यथा ॥
rumā dvitīyaṃ sugrīvaṃ nārīmadhyagataṃ sthitam | abravīllakṣmaṇaḥ kruddhaḥ satāraṃ śaśinaṃ yathā ||
English Translation
And the wrathful Lakşmaņa spoke to Sugrīva stationed among women, having Umā for his second, and resembling the moon with the stars, saying.
VR 4.33.7 अनुष्टुप्
सत्त्वाभिजनसंपन्नः सानुक्रोशो जितेन्द्रियः । कृतज्ञः सत्यवादी च राजा लोके महीयते ॥
sattvābhijanasaṃpannaḥ sānukrośo jitendriyaḥ | kṛtajñaḥ satyavādī ca rājā loke mahīyate ||
English Translation
The king that is nobly endowed by heredily, and is kind, that has subdued his senses, and is grateful and truth telling, obtains renown in this world.
VR 4.33.8 अनुष्टुप्
यस्तु राजा स्थितोऽधर्मे मित्राणामुपकारिणाम् । मिथ्याप्रतिज्ञां कुरुते को नृशंसतरस्ततः ॥
yastu rājā sthito'dharme mitrāṇāmupakāriṇām | mithyāpratijñāṃ kurute ko nṛśaṃsatarastataḥ ||
English Translation
And who is more wicked than that king who, rooted in unrighteousness, makes false promises to friends intent upon his welfare?
VR 4.33.9 अनुष्टुप्
शतमश्वानृते हन्ति सहस्रं तु गवानृते । आत्मानं स्वजनं हन्ति पुरुषः पुरुषानृते ॥
śatamaśvānṛte hanti sahasraṃ tu gavānṛte | ātmānaṃ svajanaṃ hanti puruṣaḥ puruṣānṛte ||
English Translation
He that speaks a falsehood with reference to a horse, becomes guilty of the deaths of an hundred horses: he committing himself to a falsehood relative to a cow, reapeth the demerit of slaying a thousand kine; while he that uttereth an untruth touching a person, destroys self as well as his kindred.
VR 4.33.10 अनुष्टुप्
पूर्वं कृतार्थो मित्राणां न तत्प्रतिकरोति यः । कृतघ्नः सर्वभूतानां स वध्यः प्लवगेश्वर ॥
pūrvaṃ kṛtārtho mitrāṇāṃ na tatpratikaroti yaḥ | kṛtaghnaḥ sarvabhūtānāṃ sa vadhyaḥ plavageśvara ||
English Translation
That ungrateful might that having at first attained benefit at the hands of his friends, does not requite it, is, O lord of monkeys, worthy of being slain by all creatures.
VR 4.33.11 अनुष्टुप्
गीतोऽयं ब्रह्मणा श्लोकः सर्वलोकनमस्कृतः । दृष्ट्वा कृतघ्नं क्रुद्धेन तं निबोध प्लवंगम ॥
gīto'yaṃ brahmaṇā ślokaḥ sarvalokanamaskṛtaḥ | dṛṣṭvā kṛtaghnaṃ kruddhena taṃ nibodha plavaṃgama ||
English Translation
Seeing an ingrate wretch, the wrathful Brahmā sang the (previous) śloka, bowed down to by all the worlds.
VR 4.33.12 अनुष्टुप्
ब्रह्मघ्ने च सुरापे च चोरे भग्नव्रते तथा । निष्कृतिर्विहिता सद्भिः कृतघ्ने नास्ति निष्कृतिः ॥
brahmaghne ca surāpe ca core bhagnavrate tathā | niṣkṛtirvihitā sadbhiḥ kṛtaghne nāsti niṣkṛtiḥ ||
English Translation
Do you understand that, O monkey. The pious provide deliverance for the cow-killer, the winebiber, the thief, and the violator of vows; but for the ungrateful person there is no deliverance whatever.
VR 4.33.13 अनुष्टुप्
अनार्यस्त्वं कृतघ्नश्च मिथ्यावादी च वानर । पूर्वं कृतार्थो रामस्य न तत्प्रतिकरोषि यत् ॥
anāryastvaṃ kṛtaghnaśca mithyāvādī ca vānara | pūrvaṃ kṛtārtho rāmasya na tatpratikaroṣi yat ||
English Translation
You are ignoble and ungrateful and lying, O monkey, since, having been formerly benefited by Rāma, you did not requite his services.
VR 4.33.14 अनुष्टुप्
ननु नाम कृतार्थेन त्वया रामस्य वानर । सीताया मार्गणे यत्नः कर्तव्यः कृतमिच्छता ॥
nanu nāma kṛtārthena tvayā rāmasya vānara | sītāyā mārgaṇe yatnaḥ kartavyaḥ kṛtamicchatā ||
English Translation
Having been benefited by Rāma, you, anxious to repay his kindness, should exert yourself in search of Sita.
VR 4.33.15 अनुष्टुप्
स त्वं ग्राम्येषु भोगेषु सक्तो मिथ्या प्रतिश्रवः । न त्वां रामो विजानीते सर्पं मण्डूकराविणम् ॥
sa tvaṃ grāmyeṣu bhogeṣu sakto mithyā pratiśravaḥ | na tvāṃ rāmo vijānīte sarpaṃ maṇḍūkarāviṇam ||
English Translation
But, of false promises, you had been indulging in gross enjoyments,-nor does Rāma know you for a serpent, croaking like a frog*. *Crying through the voice of the frog in its mouth. Another meaning is, croaking like a frog, to allure frog to it.
VR 4.33.16 अनुष्टुप्
महाभागेन रामेण पापः करुणवेदिना । हरीणां प्रापितो राज्यं त्वं दुरात्मा महात्मना ॥
mahābhāgena rāmeṇa pāpaḥ karuṇavedinā | harīṇāṃ prāpito rājyaṃ tvaṃ durātmā mahātmanā ||
English Translation
A sinful wretch and of wicked soul, you had obtained the kingdom of the monkeys through the agency of the eminently virtuous, kind and high-souled Rāma.
VR 4.33.17 अनुष्टुप्
कृतं चेन्नाभिजानीषे रामस्याक्लिष्टकर्मणः । सद्यस्त्वं निशितैर्बाणैर्हतो द्रक्ष्यसि वालिनम् ॥
kṛtaṃ cennābhijānīṣe rāmasyākliṣṭakarmaṇaḥ | sadyastvaṃ niśitairbāṇairhato drakṣyasi vālinam ||
English Translation
You did not acknowledge the good offices rendered to you by the high-souled Rāghava; and therefore, slain by means of sharpened shafts, you shall soon see Vali.
VR 4.33.18 अनुष्टुप्
न च संकुचितः पन्था येन वाली हतो गतः । समये तिष्ठ सुग्रीव मा वालिपथमन्वगाः ॥
na ca saṃkucitaḥ panthā yena vālī hato gataḥ | samaye tiṣṭha sugrīva mā vālipathamanvagāḥ ||
English Translation
The way that has been wended by the slain Vali, is not yet narrowed. Do you, O Sugriva, desist in time: do not walk in the wake of Vāli.
VR 4.33.19 वंशस्थम्
न नूनमिक्ष्वाकुवरस्य कार्मुका;च्च्युताञ्शरान्पश्यसि वज्रसंनिभान् । ततः सुखं नाम निषेवसे सुखी; न रामकार्यं मनसाप्यवेक्षसे ॥
na nūnamikṣvākuvarasya kārmukā;ccyutāñśarānpaśyasi vajrasaṃnibhān | tataḥ sukhaṃ nāma niṣevase sukhī; na rāmakāryaṃ manasāpyavekṣase ||
English Translation
Do not behold the shafts resembling thunderbolts shot from the bow of that best of the Ikş wakus. Then, attaining happiness, you shall pass your days in peace. Nor do you mentally neglect Rāma's business.
← Previous (Ch. 290) Full Table of Contents Next (Ch. 292) →