Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 7

Kiṣkindhākāṇḍa Sarga 7

किष्किन्धाकाण्डम् • सर्गः 7

Kiṣkindhākāṇḍa Sarga 7 of the classical Vālmīki Rāmāyaṇa with 23 verses.

Total: 23 Verses • Citations: VR 4.7.1–23 • 175 Lexicon Terms
VR 4.7.1 अनुष्टुप्
एवमुक्तस्तु सुग्रीवो रामेणार्तेन वानरः । अब्रवीत्प्राञ्जलिर्वाक्यं सबाष्पं बाष्पगद्गदः ॥
evamuktastu sugrīvo rāmeṇārtena vānaraḥ | abravītprāñjalirvākyaṃ sabāṣpaṃ bāṣpagadgadaḥ ||
English Translation
Thus addressed by the aggrieved Rāma, the monkey, Sugriva, his accents obstructed by vapour and his eyes filled with tears, said with joined hands,
VR 4.7.2 अनुष्टुप्
न जाने निलयं तस्य सर्वथा पापरक्षसः । सामर्थ्यं विक्रमं वापि दौष्कुलेयस्य वा कुलम् ॥
na jāne nilayaṃ tasya sarvathā pāparakṣasaḥ | sāmarthyaṃ vikramaṃ vāpi dauṣkuleyasya vā kulam ||
English Translation
I do not know the hidden abode of that exceedingly wicked Raksasa,-nor do l know his heroism and prowess, or the lineage of that one sprung from a vicious race.
VR 4.7.3 अनुष्टुप्
सत्यं तु प्रतिजानामि त्यज शोकमरिंदम । करिष्यामि तथा यत्नं यथा प्राप्स्यसि मैथिलीम् ॥
satyaṃ tu pratijānāmi tyaja śokamariṃdama | kariṣyāmi tathā yatnaṃ yathā prāpsyasi maithilīm ||
English Translation
O vanquisher of foes, leave off sorrowing. I promise to you truly, I will exert so that you mayst obtain Maithilī.
VR 4.7.4 अनुष्टुप्
रावणं सगणं हत्वा परितोष्यात्मपौरुषम् । तथास्मि कर्ता नचिराद्यथा प्रीतो भविष्यसि ॥
rāvaṇaṃ sagaṇaṃ hatvā paritoṣyātmapauruṣam | tathāsmi kartā nacirādyathā prīto bhaviṣyasi ||
English Translation
Slaying Rāvaņa with his hosts, and putting forth my manliness capable of pleasing others, I will speedily act so that you mayst be pleased.
VR 4.7.5 अनुष्टुप्
अलं वैक्लव्यमालम्ब्य धैर्यमात्मगतं स्मर । त्वद्विधानां न सदृशमीदृशं बुद्धिलाघवम् ॥
alaṃ vaiklavyamālambya dhairyamātmagataṃ smara | tvadvidhānāṃ na sadṛśamīdṛśaṃ buddhilāghavam ||
English Translation
Do not be overwhelmed with grief: summon the fortitude that is in you. Such lightness of sense does not become persons like you.
VR 4.7.6 अनुष्टुप्
मयापि व्यसनं प्राप्तं भार्या हरणजं महत् । न चाहमेवं शोचामि न च धैर्यं परित्यजे ॥
mayāpi vyasanaṃ prāptaṃ bhāryā haraṇajaṃ mahat | na cāhamevaṃ śocāmi na ca dhairyaṃ parityaje ||
English Translation
I also have experienced mighty disaster arising out of separation from my wife; but I do not weep in this wise,-nor do I forsake my fortitude.
VR 4.7.7 अनुष्टुप्
नाहं तामनुशोचामि प्राकृतो वानरोऽपि सन् । महात्मा च विनीतश्चा किं पुनर्धृतिमान्भवान् ॥
nāhaṃ tāmanuśocāmi prākṛto vānaro'pi san | mahātmā ca vinītaścā kiṃ punardhṛtimānbhavān ||
English Translation
A despicable monkey as I am, I do not grieve for her,-and what again shall I say of one that is magnanimous, endued with meekness and firmness, and great?
VR 4.7.8 अनुष्टुप्
बाष्पमापतितं धैर्यान्निग्रहीतुं त्वमर्हसि । मर्यादां सत्त्वयुक्तानां धृतिं नोत्स्रष्टुमर्हसि ॥
bāṣpamāpatitaṃ dhairyānnigrahītuṃ tvamarhasi | maryādāṃ sattvayuktānāṃ dhṛtiṃ notsraṣṭumarhasi ||
English Translation
It behoveth you to restrain your falling tears by patience. It behoveth you not to resign that patience which is the dignity of persons possessed of the quality of goodness.
VR 4.7.9 अनुष्टुप्
व्यसने वार्थ कृच्छ्रे वा भये वा जीवितान्तगे । विमृशन्वै स्वया बुद्ध्या धृतिमान्नावसीदति ॥
vyasane vārtha kṛcchre vā bhaye vā jīvitāntage | vimṛśanvai svayā buddhyā dhṛtimānnāvasīdati ||
English Translation
Persons endued with firmness of understanding by help of their intellect, do not in calamity consequent on separation from dear ones, or on the occasion of loss of wealth, or of fear arising from thieves, wild beasts, etc., or of loss of life itself, lose their self-possession.
VR 4.7.10 अनुष्टुप्
बालिशस्तु नरो नित्यं वैक्लव्यं योऽनुवर्तते । स मज्जत्यवशः शोके भाराक्रान्तेव नौर्जले ॥
bāliśastu naro nityaṃ vaiklavyaṃ yo'nuvartate | sa majjatyavaśaḥ śoke bhārākrānteva naurjale ||
English Translation
He that is senseless as well as he that suffers himself to be overwhelmed with grief, losing all control over self, drown themselves in sorrow like a boat bearing a heavy load in water.
VR 4.7.11 अनुष्टुप्
एषोऽञ्जलिर्मया बद्धः प्रणयात्त्वां प्रसादये । पौरुषं श्रय शोकस्य नान्तरं दातुमर्हसि ॥
eṣo'ñjalirmayā baddhaḥ praṇayāttvāṃ prasādaye | pauruṣaṃ śraya śokasya nāntaraṃ dātumarhasi ||
English Translation
I soothe you from the love I bear towards you. Do you have recourse to manliness. It does not behove you to let grief overcome you.
VR 4.7.12 अनुष्टुप्
ये शोकमनुवर्तन्ते न तेषां विद्यते सुखम् । तेजश्च क्षीयते तेषां न त्वं शोचितुमर्हसि ॥
ye śokamanuvartante na teṣāṃ vidyate sukham | tejaśca kṣīyate teṣāṃ na tvaṃ śocitumarhasi ||
English Translation
Those that indulge in sorrow, know no happiness; and their virtue* goeth out of them. Therefore it behoveth you not to grieve. In the sense of energy.
VR 4.7.13 अनुष्टुप्
हितं वयस्य भावेन ब्रूहि नोपदिशामि ते । वयस्यतां पूजयन्मे न त्वं शोचितुमर्हसि ॥
hitaṃ vayasya bhāvena brūhi nopadiśāmi te | vayasyatāṃ pūjayanme na tvaṃ śocitumarhasi ||
English Translation
In the spirit of a friend I tell what is for your good: I do not instruct you. Honour the amity I bear towards you. It behoveth you not to weep.
VR 4.7.14 अनुष्टुप्
मधुरं सान्त्वितस्तेन सुग्रीवेण स राघवः । मुखमश्रुपरिक्लिन्नं वस्त्रान्तेन प्रमार्जयत् ॥
madhuraṃ sāntvitastena sugrīveṇa sa rāghavaḥ | mukhamaśrupariklinnaṃ vastrāntena pramārjayat ||
English Translation
Thus sweetly consoled by Sugrīva, Rāghava with the end of his cloth wiped his face tarnished with tears.
VR 4.7.15 अनुष्टुप्
प्रकृतिष्ठस्तु काकुत्स्थः सुग्रीववचनात्प्रभुः । संपरिष्वज्य सुग्रीवमिदं वचनमब्रवीत् ॥
prakṛtiṣṭhastu kākutsthaḥ sugrīvavacanātprabhuḥ | saṃpariṣvajya sugrīvamidaṃ vacanamabravīt ||
English Translation
And after that lord, Kakutstha, had recovered his natural state through the words of Sugrīva he embraced Sugrīva and addressed him, saying,
VR 4.7.16 अनुष्टुप्
कर्तव्यं यद्वयस्येन स्निग्धेन च हितेन च । अनुरूपं च युक्तं च कृतं सुग्रीव तत्त्वया ॥
kartavyaṃ yadvayasyena snigdhena ca hitena ca | anurūpaṃ ca yuktaṃ ca kṛtaṃ sugrīva tattvayā ||
English Translation
O Sugriva, that which, pleasing and profitable, proper and fit, ought to be done by a friend, has been done by you.
VR 4.7.17 अनुष्टुप्
एष च प्रकृतिष्ठोऽहमनुनीतस्त्वया सखे । दुर्लभो हीदृशो बन्धुरस्मिन्काले विशेषतः ॥
eṣa ca prakṛtiṣṭho'hamanunītastvayā sakhe | durlabho hīdṛśo bandhurasminkāle viśeṣataḥ ||
English Translation
Solicited by you, I have, O friend, regained my natural tone of mind. Such a friend is rare, specially at such a time.
VR 4.7.18 अनुष्टुप्
किं तु यत्नस्त्वया कार्यो मैथिल्याः परिमार्गणे । राक्षसस्य च रौद्रस्य रावणस्य दुरात्मनः ॥
kiṃ tu yatnastvayā kāryo maithilyāḥ parimārgaṇe | rākṣasasya ca raudrasya rāvaṇasya durātmanaḥ ||
English Translation
But you should strive to trace Maithili as well as bring about the destruction of that fierce Räks asa, the impious Rāvana.
VR 4.7.19 अनुष्टुप्
मया च यदनुष्ठेयं विस्रब्धेन तदुच्यताम् । वर्षास्विव च सुक्षेत्रे सर्वं संपद्यते तव ॥
mayā ca yadanuṣṭheyaṃ visrabdhena taducyatām | varṣāsviva ca sukṣetre sarvaṃ saṃpadyate tava ||
English Translation
Do you also without reserve say what I shall have to do for you. Like corn sown in a fertile field in the rainy season, every concern of thine shall attain success.
VR 4.7.20 अनुष्टुप्
मया च यदिदं वाक्यमभिमानात्समीरितम् । तत्त्वया हरिशार्दूल तत्त्वमित्युपधार्यताम् ॥
mayā ca yadidaṃ vākyamabhimānātsamīritam | tattvayā hariśārdūla tattvamityupadhāryatām ||
English Translation
O best of monkeys, do you verily consider as true the words that I have uttered through affection.
VR 4.7.21 अनुष्टुप्
अनृतं नोक्तपूर्वं मे न च वक्ष्ये कदाचन । एतत्ते प्रतिजानामि सत्येनैव शपामि ते ॥
anṛtaṃ noktapūrvaṃ me na ca vakṣye kadācana | etatte pratijānāmi satyenaiva śapāmi te ||
English Translation
Falsehoods have I never spoken before, nor will I ever say one (in future). This I promise to you. I swear by truth itself.
VR 4.7.22 अनुष्टुप्
ततः प्रहृष्टः सुग्रीवो वानरैः सचिवैः सह । राघवस्य वचः श्रुत्वा प्रतिज्ञातं विशेषतः ॥
tataḥ prahṛṣṭaḥ sugrīvo vānaraiḥ sacivaiḥ saha | rāghavasya vacaḥ śrutvā pratijñātaṃ viśeṣataḥ ||
English Translation
Hearing Rāghava's words, and in special his promise, Sugrīva felt exceedingly delighted along with this monkey ministers.
VR 4.7.23 उपेन्द्रवज्रा
महानुभावस्य वचो निशम्य; हरिर्नराणामृषभस्य तस्य । कृतं स मेने हरिवीर मुख्य;स्तदा स्वकार्यं हृदयेन विद्वान् ॥
mahānubhāvasya vaco niśamya; harirnarāṇāmṛṣabhasya tasya | kṛtaṃ sa mene harivīra mukhya;stadā svakāryaṃ hṛdayena vidvān ||
English Translation
Hearing the words of that illustrious monarch of kings, that hero-greatest of monkeys-considered and felt in his heart as if his work had already been accomplished.
← Previous (Ch. 264) Full Table of Contents Next (Ch. 266) →