Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 98

Ayodhyākāṇḍa Sarga 98

अयोध्याकाण्डम् • सर्गः 98

Ayodhyākāṇḍa Sarga 98 of the classical Vālmīki Rāmāyaṇa with 71 verses.

Total: 71 Verses • Citations: VR 2.98.1–71 • 175 Lexicon Terms • Page 1 of 3 (Verses 30 shown)
VR 2.98.1 अनुष्टुप्
ततः पुरुषसिंहानां वृतानां तैः सुहृद्गणैः । शोचतामेव रजनी दुःखेन व्यत्यवर्तत ॥
tataḥ puruṣasiṃhānāṃ vṛtānāṃ taiḥ suhṛdgaṇaiḥ | śocatāmeva rajanī duḥkhena vyatyavartata ||
English Translation
That night passed off painfully for the four lion like brothers as they lamented, surrounded by their hosts of friends.
VR 2.98.2 अनुष्टुप्
रजन्यां सुप्रभातायां भ्रातरस्ते सुहृद्वृताः । मन्दाकिन्यां हुतं जप्यं कृत्वा राममुपागमन् ॥
rajanyāṃ suprabhātāyāṃ bhrātaraste suhṛdvṛtāḥ | mandākinyāṃ hutaṃ japyaṃ kṛtvā rāmamupāgaman ||
English Translation
When the night dawned, those brothers surrounded by their friends made (morning) ablutions and, after the prayers, returned to Rama.
VR 2.98.3 अनुष्टुप्
तूष्णीं ते समुपासीना न कश्चित्किंचिदब्रवीत् । भरतस्तु सुहृन्मध्ये रामवचनमब्रवीत् ॥
tūṣṇīṃ te samupāsīnā na kaścitkiṃcidabravīt | bharatastu suhṛnmadhye rāmavacanamabravīt ||
English Translation
All of them sat together silently and no one uttered a word. Bharata alone from among them addressed Rama saying:
VR 2.98.4 अनुष्टुप्
सान्त्विता मामिका माता दत्तं राज्यमिदं मम । तद्ददामि तवैवाहं भुङ्क्ष्व राज्यमकण्टकम् ॥
sāntvitā māmikā mātā dattaṃ rājyamidaṃ mama | taddadāmi tavaivāhaṃ bhuṅkṣva rājyamakaṇṭakam ||
English Translation
This kingdom was given to me for the satisfaction of my mother. I am bestowing it back on you. Enjoy it without any obstacles.
VR 2.98.5 अनुष्टुप्
महतेवाम्बुवेगेन भिन्नः सेतुर्जलागमे । दुरावारं त्वदन्येन राज्यखण्डमिदं महत् ॥
mahatevāmbuvegena bhinnaḥ seturjalāgame | durāvāraṃ tvadanyena rājyakhaṇḍamidaṃ mahat ||
English Translation
Like a dyke bursts under pressure by the great surge of waters during the rainy season, this vast kingdom cannot be sustained by any one except yourself.
VR 2.98.6 अनुष्टुप्
गतिं खर इवाश्वस्य तार्क्ष्यस्येव पतत्रिणः । अनुगन्तुं न शक्तिर्मे गतिं तव महीपते ॥
gatiṃ khara ivāśvasya tārkṣyasyeva patatriṇaḥ | anugantuṃ na śaktirme gatiṃ tava mahīpate ||
English Translation
O lord of the earth as an ass cannot follow the pace of a horse or a bird, the pace of Tarkshya (Garuda), I do not have the capability to follow you.
VR 2.98.7 अनुष्टुप्
सुजीवं नित्यशस्तस्य यः परैरुपजीव्यते । राम तेन तु दुर्जीवं यः परानुपजीवति ॥
sujīvaṃ nityaśastasya yaḥ parairupajīvyate | rāma tena tu durjīvaṃ yaḥ parānupajīvati ||
English Translation
O Rama, the life of a man on whom others depend for their sustenance is a happy life and the life of one who depends on others for his own mintenance is miserable.
VR 2.98.8 अनुष्टुप्
यथा तु रोपितो वृक्षः पुरुषेण विवर्धितः । ह्रस्वकेन दुरारोहो रूढस्कन्धो महाद्रुमः ॥
yathā tu ropito vṛkṣaḥ puruṣeṇa vivardhitaḥ | hrasvakena durāroho rūḍhaskandho mahādrumaḥ ||
VR 2.98.9 अनुष्टुप्
स यदा पुष्पितो भूत्वा फलानि न विदर्शयेत् । स तां नानुभवेत्प्रीतिं यस्य हेतोः प्रभावितः ॥
sa yadā puṣpito bhūtvā phalāni na vidarśayet | sa tāṃ nānubhavetprītiṃ yasya hetoḥ prabhāvitaḥ ||
VR 2.98.10 अनुष्टुप्
एषोपमा महाबाहो त्वमर्थं वेत्तुमर्हसि । यदि त्वमस्मानृषभो भर्ता भृत्यान्न शाधि हि ॥
eṣopamā mahābāho tvamarthaṃ vettumarhasi | yadi tvamasmānṛṣabho bhartā bhṛtyānna śādhi hi ||
VR 2.98.11 अनुष्टुप्
श्रेणयस्त्वां महाराज पश्यन्त्वग्र्याश्च सर्वशः । प्रतपन्तमिवादित्यं राज्ये स्थितमरिंदमम् ॥
śreṇayastvāṃ mahārāja paśyantvagryāśca sarvaśaḥ | pratapantamivādityaṃ rājye sthitamariṃdamam ||
English Translation
O great king and subduer of enemies, may all the leading guilds of traders and other subjects behold you all over installed in the kingdom like the resplendent Sun.
VR 2.98.12 अनुष्टुप्
तवानुयाने काकुत्ष्ठ मत्ता नर्दन्तु कुञ्जराः । अन्तःपुर गता नार्यो नन्दन्तु सुसमाहिताः ॥
tavānuyāne kākutṣṭha mattā nardantu kuñjarāḥ | antaḥpura gatā nāryo nandantu susamāhitāḥ ||
English Translation
O Rama, let the elephants following you, intoxicated with ichor, be heard trumpeting. Let the women of the inner apartment rejoice with composed minds (when they hear of your return).
VR 2.98.13 अनुष्टुप्
तस्य साध्वित्यमन्यन्त नागरा विविधा जनाः । भरतस्य वचः श्रुत्वा रामं प्रत्यनुयाचतः ॥
tasya sādhvityamanyanta nāgarā vividhā janāḥ | bharatasya vacaḥ śrutvā rāmaṃ pratyanuyācataḥ ||
English Translation
Hearing the words of Bharata beseeching Rama to return, various classes of people of the city of Ayodhya, in approbation exclaimed well said.
VR 2.98.14 अनुष्टुप्
तमेवं दुःखितं प्रेक्ष्य विलपन्तं यशस्विनम् । रामः कृतात्मा भरतं समाश्वासयदात्मवान् ॥
tamevaṃ duḥkhitaṃ prekṣya vilapantaṃ yaśasvinam | rāmaḥ kṛtātmā bharataṃ samāśvāsayadātmavān ||
English Translation
Thus lamenting, Bharata fainted. Seeing him (in this state) all the women (of the inner apartment) at once cried aloud piteously.
VR 2.98.15 अनुष्टुप्
नात्मनः कामकारोऽस्ति पुरुषोऽयमनीश्वरः । इतश्चेतरतश्चैनं कृतान्तः परिकर्षति ॥
nātmanaḥ kāmakāro'sti puruṣo'yamanīśvaraḥ | itaścetarataścainaṃ kṛtāntaḥ parikarṣati ||
English Translation
A man is neither independent nor competent to do any act on his free will. Fate pulls him this way or the other.
VR 2.98.16 अनुष्टुप्
सर्वे क्षयान्ता निचयाः पतनान्ताः समुच्छ्रयाः । संयोगा विप्रयोगान्ता मरणान्तं च जीवितम् ॥
sarve kṣayāntā nicayāḥ patanāntāḥ samucchrayāḥ | saṃyogā viprayogāntā maraṇāntaṃ ca jīvitam ||
English Translation
All accumulations of wealth deplete at the end. Every man who attains elevated positions falls at the end. Every union culminates in separation. Every life ends in death.
VR 2.98.17 अनुष्टुप्
यथा फलानं पक्वानां नान्यत्र पतनाद्भयम् । एवं नरस्य जातस्य नान्यत्र मरणाद्भयम् ॥
yathā phalānaṃ pakvānāṃ nānyatra patanādbhayam | evaṃ narasya jātasya nānyatra maraṇādbhayam ||
English Translation
The only fear of a ripened fruit is the fear of falling down (from the tree). In the same way every man who is born has no other fear except the fear of death.
VR 2.98.18 अनुष्टुप्
यथागारं दृढस्थूणं जीर्णं भूत्वावसीदति । तथावसीदन्ति नरा जरामृत्युवशं गताः ॥
yathāgāraṃ dṛḍhasthūṇaṃ jīrṇaṃ bhūtvāvasīdati | tathāvasīdanti narā jarāmṛtyuvaśaṃ gatāḥ ||
English Translation
Even a house constructed with sturdy pillars gets dilapidated and ultimately decays. In the same way people under the sway of old age and death are destroyed (at last).
VR 2.98.19 अनुष्टुप्
अहोरात्राणि गच्छन्ति सर्वेषां प्राणिनामिह । आयूंषि क्षपयन्त्याशु ग्रीष्मे जलमिवांशवः ॥
ahorātrāṇi gacchanti sarveṣāṃ prāṇināmiha | āyūṃṣi kṣapayantyāśu grīṣme jalamivāṃśavaḥ ||
English Translation
The passing days and nights quickly decrease the life span of all living beings in this world, like sunrays drying up the water in summer.
VR 2.98.20 अनुष्टुप्
आत्मानमनुशोच त्वं किमन्यमनुशोचसि । आयुस्ते हीयते यस्य स्थितस्य च गतस्य च ॥
ātmānamanuśoca tvaṃ kimanyamanuśocasi | āyuste hīyate yasya sthitasya ca gatasya ca ||
English Translation
Whether you are static or moving, your lifespan decreases. Therefore, you should only grieve about yourself and not for any one else.
VR 2.98.21 अनुष्टुप्
सहैव मृत्युर्व्रजति सह मृत्युर्निषीदति । गत्वा सुदीर्घमध्वानं सह मृत्युर्निवर्तते ॥
sahaiva mṛtyurvrajati saha mṛtyurniṣīdati | gatvā sudīrghamadhvānaṃ saha mṛtyurnivartate ||
English Translation
Death follows a man wherever he goes. When he sits, death sits with him. Even after travelling a very long distance, the man returns along with death.
VR 2.98.22 अनुष्टुप्
गात्रेषु वलयः प्राप्ताः श्वेताश्चैव शिरोरुहाः । जरया पुरुषो जीर्णः किं हि कृत्वा प्रभावयेत् ॥
gātreṣu valayaḥ prāptāḥ śvetāścaiva śiroruhāḥ | jarayā puruṣo jīrṇaḥ kiṃ hi kṛtvā prabhāvayet ||
English Translation
Wrinkels form on the body and hair turns grey in old age. In this way, decayed with age, what can a man do to have control over death.
VR 2.98.23 अनुष्टुप्
नन्दन्त्युदित आदित्ये नन्दन्त्यस्तमिते रवौ । आत्मनो नावबुध्यन्ते मनुष्या जीवितक्षयम् ॥
nandantyudita āditye nandantyastamite ravau | ātmano nāvabudhyante manuṣyā jīvitakṣayam ||
English Translation
People rejoice when the Sun rises and rejoice when the Sun sets. But they are unaware of the decline of the life span of their own.
VR 2.98.24 अनुष्टुप्
हृष्यन्त्यृतुमुखं दृष्ट्वा नवं नवमिहागतम् । ऋतूनां परिवर्तेन प्राणिनां प्राणसंक्षयः ॥
hṛṣyantyṛtumukhaṃ dṛṣṭvā navaṃ navamihāgatam | ṛtūnāṃ parivartena prāṇināṃ prāṇasaṃkṣayaḥ ||
English Translation
At the advent of each new season men feel delighted to see the newly blossomed flowers and fruits. But with the change of the scasons the life span also diminishes.
VR 2.98.25 अनुष्टुप्
यथा काष्ठं च काष्ठं च समेयातां महार्णवे । समेत्य च व्यपेयातां कालमासाद्य कंचन ॥
yathā kāṣṭhaṃ ca kāṣṭhaṃ ca sameyātāṃ mahārṇave | sametya ca vyapeyātāṃ kālamāsādya kaṃcana ||
English Translation
In a mighty ocean, two pieces of logs meet one another, float together and in due course get separated. In the same way wives, sons, relatives and riches remain together for some time and thereafter get separated. Their separation is certain.
VR 2.98.26 अनुष्टुप्
एवं भार्याश्च पुत्राश्च ज्ञातयश्च वसूनि च । समेत्य व्यवधावन्ति ध्रुवो ह्येषां विनाभवः ॥
evaṃ bhāryāśca putrāśca jñātayaśca vasūni ca | sametya vyavadhāvanti dhruvo hyeṣāṃ vinābhavaḥ ||
English Translation
In a mighty ocean, two pieces of logs meet one another, float together and in due course get separated. In the same way wives, sons, relatives and riches remain together for some time and thereafter get separated. Their separation is certain.
VR 2.98.27 अनुष्टुप्
नात्र कश्चिद्यथा भावं प्राणी समभिवर्तते । तेन तस्मिन्न सामर्थ्यं प्रेतस्यास्त्यनुशोचतः ॥
nātra kaścidyathā bhāvaṃ prāṇī samabhivartate | tena tasminna sāmarthyaṃ pretasyāstyanuśocataḥ ||
English Translation
No living being in this world can act as he likes. Therefore, no one should grieve for the dead.
VR 2.98.28 अनुष्टुप्
यथा हि सार्थं गच्छन्तं ब्रूयात्कश्चित्पथि स्थितः । अहमप्यागमिष्यामि पृष्ठतो भवतामिति ॥
yathā hi sārthaṃ gacchantaṃ brūyātkaścitpathi sthitaḥ | ahamapyāgamiṣyāmi pṛṣṭhato bhavatāmiti ||
English Translation
Like a man standing on the wayside says to a passing caravan, 'I am following you', and follows them, the road taken by our fathers and forefathers is certain for every one and cannot be violated by a person treading that path. (So) why should a man grieve?
VR 2.98.29 अनुष्टुप्
एवं पूर्वैर्गतो मार्गः पितृपैतामहो ध्रुवः । तमापन्नः कथं शोचेद्यस्य नास्ति व्यतिक्रमः ॥
evaṃ pūrvairgato mārgaḥ pitṛpaitāmaho dhruvaḥ | tamāpannaḥ kathaṃ śocedyasya nāsti vyatikramaḥ ||
English Translation
Like a man standing on the wayside says to a passing caravan, 'I am following you', and follows them, the road taken by our fathers and forefathers is certain for every one and cannot be violated by a person treading that path. (So) why should a man grieve?
VR 2.98.30 अनुष्टुप्
वयसः पतमानस्य स्रोतसो वानिवर्तिनः । आत्मा सुखे नियोक्तव्यः सुखभाजः प्रजाः स्मृताः ॥
vayasaḥ patamānasya srotaso vānivartinaḥ | ātmā sukhe niyoktavyaḥ sukhabhājaḥ prajāḥ smṛtāḥ ||
English Translation
Like the flow of water which never reverts to its source, age passes. Therefore, a man must employ his self in righteous acts that bring him happiness. By doing so, it is said, people will always be happy.
← Previous (Ch. 173) Full Table of Contents Next (Ch. 175) →