Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 110

Ayodhyākāṇḍa Sarga 110

अयोध्याकाण्डम् • सर्गः 110

Ayodhyākāṇḍa Sarga 110 of the classical Vālmīki Rāmāyaṇa with 52 verses.

Total: 52 Verses • Citations: VR 2.110.1–52 • 175 Lexicon Terms • Page 1 of 2 (Verses 30 shown)
VR 2.110.1 अनुष्टुप्
सा त्वेवमुक्ता वैदेही अनसूयानसूयया । प्रतिपूज्य वचो मन्दं प्रवक्तुमुपचक्रमे ॥
sā tvevamuktā vaidehī anasūyānasūyayā | pratipūjya vaco mandaṃ pravaktumupacakrame ||
English Translation
Thus addressed by Anasūyā, Vaidehī devoid of malice, honouring her words, began, “That you should instruct me is no wonder in you."
VR 2.110.2 अनुष्टुप्
नैतदाश्चर्यमार्याया यन्मां त्वमनुभाषसे । विदितं तु ममाप्येतद्यथा नार्याः पतिर्गुरुः ॥
naitadāścaryamāryāyā yanmāṃ tvamanubhāṣase | viditaṃ tu mamāpyetadyathā nāryāḥ patirguruḥ ||
English Translation
I know that a woman's spiritual guide is her husband. Even if a husband should be poor and of a disreputable character, he should be ungiudgingly obeyed by the like of me. one
VR 2.110.3 अनुष्टुप्
यद्यप्येष भवेद्भर्ता ममार्ये वृत्तवर्जितः । अद्वैधमुपवर्तव्यस्तथाप्येष मया भवेत् ॥
yadyapyeṣa bhavedbhartā mamārye vṛttavarjitaḥ | advaidhamupavartavyastathāpyeṣa mayā bhavet ||
English Translation
O noble lady, even if my husband is devoid of good conduct, he should be obeyed without showing any hesitation.
VR 2.110.4 अनुष्टुप्
किं पुनर्यो गुणश्लाघ्यः सानुक्रोशो जितेन्द्रियः । स्थिरानुरागो धर्मात्मा मातृवर्ती पितृ प्रियः ॥
kiṃ punaryo guṇaślāghyaḥ sānukrośo jitendriyaḥ | sthirānurāgo dharmātmā mātṛvartī pitṛ priyaḥ ||
English Translation
And to be said of one that is crowned with qualities, kind, self-controlled, of steady affection, righteous-souled, and who is dear as a father or a mother?
VR 2.110.5 अनुष्टुप्
यां वृत्तिं वर्तते रामः कौसल्यायां महाबलः । तामेव नृपनारीणामन्यासामपि वर्तते ॥
yāṃ vṛttiṃ vartate rāmaḥ kausalyāyāṃ mahābalaḥ | tāmeva nṛpanārīṇāmanyāsāmapi vartate ||
English Translation
The exceedingly strong Rāma bear himself towards the other wives of the monarch as he does towards Kausalyā herself.
VR 2.110.6 अनुष्टुप्
सकृद्दृष्टास्वपि स्त्रीषु नृपेण नृपवत्सलः । मातृवद्वर्तते वीरो मानमुत्सृज्य धर्मवित् ॥
sakṛddṛṣṭāsvapi strīṣu nṛpeṇa nṛpavatsalaḥ | mātṛvadvartate vīro mānamutsṛjya dharmavit ||
English Translation
Renouncing sense of self-importance that heroic conversant with righteousness, devoted to his king, regards as his mothers those on whom the monarch once cast his eyes.
VR 2.110.7 अनुष्टुप्
आगच्छन्त्याश्च विजनं वनमेवं भयावहम् । समाहितं हि मे श्वश्र्वा हृदये यत्स्थितं मम ॥
āgacchantyāśca vijanaṃ vanamevaṃ bhayāvaham | samāhitaṃ hi me śvaśrvā hṛdaye yatsthitaṃ mama ||
English Translation
What my mother-in-law instructed me at the time that I was leaving for the lonely and fearful forest, is constantly present in my mind.
VR 2.110.8 अनुष्टुप्
प्राणिप्रदानकाले च यत्पुरा त्वग्निसंनिधौ । अनुशिष्टा जनन्यास्मि वाक्यं तदपि मे धृतम् ॥
prāṇipradānakāle ca yatpurā tvagnisaṃnidhau | anuśiṣṭā jananyāsmi vākyaṃ tadapi me dhṛtam ||
English Translation
And what also my mother taught me in presence of fire on the occasion of the bestowal of my hand, is also remembered by me.
VR 2.110.9 अनुष्टुप्
नवीकृतं तु तत्सर्वं वाक्यैस्ते धर्मचारिणि । पतिशुश्रूषणान्नार्यास्तपो नान्यद्विधीयते ॥
navīkṛtaṃ tu tatsarvaṃ vākyaiste dharmacāriṇi | patiśuśrūṣaṇānnāryāstapo nānyadvidhīyate ||
English Translation
And, O you engaged in acts of righteousness, I have not forgotten the words that my relatives said to me, viz, the asceticism of a woman is ministering to her husband. They did not teach any thing else.
VR 2.110.10 अनुष्टुप्
सावित्री पतिशुश्रूषां कृत्वा स्वर्गे महीयते । तथा वृत्तिश्च याता त्वं पतिशुश्रूषया दिवम् ॥
sāvitrī patiśuśrūṣāṃ kṛtvā svarge mahīyate | tathā vṛttiśca yātā tvaṃ patiśuśrūṣayā divam ||
English Translation
Having served her lord. Sāvitri is highly honoured in heaven; and you also, following the same course, by virtue of having served your husband, has secured heaven.
VR 2.110.11 अनुष्टुप्
वरिष्ठा सर्वनारीणामेषा च दिवि देवता । रोहिणी च विना चन्द्रं मुहूर्तमपि दृश्यते ॥
variṣṭhā sarvanārīṇāmeṣā ca divi devatā | rohiṇī ca vinā candraṃ muhūrtamapi dṛśyate ||
English Translation
And this foremost of females, this goddess of heaven, Rohiņi, is not seen for a moment without the moon.
VR 2.110.12 अनुष्टुप्
एवंविधाश्च प्रवराः स्त्रियो भर्तृदृढव्रताः । देवलोके महीयन्ते पुण्येन स्वेन कर्मणा ॥
evaṃvidhāśca pravarāḥ striyo bhartṛdṛḍhavratāḥ | devaloke mahīyante puṇyena svena karmaṇā ||
English Translation
And prime women of this sort, firm in their husbands, are highly respected in the celestial regions by virtue of their pious acts.
VR 2.110.13 अनुष्टुप्
ततोऽनसूया संहृष्टा श्रुत्वोक्तं सीतया वचः । शिरस्याघ्राय चोवाच मैथिलीं हर्षयन्त्युत ॥
tato'nasūyā saṃhṛṣṭā śrutvoktaṃ sītayā vacaḥ | śirasyāghrāya covāca maithilīṃ harṣayantyuta ||
English Translation
Hearing Sītā's words, Anasuyā, exceedingly delighted, smelling her head, spoke thus, pleasing Maithili.
VR 2.110.14 अनुष्टुप्
नियमैर्विविधैराप्तं तपो हि महदस्ति मे । तत्संश्रित्य बलं सीते छन्दये त्वां शुचिव्रते ॥
niyamairvividhairāptaṃ tapo hi mahadasti me | tatsaṃśritya balaṃ sīte chandaye tvāṃ śucivrate ||
English Translation
By observing restrictions, I have earned great asceticism. By resorting to that energy, I would, O Sīta, confer a boon upon you, O you of pure vows.
VR 2.110.15 उपजातिः
उपपन्नं च युक्तं च वचनं तव मैथिलि । प्रीता चास्म्युचितं किं ते करवाणि ब्रवीहि मे । कृतमित्यब्रवीत्सीता तपोबलसमन्विताम् ॥
upapannaṃ ca yuktaṃ ca vacanaṃ tava maithili | prītā cāsmyucitaṃ kiṃ te karavāṇi bravīhi me | kṛtamityabravītsītā tapobalasamanvitām ||
English Translation
O Maithili, your words are just and proper. I am well pleased (with you). Tell me, O Sītā, what good shall I do you?
VR 2.110.16 अनुष्टुप्
सा त्वेवमुक्ता धर्मज्ञा तया प्रीततराभवत् । सफलं च प्रहर्षं ते हन्त सीते करोम्यहम् ॥
sā tvevamuktā dharmajñā tayā prītatarābhavat | saphalaṃ ca praharṣaṃ te hanta sīte karomyaham ||
English Translation
Thus accosted, that one cognizant of virtue, was still more pleased, and said, “I am exceedingly pleased (with your words). I will attain a desire of mine."
VR 2.110.17 अनुष्टुप्
इदं दिव्यं वरं माल्यं वस्त्रमाभरणानि च । अङ्गरागं च वैदेहि महार्हमनुलेपनम् ॥
idaṃ divyaṃ varaṃ mālyaṃ vastramābharaṇāni ca | aṅgarāgaṃ ca vaidehi mahārhamanulepanam ||
English Translation
This noble and grand garland, this apparel, these ornaments, and this precious paste for adorning the person, presented by me, let these, O Sītā, grace your person. These, worthy of you will never be tarnished.
VR 2.110.18 अनुष्टुप्
मया दत्तमिदं सीते तव गात्राणि शोभयेत् । अनुरूपमसंक्लिष्टं नित्यमेव भविष्यति ॥
mayā dattamidaṃ sīte tava gātrāṇi śobhayet | anurūpamasaṃkliṣṭaṃ nityameva bhaviṣyati ||
English Translation
This noble and grand garland, this apparel, these ornaments, and this precious paste for adorning the person, presented by me, let these, O Sītā, grace your person. These, worthy of you will never be tarnished.
VR 2.110.19 अनुष्टुप्
अङ्गरागेण दिव्येन लिप्ताङ्गी जनकात्मजे । शोभयिष्यामि भर्तारं यथा श्रीर्विष्णुमव्ययम् ॥
aṅgarāgeṇa divyena liptāṅgī janakātmaje | śobhayiṣyāmi bhartāraṃ yathā śrīrviṣṇumavyayam ||
English Translation
O daughter of Janaka, daubing your person with this excellent paint, you will grace your husband even as Śrī does the undeteriorating Visnu.
VR 2.110.20 अनुष्टुप्
सा वस्त्रमङ्गरागं च भूषणानि स्रजस्तथा । मैथिली प्रतिजग्राह प्रीतिदानमनुत्तमम् ॥
sā vastramaṅgarāgaṃ ca bhūṣaṇāni srajastathā | maithilī pratijagrāha prītidānamanuttamam ||
English Translation
Thereupon Mithila's daughter accepted those things presented to her out of love, viz., the apparel, the paint, the ornaments and the garland. Having accepted those accepted those presents conferred on her from love, that illustrious one, Sītā, quietly sat beside the female ascetic with joined hands.
VR 2.110.21 अनुष्टुप्
प्रतिगृह्य च तत्सीता प्रीतिदानं यशस्विनी । श्लिष्टाञ्जलिपुटा धीरा समुपास्त तपोधनाम् ॥
pratigṛhya ca tatsītā prītidānaṃ yaśasvinī | śliṣṭāñjalipuṭā dhīrā samupāsta tapodhanām ||
English Translation
Thereupon Mithila's daughter accepted those things presented to her out of love, viz., the apparel, the paint, the ornaments and the garland. Having accepted those accepted those presents conferred on her from love, that illustrious one, Sītā, quietly sat beside the female ascetic with joined hands.
VR 2.110.22 अनुष्टुप्
तथा सीतामुपासीनामनसूया दृढव्रता । वचनं प्रष्टुमारेभे कथां कांचिदनुप्रियाम् ॥
tathā sītāmupāsīnāmanasūyā dṛḍhavratā | vacanaṃ praṣṭumārebhe kathāṃ kāṃcidanupriyām ||
English Translation
Then as Sītā was sitting, Anasūyā firm in vow asked her concerning a thing that was near her heart, saying.
VR 2.110.23 अनुष्टुप्
स्वयंवरे किल प्राप्ता त्वमनेन यशस्विना । राघवेणेति मे सीते कथा श्रुतिमुपागता ॥
svayaṃvare kila prāptā tvamanena yaśasvinā | rāghaveṇeti me sīte kathā śrutimupāgatā ||
English Translation
I have heard, O Sītā, that you were won by the renowned Rāghava on the occasion of a selfchoice.
VR 2.110.24 अनुष्टुप्
तां कथां श्रोतुमिच्छामि विस्तरेण च मैथिलि । यथानुभूतं कार्त्स्न्येन तन्मे त्वं वक्तुमर्हसि ॥
tāṃ kathāṃ śrotumicchāmi vistareṇa ca maithili | yathānubhūtaṃ kārtsnyena tanme tvaṃ vaktumarhasi ||
English Translation
O Maithili, that story I should like to hear, related at length. It therefore, behoves you to relate that to me in detail.
VR 2.110.25 अनुष्टुप्
एवमुक्ता तु सा सीता तां ततो धर्मचारिणीम् । श्रूयतामिति चोक्त्वा वै कथयामास तां कथाम् ॥
evamuktā tu sā sītā tāṃ tato dharmacāriṇīm | śrūyatāmiti coktvā vai kathayāmāsa tāṃ kathām ||
English Translation
Thus address, Sītā, saying to the ascetic engaged in pious acts, "Listen!" began to tell the story.
VR 2.110.26 अनुष्टुप्
मिथिलाधिपतिर्वीरो जनको नाम धर्मवित् । क्षत्रधर्मण्यभिरतो न्यायतः शास्ति मेदिनीम् ॥
mithilādhipatirvīro janako nāma dharmavit | kṣatradharmaṇyabhirato nyāyataḥ śāsti medinīm ||
English Translation
Mithila's lord, the heroic Janaka, justly rule the earth, engaged in observing the duties of Ks atriyas.
VR 2.110.27 अनुष्टुप्
तस्य लाङ्गलहस्तस्य कर्षतः क्षेत्रमण्डलम् । अहं किलोत्थिता भित्त्वा जगतीं नृपतेः सुता ॥
tasya lāṅgalahastasya karṣataḥ kṣetramaṇḍalam | ahaṃ kilotthitā bhittvā jagatīṃ nṛpateḥ sutā ||
English Translation
As he was ploughing a plain intended for a sacrifice, I rose from under the earth; and (in this sense) I am the daughter of that king.
VR 2.110.28 अनुष्टुप्
स मां दृष्ट्वा नरपतिर्मुष्टिविक्षेपतत्परः । पांशु गुण्ठित सर्वाङ्गीं विस्मितो जनकोऽभवत् ॥
sa māṃ dṛṣṭvā narapatirmuṣṭivikṣepatatparaḥ | pāṃśu guṇṭhita sarvāṅgīṃ vismito janako'bhavat ||
English Translation
Tending me, with my body covered with dust, Janaka, engaged in throwing handfuls of dust (to level hollow spots), was struck with amazement.
VR 2.110.29 अनुष्टुप्
अनपत्येन च स्नेहादङ्कमारोप्य च स्वयम् । ममेयं तनयेत्युक्त्वा स्नेहो मयि निपातितः ॥
anapatyena ca snehādaṅkamāropya ca svayam | mameyaṃ tanayetyuktvā sneho mayi nipātitaḥ ||
English Translation
Being childless, he took me on his lap from affection, and saying, 'This is my daughter', conceived affection for me.
VR 2.110.30 अनुष्टुप्
अन्तरिक्षे च वागुक्ताप्रतिमा मानुषी किल । एवमेतन्नरपते धर्मेण तनया तव ॥
antarikṣe ca vāguktāpratimā mānuṣī kila | evametannarapate dharmeṇa tanayā tava ||
English Translation
Then there were uttered words in the welkin, resembling those of a human being,! 'O king, in all righteousness, this is your daughter'.
← Previous (Ch. 185) Full Table of Contents Next (Ch. 187) →