Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 100

Ayodhyākāṇḍa Sarga 100

अयोध्याकाण्डम् • सर्गः 100

Ayodhyākāṇḍa Sarga 100 of the classical Vālmīki Rāmāyaṇa with 17 verses.

Total: 17 Verses • Citations: VR 2.100.1–17 • 175 Lexicon Terms
VR 2.100.1 अनुष्टुप्
आश्वासयन्तं भरतं जाबालिर्ब्राह्मणोत्तमः । उवाच रामं धर्मज्ञं धर्मापेतमिदं वचः ॥
āśvāsayantaṃ bharataṃ jābālirbrāhmaṇottamaḥ | uvāca rāmaṃ dharmajñaṃ dharmāpetamidaṃ vacaḥ ||
English Translation
While Rama, conversant with dharma, was consoling Bharata, Jabali an eminent brahmin addressed him in words contrary to righteousness.
VR 2.100.2 अनुष्टुप्
साधु राघव मा भूत्ते बुद्धिरेवं निरर्थका । प्राकृतस्य नरस्येव आर्य बुद्धेस्तपस्विनः ॥
sādhu rāghava mā bhūtte buddhirevaṃ nirarthakā | prākṛtasya narasyeva ārya buddhestapasvinaḥ ||
English Translation
Very well, O scion of the Raghu race, you are nobleminded and highsouled. You, like a common man, must not entertain such nonsensical thought.
VR 2.100.3 अनुष्टुप्
कः कस्य पुरुषो बन्धुः किमाप्यं कस्य केनचित् । यदेको जायते जन्तुरेक एव विनश्यति ॥
kaḥ kasya puruṣo bandhuḥ kimāpyaṃ kasya kenacit | yadeko jāyate jantureka eva vinaśyati ||
English Translation
Who is whose friend? who is to get what and from whom? Man is born alone and will die alone.
VR 2.100.4 अनुष्टुप्
तस्मान्माता पिता चेति राम सज्जेत यो नरः । उन्मत्त इव स ज्ञेयो नास्ति काचिद्धि कस्यचित् ॥
tasmānmātā pitā ceti rāma sajjeta yo naraḥ | unmatta iva sa jñeyo nāsti kāciddhi kasyacit ||
English Translation
O Rama one who establishes relationship by saying, 'She is my mother he is my father' is to be regarded as a lunatic. In fact, no one belongs to any one.
VR 2.100.5 अनुष्टुप्
यथा ग्रामान्तरं गच्छन्नरः कश्चित्क्वचिद्वसेत् । उत्सृज्य च तमावासं प्रतिष्ठेतापरेऽहनि ॥
yathā grāmāntaraṃ gacchannaraḥ kaścitkvacidvaset | utsṛjya ca tamāvāsaṃ pratiṣṭhetāpare'hani ||
English Translation
A man who goes from one village to another takes rest somewhere on the way and the next day leaves the place and proceeds on his journey. Similarly, father, mother, home and wealth are restingplaces to a man. The wise do not get attached to them, O descendant the Kakutsthas
VR 2.100.6 अनुष्टुप्
एवमेव मनुष्याणां पिता माता गृहं वसु । आवासमात्रं काकुत्स्थ सज्जन्ते नात्र सज्जनाः ॥
evameva manuṣyāṇāṃ pitā mātā gṛhaṃ vasu | āvāsamātraṃ kākutstha sajjante nātra sajjanāḥ ||
English Translation
A man who goes from one village to another takes rest somewhere on the way and the next day leaves the place and proceeds on his journey. Similarly, father, mother, home and wealth are restingplaces to a man. The wise do not get attached to them, O descendant the Kakutsthas
VR 2.100.7 अनुष्टुप्
पित्र्यं राज्यं समुत्सृज्य स नार्हति नरोत्तम । आस्थातुं कापथं दुःखं विषमं बहुकण्टकम् ॥
pitryaṃ rājyaṃ samutsṛjya sa nārhati narottama | āsthātuṃ kāpathaṃ duḥkhaṃ viṣamaṃ bahukaṇṭakam ||
English Translation
O most virtuous of men, you ought not to abandon this patrimonial kingdom, adopt a course, which is painful, difficult and full of thorns (dangers). This (course) is unwise and unworthy of you.
VR 2.100.8 अनुष्टुप्
समृद्धायामयोध्यायामात्मानमभिषेचय । एकवेणीधरा हि त्वां नगरी संप्रतीक्षते ॥
samṛddhāyāmayodhyāyāmātmānamabhiṣecaya | ekaveṇīdharā hi tvāṃ nagarī saṃpratīkṣate ||
English Translation
Go back to that prosperous city of Ayodhya and get yourself coronated. That city is a chaste woman wearing a single braid of hair awaiting you, her lord.
VR 2.100.9 अनुष्टुप्
राजभोगाननुभवन्महार्हान्पार्थिवात्मज । विहर त्वमयोध्यायां यथा शक्रस्त्रिविष्टपे ॥
rājabhogānanubhavanmahārhānpārthivātmaja | vihara tvamayodhyāyāṃ yathā śakrastriviṣṭape ||
English Translation
O king's son, enjoy inestimable royal pleasures in the city of Ayodhya like Indra in heaven.
VR 2.100.10 अनुष्टुप्
न ते कश्चिद्दशरतःस्त्वं च तस्य न कश्चन । अन्यो राजा त्वमन्यश्च तस्मात्कुरु यदुच्यते ॥
na te kaściddaśarataḥstvaṃ ca tasya na kaścana | anyo rājā tvamanyaśca tasmātkuru yaducyate ||
English Translation
Dasaratha was nobody to you and you are nobody to him. That king is one person and you are another. Therefore, do what I tell you. (It does not matter what you are to him and what he means to you).
VR 2.100.11 अनुष्टुप्
गतः स नृपतिस्तत्र गन्तव्यं यत्र तेन वै । प्रवृत्तिरेषा मर्त्यानां त्वं तु मिथ्या विहन्यसे ॥
gataḥ sa nṛpatistatra gantavyaṃ yatra tena vai | pravṛttireṣā martyānāṃ tvaṃ tu mithyā vihanyase ||
English Translation
That king (Dasaratha) has gone to the place where he ought to go. Such is the nature of mortals. You are fruitlessly undergoing difficulties.
VR 2.100.12 अनुष्टुप्
अर्थधर्मपरा ये ये तांस्ताञ्शोचामि नेतरान् । ते हि दुःखमिह प्राप्य विनाशं प्रेत्य भेजिरे ॥
arthadharmaparā ye ye tāṃstāñśocāmi netarān | te hi duḥkhamiha prāpya vināśaṃ pretya bhejire ||
English Translation
I prity those who yearn for dharma and artha and not for other things since those who have experienced adversities in this world (disregarding their own interest), will be ultimately destroyed any way by death.
VR 2.100.13 अनुष्टुप्
अष्टका पितृदैवत्यमित्ययं प्रसृतो जनः । अन्नस्योपद्रवं पश्य मृतो हि किमशिष्यति ॥
aṣṭakā pitṛdaivatyamityayaṃ prasṛto janaḥ | annasyopadravaṃ paśya mṛto hi kimaśiṣyati ||
English Translation
People perform ashtaka ceremony for the spirits of ancestors and offer them food. Look at the amount of food being wasted. Will the dead (ever) eat food?
VR 2.100.14 अनुष्टुप्
यदि भुक्तमिहान्येन देहमन्यस्य गच्छति । दद्यात्प्रवसतः श्राद्धं न तत्पथ्यशनं भवेत् ॥
yadi bhuktamihānyena dehamanyasya gacchati | dadyātpravasataḥ śrāddhaṃ na tatpathyaśanaṃ bhavet ||
English Translation
If something eaten by one in this world can enter the body of another, then a shraddha can be performed for a person who has set out on a distant journey. Will that offering turn into food for him on his way?
VR 2.100.15 अनुष्टुप्
दानसंवनना ह्येते ग्रन्था मेधाविभिः कृताः । यजस्व देहि दीक्षस्व तपस्तप्यस्व संत्यज ॥
dānasaṃvananā hyete granthā medhāvibhiḥ kṛtāḥ | yajasva dehi dīkṣasva tapastapyasva saṃtyaja ||
English Translation
It was to induce people to give charity that treatises are composed by intelligent men exhorting, 'perform sacrifices', 'give charity', 'be initiated', 'practise religious austerities', 'renounce', etc.
VR 2.100.16 अनुष्टुप्
स नास्ति परमित्येव कुरु बुद्धिं महामते । प्रत्यक्षं यत्तदातिष्ठ परोक्षं पृष्ठतः कुरु ॥
sa nāsti paramityeva kuru buddhiṃ mahāmate | pratyakṣaṃ yattadātiṣṭha parokṣaṃ pṛṣṭhataḥ kuru ||
English Translation
O highminded one thinking that the next world does not exist, practise whichever is evident and perceivable. And turn your back on what is beyond perception.
VR 2.100.17 अनुष्टुप्
सतां बुद्धिं पुरस्कृत्य सर्वलोकनिदर्शिनीम् । राज्यं त्वं प्रतिगृह्णीष्व भरतेन प्रसादितः ॥
satāṃ buddhiṃ puraskṛtya sarvalokanidarśinīm | rājyaṃ tvaṃ pratigṛhṇīṣva bharatena prasāditaḥ ||
English Translation
Honour the decision of the wise that serves as an instance to all and accept the kingdom offered by Bharata with pleasureइत्यार्षे श्रीमद्रामायणे वाल्मीकीय आदिकाव्ये अयोध्याकाण्डे अष्टोत्तरशततमस्सर्गः॥Thus ends the one hundredeighth sarga in Ayodhyakanda of the holy Ramayana, the first epic composed by sage Valmiki.
← Previous (Ch. 175) Full Table of Contents Next (Ch. 177) →