Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 50

Ayodhyākāṇḍa Sarga 50

अयोध्याकाण्डम् • सर्गः 50

Ayodhyākāṇḍa Sarga 50 of the classical Vālmīki Rāmāyaṇa with 22 verses.

Total: 22 Verses • Citations: VR 2.50.1–22 • 175 Lexicon Terms
VR 2.50.1 अनुष्टुप्
अथ रात्र्यां व्यतीतायामवसुप्तमनन्तरम् । प्रबोधयामास शनैर्लक्ष्मणं रघुनन्दनः ॥
atha rātryāṃ vyatītāyāmavasuptamanantaram | prabodhayāmāsa śanairlakṣmaṇaṃ raghunandanaḥ ||
English Translation
When the night had been spent, that best of Raghus gently awakened Lakşmaņa from his light sleep.
VR 2.50.2 अनुष्टुप्
सौमित्रे शृणु वन्यानां वल्गु व्याहरतां स्वनम् । संप्रतिष्ठामहे कालः प्रस्थानस्य परंतप ॥
saumitre śṛṇu vanyānāṃ valgu vyāharatāṃ svanam | saṃpratiṣṭhāmahe kālaḥ prasthānasya paraṃtapa ||
English Translation
O Sumiträ's son, do you hear the dulcet notes of the birds in the woods. Let us proceed. O repressor of foes, the time of our departure is present.
VR 2.50.3 अनुष्टुप्
स सुप्तः समये भ्रात्रा लक्ष्मणः प्रतिबोधितः । जहौ निद्रां च तन्द्रीं च प्रसक्तं च पथि श्रमम् ॥
sa suptaḥ samaye bhrātrā lakṣmaṇaḥ pratibodhitaḥ | jahau nidrāṃ ca tandrīṃ ca prasaktaṃ ca pathi śramam ||
English Translation
Awakened at the proper time, Rāma's brother left off sleep and drowsiness and clinging fatigue.
VR 2.50.4 अनुष्टुप्
तत उत्थाय ते सर्वे स्पृष्ट्वा नद्याः शिवं जलम् । पन्थानमृषिणोद्दिष्टं चित्रकूटस्य तं ययुः ॥
tata utthāya te sarve spṛṣṭvā nadyāḥ śivaṃ jalam | panthānamṛṣiṇoddiṣṭaṃ citrakūṭasya taṃ yayuḥ ||
English Translation
Then they all arising touched the sacred waters of the river, and began to proceed on the way to Citrakuța inhabited by ascetics.
VR 2.50.5 अनुष्टुप्
ततः संप्रस्थितः काले रामः सौमित्रिणा सह । सीतां कमलपत्राक्षीमिदं वचनमब्रवीत् ॥
tataḥ saṃprasthitaḥ kāle rāmaḥ saumitriṇā saha | sītāṃ kamalapatrākṣīmidaṃ vacanamabravīt ||
English Translation
Setting out in season with Sumitra's son, he of eyes resembling lotus-petais spoke these words to Sītā.
VR 2.50.6 अनुष्टुप्
आदीप्तानिव वैदेहि सर्वतः पुष्पितान्नगान् । स्वैः पुष्पैः किंशुकान्पश्य मालिनः शिशिरात्यये ॥
ādīptāniva vaidehi sarvataḥ puṣpitānnagān | svaiḥ puṣpaiḥ kiṃśukānpaśya mālinaḥ śiśirātyaye ||
English Translation
O Vaidehi, behold these flowering trees, the Kinsukas in spring appearing engarlanded with their own flowers, and as if flaming., Do you behold the Bhallatakas and Bilvas bending beneath their fruits and flowers, with no man to enjoy them. Surely, we: shall be able to live here.
VR 2.50.7 अनुष्टुप्
पश्य भल्लातकान्फुल्लान्नरैरनुपसेवितान् । फलपत्रैरवनतान्नूनं शक्ष्यामि जीवितुम् ॥
paśya bhallātakānphullānnarairanupasevitān | phalapatrairavanatānnūnaṃ śakṣyāmi jīvitum ||
English Translation
Behold these bhallataka trees in full bloom though there are none to enjoy them. They are bent with fruits and leaves. Surely, we can live here. (This place is fit for our habitation).
VR 2.50.8 अनुष्टुप्
पश्य द्रोणप्रमाणानि लम्बमानानि लक्ष्मण । मधूनि मधुकारीभिः संभृतानि नगे नगे ॥
paśya droṇapramāṇāni lambamānāni lakṣmaṇa | madhūni madhukārībhiḥ saṃbhṛtāni nage nage ||
English Translation
Behold, O Laksmana, these honeycombs measuring about a Droņa have been hung up on trees by the bees.
VR 2.50.9 अनुष्टुप्
एष क्रोशति नत्यूहस्तं शिखी प्रतिकूजति । रमणीये वनोद्देशे पुष्पसंस्तरसंकटे ॥
eṣa krośati natyūhastaṃ śikhī pratikūjati | ramaṇīye vanoddeśe puṣpasaṃstarasaṃkaṭe ||
English Translation
In the charming woods overarched by flowers, the Datyuha cries, and is responded to by the peacock.
VR 2.50.10 अनुष्टुप्
मातंगयूथानुसृतं पक्षिसंघानुनादितम् । चित्रकूटमिमं पश्य प्रवृद्धशिखरं गिरिम् ॥
mātaṃgayūthānusṛtaṃ pakṣisaṃghānunāditam | citrakūṭamimaṃ paśya pravṛddhaśikharaṃ girim ||
English Translation
Do you behold Citrakuta frequented by mad elephants and resonant with the voice of multitudes of birds, the mountain with its towering summits.
VR 2.50.11 अनुष्टुप्
ततस्तौ पादचारेण गच्छन्तौ सह सीतया । रम्यमासेदतुः शैलं चित्रकूटं मनोरमम् ॥
tatastau pādacāreṇa gacchantau saha sītayā | ramyamāsedatuḥ śailaṃ citrakūṭaṃ manoramam ||
English Translation
Then they proceeding on foot along with Sītā, arrived at the charming and beautiful mountain Citrakuta.
VR 2.50.12 अनुष्टुप्
तं तु पर्वतमासाद्य नानापक्षिगणायुतम् । अयं वासो भवेत्तावदत्र सौम्य रमेमहि ॥
taṃ tu parvatamāsādya nānāpakṣigaṇāyutam | ayaṃ vāso bhavettāvadatra saumya ramemahi ||
English Translation
Arriving at the mountain inhabited by birds of various kinds, abounding in fruits and roots, and furnished with watery expanses, (Răma) said.
VR 2.50.13 अनुष्टुप्
लक्ष्मणानय दारूणि दृढानि च वराणि च । कुरुष्वावसथं सौम्य वासे मेऽभिरतं मनः ॥
lakṣmaṇānaya dārūṇi dṛḍhāni ca varāṇi ca | kuruṣvāvasathaṃ saumya vāse me'bhirataṃ manaḥ ||
English Translation
O Lakşmaņa, bring you wood good and strong. O amiable one, construct a dwelling. My mind is set upon staying here.
VR 2.50.14 अनुष्टुप्
तस्य तद्वचनं श्रुत्वा सौमित्रिर्विविधान्द्रुमान् । आजहार ततश्चक्रे पर्ण शालामरिं दम ॥
tasya tadvacanaṃ śrutvā saumitrirvividhāndrumān | ājahāra tataścakre parṇa śālāmariṃ dama ||
English Translation
Hearing his words, Sumitra's son procured woods of various descriptions, and then that subduer of foes reared a cottage thatched with leaves.
VR 2.50.15 अनुष्टुप्
शुश्रूषमाणमेकाग्रमिदं वचनमब्रवीत् । ऐणेयं मांसमाहृत्य शालां यक्ष्यामहे वयम् ॥
śuśrūṣamāṇamekāgramidaṃ vacanamabravīt | aiṇeyaṃ māṃsamāhṛtya śālāṃ yakṣyāmahe vayam ||
VR 2.50.16 अनुष्टुप्
स लक्ष्मणः कृष्णमृगं हत्वा मेध्यं पतापवान् । अथ चिक्षेप सौमित्रिः समिद्धे जातवेदसि ॥
sa lakṣmaṇaḥ kṛṣṇamṛgaṃ hatvā medhyaṃ patāpavān | atha cikṣepa saumitriḥ samiddhe jātavedasi ||
English Translation
Then Lakşmana the son of Sumitrā endowed with vigour, having slain a sacred black deer, threw it into flaming fire.
VR 2.50.17 अनुष्टुप्
तं तु पक्वं समाज्ञाय निष्टप्तं छिन्नशोणितम् । लक्ष्मणः पुरुषव्याघ्रमथ राघवमब्रवीत् ॥
taṃ tu pakvaṃ samājñāya niṣṭaptaṃ chinnaśoṇitam | lakṣmaṇaḥ puruṣavyāghramatha rāghavamabravīt ||
English Translation
And seeing it well scorched and hot and free from blood, Lakşmaņa spoke to that foremost of men, Rāghava, saying.
VR 2.50.18 अनुष्टुप्
अयं कृष्णः समाप्ताङ्गः शृतः कृष्ण मृगो यथा । देवता देवसंकाश यजस्व कुशलो ह्यसि ॥
ayaṃ kṛṣṇaḥ samāptāṅgaḥ śṛtaḥ kṛṣṇa mṛgo yathā | devatā devasaṃkāśa yajasva kuśalo hyasi ||
English Translation
This black antelope with all its limbs is wellcooked. O divine sire, you may make the offering to Vastu devata in which you are proficient.
VR 2.50.19 अनुष्टुप्
रामः स्नात्वा तु नियतो गुणवाञ्जप्यकोविदः । पापसंशमनं रामश्चकार बलिमुत्तमम् ॥
rāmaḥ snātvā tu niyato guṇavāñjapyakovidaḥ | pāpasaṃśamanaṃ rāmaścakāra balimuttamam ||
English Translation
Virtuous Rama, who was an expert in the recitation of mantras, took his bath and his mind controlled, intoned briefly all the mantras appropriate to the completion of the ritual.
VR 2.50.20 उपजातिः
तां वृक्षपर्णच्छदनां मनोज्ञां; यथाप्रदेशं सुकृतां निवाताम् । वासाय सर्वे विविशुः समेताः; सभां यथा देव गणाः सुधर्माम् ॥
tāṃ vṛkṣaparṇacchadanāṃ manojñāṃ; yathāpradeśaṃ sukṛtāṃ nivātām | vāsāya sarve viviśuḥ sametāḥ; sabhāṃ yathā deva gaṇāḥ sudharmām ||
English Translation
And as the celestials enter the hall entitled Sudharmă, they together with the view of dwelling in it, entered the mansion beautiful to behold, thatched with the leaves of trees, built at a convenient site, well-made, and keeping out the wind.
VR 2.50.21 वंशस्थम्
अनेकनानामृगपक्षिसंकुले; विचित्रपुष्पस्तबलैर्द्रुमैर्युते । वनोत्तमे व्यालमृगानुनादिते; तथा विजह्रुः सुसुखं जितेन्द्रियाः ॥
anekanānāmṛgapakṣisaṃkule; vicitrapuṣpastabalairdrumairyute | vanottame vyālamṛgānunādite; tathā vijahruḥ susukhaṃ jitendriyāḥ ||
VR 2.50.22 उपेन्द्रवज्रा
सुरम्यमासाद्य तु चित्रकूटं; नदीं च तां माल्यवतीं सुतीर्थाम् । ननन्द हृष्टो मृगपक्षिजुष्टां; जहौ च दुःखं पुरविप्रवासात् ॥
suramyamāsādya tu citrakūṭaṃ; nadīṃ ca tāṃ mālyavatīṃ sutīrthām | nananda hṛṣṭo mṛgapakṣijuṣṭāṃ; jahau ca duḥkhaṃ puravipravāsāt ||
English Translation
And having come to the charming Citrakuta and the river Mālyavatī furnished with excellent bathing places, and haunted by beasts and fowls, they rejoiced with glad hearts, and forsook the grief incident to their exile from the city.
← Previous (Ch. 125) Full Table of Contents Next (Ch. 127) →