Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 76

Bālakāṇḍa Sarga 76

बालकाण्डम् • सर्गः 76

Bālakāṇḍa Sarga 76 of the classical Vālmīki Rāmāyaṇa with 18 verses.

Total: 18 Verses • Citations: VR 1.76.1–18 • 175 Lexicon Terms
VR 1.76.1 अनुष्टुप्
गते रामे प्रशान्तात्मा रामो दाशरथिर्धनुः । वरुणायाप्रमेयाय ददौ हस्ते ससायकम् ॥
gate rāme praśāntātmā rāmo dāśarathirdhanuḥ | varuṇāyāprameyāya dadau haste sasāyakam ||
English Translation
When Parasurama departed, Rama, son of Dasaratha with a serene mind gave the bow along with the arrow to Varuna of immeasurable strength.
VR 1.76.2 अनुष्टुप्
अभिवाद्य ततो रामो वसिष्ठ प्रमुखानृषीन् । पितरं विह्वलं दृष्ट्वा प्रोवाच रघुनन्दनः ॥
abhivādya tato rāmo vasiṣṭha pramukhānṛṣīn | pitaraṃ vihvalaṃ dṛṣṭvā provāca raghunandanaḥ ||
English Translation
Thereafter Rama the descendant of the Raghus, paid obeisance to Vasishta and other rishis, and looked at his father who appeared agitated said:
VR 1.76.3 अनुष्टुप्
जामदग्न्यो गतो रामः प्रयातु चतुरङ्गिणी । अयोध्याभिमुखी सेना त्वया नाथेन पालिता ॥
jāmadagnyo gato rāmaḥ prayātu caturaṅgiṇī | ayodhyābhimukhī senā tvayā nāthena pālitā ||
English Translation
"Parasurama, son of Jamadagni, has gone. Let the four divisions of the army of which you are the commander proceed towards Ayodhya.
VR 1.76.4 अनुष्टुप्
रामस्य वचनं श्रुत्वा राजा दशरथः सुतम् । बाहुभ्यां संपरिष्वज्य मूर्ध्नि चाघ्राय राघवम् ॥
rāmasya vacanaṃ śrutvā rājā daśarathaḥ sutam | bāhubhyāṃ saṃpariṣvajya mūrdhni cāghrāya rāghavam ||
English Translation
On hearing the words 'Parasurama has departed' from Rama, king Dasaratha embraced him and kissed his forehead. The king, immensely happy, felt he and his son were reborn.
VR 1.76.5 अनुष्टुप्
गतो राम इति श्रुत्वा हृष्टः प्रमुदितो नृपः । चोदयामास तां सेनां जगामाशु ततः पुरीम् ॥
gato rāma iti śrutvā hṛṣṭaḥ pramudito nṛpaḥ | codayāmāsa tāṃ senāṃ jagāmāśu tataḥ purīm ||
VR 1.76.6 अनुष्टुप्
पताकाध्वजिनीं रम्यां तूर्योद्घुष्टनिनादिताम् । सिक्तराजपथां रम्यां प्रकीर्णकुसुमोत्कराम् ॥
patākādhvajinīṃ ramyāṃ tūryodghuṣṭanināditām | siktarājapathāṃ ramyāṃ prakīrṇakusumotkarām ||
English Translation
Thereafter, king Dasaratha directed his army to proceed speedily in advance. When he reached the city of Ayodhya it looked welldecorated with flags and banners. It resounded with trumpets. The royal highways were sprinkiled with water and strewn with flowers. It was filled with groups of people. Awaiting with delight the arrival of the king the citizens produced merry sounds with musical instruments.
VR 1.76.7 अनुष्टुप्
राजप्रवेशसुमुखैः पौरैर्मङ्गलवादिभिः । संपूर्णां प्राविशद्राजा जनौघैः समलंकृताम् ॥
rājapraveśasumukhaiḥ paurairmaṅgalavādibhiḥ | saṃpūrṇāṃ prāviśadrājā janaughaiḥ samalaṃkṛtām ||
VR 1.76.8 अनुष्टुप्
कौसल्या च सुमित्रा च कैकेयी च सुमध्यमा । वधूप्रतिग्रहे युक्ता याश्चान्या राजयोषितः ॥
kausalyā ca sumitrā ca kaikeyī ca sumadhyamā | vadhūpratigrahe yuktā yāścānyā rājayoṣitaḥ ||
English Translation
The king and his kith and kin were received with honour in a pleasing manner. Kausalya, Sumitra and Kaikeyi of slender waist and other women attending on the king were busy in receiving the new brides.
VR 1.76.9 अनुष्टुप्
ततः सीतां महाभागामूर्मिलां च यशस्विनीम् । कुशध्वजसुते चोभे जगृहुर्नृपपत्नयः ॥
tataḥ sītāṃ mahābhāgāmūrmilāṃ ca yaśasvinīm | kuśadhvajasute cobhe jagṛhurnṛpapatnayaḥ ||
English Translation
Thereafter the queens received the highly fortunate Sita, Urmila of high fame and both the daughters of Kusadhwaja, Mandavi and Srutakirti.
VR 1.76.10 अनुष्टुप्
मङ्गलालापनैश्चैव शोभिताः क्षौमवाससः । देवतायतनान्याशु सर्वास्ताः प्रत्यपूजयन् ॥
maṅgalālāpanaiścaiva śobhitāḥ kṣaumavāsasaḥ | devatāyatanānyāśu sarvāstāḥ pratyapūjayan ||
English Translation
With auspicious aricles in their hands, all the new brides who shone in silken apparels immediately went to temples and worshipped the family deities.
VR 1.76.11 अनुष्टुप्
अभिवाद्याभिवाद्यांश्च सर्वा राजसुतास्तदा । रेमिरे मुदिताः सर्वा भर्तृभिः सहिता रहः ॥
abhivādyābhivādyāṃśca sarvā rājasutāstadā | remire muditāḥ sarvā bhartṛbhiḥ sahitā rahaḥ ||
English Translation
Then all the princesses paid obeisance to those worthy of worship and entered their residence that resembled the palace of Kubera.Thereafter pleased with gifting cows, riches and corn to brahmins and satisfying them they joined their husbands and enjoyed themselves in privacy
VR 1.76.12 अनुष्टुप्
कृतदाराः कृतास्त्राश्च सधनाः ससुहृज्जनाः । शुश्रूषमाणाः पितरं वर्तयन्ति नरर्षभाः ॥
kṛtadārāḥ kṛtāstrāśca sadhanāḥ sasuhṛjjanāḥ | śuśrūṣamāṇāḥ pitaraṃ vartayanti nararṣabhāḥ ||
English Translation
All the princes who were best of men, great souls, incomparable in prowess on earth, capable of the use of weapons and endowed with wealth moved about with friends, serving their father and following his commands.
VR 1.76.13 अनुष्टुप्
तेषामतियशा लोके रामः सत्यपराक्रमः । स्वयम्भूरिव भूतानां बभूव गुणवत्तरः ॥
teṣāmatiyaśā loke rāmaḥ satyaparākramaḥ | svayambhūriva bhūtānāṃ babhūva guṇavattaraḥ ||
English Translation
In world the glorious and virtuous Rama armed with the power of truthfulness became the protector of the people like Brahma (to living beings).
VR 1.76.14 अनुष्टुप्
रामस्तु सीतया सार्धं विजहार बहूनृतून् । मनस्वी तद्गतस्तस्या नित्यं हृदि समर्पितः ॥
rāmastu sītayā sārdhaṃ vijahāra bahūnṛtūn | manasvī tadgatastasyā nityaṃ hṛdi samarpitaḥ ||
English Translation
With his heart fixed on Sita to whom he was always devoted, Rama, the wise went about enjoying with her (the beauty of) all the seasons.
VR 1.76.15 अनुष्टुप्
प्रिया तु सीता रामस्य दाराः पितृकृता इति । गुणाद्रूपगुणाच्चापि प्रीतिर्भूयो व्यवर्धत ॥
priyā tu sītā rāmasya dārāḥ pitṛkṛtā iti | guṇādrūpaguṇāccāpi prītirbhūyo vyavardhata ||
English Translation
Chosen by his father Sita became Rama's beloved wife with her virtue and beauty his affection for her grew further.
VR 1.76.16 अनुष्टुप्
तस्याश्च भर्ता द्विगुणं हृदये परिवर्तते । अन्तर्जातमपि व्यक्तमाख्याति हृदयं हृदा ॥
tasyāśca bhartā dviguṇaṃ hṛdaye parivartate | antarjātamapi vyaktamākhyāti hṛdayaṃ hṛdā ||
English Translation
For sita her husband was doubly dear. They were clearly communicating through each other's heart every thought generated in the mind.
VR 1.76.17 अनुष्टुप्
तस्य भूयो विशेषेण मैथिली जनकात्मजा । देवताभिः समा रूपे सीता श्रीरिव रूपिणी ॥
tasya bhūyo viśeṣeṇa maithilī janakātmajā | devatābhiḥ samā rūpe sītā śrīriva rūpiṇī ||
VR 1.76.18 वंशस्थम्
तया स राजर्षिसुतोऽभिरामया; समेयिवानुत्तमराजकन्यया । अतीव रामः शुशुभेऽतिकामया; विभुः श्रिया विष्णुरिवामरेश्वरः ॥
tayā sa rājarṣisuto'bhirāmayā; sameyivānuttamarājakanyayā | atīva rāmaḥ śuśubhe'tikāmayā; vibhuḥ śriyā viṣṇurivāmareśvaraḥ ||
← Previous (Ch. 75) Full Table of Contents Next (Ch. 77) →