Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 52

Bālakāṇḍa Sarga 52

बालकाण्डम् • सर्गः 52

Bālakāṇḍa Sarga 52 of the classical Vālmīki Rāmāyaṇa with 24 verses.

Total: 24 Verses • Citations: VR 1.52.1–24 • 175 Lexicon Terms
VR 1.52.1 अनुष्टुप्
एवमुक्ता वसिष्ठेन शबला शत्रुसूदन । विदधे कामधुक्कामान्यस्य यस्य यथेप्सितम् ॥
evamuktā vasiṣṭhena śabalā śatrusūdana | vidadhe kāmadhukkāmānyasya yasya yathepsitam ||
English Translation
Thus addressed by Vasiştha, that bestower of all that was desired, Sabala, O destroyer of your foes, brought forth everything that was desired by everyone.
VR 1.52.2 अनुष्टुप्
इक्षून्मधूंस्तथा लाजान्मैरेयांश्च वरासवान् । पानानि च महार्हाणि भक्ष्यांश्चोच्चावचांस्तथा ॥
ikṣūnmadhūṃstathā lājānmaireyāṃśca varāsavān | pānāni ca mahārhāṇi bhakṣyāṃścoccāvacāṃstathā ||
English Translation
Sugarcane, honey and fried grain, invigorating liquors in good containers, excellent drinks and varieties of food (were served).
VR 1.52.3 अनुष्टुप्
उष्णाढ्यस्यौदनस्यापि राशयः पर्वतोपमाः । मृष्टान्नानि च सूपाश्च दधिकुल्यास्तथैव च ॥
uṣṇāḍhyasyaudanasyāpi rāśayaḥ parvatopamāḥ | mṛṣṭānnāni ca sūpāśca dadhikulyāstathaiva ca ||
English Translation
Heaps of hot rice as high as mountains, savoury food, condiments and on abundance of curd, various kinds of soups, containers in their thousands completely filled with edibles with all six tastes and preparations made of jaggery (were distributed).
VR 1.52.4 अनुष्टुप्
नानास्वादुरसानां च षाडवानां तथैव च । भाजनानि सुपूर्णानि गौडानि च सहस्रशः ॥
nānāsvādurasānāṃ ca ṣāḍavānāṃ tathaiva ca | bhājanāni supūrṇāni gauḍāni ca sahasraśaḥ ||
English Translation
Heaps of hot rice as high as mountains, savoury food, condiments and on abundance of curd, various kinds of soups, containers in their thousands completely filled with edibles with all six tastes and preparations made of jaggery (were distributed).
VR 1.52.5 अनुष्टुप्
सर्वमासीत्सुसंतुष्टं हृष्टपुष्टजनाकुलम् । विश्वामित्रबलं राम वसिष्ठेनाभितर्पितम् ॥
sarvamāsītsusaṃtuṣṭaṃ hṛṣṭapuṣṭajanākulam | viśvāmitrabalaṃ rāma vasiṣṭhenābhitarpitam ||
English Translation
And, O Rāma, the tarry of Viśvāmitra being superbly entertained by Vasiştha, heartily filled, became exceedingly gratified.
VR 1.52.6 अनुष्टुप्
विश्वामित्रोऽपि राजर्षिर्हृष्टपुष्टस्तदाभवत् । सान्तः पुरवरो राजा सब्राह्मणपुरोहितः ॥
viśvāmitro'pi rājarṣirhṛṣṭapuṣṭastadābhavat | sāntaḥ puravaro rājā sabrāhmaṇapurohitaḥ ||
English Translation
And the royal saint, Viśvāmitra himself, together with the priests and Brāhmaṇas and the inmates of the inner apartment, was also heartily filled.
VR 1.52.7 अनुष्टुप्
सामात्यो मन्त्रिसहितः सभृत्यः पूजितस्तदा । युक्तः परेण हर्षेण वसिष्ठमिदमब्रवीत् ॥
sāmātyo mantrisahitaḥ sabhṛtyaḥ pūjitastadā | yuktaḥ pareṇa harṣeṇa vasiṣṭhamidamabravīt ||
English Translation
And being hospitably entertained with his courtiers and counsellors and retainers, he, exceedingly de-lighted, spoke to Vasistha, saying.
VR 1.52.8 अनुष्टुप्
पूजितोऽहं त्वया ब्रह्मन्पूजार्हेण सुसत्कृतः । श्रूयतामभिधास्यामि वाक्यं वाक्यविशारद ॥
pūjito'haṃ tvayā brahmanpūjārheṇa susatkṛtaḥ | śrūyatāmabhidhāsyāmi vākyaṃ vākyaviśārada ||
English Translation
Received and excellently entertained have I been by you, O Brāhmaṇa, who thyself art worthy of being honoured. Do you, O you conversant with speech, listen to me. I will tell you a word.
VR 1.52.9 उपजातिः
गवां शतसहस्रेण दीयतां शबला मम । रत्नं हि भगवन्नेतद्रत्नहारी च पार्थिवः । तस्मान्मे शबलां देहि ममैषा धर्मतो द्विज ॥
gavāṃ śatasahasreṇa dīyatāṃ śabalā mama | ratnaṃ hi bhagavannetadratnahārī ca pārthivaḥ | tasmānme śabalāṃ dehi mamaiṣā dharmato dvija ||
English Translation
Do you bestow on me Śabala for an hundred thousand kine. O worshipful one, verily this one is a jewel; and as it is the function of kings to acquire jewels, do you confer on me Śabala; for, O twice-born one, this one by right belongs to me.
VR 1.52.10 अनुष्टुप्
एवमुक्तस्तु भगवान्वसिष्ठो मुनिसत्तमः । विश्वामित्रेण धर्मात्मा प्रत्युवाच महीपतिम् ॥
evamuktastu bhagavānvasiṣṭho munisattamaḥ | viśvāmitreṇa dharmātmā pratyuvāca mahīpatim ||
English Translation
Thus addressed by Viśvāmitra, the righteous and adorable Vasiştha best of ascetics, replied to that lord of earth.
VR 1.52.11 अनुष्टुप्
नाहं शतसहस्रेण नापि कोटिशतैर्गवाम् । राजन्दास्यामि शबलां राशिभी रजतस्य वा ॥
nāhaṃ śatasahasreṇa nāpi koṭiśatairgavām | rājandāsyāmi śabalāṃ rāśibhī rajatasya vā ||
English Translation
O king, neither for an hundred thousand nor for an hundred Koți of kine, nor yet for heaps of silver, will I part with Sabala. O subduer of enemies, this one deserves not to be separated from my side.
VR 1.52.12 अनुष्टुप्
न परित्यागमर्हेयं मत्सकाशादरिंदम । शाश्वती शबला मह्यं कीर्तिरात्मवतो यथा ॥
na parityāgamarheyaṃ matsakāśādariṃdama | śāśvatī śabalā mahyaṃ kīrtirātmavato yathā ||
English Translation
O Suppressor of enemies Viswamitra it is not proper to separate this cow from me. The relationship between Sabala and me is permanent like the relationship between a righteous man and his fame.
VR 1.52.13 अनुष्टुप्
अस्यां हव्यं च कव्यं च प्राणयात्रा तथैव च । आयत्तमग्निहोत्रं च बलिर्होमस्तथैव च ॥
asyāṃ havyaṃ ca kavyaṃ ca prāṇayātrā tathaiva ca | āyattamagnihotraṃ ca balirhomastathaiva ca ||
English Translation
For havyam (oblations to gods) and kavyam (oblations to ancestors), for fulfilling the necessities of life, maintenance of the sacred fire and offering oblations to all spirits of created beings, and for offerings made to the Firegod I depend on this cow.
VR 1.52.14 अनुष्टुप्
स्वाहाकारवषट्कारौ विद्याश्च विविधास्तथा । आयत्तमत्र राजर्षे सर्वमेतन्न संशयः ॥
svāhākāravaṣaṭkārau vidyāśca vividhāstathā | āyattamatra rājarṣe sarvametanna saṃśayaḥ ||
English Translation
O Royal saint swaha and vashat and various branches of learning are all dependent on this cow. No doubt about it.
VR 1.52.15 अनुष्टुप्
सर्व स्वमेतत्सत्येन मम तुष्टिकरी सदा । कारणैर्बहुभी राजन्न दास्ये शबलां तव ॥
sarva svametatsatyena mama tuṣṭikarī sadā | kāraṇairbahubhī rājanna dāsye śabalāṃ tava ||
English Translation
All this is so: there is no doubt about it. Verily she is my all; and in her do I find my delight. And many are the reasons, O king, why I cannot give to you Sabala.'
VR 1.52.16 अनुष्टुप्
वसिष्ठेनैवमुक्तस्तु विश्वामित्रोऽब्रवीत्ततः । संरब्धतरमत्यर्थं वाक्यं वाक्यविशारदः ॥
vasiṣṭhenaivamuktastu viśvāmitro'bravīttataḥ | saṃrabdhataramatyarthaṃ vākyaṃ vākyaviśāradaḥ ||
English Translation
Thus addressed by Vasiștha, that one versed in speech, Viśvāmitra, eagerly rejoined.
VR 1.52.17 अनुष्टुप्
हैरण्यकक्ष्याग्रैवेयान्सुवर्णाङ्कुशभूषितान् । ददामि कुञ्जराणां ते सहस्राणि चतुर्दश ॥
hairaṇyakakṣyāgraiveyānsuvarṇāṅkuśabhūṣitān | dadāmi kuñjarāṇāṃ te sahasrāṇi caturdaśa ||
English Translation
I shall confer upon you fourteen thousand elephants decked in gold chains and gold neckornaments and hooks.
VR 1.52.18 अनुष्टुप्
हैरण्यानां रथानां च श्वेताश्वानां चतुर्युजाम् । ददामि ते शतान्यष्टौ किङ्किणीकविभूषितान् ॥
hairaṇyānāṃ rathānāṃ ca śvetāśvānāṃ caturyujām | dadāmi te śatānyaṣṭau kiṅkiṇīkavibhūṣitān ||
English Translation
I shall give you eight hundred chariots made of gold and decorated with small tinkling bells, each chariot yoked with four white horses.
VR 1.52.19 अनुष्टुप्
हयानां देशजातानां कुलजानां महौजसाम् । सहस्रमेकं दश च ददामि तव सुव्रत ॥
hayānāṃ deśajātānāṃ kulajānāṃ mahaujasām | sahasramekaṃ daśa ca dadāmi tava suvrata ||
English Translation
O Maharshi of auspicious vows I shall give you eleven thousand mighty horses of good breed born in good countries.
VR 1.52.20 अनुष्टुप्
नानावर्णविभक्तानां वयःस्थानां तथैव च । ददाम्येकां गवां कोटिं शबला दीयतां मम ॥
nānāvarṇavibhaktānāṃ vayaḥsthānāṃ tathaiva ca | dadāmyekāṃ gavāṃ koṭiṃ śabalā dīyatāṃ mama ||
English Translation
I shall give one crore young cows of various colours. Give me Sabala.
VR 1.52.21 अनुष्टुप्
एवमुक्तस्तु भगवान्विश्वामित्रेण धीमता । न दास्यामीति शबलां प्राह राजन्कथंचन ॥
evamuktastu bhagavānviśvāmitreṇa dhīmatā | na dāsyāmīti śabalāṃ prāha rājankathaṃcana ||
English Translation
Thus besought by the intelligent Viśvāmitra, that adorable one replied, saying, 'Oking, Śabala I will not by any means give.'
VR 1.52.22 अनुष्टुप्
एतदेव हि मे रत्नमेतदेव हि मे धनम् । एतदेव हि सर्वस्वमेतदेव हि जीवितम् ॥
etadeva hi me ratnametadeva hi me dhanam | etadeva hi sarvasvametadeva hi jīvitam ||
English Translation
This is verily my jewel: this is verily my riches: this is verily my all: this is verily my subsistence. And this is my Darsa,* Gifts to Brāhmaṇas on occasions of sacrifice. and this my Paurnamäsa, and this my various sacrifices with dakşiņās; and, O king, this my various rites. *Bi-monthly sacrifice, performed at change of the moon by persons maintaining a perpetual fire. A ceremony performed at the full moon by persons maintaining a perpetual fire.
VR 1.52.23 अनुष्टुप्
दर्शश्च पूर्णमासश्च यज्ञाश्चैवाप्तदक्षिणाः । एतदेव हि मे राजन्विविधाश्च क्रियास्तथा ॥
darśaśca pūrṇamāsaśca yajñāścaivāptadakṣiṇāḥ | etadeva hi me rājanvividhāśca kriyāstathā ||
English Translation
This is verily my jewel: this is verily my riches: this is verily my all: this is verily my subsistence. And this is my Darsa,* Gifts to Brāhmaṇas on occasions of sacrifice. and this my Paurnamäsa, and this my various sacrifices with dakşiņās; and, O king, this my various rites. *Bi-monthly sacrifice, performed at change of the moon by persons maintaining a perpetual fire. A ceremony performed at the full moon by persons maintaining a perpetual fire.
VR 1.52.24 अनुष्टुप्
अदोमूलाः क्रियाः सर्वा मम राजन्न संशयः । बहूनां किं प्रलापेन न दास्ये कामदोहिनीम् ॥
adomūlāḥ kriyāḥ sarvā mama rājanna saṃśayaḥ | bahūnāṃ kiṃ pralāpena na dāsye kāmadohinīm ||
English Translation
This, O king, is without doubt, the root of all my rites. And what need of dilating? This one bestowing everything that is desired will I not part with.
← Previous (Ch. 51) Full Table of Contents Next (Ch. 53) →